سوال للرجال فقط

[مشكلتي]

هل ممكن ان الواحد يحصل زوجه في الزمن هذا

كما أخبر الرسول صلى الله عليه وسلم عن صفات

الزوجه الصالحه

ولا الحريم كلهم واحد حننات شكايات


لا يطبخون لاضيف ولا زوج

[M.ahmad]

كل قرينٍ بالمقارنِ يقتدي

نصيحتي إذا تريد تعرف الفتاه الصالحه من الطالحه على حقيقتها ركز على طريقة أرتدائها لعبائتها وحجابها أمام الغرباء ، لأن العبائه والحجاب خير معبر عن نية كل فتاه بل كتاب مفتوح عن كل فتاه

لن أشرح الطريقه ولكن إن كان همك الأول هو الصلاه في وقتها ستفهم

[متأمل]

ً
ً

وش هالسؤال المخرفش :0005:
اكيد اللي يبي شي راح يلقاه
انت بس ركز على راعية الدين وبس
وراح تظفر بكل شي فيه

المهم لا تكثر مشاهده للتك توك وغيره
عشان ما يصير عندك تصور
بان الكل مثل اللي بالتك توك

والاهم انت براسك تكون صالح ونافع
مو تكون ضايع وحالتك حاله
وتبي وحده صالحه وبنت بيت

لزوم تكون على اقل تقدير متوسط
يعني تصلي وتجتنب الكبائر
لاحظ قلت الكبائر ما قلت الذنوب
لان كلنا مذنبين ومقصرين

المهم ادع الله بكل اخلاص
ان يرزقك الزوجة الصالحة
ويرزقك اسعادها ويرزقها اسعادك
ويجمع بينكم في خير وعلى خير


ِ

[الخواف]

شوف وانا أخوك ....كل الرجال يتمنوا اللي أنت تتمناه ...إلا القلة القليلة اللي لا يعتد بهم ولا يقاس عليهم ولا يستشهد بهم ..



المهم ادعو الله وتوكل عليه ..وافعل الأسباب ...


1- قبل كل شي انظر لطريقة حياة أهلها ...لأن ممكن ما تناسبك طريقة حياتهم رغم انهم محترمين ...

وبرضو انظر لأسلوب أهلها في تربيتهم وتعاملهم مع بناتهم ....


2- وبرضو شوف لباس البنت هل هي ( عباية على الراس مقفلة من قدام ... وتلبس جونتي على ايديها ..يعني قفازات ) ..رغم ان العباية على الراس وتغطية اليدين ..أصبح هذا الشي شبه معدوم عند الحريم في وقتنا الحاضر ...


3- وبرضو احرص على اللي راكدة ورزين في المجالس والمناسبات ...في تصرفاتها وكلامها ولباسها ....




طبعًا هذي الأمور ماراح تعرفها عن البنت إلا عن طريق وحدة من خواتك اللي تثق فيها وفي تفكيرها .....



وخلينا صرحاء مع بعض .... أنا وأنت وغيرنا ..كل واحد فينا يعرف بنات الحارة اللي حنا ساكنين فيها ....( يعني نعرف ان بنات فلان شريرات ولسانهن طويل ....ونعرف ان بنات فلان طيبات وهاديات ....ونعرف ان بنات فلان لو تزعل الوحدة منهن تاكل اللي قدامها بقشوره ...وبنات فلان كل يوم والثاني في السوق ولا زيارات عند فلانة وعلانة ....و...و..الخ ..)......يعني بنات الحارة مكشوفات ....وما تتعب في البحث عن المناسبة لك .. ...

لكن لو ما حصلت شي في الحارة ...راح تتعب في البحث برا الحارة عن المناسبة لك ....






خلاصة كلامي :

الرجل في زواجه الأول يبحث عن وحدة طيبة وبنت حلال ...

وزواجه الثاني يبحث عن وحدة دلوعة ولهلوبة على الفراش ....






المهم ياعسل لا تتنازل عن رغبتك هذي ......ابحث برجولك وايديك عن الحرمة الملتزمة المتفهمة لأمور الحياة الزوجية المتقلبة ...



والحريم الطيبات موجودات بكثرة ... بس أهم شي حتى أنت تكون طيب معها ...لأنها هي نفس الشي تتمنى تتزوج واحد طيب ابن حلال ...



على فكرة أنا أقولك هذا الكلام ...لأن الكلام سهل ....

