مساجلة شعريه (تجديد)

[أعد النجوم]

السلام عليكم ورحمة الله وبركاته
مساءكم / صباحكم خير

الموضوع عبارة عن بيت شعر او قصيدة رح اقوله
واللي بعدي يكمل بآخر حرف من بيت الشعر الي قلته

وهكذا.

مثلا:

دع الايام تفعل ما تشاءُ
وطب نفسا اذا حكم القضاءُ

اللي بعدي يجيب بيت بحرف الالف
اتمنى تعجبكم وتتفاعلوا معها ....

[تراجِيدِيا]

.

.

.



أحقاً شِبتَ يا أحلى الشبابِ؟
وغطى الثلجُ رأسَكَ في غيابي
وظنَّ الناسُ أنَّكَ صرتَ كهلاً
بما ضيَّعتَ من عُمرٍ ببابي
فدعني أحضنُ الشيباتِ.. دعني
أُحدِّثُهنَّ عن شَيخِ الشبابِ
فحتى لو بلغتَ القرنَ عُمراً
فعشرينيُّ أنتَ على حسابي


• حذيفة العرجي




.

.

[ميهاف الفيصل]

يُفارِقُني مَن لا أُطيقُ فِراقَهُ
‏وَيَصحَبُني في الناسِ مَن لا أريدُهُ

[ريما عبدالله 20]

هو حبيبي بس حبيبي من بعيد :icon32:

[متأمل]

ً
ً
" دامه معي كل القرايب فانا حي
بالروح اضمه يوم قلبي ضنينيه
يا صاحبي لا تنشد الروح عن شي
انا حبيبي نور كل المدينه "

ِ

[ريما عبدالله 20]

هبّي يا نسمات الحنين البارده
لـ البرد بقلوب الحبايب ذكريات .

[تيه ..!]

تَبلَّجَ برَوْحِ اليأسِ أو رَوحةِ الغِنى
أو الصِّدقِ لي في الوعدِ أو طلبِ العُذرِ

فمَا لي تُقى يَحيَى ولا حِلمُ يوسفٍ
ولا صبرَ أيوبٍ ولا مُدَّةُ الخِضْرِ

[تراجِيدِيا]

.

.

.





‏ربِّ طال اللَّيلُ طال الوَجَعُ
لم يعُد في مُهجتي مُتَّسَعُ

حُلُمي طِفلٌ نَأى عن مَهدهِ
كلَّما حَاول يَخْطُو… يَقعُ !



.

.

[تيه ..!]

عسَى الَّذِي أَهْدَى لِيُوسُفَ أهلَهُ
وأعَزَّهُ فِي السِّجْنِ وَهُوَ غَرِيبُ

أَنْ يستجِيبَ لنَا فيجْمعُ شملنَا
فَاللهُ رَبُّ العَالَمِينَ قَرِيبُ

[أوتار الأمل]

بغيته وعياالوصل عنه وبعده قـام
يجند جيوش الصد بـ الهجر ويمـده

[ريما عبدالله 20]

هو حبيبي بس حبيبي من بعيد
لاعناق ولا مواصل ولا حتى لقى

[ميهاف الفيصل]

أجيك وهمومي كبيرات وثقال
‏وأروح وأنا وحدةٍ ما اعرفها

‏واللي جمعني فيك مافيه رجّال
‏" مشاعري على يديه يْغرفها "

[ريما عبدالله 20]

اللي يداري خاطرك كل ما ضقت
في ذمتي يستاهل " الحب كله " !

[ميهاف الفيصل]

هني من نام ليله على ماتمنى
‏لا كدّره طاري ولا هزّه الشوق

[ريما عبدالله 20]

قلبي يحبك
لو دروبك كلها تهاليك:نبض::نبض:

[أوديت]

،.

كم فى ورق عمري إنكتب آه ياليت
ودى تحقق أمنياتي وتجينى ..!!
:نبض:

[عمـر]

الوقت يمضي والمواقف سجلات
كلٍ يدوّن ما بغىَ في ... سجلّه

طبع الدهر بين إعتدالٍ وميلات
كم يوم نفرح به ويومٍ ... نملّه

اصبر ترىَ قرب الفرَج له دلالات
كم جاهلٍ يغفل عنه ... ما يدلّه

الكفوا يحذر ما يجي منه زلات
والا الردي ياكم تجي منه .. زلّه

[أوديت]

،.

