كان....

[جرح كبير]

كل البشر طلعتها من راسي إلا غرام مش قادرة أنساه.....
احن له بشكل ...المشكله بأنه جماد يعني ماتقدر تفوته..

البشر بمعاملتهم معك تقدر تنساهم او تحبهم أكثر أو تكرهم اكثر او تكرهم وبعدين تحبهم أو تحبهم وبعدين تكرهم تحن لهم أو تحبهم ...لكن الجماد صعب

الإنسان بمعاملته تقدر تحدد شعورك لكن الجماد شعورك الأول مابيتغير معه لأنه بطبيعة الحال هو جماد


شوفت رمزيات أشخاص في مكان ما حنيت لهم ولأيامهم كنت اتصبح واتمسى فيهم في غرام ...الحمد لله بأني ماكنت صحبه معهم وكنت سطحيه جدا لان مشاعري مترفه جدا ومعطائه ومش سهل استغنى...

لكن على كمية مشاعري وترفي في إعطائها وتقديمها اقدر الغيها وانهيها من موقف أو كلمة أو لحظه .....



الله يسعدهم ويوفقهم في حياتهم

[جرح كبير]

الحمد لله على لطفه و رحمته بنا

[جرح كبير]

على الرغم بأنه والدي الله يرحمه ميت من سنوات لكن مش حاسه بغيابه احسه أقرب انسان لي رغم أنه ميت....يجيني في المنام مرات اشوفه أيام ورى بعض مرات أسبوع اثنين ما اشوفه مرات شهر أو أكثر ما اشوفه وبعدين يجيني....احسه جدا قريب مني أكثر من الأحياء نفسهم....سبحان الله

الحمد لله

الله يرحم موتانا وموتى المسلمين

[جرح كبير]

أحيانا فيه صفات واطباع جميلة تكون تتحلى بها لكن غصب عنك وبسبب الناس تغيرها .....
صفات كنت تكرها عند غيرك فجأه تصير صفه فيك بفعل الغير....وتمارسها عليهم

لكن مع هذا الصفه الجميلة الي فيك تكون في الأعماق وتطلع فجأه بدون ماتحس مع الي يستاهلها

[جرح كبير]

زمان كنت أناقش على حقي وما اسكت .....حاليا وصلت لمرحلة لو تضربني كف بدون وجه حق ما اتكلم

مافيه فايدة من النقاش أو الزعل أو العتب.....لأنه ببساطه مافيه فايدة

[جرح كبير]

الناس مافي بيدهم شيء ....كل شيء بيد الله سبحانه وتعالى

[جرح كبير]

مستحيل أحد يحس بألمك لين يمر بنفس الألم حتى يحس

[جرح كبير]

جلست مع امرأه ما أعرفها فضفضة لي حالها وبكت بكاء طفله و ودعتني وقامت ......لها رب كريم

[جرح كبير]

أمس أتصفح والأخبار منتشرة على عجوز تعيش في دار المسنين ...
بعد 62 سنه جابوا لها ابنها الي ما تعرفه ولا يعرفها..

انفصلت عن زوجها وأخذ ولدها ولما وصل 4 سنوات قالوا لها ولدك مات و الولد لما كبر قالوا له أمك ميته...

اهل الخير بعد 62 سنه جابوا لها ولدها واجتمعت معه واخذها معه ...ولدها شايب وهي عجوز .....سبحان الله العظيم

بعد 62 سنه جمعهم ربي .....الله أكبر

[جرح كبير]

ممكن تسامح الشخص وتنساه لكن الموجعه منه ماتقدر تنساها لو مرت سنوات وسنوات ماتنسى.....خاصة الشخص الي كان عزيز عليك أو حطيته في مكانه خاصه عندك .....هذا بالذات ضربته موجعه وتخلي أثر


انا الحمد لله اليوم سعيدة ومع هذه الأيام المباركه سعادتي اكبر

[جرح كبير]