[شباصة منحاشة]

محد حنان غيرك ، الحين عشان تطبخ البنت ، لازم تكون انت تقدر تشتري ذبيحة ، وتذبحها وتصلخها لحالك ، وتفصلها ، ماعندك هالكلام خليك على شاورما واندومي ، وكثير بنات صالحات بس عيونك ماتشوف الا الاشياء اللي مثلك ،

[جلجامش]

يا عزيزي لاتنخدع بالمظاهر

فاللباس صحيح هو معيار مهم واساسي لكن اللباس ربما يكون حسب التقاليدو العادات

في هذا الزمن انت تريد الزواج للطبخ وخدمتك فقط
نحن في زمن الاغلب اصبح مستقل تقريبا فالنساء نسبة كبيرة موظفات ومنهم من وصل للفضاء
الحل تتزوج من عائلة نفس عادات اهلك واسلوب الحياة وفي اللباس

[رَوْحٌ]

نفس كلام جلجامش لا تحكم بالظاهر وبس
وخذ اللي قريبة من عاداتك وتفكيرك وفيها شبه من أهلك
لأن كذا بيكون التعامل أسهل

واستخير
الاستخارة أهم شي

ومو شرط تعرف تطبخ وكذا
ترا في بنات ما كانوا يعرفون يطبخون ولاشي
وبعد الزواج تعلموا بفترة قصيرة وصاروا يطبخون وكل شي
وفي اللي يجيب شغالة وهكذا

أهم شي القبول والتوافق
ولا الأشياء الثانية كلها لها حل ..

[العـ(احمد)ـالمي]

اخي الكريم قبل تطرح هذا السؤال
اطرح انت على نفسك هذا السؤال :

هل انت تصلح ان تكون زوج عادل؟

صدقني مافيه احد كامل لكن اقول لك كما قال عليه الصلاة والسلام:

(فاظفر بذات الدين تربت يداك)

[جرح كبير]

انت اطلب ربي وادعيه يعطيك الزوجه الي تتمناها ....السلف كانوا يدعوا في صلاتهم حتى على حاجتهم للملح
فما بالك انت زوجه

[حافية القدمين]

نعم يا ليت لا تتزوج
واضح راح تنكب بنت الناس من تفكيرك القديم.

[صعفق طاش كندي]

اذا صامل وتبي الزوجة الصالحة
حاب اقولك شيء بما اني صاقع كاسة كبيرة شاهي نصها نعناع

اذا تبغى امرأة صالحه مثل اللي بمخيلتك .. حاتعيش اعزب
الزوجة ماتجيك جاهزة.. بكج كامل
تستلمها مواصفات فل اوبشن .. تخش البيت مرتاح ومريح
قد ترزق بإمرأة غير جاهزة .. او لاتناسبك
او فيها بعض الحركات اللي ماتعجبك.. كالحن والزن على قولتك

حط في راسك لا انا ولا انت ولا ذيك ولا كل البشر كاملين
ولا حتى عروستك المستقبلية بتجيك كاملة

الواجب عليك انت كزوج تصقلها تهتم فيها تطورها والإحسان لها
تكون الأب والأخ وكل شي لها

خذ بنت الأصول اللي ماتكسر كلام اخوانها
ولاتطلع عن شورهم .. هذي اكيد كلام امها وابوها مثل حد السيف

الأهم من هذا اعرف كيف تخليها تحبك وتتعلق فيك
لأن المرأة لاحبت زوجها.. ماينكسر ظهره

طبعا لابد من اللسعات
احيان لسعة نحلة واحيان لسعة كهرباء ١١٠.. شغل هرمونات وكذا
ولكن هذي هي مايزيد مابينكم من مشاعر


عسى الله يوفقك

[ابووعبدالله]

الأكيد..
اظفر بذات الدين تربت يداك...
وبعدين انت عايش مع الناس تاكل وتشرب معاهم بس واضح ان ثقتك بالنساء " لك عليها" لدرجة " الوسوسه" وهل تطبخ وحننات ومدري وشو..!!
ياعمي الخيل من خيالها ..
ممكن تكون فيها اشياء جميله تضيع مع انسان مايقدرها..
اعرف نفسك اول من خلالك انت ومن خلال اللي يعرفونك زين...
هنا ماراح تلقي جواب شافي ..
اصلا الجميع ركز علي المرأه ونساك انت ...!
شوري عليك زي ماقلت لك من الاول ..
استشير انسان تراه ثقه وصاحب عقل راجح و" صف النيه" وبعدها توكل علي الله.

اخوك رومانس

[الشآمخة]

هل ممكن ان الواحد يحصل زوجه في الزمن هذا

كما أخبر الرسول صلى الله عليه وسلم عن صفات

الزوجه الصالحه

ولا الحريم كلهم واحد حننات شكايات


لا يطبخون لاضيف ولا زوج

عقلية الجهلاء صدقني دام هذا تفكيرك واسلوبك ابشرك زوجتك المستقبلية بتكرهك
حط فبالك البنت الحين تبغى من يقدرها ويحب قلبها حب صادق لاتريد من يتعب نفسيتها ويدمرها بالكبت والظلم والعدوان