هات صباح الخير معك وتعال
‏ أنا من البارح أجهز لك النور ..!

[عمـر]

رفيق المصالح مايباء غير راس المال
يدوِّر على مافي ٠٠مخابيك ويدينك

ولا غلّق اللّي معك ٠معاد عنّك سال
عساء ذلفته خيره ٠ولا تنشده وينك

رفيقك تراه اللّي لياء صك جالٍ جال
على ماتبيه حصان ٠ماتفقده عينك

وسيع البنايد كل ٠٠ ماقلت يارجّال
يقول أبشر وطبعه وسلمه على دينك

[أوتار الأمل]

كفوف النصيب تشح لا جادت الايام
ويمنى الظروف القاسيه راعية واجب

[ريما عبدالله 20]

بعض الكلمـآت تزرع فينـآ مشآعر
جميلـة تشبـه لطآفة أصحآبهـآ تمآماً ..

[أوديت]

،.

‏امشّي السالفة .. من طيب نيّـاتي
‏لو هـي على وجهها و الا مقفّـاها

‏مدامنـي صح .. لا افكـر ولا احاتـي
‏واللي نوا لي بـ نيّـة سـوء يلقاها

‏أشوف نـاسٍ تضاعفني من سكاتي
‏ماتـدري النفس عدّتها من رضاها

‏وأشوف ناسٍ تبي تكسر طموحآتي
‏و الحمدللـه أجيهـآ .. و أتعـدّاهـا ..!!

[أوتار الأمل]

أحيان اصلح علاقاتي على شاني
واحيان ما ارتاح لين اني اخربها

[ريما عبدالله 20]

احلامنا اللي من قبل كانت اكثار
ماعاد باقي بخاطري شي منها .

[أوتار الأمل]

أدور على وصلك .. لو أنّك تحب تغيب
أحآمي عن الماضي وأحافظ على الباقي

أسولف معك في كل حاجه .. بلآ ترتيب
كلآمي حقيقي و إشتياقي من أعماقي

[ميهاف الفيصل]

يارب واحد من عبادك بقلبي
‏وأنا أحبك واجد وأطلب شوي

‏عشان أيّ حاجة جميلة ياربي
‏عملتها في دنيتي، سخرّه لي

[متأمل]

ً
ً
يمكن يجي لك ويمكن لا
كذا الدنيا وكذا الاقدار


ِ

[ميهاف الفيصل]

راعي الهوى َمايحب اللي يعذلونه
‏ماهمه الناس مخطيها و صايبها

[متأمل]

ً
ً

الحلو فيك جمال روحك
والاجمل تطنيشك جروحك

ِ

[ريما عبدالله 20]

كنت أعتذر ولا أدري وش خطاي
كل همي كان إني .. ما أفقدك !

[متأمل]

ً
ً
" كل ابتسامه مهاجره
جات رجعت حق شفتي

كل الدروب الضايعه مني
تنادي خطوتي "

ِ

[ريما عبدالله 20]

يا صاحبي ما كل منقول مقبول
الله معك و استر على ما تواجه

انا خويّ اللي . خويّي على طول
ماني خويّ اللي / خويّي لـ حاجه

[عمـر]

هات غيم السوالف وانهمر لي مطر
وانت تدري لغيرك كل سمعي جفاف

[ميهاف الفيصل]

فليتك تحلو والحياة مريرة
‏وليتك ترضى والأنام غضاب

‏وليت الذي بيني وبينك عامر
‏وبيني وبين العالمين خراب

[ريما عبدالله 20]

بعض العرب غطى على ريحة العود
نظيف قلـــــب و خوته ترفع الراس".

[أوتار الأمل]

سنين أعيد السؤال ولا لقيت الجواب
ليه آخر الليل ياخذني لدرب الحنين

.
من قال أغرّد طرب ما ذاق طعم الغياب
أنا أغرد وفاء وأحيان أغرّد حزين

:


:MonTaseR_205:

[ريما عبدالله 20]

نور القمر واضح لو تغطيه الغيوم
والشوق يفضح صاحبه لو ما تكلم

[أوديت]

،.