أطلق نيتك الطيبه وسير

[جرح كبير]

مهما طال الزمن أو قصر مهما صابك في هذه الدنيا بيجي يوم وترتاح لكن أهم شيء في كل مرحلة هو الإيمان و الرضى والصبر..حتى تنال

[جرح كبير]

شعور مش حلو لما تعطي كل الحب والاهتمام والتنازلات وفي النهايه يطلع كله هباء منثورا

لكن في نفس الوقت هو شيء حلو حتى تعرف كويس بأنه لا أحد في هذا العالم معك ومعينك إلا الله .....هو وحده سبحانه القريب

في أصعب ظروفي وحياتي ما لقيت أحد غيره.....له الحمد والشكر


من لما دخلت هذه الأيام المباركه وانا فرحانه بها .....الحمد لله والشكر

[جرح كبير]

كل اللحظات بتفوت وتعدي وتصير ذكرى ....شنو خسرنا لو خلينا هذه اللحظات جميله ولو كانت قاسية علينا نصبر عليها ونقوي عزمنا لين تمر وتصير ذكرى زي غيرها من الذكريات ....

في النهايه كل شيء بيمر سواء كان فرح أو حزن

[جرح كبير]

لما اهدي هديه للأطفال أحس بسعادة أكثر من الطفل نفسه الي اعطيته الهديه.....

[جرح كبير]

الجوال في يدي وحرارة البطارية غير عاديه ...مرتفعه جدا
رغم عندي جوال ثاني لكن أحب استخدم القديم هذا وما ارتاح إلا معه
بأخليه يرتاح ويبرد شوي ....

لو يخيروني بينه وبين أحدث جوال في العالم ما استغنى عنه ....

[جرح كبير]

نو بشكل
ربي يلطف بالحال هذا حر الدنيا فما بالك ب حر جهنم نعوذ بالله منها

[جرح كبير]

نو بشكل ....الله يلطف بالحال

[جرح كبير]

كل نقطه احللها واطلع بنتيجة كيف ممكن يكون الحال لو ولو ومهما كان رأي أي إنسان مايهمني ابدا الأهم عندي هو توفيق ربي لي في رأيي الي اتخذه

ربي أعطانا عقل الحمد لله

الله ييسر لي ويوفقني

[جرح كبير]

ليش المنتدى غريب ؟.....حتى مشاركتي قبل شوي هنا ماطلعت لي ..

شكله يودع...زي أيام غرام كانت تصير له مشاكل قبل الوداع النهائي

[جرح كبير]

حاليا لقيتها ....غريبه

المهم....انتظر في الشتاء متى يجينا ويطلع الصيف

[جرح كبير]

الحمد لله عندنا رب عادل قريب مجيب الدعاء....الحمد لله

[جرح كبير]

قبل أيام عملت مقابله شرعيه وكنت مقررة اذا عجبني ودخل خاطري بأقبل على طول .....انسان ملتزم وجميل ومستقل في حياته

لكن بجد مادخل خاطري .....أهلي مارسوا علي كل الضغوط النفسيه حتى أوافق واعطي فرصه ولو خطبه وازيد أفكر أكثر ....لكن ما أحب اللف والدوران وانا قراري واتخذته ما عجبني يعني خلاص ويتقبل هذا القرار من البدايه أفضل لأنه نصيب من عند الله سبحانه وتعالى

أهلي الله يهديهم ضغطوا عليا جدا جدا لكن الحمد لله ربي معي

النفوس ربي أعلم بها ....الحمد لله على نعمة الله

[جرح كبير]

هذا حر الدنيا فما بالك بحر جهنم ....الله يبعدها عنا ويدخلنا في جناته جنات النعيم

الجنه تبي عمل

[جرح كبير]

مش مهم متى تصل أهم شيء أن تصل

[جرح كبير]

يقولوا كل سفرة تعلمك الحداقه....فعلا

فعلا كل تجربه تمر بها تعلمك كويس
تعلمك معادن الناس واطباعهم وصفاتهم.....

