الأعياد ورسائل

[الهنوف العتيبي]

ارسل لهم الأعياد الأصدقاء والاقارب الاتصال لكن محد فيهم
يرد علئ الرسائل ومكالماتي شدعوه يمكن لاني ازعجتهم
انا احبهم واقدرهم وانا اخر مره شفتهم قبل شهر
يمكن الحين كثير معاهم سناب صاروا تركوا واتس
عيدنا بالبيت ولمه الأقارب وبسس

[22golden]

احسان الظن واجب انا تجيني رسايل في العيد كثيره جداً فقط ادخل اقرأ وماارد مقدر ارد على الكل صعب رسايل كثير والناس كلها اللي ادخل رسايلهم وماارد احبهم لاكن الرسايل مره كثير فقط اكتفي بوضع صوره معايده في الحالة
ولو كان في خلافات بينكم حتى لو محد رد أنتي لكِ أجر صلة الرحم وصلة الرحم لها أجر عظيم

[متأمل]

ً
ً
اظن تحلمين :24:
لان من غير المعقول ما احد يرد
لذلك مو مستوعب بان مافي احد يرد
لذلك تاكدي من اعداداتك
يمكن قاعده تراسلين غير اقاربك واهلك :مبحلق:

ِ

[M.ahmad]

لا تستعجلين لأن الناس مشغوله بتجهيزات العيد وتقطيع اللحم والطبخ والنفخ

ولكن خليهم يروقون وبيجونك برسايلهم

[الْياسَمِينْ]

والله يالهنوف أولا أحب أرحب بك كعضوة جديدة معنا :81:
وبجد لو أنا وحده من اللي تراسلينهم بالعيد أو بغير العيد برودكاست
ماراح تلاقين مني رد ..
وأشد على يد العضو golden22
منين أجيب وقت أرد على الكم الهائل من الرسائل ؟!
إما صورة في الحالة معايدة للجميع أو ستيكرز كل عام وأنتم بخير ..
كثير زعلوا وما عادوا يراسلوني لعدم الرد ، ليس تقليلا من شأنهم معاذ الله
أحرص الرد على الكلام اللي ينطبع خاص لي كسؤال عن حالتي أو استفسار لأمر ما
أو دعوة موجهة لي شخصيا ..
أما إني أجي أرد على صور صباح الخير المرسلة لمئات غيري
أساسا يمكن المرسل ما يدري إذا كنت من ضمن اللي أرسل لهم !

وأيضا معقول جدا تعقيب المدير يمكن مشغولين نوعا ما بتجهيزات العيد ..
وآخر احتمال ويمكن ضئيل جدا ( راجعي نفسك) يمكن مزعجة وحاظرينك :icon10:

[مسكك الغلا]

الكبار بالسن اتصال

البقية ارسل لهم ولله الحمد اجد الردود
وصباح العيد منشغلين اما بالاضاحي وتقطيع اللحم وتوزيعه
وزيارات العائلية . ان وجدو وقت سيردون حتما

وكل عام وانتم بخير وصحه وسلامه جميعا

[رَوْحٌ]

ازعلي منهم
وعامليهم بنفس الأسلوب عشان يحسون
لما يرسون لك تأخري ولا تردين بسرعة :26:

لأن في ناس كذا لما تهتمين ما يحسون
ولما تتجاهلينهم يجون من نفسهم
على بالهم ما عندك احساس و مشاعر :MonTaseR_166:



أمزح لا تصدقين :icon10:

اصبري يمكن عندهم زحمة رسائل
ومو ملحقين يردون بسرعة
ويمكن من كثر الرسائل ما يقدرون يردون
اعذريهم

وترا صح أحس صرنا نستخدم السناب أكثر من الواتس
احنا كذا أقاربي ع السناب أكثر شي
والظاهر أغلب الناس كذا

سوي مثلهم وارسلي ع السناب

[جرح كبير]

انتي لما ارسلتي وعايدتي كنتي مقتنعه صح ؟....وبعدين شوفتي النتيجه معهم صح ؟..
خلاص في الأعياد والمناسبات الجايه اعرفي كيف تتصرفي ولمن ترسلي وعلى من تعيدي وتباركي ...

[سلطان الجبل]

:smoke1:
ربما تكوني فاضية وفي ناس ما عندها وقت
اما لاشغال في البيت وتجهيز للعيد او ربما
بعضهم مهموم ما عنده مزاج يرد على رسائل

انا عندي عادة اتخذتها يمكن من عشر سنين
اقفل الجوالات والانترنت .. خلال يوم العيد
واحياناً حتى ثاني ايام العيد .. والسبب انني
كنت مثلك ارسل للجميع وما يرد عليّ الا اثنين
او ثلاث فقررت ان اغلق جوالاتي واتصالي بالانترنت
ولا اعايد احداً حتى لثاني يوم العيد …
وقتها الي يرسل ارد عليه والي ما يرسل ما ارسل له..
:smoke1: