استفسار

[مسكك الغلا]

السلام عليكم ورحمة الله وبركاته


اسعد الله جميع اوقاتكم بالمسرات ..


عندي استفسار اللي مجربين وعندهم خبرة استخدام

.. البيت دور واحد مو ذاك الارتفاع
الخزان العلوي فايبر سعته ١٠٠٠
كنا مركبين دينمو سمنان كبير شارينه تقريبا من ١٠ سنوات .. خرب الفترة اللي راحت وصلحناه كلفنا تقريبا ٤٠٠ ريال .. جلس كم يوم وخرب مره ثانية
ومعروف دينمو سمنان الكبير دفعه قوي وافضل مو زي الصغار يطول مايتعبى الخزان لكن سعر الدينمو من ٩٠٠ وانتم طالعين


ناس نصحوني بالغطاس مو هذاك الكبير لا
غطاسات البيوت اسعارهن بين ٢٠٠ إلى ٣٠٠
ابي الي عندهم خبره من خلال التجربه ايهم افضل الغطاس او الدينمو

https://b.top4top.io/p_2583zi8x20.jpg

https://c.top4top.io/p_2583ki9wn1.jpg

[طاغي النظرة]

!

الغطاس طيب
لكن مايدفع اكثر من ٣٠ متر
لكن افضل من الدينمو خاصه التنسيم

وفيه حساس اذا خلص الماء عنه يفصل الكهرباء

لكن جربت ثلاثه للاسف خربن ولالهن تصليح يعني اشتر وارم زباله



لكن فيه دينموات حقات المسابح حلو وعملي

[مسكك الغلا]

الف شكر اخي طاغي

دينمو سمنان مع عوامه مريحنا سنين لكن لما خرب بلشنا
صلح مره والمره الثانية قالو لازم تغيير
الغطاس ماعندي فيه خبره بس قالو الناس انه اقل تكلفه وماله صوت ف عشان كذا استفسر لان مؤكد البعض جرب استخدامهن

[NEWF DESIGN]

أهلا
لستُ مختصا..لكن أقترح مضخات scala سكالا
إرتفاع بعضها يصل إلى 60 متر
فيها حساس فليست هناك حاجة لعوامة
سعر بعضها كهاتين
1 (https://al-sultanco.com/products/%D9%85%D8%B6%D8%AE%D8%A9-%D8%B3%D9%83%D8%A7%D9%84%D8%A7-2-%D8%AC%D8%B1%D8%A7%D9%86%D8%AF-%D9%81%D9%88%D8%B3)
2 (https://www.noon.com/saudi-ar/water-pump-scala-2-with-control-screen/Z1CB294C14A117B79BD62Z/p/?o=z1cb294c14a117b79bd62z-1)
حوالي 2000
لكن هناك اقل سعر منهما
خاصة أنكم لا تحتاجون إلى رفع عال…
بالإضافة إلى أن خزان 1000لتر ليس بمخزون كبير…
فسوف يمتلئ سريعا ولا تحتاجون ضغط كثير

[مسكك الغلا]

وماهو الحساس هل يقوم بما تقوم به العوامه حيث ينطفي مع امتلاء الخزان العلوي ..

[M.ahmad]

والله يامسك الغلا أنا أنصحك بدينمو ( شمسان ) أصغر حجم
سعرها 250 ريال أو في هذا الحدود
دينمو عمليه وتخدم معك
ولكن أنتبهي عند شرائها بأن تكون الأصليه 100٪‏ لأن هناك نوعية تشبهها تقليد

أنا بنفسي اسخدمها في بيتي ومركبها في الخزان الأرضي في مكان مفتوح بدون ضلال ، ومن سبع سنوات وهي تتعرض للمطر والرياح وحرارة الشمس وما شاء الله لازلت شغاله بدون مشاكل
والله تكسر ديكورها الخارجي ولازالت تعمل على العوامه

لا وأزيدك من الشعر بيت
البير الإرتوازي عمقه 40 متر في الأرض إنحرق علي الغطاس وإستبدلته بدينمو شمسان الصغيره
تخيلي دخلت الدينمو الشمسان داخل البير حدود 38 متر ورغم الحراره والضيق داخل البير إشتغلت عليها حدود سنه بعمل شبه يومي ساعه متواصله لسقي المزرعه ، صحيح دفعها ضعيف عكس الغطاس ولكن كانت نتيجة الدفع مرضيه وسدت الحاجه بدون أي عطل .

[حفيد الأكابر]

الغطاس حلو وعملي وخرابه قليل
لكن مادام تقولين بيتكم دور وسعة
الخزان ١٠٠٠ لتر ما يحتاج قوة ضخ
بالسوق فيه دينمو إيطالي نص حصان
كنت استخدمه برش العماير سعره معقول
ويافي بالغرض أنا مجربهن وكلهن زينات
لكن الدينمو يعيبه يعبي هواء وكل فترة
يبي له تغيير شخال الي تحت الماسورة

[خياآل]

الفترة اللي فاتت معظم الدينموات خربت من الامطار اللي جتنا وهذي مشكلة راحت تتكرر كثير
في بيتي غطاس له سبع سنوات بدون مشاكل ليتني اعرف نوعه حتى اسميه لك
اتوقع الدينمو صار شيء من الماضي
ويلزم الاتجاه للغطاس معا انه تقنية قديمة في المزارع
بس دوري على الاصلي وعليه ضمان
موفقه خير يامسك

[مسكك الغلا]

شاكرة لكل من افادوني بتجاربهم
شكرا لكم :ah11: