معقدة

[مشكلتي]

انا بنت ملتزمه واعرف حدودي لكن ينعتوني بالمعقده وان لازم اغير افكاري ينظرون لي بنظرات غريبه وكأن جايه من كوكب ثاني لان ماحب سوالف الطلعات الكثيره عادي فتره كبيره اجلس بالبيت ماطلع وصحبتي يسألوني اذا احب او حبيت ارد عليهم بالنفي يتعجبون حتى نفروا مني يقولون انتي معقده نفسك وجربي غامري اطلعي معهم بس بحدود وخرفنيهم عادي الدنيا كذا ماشيه وبعدين اذا ماطلعتي ورحتي وجيتي واخطلتي بالناس شلون يخطبونك ويدرون عنك اصلا والشباب يبغون البنت الفري حتى ينتقدون لبسي يقولون ماتعرفين تلبسين وهامله روحك ولا عندك اهتمام ولا اقبال للحياة روحي انتحري دنيا تطورت راح زمن ان بنت مالها بالفراره اعرفي شلون تجيبين راس الرجل واطلعي واعرفي طبعه الاهل مو كلشي يوفرونه ضغطوني من هالكلام لحد مادلوني على شات وقلولي جربي وشوفي جربت ودخلت بس شفت كلامهم زفت ومسبات واشياء فضيعه قلولي لاتهتمي سولفي مع الزينين لحد صار شهرين ادش بهالشات وتعرف علي شخص فيه اعترف بإعجابه بعد مده طلب يشوفني بس رفضت واحيانا يتعدى معي بالكلام بس اول شخص اكلمه هذا تعلقت به ماعجبني هالجو ابد قرفت وخررررجتت من هالشات وصحبتي قلولي انتي متعرفين تضبطي هم بتسلوا ونحن نتسلى على الاقل نستفيد بهدايا وكروت شحن واكل ونتسلى بدل المملل ونشوف دنيا انا ادري انو غلط كيف اقاوم كلام صحبتي وانصحهم

[M.ahmad]

إنتبهي من صديقات السوء لأنهن يحاولن إقتيادك معهن لمستنقع إذا دخلتيه من الإستحاله تخرجي منه بسهوله

نصيحتي خليك معقده مثل ما يشوفوك وماعليك من أحد

[بنت ابها]

بإختصار صديقاتك زبالة واللي بالشات ازبل من صديقاتك

انتبهي لنفسك واهرررربي عن صديقات كذا

اكيد الله بيصرفهم عنك لانك طيبة ونظيفة توكلي على الله

(احفظي الله يحفظك )

[العنقاء]

اولا كلام صديقاتك خطأ في خطأ الدنيا الفري والعيشة الي بلا هدف والقيم هي للناس الي باعوا الجنة بارخص ثمن

لذلك انت وضعك تمام التمام الله يحفظك ولسة الدنيا بخير

والي زيك من الملتزمات والعفيفات كثر بس انت اخترت الناس الخطأ انتبهي اتركيهم بعد ما تتركيهم لو جاتك وحدة تسالك ممكن تنصحيها على جنب لكن تجلسي وتنصحيهم مابينفع ابدا ..

تذكري الاية { قُل مَتاعُ الدُّنيا قَليلٌ وَالآخِرَةُ خَيرٌ لِمَنِ اتَّقى وَلا تُظلَمونَ فَتيلًا }




على فكرة المسلمات الي في الغرب وامريكا واروبا صحيح بيعشوا وسط مجتمع فري ومقرف بس ماوصلوا لقرف صحباتك :MonTaseR_159: لأنهم مسلمات بيعرفوا ليش ربي خلقهم وايش الغاية من وجودهم

لكن الي زي صحباتك على بالهم انخلقوا عشان يعيشوا زي البهائم اكرمك الله واجلك.{ اكل ومرعى ... } فري بجلدك وبدينك وبأخلاقك من وسط مايليق بك ابدا انت ارقى وارفع من هالنوعية :ورده:

[نجمة]

ملتزمة وتعرفي حدودك بس ملقية اذنك لكل من هب ودباقطعي تواصلك معهن يجيب الله بدلهن
وأخير منهن كمان

ايش بها المواضيع هنا تنتهي بنفس الحفرة
قابلت واحد
كلمت واحد
:MonTaseR_66:

[بنت ابها]

ايش بها المواضيع هنا تنتهي بنفس الحفرة
قابلت واحد
كلمت واحد






لان بعض البنات دايخة مو كلهم

وتلاقين في رجال بدون احساس وكرامه يجلس يركض خلفها يلهث لين يوقعها

الله يلعنهم في كل كتاب :MonTaseR_213:

[نجمة]

معرف حسيت انه الي يكتبها واحد زي ذا :MonTaseR_79:

[بنادول]

المصلح الله ..
شوفي الموضوع يعود لك..
ودك تصيرين انسانه في نظر نفسك والغير" رخيصه" بلاضمير ولاشرف وفي متناول كل من هب دب..
كملي..
ودك تكونين انسانه لها تقديرها وكرامتها وماتخجل من نفسها اذا ناظرت فالمرايا ..
ابتعدي عن هالجو واهله ...

