الطريقة الصحييحة لتعامل مع الاخ

[مشكلتي]

السلام عليكم ورحمة الله وبركاتة


أسعد الله مساءكم بكل خير انا في هم مايعلم فيه الا الله

الوالد متزوج من حرمة ثانية وكل أهتمامة وحبة لها ولعيالها لي أخو من أبوي عمرة 24 سنه عاق ويتكلم على الوالد ويرفع صوته وقليل حياء صراحة

اول مرة سمعت صوت هواشهم وجيتهم وكنت مشحون منه مرة عشان أسلوبة وضربته وطلبت لة الشرطة بتهمة عقوق ولكن بالاخير الوالد قال لا خلاص مانبي نكبر الموضوع

تكلمت مع الوالد وفهمته وقلت خليه يعيش حياته زي مايبغى لا تردة عن شيء لانه صعب تغير تفكيرة

الي حصل الوالد يحاول يمنعه مايخرج ومشتري له سسيارة ويرفض يعطيه فلوس ويرفض يعطيه مفتاح سيارته وردة فعل الولد اتجاءه تنقلب عصبية ورفعة صوت
أسمع هواشهم كل يوم ماني عارف اش اسوي معاه

الوالد يقول خليهم مالك ومالهم
انا فعلا ماهمني لانه مافيه خير لا أهلة فكيف بيكون فيه خير لي تاركة ماتكلم معاه بس سلام وكيف الحال

بس مارضى أبدا على ابوي وما ارضى بعد هالعمر يجي ورع يتكلم عليه ويتلفظ علية با أبشع اللافاظ

الولد مصاب بسكر ومايفهم لاحد يقول تفاهم معاه
مايفهم أبداً ولسانه طويل بس اي كلمة جلس يصرخ وينافخ ويسمع الحارة كلها صوته
ويقول انا رجال مالكم شغل ومحد يتحكم فيه

الاب كيف المفروض يتعامل معاه وانا كذالك

[رَوْحٌ]

مصاب بالسكر عالجوه وراح يتغير
ترى المرض يزيد الصفات السلبية

بس سؤال هالولد كيف تربى ؟

إذا من صغره ما تربى صح
ف بمثل هالعمر
طبيعي تكون ردة فعله وشخصيته مثل كذا
وراح تتعبون معاه كثير

واضح يبي يثبت نفسه
وهالمرحلة الكل يمر فيها بس مو بنفس الشدة

وترى تفكيره عاطفي الحين ومستوى وعية منخفض
لما يعقل بيتغير تفكيره وتصرفاته بتتغير تلقائياً


أنا عن نفسي أخواني اللي أصغر مني
بمثل هالمرحلة كنت ما أحط راسي براسهم
وأطنش كثير وأبعد عن الجدال وأتحملهم وأتحمل عصبيتهم

ومن نفسهم لما كبروا تغيروا وتجاوزا هالمرحلة
وخلاص صاروا أهدا

[بنت أبها]

؛

ماكان الرفق في شئ الازانه ومانُزع من شئ الا شانه

مادري صراحة ماعندي خبرة بهالمواضيع
بس اي احد يكلمني بحنية وحُب اسمع منه
خاصه اخواتي
واي وحده ترفع صوتها عليا لايمكن اسمع لها
فبناء على تجربتي مع اخواتي

اقولك قرب من اخووك وحن عليه واحتويه
حسسه بحبك وحنانك ولطفك واحتسب في ذلك الاجر وبر لوالدك
لاتخلون ولدكم يدور الحب والاحتواء خلف جدران بيتكم

كذا اشوف انا
والله يصلح مابينكم ويألف بين قلوبكم ويحننكم على بعض


وسلامتك

موفقين

؛

[M.ahmad]

في البدايه عليك أن تعي بأن هذي نتيجة تربيته منذ الصغر
الأب زرع في شبابه والآن هو يحصد في كبره

والكتاب واضح من عنوانه
مادام أبوه مشتري له سياره فأكيد متربي على أن يعتمد على الغير في كل أمور حياته
وإذا قل تلبية هذا الإعتماد رفع صوته وربما مد يده

ولكن بما أن الولد في العشرينات من العمر أفضل حل معه معاملته معاملة الكلاب حتى يعود لحجمه الطبيعي
ومعاملة الكلاب هنا هي : ( الطرد من البيت بعد سن البلوغ )

لأن بمجرد طرده من البيت وتجرعه لمرارة الشارع وحيداً سيتعلم كيف يعتمد على نفسه ويصبح ولداً صالحاً مع الأيام

نعم قد يسرق وربما قد يفعل مصايب ولكن إذا إندق خشمه سيعقل تلقائياً ويندم على أفعاله

قد يختلف معي الكثيرين في مسألة الطرد
ولكن صدقوني لا يوجد حل إلا هذا الحل لأن التعامل يكون مع رجل مكتمل الأركان وليس مع طفل يستطاع السيطره عليه
لان مثلاً :
إذا زوجناه تحت مسمى ( زوجوه بيعقل ) لن ينجح في زواج
وإذا وضفناه لن يستقر أو يفلح في وضيفه
بل سيظل عاله

الولد إذا مارباه أهله يربيه الشارع وإذا مارباه الشارع يربيه السجن .