انا عن نفسي اعامل في الناس وكأنهم نفس صفاتي واطباعي لكن لقيت العكس تماما مش كل إنسان زيي ولا كل إنسان يحمل صفاتي واطباعي ومشاعري ......




اييييه استاحشت يقولون ومعلومه عني .....قلبي معبي لكنه ساكت ياريت لو غرام موجود

[جرح كبير]

هذا حر الدنيا فما بالك بحر جهنم....الله يجيرنا منها

[جرح كبير]

مهما يصير معك في هذه الحياة هو خير مهما كان .....لأنه مايجي من ربي إلا الخير

[جرح كبير]

أصعب شيء عندي لما تكون عندي طلعه خارج البيت ....من اصعب الاشياء في حياتي ما أحب اطلع من البيت ولا أحب أحتك بالناس

[جرح كبير]

الناس ماتبي الواقع الي انت تشوف فيهم فيه...يبوك تجاملهم تكذب عليهم تسايرهم اما انك تقول الحق فيهم لا ينقلبوا عليك وتصير ألد اعدائهم.....ويبوك لو أساؤا لك تحملهم واسكت واذا تكلمت انت غلطان وقليل أدب ولسانك طويل ومش متربي وحقود ....

كل الناس أعدائي لاني النقطه احاسب عليها ....و الي ألقى منه القدر والقيمه اقدره أضعاف قدره الي قدره لي

عدوانيه لكني مسالمه

[جرح كبير]

كل ماكان تعاملك مع الناس أقل زاد الهدوء في حياتك أكثر ....كل ما تبتعد عن الناس ترتاح أكثر ....كل هذا بالنسبه لي

[جرح كبير]

الأهم عندي ربي مايخليني بروحي ....كثير مراحل في حياتي مريت بها وكانت صعبه جدا وما لقيت أحد إلا ربي ...الحمد لله والشكر

[جرح كبير]

كل شيء يمر مهما كان لكن اللحظه تبي الصبر والعزم حتى تمر بسلام
الحمد لله

[جرح كبير]

رغم أني سهرانه و راقدة الفجر لكن نوضت من نومي شبعانه نوم جهزت افطاري وافطر. ...مستغربه ليش نايضه مع أنه يوم الجمعه وعطلة

يارب يكون يوم خير عليا

[جرح كبير]

ما أحب الاستعجال صراحه ....الدنيا مش هاربه ورزقك بيجيك

[جرح كبير]

كارثه صراحه لازم انوض بكري في الصباح ونجهز نفسي لطلعه ومع هذا مازال مارقدت....كااارثه المشكله نستحلى في النوم وقت الصبح وانوض غصب .....هذا كله لاني اليوم قمت الظهر لهذا سهرانه عليك حاله وخلاص

[جرح كبير]

عندي امنيه

[جرح كبير]

غلط مش راقده وعارفه بأكلها على راسي في الصباح

[جرح كبير]

نعسانه .....

[جرح كبير]

خلاص بنرقد

[جرح كبير]

قمت بعد العصر وكنت نسحابه الفجر أخذت ثواني حتى استوعبت بأنه العصر مش وقت الفجر

[جرح كبير]

حطيت على الروايه بأكملها ....هي صراحه حلوة والسرد جميل والقصه مختلفه عن القصص الي مرت عليا....لكن طويله ف مليت منها

[جرح كبير]

قريت بأنه ابن سيرين كان غني وبعدها أصبح فقير فقالوا له الناس ليش صرت فقير....
فقال عملت ذنب انتظرت عقوبته 40 سنه ...وهو اني قلت لي رجل يافقير

سبحان الله

[جرح كبير]

أحب كل شيء يمشي بمزاجي وبتفكيري وبظنوني...ما أحب تدخل الناس صراحه....