وبس

[بنادول]

معرف حسيت انه الي يكتبها واحد زي ذا :montaser_79:

ههههههه اتفق معاك ..

[روحَ]

المؤمن الذي يخالط الناس ويصبر على أذاهم
خير من المؤمن الذي لا يخالط الناس ولا يصبر على أذاهم

خالطي البنات الطيبات فقط وتعرفي عليهم يمكن ينفعونك
وترا محد كامل ومافيه عيوب


أما الشباب لا تثقي فيهم أصلاً وأنت ما تعرفينهم

وترى نصيبك راح يجيك
مو لازم تروحين مكان وتتعرفين على حد

كثير بنات قاعدين ف البيت وجاهم نصيبهم
وعادي كل شي يجي بوقته
لا تسمعين كلامهم وتستعجلين وتغلطين

[صوفيا]

لانك كنتِ التقية بينهن
كان عليك من البداية
ترك هذه الشلة العفِنة
لأنك تعلمين
أن رمانة فاسدة
خربت كل الي حولها من الرمان
فما بالك برمانة صالحة وسط فاسدات؟!

[العـ(احمد)ـالمي]

قاعدة :

اي انسان صاحب معصية او عمل غير سوي
يحب يكون كل المجتمع اللي حوله مثله

اي انسان صالح وسوي يحب للناس مايحبه لنفسه
يريد ان يكون المجتمع اللي حوله مثله

عاد انتي اختاري اي انسان تتبعين

قال تعالى: ( واهديناه النجدين)

يعني طريق للخير وطريق للشر

وكل انسان يسلك الطريق اللي يبي

[عطر النَّدَى]

سأعطيك قاعدة سحرية ، بسيطة
تتكون من كلمتين لكن مفعولها كبير !
اللي قالك : أنتِ معقدة
ليكن ردك : أضف لها وأفتخر
أي معقدة وأفتخر
مع استخدام نبرة تأكيد !
واللي معجبتيه تفقصيه !
إياك والاهتزاز مع هذه النوعية
كلمة واحدة تكفي لتحجيمهم !
وإياك وخلق المبررات !
لا يبرر الا الضعيف وقليل الحيلة
وأنت في مركز القوة لا الضعف !
حطيها في بالك !

[صعفق طاش كندي]

معقدة امام الناس مطيعة لربك وحدوده

هذي أكبر نعمة

اهم شيء اللي بينك وبين الله
ولا الناس ماحد سالم منهم

عسى الله يبعد عنك من لايخاف الله ولا يخشى عقابه

[صعفق طاش كندي]

اغلب الناس في غفلة
واللي يصحى قلبه من هذي الغفلة

هذي بحد ذاتها نعمة كبيييرة

عارفة وش النعمة والمتعة في هذي النعمة
يوم تعرضين عن شيء اصحابك غرقانين فيه
وتقوليلهم اني اخاف الله
هذي نعمة يوم تشوفين الاغلب غرقان وبيغرقونك معهم
واتتي ثابته .. يحقلك تقولين ماحد قدي

هم يقولوا عنك معقدة ومانتي عايشة حياتك

لكن بنفس الوقت انتي بتلطمينهم على وجيههم
وبتخلينهم يخجلون على انفسهم
لايغرك كلامهم قدامك.. ترى يوم كل وحده تختلي بنفسها تفكر بكلامك .. لأن ماهما كان الإنسان عاصي
مايتمنى انه يموت على معصية

لايغرك طريق الحق لقلة سالكيه

عسى الله يحفظك ويحميك

[فزدوء]

.



"واصبر نفسك مع الذين يدعون ربهم بالغداة والعشي يريدون وجهه
ولا تعدو عيناك عنهم تريد زينة الحياة الدنيا
ولا تطع من اغفلنا قلبه عن ذكرنا وابتع هواه وكان امره فرطا" 28 الكهف


وفيما معنى الحديث الشريف،
(انما مثل الجليس الصالح وجليس السوء، كحامل المسك ونافخ الكير،
فحامل المسك اما يحذيك واما تبتاع منه واما تجد منه ريح طيبة،
ونافخ الكير اما يحرق ثيابك واما تجد منه ريج منتنة)


فـ .. احسني اختيار صحبتك وجلسائك :)

[جرح كبير]

عليك صحبه طايحه فيها .....ضحكتيني ......أستغفر الله

هو انتي اللي يقولك ارمي روحك في البير ترميها وين دينك وعقلك حاطتهم في الجيب ....أستغفر الله