تنويه : لا تسبوه أو تلعنوه أو تنفرون منه إذا كنتم لا تستطيعون طرده ، بل كررو الدعاء له بالهدايه في خلواتكم .

[زهرة الثلج]

هلاء انا يلي بعرفه من دراساتي والتجارب ، انه المنع للابن بهيك حالة رح تزيده تمرّد وعصبية أكتر.
وكل ممنوع مرغوب.

ما بلاقي انه حلّ أبدا انه يمنعه. وتخلو الابن براحته.

لو انا بدل الوالد شو بعمل :

رح بترك ابني ع راااحته.
لانه هيكي اخلاق منه للاسف ( منعه بتزيده اصرار اكتر وتمرد اكتر ).
ما رح يفهم.

متل يلي لازم يتعلّم من كيسه!

يعني بصير مثلا خبره : يا ابني ليش تطلع هلاء الوقت متأخر ( الاغلب ما رح برد ورح يطلع مع اصحابه بالليل مثلا ).
هون انا بالاسلام والاخلاق ، عم بعمل يلي عليّ ، عم بنصحه..ووقتها ذنبه ع جنبه. عمره 24 سنة. مش 4 سنوات. بالغ عاقل .

اتركوه يعمل يلي بدياه. وادعو له ( الدعاء ضروري ).

انصحوه واتركوه = لانه منعه ولو كان لصالحه ١٠٠% لكن ما رح يفهم. ورح يتمرد اكتر. ( ونحن ما بدنا نفرض السيطرة كوالدين، بدنا مصلحته بالنهاية )
بعض الوالدين للاسف، بيعملو هالشغلة من باب بدهم يفرضو السيطرة= شغلة نفسية منهم لانهم بحسو هيدا ابنهم وخرج عن تربيتهم + بدهم الافضل لهم ... ( ومفكرين لمصلحته ) وكل ما له الامر بيزيد نتايج سلبية اكتر لردود الابن للاسف.


لو كنت انا بدالك كأخ شو بعمل !

بعامله بكل محبة وسلاام.
لكن اشبه بمعاملة رسمية.

ومااا احاول ادخل بنقاش يغيظه اكتر ولو قريت له القرآن الكريم كله بغاية نصحه. طالما هو بباله شغله، خلص اتركوه.

انت انصحه باختصاار ،كمان فرجيه بصمت انك متألم تجاهه وخصوصا اذا اصدر قرار ما يعجبكم. ( باختصار وبالحسني وبس )


والدعاء كمان مرة...
الله يكون بعونه والله يهديه يا رب.

بتمنى تنصلح اموركم والصبر عليه.

..

[رَوْحٌ]

على فكرة ترى هذا الولد شخصيته قيادية
وما يحب يكون تابع
ويكره التحكم والسيطرة وأسلوب الأمر

ويمكن أنه ذكي وشاف وعرف أخطاء اللي أكبر منه
ف ما صار يثق فيهم وما يبي يسمعهم
ويشوف نفسه هو الأفهم والأذكى ويعرف يتصرف بدونهم

اتركوه يتعلم من التجارب
لأن هذا نوعه يتعلم من التجارب

وف النهاية بيتلعم من تجاربه أكثر من اللي تعلمه ف المدرسة

بس ادعوا له أن الله يحفظه ويهديه
عشان ما يطيح ف مصيبه بسبب عناده وتهوره

وبصراحة أشوف اللي يكون قيادي أحسن من اللي يكون تابع
الشخص التابع ما عنده شخصية ولا راي
يمشي ورا غيره بدون تفكير وهذا شي سلبي

بكرة زوجته ما راح تتقبله إذا كانت شخصيتها أقوى منه
ويمكن تحتقره وتعامله كأنه خادم

[نجمة]

بدأت موضوعك بأنه الوالد اصلا ظالمكم
يعني وكأن الفرصة جاتك من السماء لما سمعت مشاكلهم
عشان تجيب الشرطة وتفضح اكثر من انك تحل المسألة !!