[جرح كبير]

هو المفروض اتعشى لكن بصراحه اتغدى

[جرح كبير]

نبي جيلاتي

[جرح كبير]

وصلني الجيلاتي.....

مرة فيه امرأه كتبت في قسم المدونات في غرام مايعرفها أحد دخلت علينا وفتحت مدونه طول وكتبت ...من أسلوبها واضح رقيقه ولطيفه...
كتبت على طول عن حياتها الشخصيه مع زوجها وأهله وبأنها مش مرتاحه في حياتها....كتبت مرتين بس تقريبا ....
المهم تعاطفت معها وزعلت عليها ....
ثاني يوم مالقيت المدونه شكلها طلبت حذفها وهي ماعاد شفتها في المنتدى ابدا نسيت حتى اسمها ....

المهم توا جت على بالي وخاطري نعرف شنو صار فيها .....

[جرح كبير]

مافيه شيء يعجبني زي الناس .....سبحان الله

[جرح كبير]

كل شيء في الحياة بيمشي ويعدي سواء فرح أو حزن أي نوع من المشاعر بنعيشها بتعدي وبتمشي في حالها وتستمر الحياة لين تدفن في قبرك ....فرحت وبعدين؟ حزنت وبعدين ؟ ولا شيء

أصبر في نفسي دائما بهذه الكلمات لين نفسي استسلمت لي وماعاد يهمها شيء ولله الحمد .....

[جرح كبير]

دائما العوض من الله يجي في وقته ... سبحان الله

(وكل شيء عنده بمقدار )

[جرح كبير]

مرات باعمل شيء خير يجي الشيطان يحوس دماغي....ونقعدوا نتعاركوا

أعوذ بالله منه

[جرح كبير]

الحمد لله والشكر

[جرح كبير]

كل شيء يصير معنا له حكمه... سبحان الله

[جرح كبير]

في بعض الأحيان مجبر انك تساير وتجلس مع ناس انت ما تحبهم وتصبر في نفسك أيام وتفوت وما تشوفيهم ثاني اصبري.....

[جرح كبير]

أكره الكذب ..فيه ناس احسهم يشربوا فيه شرب

نسأل الله العافيه

[جرح كبير]

فيه شيء اكتشفته وتأكدت منه بأنه ممكن امرأه كبيرة جدا في العمر عمرها مثلا 70 أو حتى 90 تحسد وتغار من بنت عمرها 20 أو 30 أو 40 عادي جدا.....النساء يغاروا من بعضهم حتى لو كانت أعمارهم بعيده جدا عن بعض مش لازم تكون قريبه من عمرها حتى تغار منها.......
مش عارفه هل الشيء هذا حتى في الرجال أو لا ......لكن أعتقد الرجال لا ماعندهم هذا الطبع....حتى لو فيه ممكن بتكون نسبه قليله
لكن النساء نسبه عاليه احسها .....

الله يعافينا ويطهر قلوبنا

[جرح كبير]

مش عارفه صراحه ناس تغلط في حقك ولما تكافيهم يقولوا عليك قلبك اسود ...مافهمت صراحه يعني غالطين فينا ولما بناخذوا حقنا نطلعوا غالطين.. عليك حاله وخلاص.......فيه ناس كارثه صراحه

[جرح كبير]

صاير راسي يوجعني من الإزعاج والضجيج .....

[جرح كبير]

كانت فترة صعبه لكن الحمد لله مرت على خير...وكله بفضل الله سبحانه وتعالى

[جرح كبير]

عندي نية ادرس في مصر كل المعطيات أمامي صعبه حتى ادرس فيها لكن مع صعوبة كل شيء بالنسبه لي ...مافيه شيء صعب عند الله سبحانه وتعالى لهذا اقول
يارب
وهو سبحانه يعلم باللي يصلح لي

[جرح كبير]

مش قادرة استوعب بأنه غرام مسكر ليه تقريبا 3 سنوات ...أحس كأنه أمس مش 3 سنوات

سبحان الله الوقت صاروخ

[جرح كبير]

