أمل.
02-13-23, 11:48 PM
الليل حالك والمساري موحشة والدرب خوف
والذكريات أشياء يستعصي عليّ إتلافها
أثر الأماني وارفات ظْلال دانية القطوف
والأمنيات أكثر ما يخشى الحالمين ! إسرافها
على رصيف الصبر ملّ المنتظر طول الوقوف
وين الحياة ؟ اللي تخيّلت ! ولمحت أوصافها
حسبي على من دمّر آمالي وأنا عيوني تشوف
كم بسمة ٍ كانت طمأنينة وصرت أخافها
رُحماك يا غفّار يا ملجأ عبادك يا رؤوف
يا مجري الأقدار هبني من لدنْك ألطافها
أنا رواية حلم منسيّة على غبار الرفوف
أنا قضيّة تطلب مْن أهل العقول إنصافها
أنا قصيدة عشق ما مرّت على قلب العيوف
أنا أراضي جِرد ما غاث السحاب أطرافها
لي روح تبحث عن سكينتها من إرهاق الشفوف
يا مِثقلين اللوم روحي فاقده ميلافها
لي قلب ما عادت تسلّيه إبتسامات الهنوف
ولا القدود المترفات المايسات أعطافها
ياللي تزعّلك المواعيد وتراضيك الصدوف
وش يرضي اللي جاته الحاجة بعد ما عافها ؟
لا تبتئس لا خانك الواقع وعادتك الظروف
الناس من عاشر رماديها ظلم شفّافها
كم زلةٍ من صاحبٍ طافت !! لو إنها ما تطوف
وكم هقوةٍ كبّرتها راحت !! مراح أسلافها
شفت الحقيقة يوم حطّيت النقط فوق الحروف
بعض الحقايق ! ودّك إنْ المنصدم ؟ ما شافها
لحدٍ يعاتبني ويا معاتبني إنْ عاتبت ! روف
مشاعر الجافين ما أحب أكسب استعطافها
للمتألق جداً
- سعود مهدي
والذكريات أشياء يستعصي عليّ إتلافها
أثر الأماني وارفات ظْلال دانية القطوف
والأمنيات أكثر ما يخشى الحالمين ! إسرافها
على رصيف الصبر ملّ المنتظر طول الوقوف
وين الحياة ؟ اللي تخيّلت ! ولمحت أوصافها
حسبي على من دمّر آمالي وأنا عيوني تشوف
كم بسمة ٍ كانت طمأنينة وصرت أخافها
رُحماك يا غفّار يا ملجأ عبادك يا رؤوف
يا مجري الأقدار هبني من لدنْك ألطافها
أنا رواية حلم منسيّة على غبار الرفوف
أنا قضيّة تطلب مْن أهل العقول إنصافها
أنا قصيدة عشق ما مرّت على قلب العيوف
أنا أراضي جِرد ما غاث السحاب أطرافها
لي روح تبحث عن سكينتها من إرهاق الشفوف
يا مِثقلين اللوم روحي فاقده ميلافها
لي قلب ما عادت تسلّيه إبتسامات الهنوف
ولا القدود المترفات المايسات أعطافها
ياللي تزعّلك المواعيد وتراضيك الصدوف
وش يرضي اللي جاته الحاجة بعد ما عافها ؟
لا تبتئس لا خانك الواقع وعادتك الظروف
الناس من عاشر رماديها ظلم شفّافها
كم زلةٍ من صاحبٍ طافت !! لو إنها ما تطوف
وكم هقوةٍ كبّرتها راحت !! مراح أسلافها
شفت الحقيقة يوم حطّيت النقط فوق الحروف
بعض الحقايق ! ودّك إنْ المنصدم ؟ ما شافها
لحدٍ يعاتبني ويا معاتبني إنْ عاتبت ! روف
مشاعر الجافين ما أحب أكسب استعطافها
للمتألق جداً
- سعود مهدي