ما عندي إلا قلب واحد ومسروق
والسّارق اللي سارقه جايز لي ..!:رجل خجول:

[غَـزل ،]

'





يا عيد أنا مولعٍ بصغيّر السنّي
‏لو مبسمه سم، قبلته وانا راضي

[متأمل]

ً
ً

يا عمري اللي راح والباقي
يا كل احساسي وكل اشتياقي


ِ

[ريما عبدالله 20]

يا زين صوته ياعرب ينعش الروح
و في كل حرفـن ينطقـه فيه بحـه

[غَـزل ،]

'





هبّي يا نسمات الحنين البارده
‏لـ البرد بقلوب الحبايب ذكريات .

(- الله يهديك يالله حصلت هـ :icon10:

[ريما عبدالله 20]

هههههههههههه


تبقى سر بين قلبي ومكاتيبي
يقرونك سطر وانت بداخلي دنيا..

[أوديت]

،.

أنت الحشيم العديم، النادر الناهي
وغيرك من الناس لا شفّي ولا لي به ..!!

[نرج ــسية]

’




هذي قوانين الصدف والأماكن
وهذي مقادير الزمان وظروفه
َ
تشوف ناس كثار صدفه ولكن
اللي تتمنّى شوفته ، ما تشوفه ..!

[ريما عبدالله 20]

هيَ الأماني تُرَوِّيني شواطئها
‏ما دمتُ أُبصرها تنأىٰ و تقتربُ
‏و القلبُ مَا دام بالرحمن ذَا ثقةٍ
‏فَكُلُّ شيءٍ بحُسْنِ الظَّنِّ يُجتَلَبُ

[نرج ــسية]

’




بلآ " آلدنيآ " تِفرق مَ تلـم ؟
كل يوم تآخذ وتمحي رفيق .!

آلعقول تبدلت و صآرت " عدم
وآلصدآقهَ تجي لَـ آهدآف وتغيب ..!

[الْياسَمِينْ]

بـهـــيّــاً كـان .. وضّــاءَ المــحــيّـا
يُـكـلِّـلُ حُـسـنَ طـلـعــتـه الـحَـيـاءُ
وكان حديـثـه يـنــســابُ عَــــذبـاً
وفـيـه لـكـلِّ مــســـتـمـع ٍ ثـــــراءُ

[ريما عبدالله 20]

اخاف عليك وخاطري زعلان منك
يهالقلب وين تلقى مثله

[غَـزل ،]

'




هذا أنت ولا حمرة الشمس و اليّم
‏ريح المطر .. ولا نسايم حنينك

[ريما عبدالله 20]

اكابر وأقول غيبته ما تهمني
وأنا لا جيت أنام مايطري على بال غيره

[غَـزل ،]

'




هاتها يابعد عمري بعد ناسها
‏ضحكةٍ ماربت بشفاك ماتنحسب

[ريما عبدالله 20]

بكره يمّر أحلىٰ من اللي نويناه
بكره تزين بعون ربّي و تمضي.

[حلم Lmح]

يـالعين وش بـك تـلومين الأيــام
بعض الليالي مر وياسرع ماتمر

[ريما عبدالله 20]

روحي تحبك غصب عني تحبك
والمشكله حبك بروحي جرحني
و إذا شكيت تقول وش كان ذنبك
ذنبي هويتك يوم حبك ذبحني

[حلم Lmح]

ياجمال الصمت في عز الكلام
‏وياجمال الكلمه اللي ف الصميم

‏أن لزمت الصمت ماتلقى ملام
‏وان حكيت المختصر وضعك سليم

[ريما عبدالله 20]

مااختلفنا بالقصايد ، والأغاني :
اختلفنا من يحب الثاني أكثر

[حلم Lmح]

رايق حبيبي يابعد عمري
رايق حياتي يانظر عيني

[ب د ر]

دام بوحك استمر


كان عندى قلب وبنص الطريق
اختنق من زحمه احلامه و طار

[حلم Lmح]

الحرف ياء < ياسي بدر

راقت لي احلامك وانفاسك وراق
الضحكه الـي لاضحكتيها أروق

[ب د ر]

الوقت هذا لادقق فيه :x37:


قلبى يحبه والمشاعر تناديه
وحبه غدا فرحه لباقى سنينى

[جنون عآبثهة]

يتعّبني اللي كل ما جيت اجاريه
بالطيب يسبقني ثمانين خطوة .