من اجمل المشاعر الي رزقنا ربي بها هي الرضى لما تشعر بالرضى تحس كل شيء بالنسبه لك عادي....سبحان الله

[جرح كبير]

لما ادعي لي أهل درنه اقول يارب صبر أهاليهم

هم ماتوا أسأل الله أن يكونوا من الشهداء .....لكن أهاليهم صعب يتقبلوا هذه الحياة إلا بالصبر والصبر مايجي إلا من عند الله سبحانه.....الله يصبرهم الله يصبرهم

[جرح كبير]

في ثانيه بأمر الله ينتهي كل شيء .....

يارب نسألك العافيه في الدنيا والآخره

[جرح كبير]

لا تنزعج من أي إنسان في هذه الدنيا .....مهما كان كلامه سلبي
ابتعد عنه قدر الأمكان ..وان كان لازم من شوفته ارسم حدود بينك وبينه وعيش حياتك

في أي لحظه تبات في قبرك ....أهل درنه نايمين في بيوتهم مع أطفالهم ويرسموا في احلامهم ...أخذهم السيل بأمر الله من بيوتهم وحطهم في البحر خلال ثواني

الله يرحمهم

[جرح كبير]

أكره شيء عندي طفله تمشي وحدها لي الدكان حتى الولد الصغير في هذا الوقت تخاف عليه يمشي الدكان وحده.....حتى تخليهم يطلعوا يلعبوا تخاف ..

وأنا أتصفح بملل لقيت أمامي كلام لي امرأه تنبه فيه الأمهات وتتكلم بحرقه بأنه لا يرسلوا بناتهم لي الدكان وحدهم .....تقول دخلت بأشتري والبائع ما شافني ....تقول دخلت طفله بتشتري شكولاته أو مش عارفه تقول فجأة لقيت البائع ينادي فيها ويقترب منها ....تقول قمت أصرخ أنصدم بوجودي والبنت خافت قالت قال بأعطيها حلوة قالت أصرخ عليه وأقول وتناديها بهذا الشكل قالت قلت لها وين بيتكم فتقول طلعت البنت تجري تقول بأنها صغيره جدا راحت وماعرفت بيتها وين.....
تقول لنساء رجعت لبيتي ارتعش من الموقف وتنصح في النساء لاتخلوا بناتكم يطلعوا وحدهم ...

لكن مع هذا غباء عند بعض النساء غير عادي يخلوا في بناتهم الصغيرات بدون اهتمام ويمشوا وحدهم ......

أكره شيء عندي طفله في الشارع تمشي وحدها

الله يستر على بنات المسلمين

[جرح كبير]

استاحشت غرام كان مونسني.....

[جرح كبير]

جالسه عادي حسيت بنفسي اتحرك. ..استغربت
دخلت على الفيس لقيت الناس كاتبه من حس بالهزه .....زلزال

نسأل الله حسن الخاتمه
ربي يحفظ بلادي وبلدان المسلمين من الزلازل والمصائب ويغفر لنا ويرحمنا

[جرح كبير]

لكل بداية نهاية ....الانسان يصبر بس

[جرح كبير]

أحيانا تسمع كلام مايعجبك أو تعيش موقف مايعجبك أو تشوف تصرفات اتجاهك ماتعجبك ....مرات مجبر انك ماتتكلم وتفوت وتمشي في حالك حتى ماترهق نفسك وتتعبها......

وصلت لمرحلة بأنه طاقتي انتهت وماعاد عندي طاقه للكلام أو النقاش أو الدفاع عن نفسي ....والشيء الموجه لي بديت استقبل فيه بكل سلاسه وبساطة وكأنه لا يعنيني ابدا

لأنه كله مش مستاهل والحياة بتفوت

والحمد لله على كل حال

[جرح كبير]

العناد صفه الكل يزعل مني بسببها ....لكن انا اشوفها من اجمل الصفات الي عندي ..الناس تشوفها عيب فيا وانا اشوفها ميزه....