ي تقع رجال وتصاحب أخوك وتفهم منه وتبطل حركات التدخل الكاذب و محاولة فرض سيطرة
وكأنك تقول لوالدك انظر الفرق بيننا

بإختصار الولد عاصي ومتمرد وقليل ادب ووالدك ما عرف يربيه
غالبا في الزواج الثاني الأب يتزوج وهو اكبر سنا ويربي
وصبره اصلا معاد هو زي قبل فلا يربي جيدا
لا تغرك الفلوس والدلال الي هم فيه
فأنت في صغرك تدللت مثلهم وأكثر
ع كلا تصالح مع وضعك وهم لا تتدخل فيهم ابدا ابدا
لأنك انت الي بتخرج مشتوم
وسلامة فهمك

[جرح كبير]

السلام عليكم ورحمة الله وبركاتة
وعليكم السلام ورحمة الله وبركاته

أسعد الله مساءكم بكل خير
واسعد يومك بكل خير وفرح

الوالد متزوج من حرمة ثانية
هذا شرع الله وبدل الثانيه اربعه

وكل أهتمامة وحبة لها ولعيالها
اذا كان كله ومقصر معاكم ياويله من ربي واذا كانت هي مساهمة في هذا ياويلها من ربي

لي أخو من أبوي عمرة 24 سنه عاق ويتكلم على الوالد ويرفع صوته وقليل حياء صراحة
لأنه ماتربى صح لو تربى صوته مايرفعه عليك حتى انت هذا مش مراهق حتى نقولوا طيش ...هذا أعتقد بكر أمه وأخذ الدلع منها حتى وصل إلى هذا الحد

اول مرة سمعت صوت هواشهم وجيتهم وكنت مشحون منه مرة عشان أسلوبة وضربته وطلبت لة الشرطة بتهمة عقوق ولكن بالاخير الوالد قال لا خلاص مانبي نكبر الموضوع
كيف تجيب له الشرطه ؟ هذا اخوك وسندك وسمعته من سمعتك تبي الناس يقولوا أخوه جاب له الشرطه ويجلسوا بيكم في المجالس ...عليك حاله وخلاص...
لكن الغلط مش منكم من أبوكم الي ماعرف يربيكم ولا عرف يعدل في تصرفاته بينكم وسبب في كرهكم لبعض والحمل في قلوبكم علي بعض ......هذه كارثه حتى يصير له شيء تنسوا بعضكم وكل أحد يمشي في حاله ولا كأنه يعرف الثاني ..... بجد كارثه

تكلمت مع الوالد وفهمته وقلت خليه يعيش حياته زي مايبغى لا تردة عن شيء لانه صعب تغير تفكيرة
انت قلبك يطاوعك تخلي ضناك في الشارع يسرح ويمرح ويضيع بين يديك ويلعبوا بيه الصياع والضياع ؟...قلبك يقوى ؟ ابصم لك بالعشرة ولا واحد في الميه تقدر .....زي مايحبك انت يحبه هو لأنكم اكباده. .


الي حصل الوالد يحاول يمنعه مايخرج ومشتري له سسيارة ويرفض يعطيه فلوس ويرفض يعطيه مفتاح سيارته وردة فعل الولد اتجاءه تنقلب عصبية ورفعة صوت
أسمع هواشهم كل يوم ماني عارف اش اسوي معاه
الولد مصاب بسكر ومايفهم لاحد يقول تفاهم معاه
مايفهم أبداً ولسانه طويل بس اي كلمة جلس يصرخ وينافخ ويسمع الحارة كلها صوته
ويقول انا رجال مالكم شغل ومحد يتحكم فيه

ولأنه مصاب بالسكر الوالد اعتقد خايف عليه وأعتقد أمه هي الي تشحن في أبوه وتقوله لاتخليه يطلع بالسيارة ....لأنه لو أمه موافقه مايصير هذا كله .....ويقول انا رجال لأنكم محسسينه بالنقص ومافيها أحد يخفف عليه حتى انت ضده....

الوالد يقول خليهم مالك ومالهم
انا فعلا ماهمني لانه مافيه خير لا أهلة فكيف بيكون فيه خير لي تاركة ماتكلم معاه بس سلام وكيف الحال....

اصلا انت أهله ....ليش الأخوة حتى الي من نفس الأب وآلام كارهين بعضهم قصص تمر عليا لين أحزن ويأكل في حقوق بعضهم وبالسنيين مايكلموا في بعضهم .....
قبل فترة شوفت مقطع فيديو لشايب كبير في السن واخته حتى هي عجوز....جالسه في السيارة أمام بيت اخوها ومادخلت جاها اخوها وسلم عليها وبكوا لين شبعوا من البكاء وأبنائهم واحفادهم يتفرجوا عليهم بعدها تفرقوا ومشت السيارة ......هو وهي كبار في السن بينهم وبين القبر شعره ...كملوا حياتهم في البعد عن بعض واكيد لأمور دنيويه تافهه ماتعوض الأيام الي تفرقوا فيها وكانوا محتاجين بعض فيها.....لكن خلاص الزمان مايرجع والوقت مايرجع .....