[ريما عبدالله 20]

هــات من احساس الوله بس بيتين
واجيك من طيب الاحاسيس شاعر

[حلم Lmح]

رحنا وجينا وفي الهوى صرنا اثنين
نضوي شموع الشوق ونروي ظمانا

[ريما عبدالله 20]

اخاف اجيك ويكسرني برودك
واخاف اتجاهلك وتظن إني ناسيك

[بوكيه ورد]

كنت أسامح وأسامح لين صرت ماأتحمل
الكلام اللي يزعل ويجرح نفسي ماتطيقه

[ميهاف الفيصل]

هيّف على البال رمشك وانت رمشك صدوق
‏مثل ما هيّف على الظلما صدوق الفجر

[شاهد عيان]

..

ربعي هل المسجد اللي فأول صفوفه
‏حتى لو ان بعضهم ما اعرف اساميهم

[أمل.]

ممتلي صدري كلام ولا عرفت اقوله
من يعبر عن شعوري .. بالنيابه عنّي .؟

[إشراق !]

يقول طاح الحطب وأقول في جوفي
‏حتّى الحطب من حرارة شرهتي رمّد

[ميهاف الفيصل]

دق صدره فـ الغروب وكان جايب
شمس ضحكاته فـ ليلٍ ما أطيقه

[أوديت]

،.

‏هو حنين الصبح يدفعني اجيك
‏ولاعيوني ماتبي غيرك صباح ..؟!

[أمل.]

حبيس الذكريات اللي وانا توّي
صغير وبيتنا مثل البشر من طين

فلا هو عالمي هذا ولا جوي
أنا المنفي من الماضي إلى هالحين!

[ريما عبدالله 20]

نخطي ونذنب وانتحجج بالاقدار
يا اقدارنا ربي يعينك علينا

نستر وراك الذنب ونقول باصرار
العيب فـالأقدار ماهوب فينا

[غَـزل ،]

‘




ان تجافينا قلبناها مراجل
‏وان تصافينا قلبناها محبة

[تيه ..!]

هي الأقدارُ قد كُتبت علينا
‏بأني لا أراكَ ولا تراني

‏فما لقياكَ شيء مُستطاع
‏ولا وصلُ الأحبةِ في يميني

[ميهاف الفيصل]

يا أغلى من الرزق الحلال اللي تجمع من شقا
‏وأصدق من دموع اليتيم اللي تساقط من قهر

[ريما عبدالله 20]

رح علم الليل قبل الليل لا يسري ..

خل العواذل على الفرقى تهنينا

[أمل.]

آه ما اقسى ليلة الفرقى الثقيلة
كن في صدرك جبل تعجز تشيله

لا الفجر قرّب ولا الليل يتسارع
و الوجع مليان و أعذارك هزيلة

أتلمس في ظلام الروح قلبي
و بيننا جدران و أعراف و قبيلة

ليلةٍ فيها المرايا تعتذر لي
و اختزلت العمر كله بظرف ليلة

عبدالملك الخربوش

[الْياسَمِينْ]

تُلامِسُ القَلْبَ بِالإِيمَانِ تَغْمُرُهُ
طَابَ التَّـنَاجِي وَحُبُّ الله حَادِينَا

[ريما عبدالله 20]

الجو غيم ودايم الغيم يشبهك
في طلتك في مبسمك في جمالك .