بعنادي ما اخلي أحد يمشيني بكلامه لاني اشوف في نفسي الصح ولأني نعرف نفسي شنو نبي أكثر من أي شخص يتمنى لي الخير ....

مثلا لما ادخل في نقاش وأصر على كلامي يقال لي انتي عنايديه وماتسمعي الكلام بالعكس اشوف في كلامي هو الصح لهذا انا اعاند واسكر دماغي ......


الحمد لله على نعم ربي علي
له الحمد والشكر سبحانه
مهما شكرت وحمدت الخالق انا مقصره
له الحمد والشكر سبحانه

[جرح كبير]

يصير كل شيء واضح أمامك لكن لأنك تبي تشتري راحة بالك تفوتهم.....وبصراحة انا انسانه أفوت جدا وشعاري سكري الباب

[جرح كبير]

سبحان الله وبحمده سبحان الله العظيم

[جرح كبير]

حاطه على زد رصيدك قبل سنوات ....وارجع في الذكريات
الحنين مشكله لكنه حلو

[جرح كبير]

فيه أشخاص مشهورين يجوا أمامي في مقاطع اقول في نفسي كأنهم مروا عليا لكن اكذب نفسي اقول لا ما أعرفهم..

لما رجعت اشوف في زد رصيدك وارجع في المواسم له لقيتهم هم نفسهم الي في زد رصيدك صاروا مشهورين وانا ناسيتهم ....سبحان الله
كنت متابعه ممتازه في زد رصيدك لكن مع هذا نسيتهم...
ممكن لأنهم كثير والسنوات بعدت أكثر فنسيت....

لكنهم تغيروا هلبا ...سبحان الله

[جرح كبير]

الماضي بكل تفاصيله حتى لو كانت مزعجه بعض الأحيان لكنه أجمل من الحاضر ...مع أنه الحاضر بيصير حتى هو ماضي

[جرح كبير]

مرات أفكر اقول بنت فلسطين شنو صاير فيها لأنها من سكان غزة أعتقد .....الله يحفظهم

[جرح كبير]

بجد استاحشت زد رصيدك كان يجي في وقت الشتاء وكان جزء من يومي لين ينتهي.....ايام

[جرح كبير]

مش عارفه هالمزاج الي عندي حاليا حاطه على زد رصيدك ومزعجه الجميع بالصوت العالي....

[جرح كبير]

معك الله لاتخاف

[جرح كبير]

الحمد لله الحمد لله الحمد لله والشكر

[جرح كبير]

عندي مقابله شرعيه ...لو مافيها خير يارب ماتنجح
المواصفات وأولها العمر ماعجبني ....لكن خلي اشوف يمكن صفات ثانيه تعجبني ...الله اعلم

بجد اني مستغربه كيف البنات يتزوجوا بسرعه وأي شخص عادي .....الواحد يفكر يأخذ وقته يفكر هل الشخص يصلح لك أو لا من جميع النواحي وبعدين اذا صار نصيب ولو مثلا الشخص طلع عكس المتوقع عاد خلاص هذا قدر ومكتوب من عند الله

وربي يرزق بنات المسلمين بالازواج الصالحين

[جرح كبير]

خلي بأقوم أجهز نفسي .....استاحشت غرام صراحه

[جرح كبير]

لما تسكر غرام شبه يوميا اشوفه في المنام

[جرح كبير]

ياريت يرجع لو ساعه وحده بس عادي

[جرح كبير]