بادر انت بالتقرب من اخوك وسانده وحسسه بحبك وحتى لو عندك شيء في قلبك عليه حاول تتخلص منه وتدعي ربي انه يحنن قلوبكم على بعض ....اخوك مريض ومحتاجك وماعنده أحد غيرك .....الي بتعمل مع اخوك بتلقاه في أبنائك مسقبلا .....غيروا المعامله مع بعض حتى لما تتزوجوا زوجاتكم وأبنائهم ماينفوا بعضهم البعض ويكرهوا بعض لأنك انت واخوك اصلا تكرهوا بعض لهذا غير المعامله وحاول تصحح كل شيء غلط عمله أبوك.......

انا عندي عم من جدي الله يرحمه ما أعرفه حتى في وفاة الوالد الله يرحمه ماحضر...... الله يسامحهم ويرحمهم جميعا

[هيراا]

وعليكم السلام ورحمة الله وبركاتة
أولا احب اقولك أن انت أساس المشكلة
* انت بأي سلطة تمد ايدك علي أخوك :schmoll:
وكمان جبت له الشرطة زي أي مجرم :MonTaseR_68: الله يهديك بس .. انت عملت جريمة وبنيت حاجز كبير بينك وبينك وقطعت كل خيوط التفاهم
الأخ الكبير هو اللي بيعرف ازاي يحتوي المشاكل ويكون ملجأ لأخواتة اللي اصغر منه .. يكون حمامة سلام بينه وبين والدية لو غلط عليهم أو تطاول .. مع الأسف انت بمد ايدك فقدت المكانة دي

عموماً .. اخوك يفتقد الثقة بنفسه وشايف أنه قليل بينكم وأنكم مش بتحترموه .. وكمان بتحرموه من حقة زي السيارة اللي الوالد جابهاله وبعد كده اخد مفاتيحها منه ...

انت أبدا معاه .. انسي انك اخوه الكبير .. قوله تعالى نقعد في مكان سوا عايزك في موضوع مهم واقعد واتكلم معاه وخلي اول جملة تقولهاله انسي اني اخوك الكبير اعتبرني صديقك وتعال نفتح مع بعض صفحة جديدة وقبل أي حاجة اعتذر منه انك في يوم من الايام مديت ايدك عليه .. وعرفة انك بتخاف عليه وانك بتحبه وأننا ممكن نكره أفعال الشخص إنما مستحيل نكرهه هو شخصياً .. حاول دائما يكون كلامك إيجابي معاه وبيعطية دفعات ثقة .. وحاول تسمع منه بقدر الإمكان هو محتاج يفضفض وان شاء الله تقدر توصل لقلبه ويكون لك محل جواه
علشان كده بيفرغ شحنات غضب عليكم

[غَـزل ،]

'




سالفتك ذكرتني بشخص اعرفه
من هو بالمتوسط الى الثانوي وعلاقته مع ابوه بحالة تضااد
الفرق بينه وبين اخوك ان اخوك ترفه لكن هو كانت علاقته مع ابوه مو كويسه
وبهذل ابوه وامه معاه من جميع النواحي
لكن سبحان من هداه وطبع الهداية بطريقة من دعوات امه


الهداية من الله سبحانه مهما تعددت اساليب التربية

ونصيحة خل والدك يكرر هذى الايات بنية صلاح الابن ..

1)
قال تعالى : { رب أوزعني أن أشكر نعمتك الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَصْلِحْ لِي فِي ذُرِّيَّتِي إِنِّي تُبْتُ إِلَيْكَ وَإِنِّي مِنَ الْمُسْلِمِينَ } ( سورة الأحقاف : 15) .


2)

(رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا ﴾.

[خياآل]

المشكلة عند ابوك
يخاف من اخوك ومايقدر يوقفه عند حده
حاولي تفكري بطريقة تقوي بها ابوك تخليه يرجع لهيبته ويسيطر على الوضع
حاولي ان تتحدثي مع اخوك ان هذا ليس دليل على الرجولة بل دليل على ضعف الشخصية وان عقوق الوالدين موجب لغضب الله وذكريه بفضله عليه وانه سبب وجوده وان رضا الله من رضا الوالدين
والدعاء سلاح
والله يألف بينكم