[ميهاف الفيصل]

كلّي بكلّك ممزوجٌ ومتصلُ
‏والنائباتُ التي تؤذيك تؤذيني

[ريما عبدالله 20]

ياصاحبي لاغاب منهو توده
خله يغيب واياك ترسل مراسيل

اللي يبيك صدقني قلبه يرده

[ميهاف الفيصل]

^ناقص "حرف اللام"




لا تحسبون الحب ضحكه مع بنت
‏ولاتحسبون أن النساء ماتربّوا

‏اللي هدم كلمة أحبك بـ هالوقت
‏أطفال شافوا الحب لعبة وحبّوا

[خياآل]

الحب كلمة تخدم العالم اجمع
لكن بعضهم روجوها لاهداف

خاطرة لحظية

[ب د ر]

انا كتبت اشعار واجد وغنيت
وانا على وصف الاحاسيس شاطر
يرقص براسى بيتن ورى بيت
على لحون السحابه والجو ماطر
ان اطربك لحنى مع الصوت حييت
والا اعتبر بوحى مجرد خواطر

[أوديت]

،.

‏ رحنا ضحايا سلوم وحطام عادات
‏لين إستوى ذنب الوصل والقطاعه ..!!


،.

[سحايب شماليه]

هناك أن جيت لك ما جيت بـ لحالي
‏أجي معّ شوقي الماطر وطوق أشعار

‏يا ريماس الحشا ، يا سيدة بالي
‏أنا من قبل أحبك ضايع ومحتار

‏يجيب الصبح طاريك وأنا سالي
‏فـ جرد وتمتلي الجرده نفل وأزهار

‏جمالك هو جمالك نادر وغالي
‏به مْن أهل الحسا وأهل الشمال أسرار


لشاعرها

[ريما عبدالله 20]

رغُم هذا الغياب .. مْجمّل ومشكور
أدوّر ضحكتك .. وتْدوّر : " آلامي "

شعوري بالغياب أصبح بدون شعور
أنا : ما احتاج لك .. محتاج لـ أيّامي

على حطّت غيابك : مابقى لي حضور
بقت لي ذكرياتك .. وأكثر " أوهامي

[الْياسَمِينْ]

ياراسي عليك من القصايد حرس و احصار
‏بحاصرك ليّن تجيب الابيات تاليها
‏
‏فلا تاخذ الهزله , ولا تاخذ التكرار
‏تحزم ب قافٍ يهلك الشعر , راعيها

[أوديت]

،.

أيّامه السود خلّت قلبه الأبيض
يصد عن كل حاجة .. خاطره فيها ..!

[سلطان الجبل]

عليك مافي خاطري شي ينقال
يالغايب اللي في عيوني مكانه
إرسل وتلقاني على خط الإرسال
ويجاوبك جزل القصيد وحنانه

[ريما عبدالله 20]

هــات من احساس الوله بس بيتين
واجيك من طيب الاحاسيس شاعر
فـــي ضلعي الأيمن غيوم و بساتين
وفــي ضلعي الأيسر حصاد المشاعر

[حلم Lmح]

رح قبل مـ الله يبيّن في عيونك قدري
‏خبّ ما باقي من احساسك وخلّه ذكرى
‏
‏ ولا تقول ان النصيب يصيب دامك تدري
‏بكرة ترا الدنيا تلهّينا ومن بعدها نبرى
‏
‏ادري ان البعد ماهو بـ اختيارك وادري
‏انك ابيض وجه لكنّ الليالي غبْرا

[ريما عبدالله 20]

اعـطـيـك من نـبع الـقصائـدرسالـة
مـكـتوب فيها انت من دون غـيـرك
انت الوحيـداللي مـلـكـني لحـالـه
ارفـق على قـلبي وراعـي ضمـيـرك

[حلم Lmح]

كلن يدور على الغالي ونا أدور عليك
‏عليك ياللي غرامك هدّني من علو

‏أبيك لو قال لي قلبك سيدي ما أبيك
‏ومحتاج منك ألو أقصى طموحي ألو

‏وما دام أني أشوف الضحك في شفتيك
‏ما همني من لفو وما همني من سلو

[ريما عبدالله 20]

ودعتك الله مابقى شي ماينقال
الا انك اجمل حدث في حياتي .

[ب د ر]

نمشى على الجو الى
يسعدنا حتا لو به ضيقه

[حلم Lmح]

هناك أن جيت لك ما جيت بـ لحالي
‏أجي معّ شوقي الماطر وطوق أشعار

[ريما عبدالله 20]

روحي تحبك غصب عني تحبك
والمشكله حبك بروحي جرحني
و إذا شكيت تقول وش كان ذنبك
ذنبي هويتك يوم حبك ذبحني