كثير أعضاء استاحشتهم خاصة الي كانوا معي من البدايه ....الله يسعدهم جميعا ويوفقهم

يرخص وجوها الحلو وصقر الباديه الي يموت ضحك عنده الغزل رقم واحد في حياته حتى الشجره يغازلها ماعنده مانع أعتقد هو في نفس عمري بالضبط اذا ماخاب ظني لكنه كاتب ممتاز وأبو فهد اذا نرفزه وقال له قرد على الشجره هذه رمزيه يحط فيها صقر وهي مش قرد بالعكس شخص لطيف وأشجار وطبيعة لكن أبو فهد وظيفته الاستفزاز وتغيير المزاج بالضحك... لازم من المشاكل يوميا والعراك مستحيل الهدوء....وعهود منسيه ومزاجها الحاد اذا زعلت .....المستعجله ونشاطها وفعالياتها في المنتدى ....وفيه كثير غيرهم ..كنا عائله وحده رغم أننا ماعندنا علاقه ببعض .....بجد فقدت المنتدى جدا لكن الحياة هذا حالها ماحال يدوم

[جرح كبير]

أتمنى أعيش باقي حياتي في هدوء وراحة بال لو أعيش في مكان بعيد عن المدن والضجيج والناس أفضل وأفضل .....لكن الناس مافيه مهرب منهم لازم تخالطهم غصب عنك

[جرح كبير]

أحب القصص والعبر الحقيقيه الي تكون بلسان حال الناس نفسهم .....استفيد هلبه

المهم فيه روايه ليا فتره طويله ماكملتها مش عارفه متى ارجع لها خايفه ماعاد ألقاها في مكانها وحاليا مازال ما عندي نية ارجع لها ممكن النيه تجي في وسط 2024 اعرف نفسي هذا مزاجي

[جرح كبير]

كل ما أخطط وأقول بعمل واعمل مايصير منه شيء اشوف في نفسي اكسل انسانه .....أستغفر الله

[جرح كبير]

الحمد لله حققت حلم كان يتمناه والدي الله يرحمه ....التوكل على الله والاستعانة به والدعاء يخلو المستحيل حقيقه

الحمد لله والشكر
كن مخلص مع الله يجي كل شيء لعندك

[جرح كبير]

أي شيء تمر به في حياتك سواء فرح أو حزن لاتقف عليه ولا تعطيه اهتمام لانها فانيه

[جرح كبير]

في شيء تعلمته جديد وهو اني انكون وقحه وقليلة أدب مع أي شخص عنده هذه الصفات لأنه بجد انحس فيها هذه النوعية كثرة بشكل ولو ماعملتهم بنفس الأسلوب مشكله ......بكل وقاحه يعملوا الشيء ولا كأنه عادي جدا عندهم

فعلا كل يوم نتعلموا

[جرح كبير]

المهم صار معي اكشن مش عادي .....هذا كانت عندي مقابله شرعيه وقلت خلي نتوكل على ربي يمكن هذا أفضل من الي سبقوه ويدخل خاطري وارتاح له مع أنه الي قبله أعمارهم مناسبه لعمري اما هذا أكبر حتى من الي سبقوه لكن اني يعجبني العقل والشخصية أكثر شيء في الرجل ....وطبعا الاغلب بطبيعة الحال الإنسان كل مايكبر يعقل أكثر ويصير راكز وثابت أكثر....

المهم قبل المقابله شوفت في منامي قط فلما قمت من نومي ماعجبني المنام لأن القط في المنام حسب التفسير العام بأنه شخص مخادع أو أو يعني صفات مش حلوة طبعا بحث عليها في القوقل ....لكن ما أعطيت المنام اهتمام كبير وقلت لا بنطلع التفسير من راسي


المهم نجوا للأكشن في وقت المقابله الشرعيه سألته أسئله كل سؤال نسأله يهرب منه بطريقه يتوهك فيها ومايجاوبك في أساس السؤال....يعمل في نفسه مثقف وفاهم على أساس
ما جاوبني ولا سؤال سألته كل اجاباته مش في أساس السؤال نهائي

المهم شكلي وجعت له رأسه لأن اقول له بعد مايتكلم ويتوهك ماجاوبتني على سؤالي وطبعا لأنه مايبي يجاوب على السؤال قال لي كيف تسألي سؤال زي هذا ...وسؤالي كان عادي جدا جدا ومن أساسيات الحياة وأي شخص يسأله في المقابله الشرعيه ...لكن هو ماعنده اجابه مرضيه لي فيهرب من الاجابه ....

