كيف تواجه المشاكل والضيق بالحياة؟

[زهرة الثلج]

السلام عليكم ورحمة الله وبركاته،

كيف تواجه المشاكل وخاصة المؤلمة بالحياة ؟

طبعا هنالك امور كتيرة اذا مارستها ، اذا ما راحت المشكلة بذاتك. فإن شاء الله بتخف.
التدريب التفكيري لمواجهة المشاكل متل الرياضة لتخفيف الوزن وجسم صحي. كذلك هو التدريب الصحي للتفكير السليم لمواجهة الألم النفسي او الضارّ


* توقع الاسوأ.. ! لانه اذا صار الاحسن، رح بكون متل مفاجأة لنا.
الشخص يلي يتوقع الوقوع ع الارض مثلا بكون شعوره بالصدمة والألم أخف من الشخص يلي ما يتوقع الوقوع وبالعكس يكون مفكر الطريق آمن ...!


يتبع.......

[زهرة الثلج]

https://a.top4top.io/p_2596rm22u0.jpg (https://top4top.io/)

[زهرة الثلج]

* لا تخللي ردود الناس تحبطك.
ثق بنفسك..
رضا الناس غاية لا تدرك.
وقبل ما تحاسب حالك وتلوم نفسك وتضايق...هل هم حاسبو نفسهم كمان؟ هل اعترفو بأغلاطهم ؟ ..

اذن انسا..

للعلم في فرق بين التعلم من الاخطاء والاعتراف فيا بينها وبين نفسك، والوقوف على اللوم المؤلم الدائم والحسرة والقلق المبالغ..!

..

[زهرة الثلج]

= واتذكر شغلة ، موضوع ردود الفعل من الناس موضوعه كبيرر.
لكن باختصار اتذكر انه اغلب ردود الفعل وخاصة اذا طاقة سلبية من الناس بتكون من ناس جاهلة او عن حماقة منها .
فلا تحط نفسك بدونية وبمستوى وتتأثر من هؤلاء الناس.
هل تحب تقلق من ردة فعل من ( ناس جاهلة ) ؟
حتى الامراء والملوك قد تصدر منهم ردود فعل جاهلة وحمقاء !
حتى ذوي الشهادات العالية .حتى الاسلام اخبرنا انه في ناس رغم شهاداتها العالية لكن ليس ليسوا ناس مثقفة وحضارية فعلا....

الغيرة والحقد وسوء الظن، مزيج بكتير من الناس وحتى لو كانو ذوي مناصب وشهادات..

فلااا تتأثر. واهتم بنفسيتك ومبادئك طالما تثق انك عم تعمل صح !

ما في داعي للتفاصيل( بعض المبادىء يختلف عليها العلماء ) فلا تقف عليها..
اهتم بالمبادىء الكبيرة والاخطاء الكبيرة بس.

اما المبادىء يلي يقف عليها اثنان، ادعو ربنا " اهدنا الصراط المستقيم، صراط الذين انعمت عليهم، غير المغضوب عليهم ولا الضالين ". آمين!

[زهرة الثلج]

* من جهة تانية ،

انك تحط الشغل مثلا هدف بحياتك وليس شخص. والا بتتعب.
شو رح يعمل لك هالشخص شو المستقبل رح يأمنه لك ؟

+ ما تنسى تخللي الشغل مكان جميل ، مش كأنك رايح ع السجن والا ع تعب ..
مثلا :

انا هلاء بالشغل بشوف مين زملائي يلي بنبسط معهم..

في مثلا ٣ او ٤ بضايقوني = بحاول اتجاهلهم واحترمهم قدر الامكان.

زميل او ٢ او ٣... = يييايي موجود كيفن وماريا و كلوديا واوسكار.
هدول بنبسط معهم .. بخللي يومي ممتع حتى بتمنى ساعات الشغل ما تخلص وانا معهم - رغم عم نشتغل.... :)
وهكذا....!

[زهرة الثلج]

* هنالك شيء اسمه : " اقلب الصفحة".
كل ما تجرفك الذكريات الأليمة، حاول ان تقلب الصفحة سريعا..
اقلب الصفحة الى صفحة بيضاء.. صفحة جديدة.

مهما مهما مهما حدث في الماضي ( لا يمكن محيه! )
اذن .. حاول ان تتذكر الحاضر والمستقبل.
فكرر بشيء جديد.. شيء يسعدك.

* ونقطة مهمة " غالبا انتظر (( الوقت )) "..

الوقت ثم الوقت ثم الوقت..
هو اغلب عامل لتضميد الجرااح.
وايااك ان تعترف انك يائس او معك اكتئاب ..
حتى لو كنت تبكي ليل نهاار وخصوصا تلك مشاكل فقدان المحبوب.

هنالك ابناء يفقدون امهاتهم او يتغربون.
هل فقد الحبيب اغلى من فقد الأم ؟

لكن مع (( الوقت..ثم الوقت )).. = اذا ما نسيت حبيبك كلّه، بتنساه نصّه ..ان شاء الله !!

[صفصف]

بـــــــارك الله فيــــك
في ميزان حسنـــاتك
جميـــل ما قدمـــه قلمـــك
من افكــار واقعية
وتلميحات مفيدة

[بنت السعودية77]

اهتم بنفسيتك ومبادئك طالما تثق انك عم تعمل صح
صح جدا كلامك