الدنيا رحلة هتعيشها (هذْي) [الأرشيف] - منتديات مسك الغلا

MADOOO.

10-20-22, 10:16 PM

دلوقت انا بس عرفت البحر بيضحك ليه
البحر بضحك خوف علشان عايش بيشوف
ناس تاخد منه الفرح وبتسيب له على الرمله حروف

MADOOO.

10-21-22, 11:19 PM

اللي مجاش والبيت كان ضلمه ميجيش لما النور يملاه

MADOOO.

10-21-22, 11:24 PM

ضحكت … فقالوا ألا تحتشم
بكيت … فقالوا ألا تبتسم
ابتسمت … فقالوا يرائي بها
عبست … فقالوا بدى ما كتم
صمت … فقالوا كليل اللسان
نطقت … فقالوا كثير الكلام
حلمت … فقالوا صنيع الجبان
ولو كان مقتدرا لانتقم
بسلت … فقالوا لطيش به
وما كان مجترئا لو حكم
يقولون شذ إذا قولت لا …..
وإمعة … حين وافقتهم ….
فأيقنت أني … أيقنت اني
مهما أردت رضى الناس … لابد من أن أذم

MADOOO.

10-23-22, 11:58 PM

خد بالك
جرعة الحب الزياده مش ضروري تجيب سعاده

MADOOO.

10-24-22, 11:18 AM

عزيزي
ياللي انت بتدور على الحب اللي نفسك فيه
بلاش تجري وراه لانه هيجي لوحده خايف ليه ؟
ومتفكرش هيجي امتى ومتزودش افكارك
بلاش تختار في يوم انت وسيب الحب يختارك

MADOOO.

10-24-22, 11:21 AM

بحبك يا امي :MonTaseR_205:

في عنيها مية مليون طريقه للبكا من غير دموع
ووجع غريب من كل نوع
لكن بتديني الدوا
هي اللي لو مرة اشتكت او يوم بكت
بتنزل دموعها منها على شكل قلب بينكسر

MADOOO.

10-25-22, 02:12 PM

صديقي
سيبك من اللي بيجمل مشاعره بس من بره
وشوف مين مهما تعمل فيه معاك عالحلوة والمره

MADOOO.

10-25-22, 02:32 PM

بنت حوا

حبي نفسك صوت وصورة
بيضا.. سمرا
بين بنين !
حبي نفسك اسم .. جسم
وشكل وش ولون عينين
حبي نفسك زي ما انتي ..
مش مهم السن كام ..
حبي نفسك صدقيني
كل شيئ هيكون تمام
حبي وزنك لو يزيد
بس حاولي تقليليه
مش عشانهم لاء عشانك
رأيهم هامّك في ايه؟!
وانتي مش مضطره خالص
تعرضي للناس مشاكلك
اللي يفرق صدقيني
بنت عن بنت "المعامله"
حبي نفسك وانتي تلقي
في المرايه الصورة كامله

MADOOO.

10-26-22, 01:27 AM

صديقي مساء الجوافه ممكن تسمعني ؟
هقولك نصيحتين
الاولى لو هتختار مابين الشاطر والمتربي .. اختار المتربي اللي يصون العيش والملح والاصول.
التانيه ربنا بيقلب الدنيا بين يوم وليلة .. وطول ما انت مربوط في معافرتك .. وصولك مسألة وقت مهما ضلمت ومهما قفلت .

MADOOO.

10-30-22, 12:14 AM

صديقي
في هذا العالم القاسي
ياتتصرف ككل الناس
يا تتصنف غريب مجنون !!

MADOOO.

10-30-22, 12:20 AM

الشتاء دا كان صاحبنا كنا ننزله الشوارع
والدفا جوا في قلوبنا كان شتاء من غير مواجع

MADOOO.

10-31-22, 01:06 AM

صديقي مساء الجمال
خليك تلميذ دايما
ابسط الاشياء ممكن تتعلم منها

MADOOO.

11-03-22, 05:45 PM

لحظه واحده بس قسمت عمري كله حتتين
عمري جوا عنيكي عمري عمري بعدك عمر مين ؟
واللي انا بقابله في مرايتي بسأله هو انت مين
حتى انا مبقتش نفسي انتي نفسي انتي فين ؟

MADOOO.

11-04-22, 12:39 AM

استوقفتي مقطع لام كلثوم بتقول
خاصمتك بيني وبين روحي وصالحتك وخاصمتك تاني
كل دا من غير الراجل ما يجي جنبها ولا عنده علم باي حاجه ^^

MADOOO.