المهم ماعجبني نهائي لانه بجد مخادع في كلامه وغير صريح و واضح ...ونبي ننهي الموضوع نهائي نهائي فقلت له انا وانت أفكارنا ماتشبه بعض انت في وادي وانا في وادي ربي يرزقك ب بنت أفضل مني ....حاولت قدر الإمكان ما ازعله من كلامي واحط الأفكار حجه وخلاص ...لأنه لو بنقول له على الأسباب الرئيسيه الرجل بيزعل ومرات يتأثر من كلامي ....
صحيح انا انسانه واضحه في حياتي مع الناس لكن فيه مواقف محتاجه مننا الرفق بمشاعر الناس حتى لو أذونا ....
أذيتهم لك ربي يتكفل بها

الحمد لله والشكر
الحافظ ربي


الزواج مش لعب الزواج عمر مع شخص واذا ما أخذت الشخص المناسب بتعيش كل حياتك في مأساة وتعب نفسي
والزواج من الشخص المناسب هو رزق من الله أعطاه لك وجابه لك لعندك مش بمجهودك نهائي ....كل شيء مكتوب في لوح محفوظ

والحافظ ربي

[جرح كبير]

نبي نتعلم في مصر ...كيف مش عارفه
يارب يسر لي الطريق

[جرح كبير]

صار معي شيء حلو في حياتي وكل الناس إلي كانت تسأل فيا عن هذا الشيء لما صار حقيقه ولا أحد منهم بارك لي أو فرح لي ....شيء مضحك صراحه
ونقدر انقول بكل صراحه بأنه حسد وغيرة تأكل فيهم ....الله يحفظنا منهم ويعلينا عليهم

[جرح كبير]

خلي دائما قلبك مؤمن بالله ولا تخاف من أحد نهائي
معك الله ليش تخاف

[جرح كبير]

سمعت خبر محزن يخص امرأه كنت أعرفها في فترة من الفترات وانقطع التواصل معها لانها انتقلت من بيتها ....حزنت عليها جدا لما سمعت الخبر ...
لكن هذا قضاء وقدر كتبه ربي وما علينا إلا الإيمان والرضى

الله يصبرها ويعوضها خير

[جرح كبير]

اعمل الشيء الي يريحك ولا تقول الناس والناس.....الأهم هو أنه الي بتديره يرضي ربي

سير ولا تهتم لناس

[جرح كبير]

دائما خلي الإنسان الي أمامك يكمل كلامه بعدين أعطي رأيك خليه يتكلم لين يشبع وبعدين أعطي إجابتك ....حتى الطفل أعطيه هذه المساحه من التعبير لأنه ممكن آخر كلمه يقولها هي الي عليها تبني إجابتك وتعطي رأيك ....

[جرح كبير]

جالسه عادي جت بنت في عمر المراهقه ما أعرفها سألتني وبعدين جلست بجانبي وشوي شوي بدأت تتكلم معي قالت لي من لما شوفتك ارتحت لك ....
في خلال دقائق بسيطه حكت لي عن حياتها وطلبت مني انصحها .....فيه ناس طيبه ومرورهم يكون زي النسمه. ...

إفترقنا وكل وحده مشت في حالها هذاك يوم وهذا يوم.....نادرا يصير معي زي هذا الموقف لاني ما احتك بالناس ...
أحس لو احتك بالناس بتصير عندي قبيله من الصديقات....لكن انا مسكره هذا الباب نهائي و بالقفل ...لاني مشتريه راحة بالي وما وراء كثرة المعارف إلا المشاكل والهموم .....أحب الوحده والهدوء