اعيش صراع نفسي مع اخواتي.

[مشكلتي]

مساء الخير
والدي ووالدتي توفاهم الله
واخواتي ينظرون لي على اني لا افهم وقرارتي خطأ
انا بنت واعيه ومدركه لما افعل
كل اجتماع وكل جلسه
اجد نقد لاذع من اخواتي
انا احبهم واحتاجهم واسكت كثير لكلامهم الجارح
لكن الفتره الاخيرة وصلت للحد اللي يآلمني كلامهم
اخواتي يبغون يلغون شخصيتي
ويقررون في مواضيع مصيريه لي
ك خاطب لي غير مناسب وانا اللي بعيش معه
اخواتي يشفونه مناسب
انا ماشوفه مناسب وغير مستعجله على الارتباط
اشوف العمر قدامي وماينفع اتسرع في الارتباط لانها حياة
مو نزهه وبرجع منها
وكلام اخواتي الجارح صار ياثر بنفسيتي جداً
يصير لمن احتك باي احد انفجر كاني بركان
نصايحكم كيف اتخطى تجريح اخواتي وسيطرتهم
كيف اقنعهم اني لي شخصبة وكيان ورأيي وهذي حياتي
ومالهم الا نصيحة يقدمونها بدون تجريح
وشكرا لكم مقدماً .

[رَوْحٌ]

كلامهم ما راح يجرحك إلا إذا أخذتيه بحساسية
دامك مقتنعة بتفكيرك خليك واثقة

أو فكري بكلامهم يمكن يكونون صح
ترى حتى لو أصغر منك يمكن نظرتهم صح
كثير أخواني وخواتي الأصغر مني يقولون كلام
وعادي أتقبله ويكون صح وأمشي على رايهم عادي
بس لو ما اقتنعت ما أسوي شي

وأقول لهم مابيهم يتدخلون ومب مقتنعة

[الخواف]

ك خاطب لي غير مناسب وانا اللي بعيش معه
اخواتي يشفونه مناسب
انا ماشوفه مناسب وغير مستعجله على الارتباط
اشوف العمر قدامي

من حقك ترفضين الغير مناسب لك .....وأنا عارف انك قايلة هذا الكلام كمثال ...


وعلى فكرة إذا جاك أحد مناسب لك لا ترفضينه بحجة ان العمر قدامك .... لأن مش كل مرة راح يجيك خطيب مناسب .....

....

[العنقاء]

مساء الفل يا جميلتي :ورده:



شوفي ياقلبي لاتاخذيها من باب يلغون شخصيتك
ويشوفونك صغيرة.. خذيها من باب الاخوات الكبار بمقام الامهات
اكيد يبون مصلحتك ويحسون انه راحتك مع عيشتك مع شخص يهتم فيك ويخاف عليك. بدل ما تجلسي لحالك.. هم يشوفون انه دا الصح ويجبرونك عليه...

الي عليك تقولي ابشري وباستخير.. استخيري ياختي ويش وراك 🙂 وعادي ردي بعدها وفكري بالموضوع مرة ومرتين وثلاث وقولي فكرت واستخرت..


بديهي الام تشوف ان امان مستقبل بنتها بزواجها
نفس الشي الاخوات الكبار فلذلك لا تجعلي للشيطان منفذ بعقلك
ولا بقلبك ولا تزعلي بالعكس خذي نقاشهم ورايهم عبارة عن نوع من انواع اهتمامهم فيك


وهذه وردة لك :MonTaseR_222:

[رَوْحٌ]

ويقررون في مواضيع مصيريه لي
ك خاطب لي غير مناسب وانا اللي بعيش معه
اخواتي يشفونه مناسب
انا ماشوفه مناسب وغير مستعجله على الارتباط
كيف قررتي أنه مو مناسب
شفتيه ؟ ولا بس من الكلام اللي سمعتيه عنه ؟

ترا لازم نظرة شرعية

من النظرة يبين و إما يصير قبول أو لا
وترى ماله علاقة بجماله بس القبول من الله

أعرف ناس كانوا رافضين موضوع الإرتباط
بس بعد النظرة الشرعية غيروا رايهم لأن صار قبول

وإذا ما تقبلتي ولا حد عادي هذا نصيب
قولي لهم نصيب وكل شي له وقت

في وحدة أعرفها كانت دايماً ترفض
وأمها تحاول تقنعها توافق بس مافي فايدة
ما كان في قبول
بس ف النهاية لما جاء الشخص المناسب وافقت على طول
وصار قبول وكل شي تيسر من الله

[شَغَف]

خذي الأمور بسلاسة ومن باب أن إخوتك لهم نظرتهم للخاطب كما لك نظرتك له
وبالأخير الموضوع راجع لك إما قبلتِ أو رفضتِ.

ونصيحتي لك بهذه الفترة
لا تبيني لهم أي ردة فعل لأنها غالبًا ستكون عدائية
حاولي تنعزلي مع نفسك لفترة تعيدي ترتيب نفسك وأفكارك
حاولي -لفترة بسيطة فقط- انك ما تختلطي فيهم كثير،
اجلسي اقرأي قرآن اقرأي كتب اسمعي بودكاست اعملي رياضتك اخرجي..الخ
إلى ان تهدأ نفسك تمامًا ناحيتهم..