11-09-22, 07:27 PM

وفكرة اكمل وانا مش معاه
مبتجيش في بالي كإن الحياه
خلاص واقفه عنده ورفضاني اعيش
وبفضل مكاني وبستناه
ليه كل مادا بلاقي اللي فات
مصمم ميقلبش ليه ذكريات
وبتأكد اني في غيابه مليش
نصيب تاني ارجع احس بحياه

MADOOO.

11-14-22, 01:09 AM

بنتقابل ونتكلم وايدي تتوه في ايدك لما بنسلم
وقلبي يدق 100 دقه يقولي احكي اقول لاء
لتمشي بعيد وتاني عنيا متشوفكيش

MADOOO.

11-19-22, 12:35 AM

عرفتك والجروح طفله وماشي والجروح عواجيز

MADOOO.

11-19-22, 11:53 PM

الله اكبر على قطر بجد حاجه تشرف كل مسلم وخاصة المسلم العربي
نتمنى يكون دا نهج العرب كلهم في التعامل مع المناسبات اللي نستضيفها

MADOOO.

11-21-22, 04:50 PM

لكل اتنين ميعاد مركون في علم الغيب يسميه البشر صدفه

MADOOO.

11-23-22, 12:11 AM

حبي ليك بعتبره ضعف مجاش لصالحي
حب دل الحزن على سكة ملامحي

MADOOO.

11-26-22, 01:21 AM

هادبحلك تنين

يالليل وكاتم على عقلي يا سواد تملي مبرقلي
وحياة سوادك صدقني قسماً بنضارتي ودقني
يوم ماتطاوعني وتعتقني صدقني لادبحلك تنين
تنين اكون انا نقيته من وسط مليون لجنابك
وقعدت وياه وصيته يكون حنون على انيانك
ساعة ماتاكله بسرعه يدووووووب
كما فينو معجون بمربي مخلوطه بالخمر الصافي
تنين على العز اتربى لا عمره جاع ولا طار حافي
تنين سمين لحمه يكفي تؤمر يجيلك متشفي
تشويه وتقعد متدفي تسهر تنقنق فيه بسرور
بس انت بس ياليلي تغور وتسيب عنيا تشوف النور

MADOOO.

11-30-22, 01:17 AM

اثبتت بعض التجارب ياما ناس متعوضوش
حته من روحك بتمشي لما يمشو من حياتك

MADOOO.

12-02-22, 01:25 AM

صديقي ...
لما تقابل واحد واحشك متسلمش وبس عليه
احضنه جامد مش هيكفي حضن ايديه
واما تكون مع شله صحابك اتصور على قد ماتقدر
علشان لما ملامحك تكبر تلاقيهم وياك
واما تحب تعشق حبك حب لاخر نبض في قلبك
حب في بعد حبيبك عنك حبو كإنه معاك

MADOOO.

12-02-22, 01:28 AM

لما تحس انك مخنوق، اصرخ من جواك ماتخافشي،
بص لفوق، علم قلبك انه يفوق.
لو مش عارف تسبح فكك،
سيب الشط لناسه وقوم.
عيش علــ الاخر.
نط في بحر مشاعرك عوم.

MADOOO.

12-08-22, 09:09 PM

اعراض ما بعد الفراق
ملهاش دواء ملهاش شفاء
بنموت من كتر الاشتياق
بس بيمنعنا الكبرياء

MADOOO.

12-25-22, 04:19 PM

بعد المثابره والمكابره والحزن والشحتفه
عن ضياع الحلم وفقدان من خسرونا
والتمسك بالمبدأ سنين كتيره ضاعت من عمري
تم التخلي عن كل ماسبق وكانت خطبة الصالونات هي النصيب
اسأل الله ان يملأ قلبي بالرضا

MADOOO.

12-31-22, 11:29 PM

يااجمل النغمات
اشتم عبيرك من بين ملايين النسمات
وفي خيالي
ارانا دائما نتراقص تحت القطرات
في شتاءٍ ممطر وسحاب الغيمات

MADOOO.

08-19-23, 03:40 AM

وانا ليه
في توهة الدروب
بشوفك في الغروب
وكل شيء جميل
واشتاق
لصوتك كل يوم
واكلم النجوم
وافضفضلك يا ليل

MADOOO.

08-27-23, 03:08 AM

انا بطولي انا خاني اوي فضولي
انا اللي بحب كل الناس مبستناش يحبوني

MADOOO.

02-22-24, 02:44 AM

دايما تيجي النهايه عكس اللي اتمنيناه
بعد ماتظبط حياتك على حد تكون معاه
تيجي الدنيا في ثواني تاخده بعيد عن ايدينا
ولا منه فضل معانا ولا منه غريب علينا