الحساسية مؤذية للشخص الكتوم -وأعتقد انك كذلك-
قراراته وحكمه على كل من حوله تصبح غبية جدًا معها..

[أمل.]

مرحبا فيك
واضح انو انتي الاخت الصغيرة
شوفي إذا في وحده من خالاتك
ممكن توضح لهم نظرتك للامور
لأن مشكلتك صايرة معي
لكن انا طويلة لسان
والعالم ماتبي تبلش معي
لذلك ياتتعلمي اللامبالاة
ولاتغفلي عن انهم اصحاب تجارب
لذلك الاستشارة زينة
والتطنيش ازين
والاستخارة حل لكل امر ضبابي
والله يرحم والديك

[جرح كبير]

الله يرحم والديك ويغفر لهم ويجمعك بهم في الجنه....

مانعرفوك ولا نعرفوا اخواتك ولا نعرفوا ظروفكم وحياتكم ومع من تعيشوا و وين اخوانك من كل هذا لو عندك إخوان ......بما انك قلتي العمر أمامي ومش مستعجله معناها انتي مرتاحه نفسيا....لكن مع هذا ظروفك مانعرفوها ....

ب اعطيك نصيحه بصفه عامه حياتك انتي مسؤوله عليها كل صغيرة وكبيرة في حياتك بترجع عليك انتي بسلب أو بالايجاب....وكل إنسان وظروفه وشخصيته وتفكيره وحياته .....لهذا اختاري أسلوب حياتك بطريقتك انتي أهم شيء بما يرضي الله .....الدعاء هو السلاح صدقيني

أتذكر مرة صار لي ضغط من الأهل على الزواج والشخص مانبيه وما قدرت أتصرف ولا قدرت أقنع أحد مع اني افرض في نفسي في كثير أمور لكن هذا الموضوع عجزت بمعنى الكلمه .....
قعدت يوم كامل اقول في دعاء الاستخارة وما استسلمت ومشت الأمور ومازال ادعي ما استسلمت ابدا ولله الحمد....في آخر لحظه انتهى كل شيء.....الدعاء نعمه انعمها ربي علينا هو يعلم الي في خاطرنا وشنو نتمنوا ونبوا لكن يبينا نتقربوا منه ونطلبوه ونكلموه ب إخلاص وصدق وقلب حاضر في الدعاء وانتي تدعي خليك على يقين بأنه بيستجيب لك بإذنه سبحانه .....وحتى لو الشيء الي طلبتيه ما اعطاه لك معناها منعه لك خير انتي ما تعرفيه ومع مرور الوقت وحتى الزمن تكتشفي بأنه خير أراده ربي لك ....لهذا دائما اطلبي ربي وادعي
اخواتك احترميهم وفي نفس الوقت لا تخلي أحد يطمس شخصيتك أو ينهيها دائما خليك قد المواجهه واعطاء الرأيي

وربي يفتحها عليك حبيبتي ويرزقك الزوج الصالح الي يكون أب وسند واخ ويرزقك ربي كل ما تتمني

[ahmed 22]

لو قلت لك اخواتك أدري ويخافون عليكٍ مثلا
سيكون هذا مجرد استنتاج
لأنني لا اعيش بينكم ..
وسترين ايضا أن هذا طغيان علي شخصيتك وتفكيرك ..

اولا
اعيدي تعريف كلمة جارح في قاموسك
هل فعلا يجرحونك ؟

أم أنهم بحكم أنكي اصبحت مسؤليتهم
الأمر يمثل ضغط عليهم مثلك ايضا
لأنكي أمانتهم بعد وفاة الوالد والوالدة ..

وبالتالي هم أيضا مشوشون مثلك
في احكامهم وربما يرون أنكٍ مثلا في مرحلة تمرد
من حياتك ويحاولون بشكل ما ايصالك إلي بر الأمان..
لأن افكارهم تجتمع .. عكس افكارك وحيدة بشكل ما ..
وبالتالي تشعرين بالقهر والظلم غالبا ..
هم ايضا مخطئين لأنهم لم يستطيعون
التواصل معك او فهمك ..

ولكن في النهاية الكل يخطأ
اعيدي تعريف المعاني التي تظنين فيها
أنها تمثل اضطهاد لشخصيتك
او محاولة السيطرة علي حياتك ..
بعد المعطيات البسيطة السابقة
التي ذكرتها لكي

ثم اسمعي منهم .. واحكمي ..
وستجدين نفسك تستطيعين ان تقولين الكلام المناسب
قد يكون لصالحك .. وقد تستطيعين التأثير في ارائهم
إن فهم اخوتك انك تستوعبين مشاعرهم
وحجم مسؤليتهم الآن ..

ر بنا ييسرلك الحال

[هـمـس]

..








لاحظت الكل تقريبا بصف الخوات

لا نتكلم بمثاليه فيه اخوان او خوات كبار يبغون يلغون شخصية اللي اصغر منهم

اما صاحبة المشكله قراراتك المصيريه لا تسمحين لاحد يتدخل فيها لا اخت ولا اخ

محد بياكلها غيرك اذا ودك ترفضين ارفضي واذا بتوافقين وافقي

خليك قراراتك من راسك واهم حاجه الاستخاره

الله يكتب لك الخير








..