حسدوني الله لا وفقهم [الأرشيف] - منتديات مسك الغلا

مشاهدة النسخة كاملة : حسدوني الله لا وفقهم

مشكلتي

07-04-23, 04:06 PM

مسكك الغلا

07-04-23, 04:51 PM

اولا الف مبروك الزواج :MonTaseR_222:

عزيزتي لا محسودة ولا شي

الزواج شراكة عمر وشي طبيعي تطبخين وتنظفين وتغسلين
صارت لك حياة مستقلة انتي وزوجك .
وليه الشكاوي لامك ولخواتك . اسرار البيت ماتطلع برا
اذا فيه شي تكلمي معه بس اختاري الوقت المناسب

العـ(احمد)ـالمي

07-04-23, 04:56 PM

لك شهرين وتقولين لسّا ماحملت؟
سلامات وش ذا الكلام ترى بدري تو الناس
انتي في بداية الطريق وعلى طول نشرتي غسيلكم برّا
استهدي بالله وخلي كل شي بينك وبين زوجك لاتدخلين احد بينكم
واذا هو يحبك مثل ماتقولين راح تتعدل الامور

ربي يهديك

نجمة

07-04-23, 06:24 PM

حررت المشاركه من المدير لخروجها عن نمط المساعده في البحث عن حلول للمشكله

//

الخواف

07-04-23, 06:27 PM

وكان زفافي فخم

ما نكب عفشنا إلا حب المظاهر والفشخرة ومدري إيش ......ثم بعد كذا يشتكوا من العين والحسد ..و..الخ ..

بالنسبة لمشكلتك ماعندي شي أقوله لأني ما أعرف ...

....

M.ahmad

07-04-23, 10:36 PM

نصيحتي :
أولاً : لا تتباهين أو تستعرضين عن حياتك الزوجيه أمام أحد مهما كان وخصوصاً عبر الإنترنت
مثلاً : لا تصورين بيتك أو زوجك أو أكلك وشربك وتنشرينها ليشاهدها الآخرين

ثانياً : تجنبي ماتبقى من الربى وخصوصاً إذا كان زوجك إستخرج قرضاً ربوياً لشراء سياره أو منزل أو حتى لزواج بك ، على أقل تقدير أنكري بنفسك بأنه حرام إذا لم تستطيعين تفعلي شيء .

وتطمني حياتك ستتيسر بإذن الله وتنحل مشاكلك مع زوجك تلقائياً .

غير مهتم

07-05-23, 04:21 AM

انا تزوجت قبل شهرين

وكان زفافي فخم وزوجي يموت علي ومايقولي لا

كل طلباتي كانت مجابة في اول شهر
الحين خلاص صار مهمل ومايخلييني اروح بيت اهلي الا بالاسبوع مرة
ومايهتم فيني ويخليني اطبخ وانظف
صراحة الوضع زاد وانا توني عروسة
رحت شكيت لامي قالت اصبري وشكيتن لاخواتي قالوا يمكمن محسودة

الله اعلم بس حتى حمل ماتم لي يمكن صدق حسدوني

افيدوني هل اروح لشيخ يقرا علي وهل ضرور زوجي يكون معي لانه محسود كمان او عادي لحالي

ابي اعرف شي واحد وش مفهومك ل زواج

لا محسوده ولا شي تبين. يطلب اكل من برا ولا تبين تروح اهلك كل يوم

احمدي ربك تروح اهلك كل اسبوع في ناس كل شهر ازواج مسؤليه

حافظي ع مملكتك. وتركي تفكير اللي براسك مو لازم يهتم. انتي دلعي نفسك بنفسك

جلجامش

07-05-23, 09:46 AM

شهرين ولسى ما حملت لازم عندك ولدين وبنت بهالفترة :MonTaseR_151:

امزح

المهم لا تستغربوا نسب الطلاق العالية اللي حاصلة الاغلب من نوع هذه المشكلة

انه الزوج مارد سحري لازم يحقق جميع الامنيات

اذا ما عقلتي نهايتك الطلاق للاسف

الزوج كما اسلفوا الرفاق شراكة واجبك التنضيف والطبخ

مثل مو واجبة يعمل ويامن حياتكم

شباصة منحاشة

07-05-23, 09:49 AM

انتِ متاثره بالمسلسلات
ترى هذا الزواج تطبخين وتنظفين وتجيبين اطفال
من قالك غير كذا يكذب عليك
وكثير متزوجات تزور اهلها بالشهر مره ولا بالسنة مره
هذا الزواج الطبيعي وهذا الواقع اذا تطبخين وتنظفين يعني هذا سحر
فكل الشعب مسحوووور هههههههههههههههههههههه

خياآل

07-05-23, 10:20 AM

إذا تقدرين تهتمين ببيتك ونفسك وزوجك بفس المستوى ! فالخير واهله
وإذا لا ! فهاتي خادمة
ارقي نفسك وزوجك
غيروا البيت سافروا روحوا تمشوا غيري في روتين حياتكم اظنكم مندفعين مرة لبعض وصار بينكم مكابر وتغلي اظن ماهو اكيد
والنقطة المهمة كلمي انتي وزوجك مرشد اسري ترى حنا ماندري عن كثير من تفاصيل حياتك لازم احد يسمع منك ومن زوجك انصحك بالارشاد الاسري تواصلي معهم عندنا بالمحافظة جمعية اسمها تألف تواصلي معهم واسالي عن مرشدين وحبذا الدكتور ابواحمد الرميح
ولك من الدعوات في ظهر الغيب

رَوْحٌ

07-05-23, 02:06 PM

شكلك حاطة براسك صورة مثالية بزيادة عن حياة المتزوجين

طبيعي كل شي ف البداية يكون حلو وجميل
ويكون في مبالغة في الاهتمام
وبعدين مع الوقت يقل الاهتمام

كل الكلام اللي كتبتيه طبيعي وعادي
وتقريباً كل اللي أعرفهم ومتزوجين نفسك
حتى كانوا يفكرون مثلك

أتوقع أنتِ تعودتي على الدلع ف بيتكم
ل هالسبب الحين منصدمة ومو عاجبك

بس الحياة كذا مشاركة
إذا ما عندك حد ينظف ويطبخ ويغسل
أكيد أنتِ اللي بتسوين كل هذا
وزوجك بيروح الشغل وأكيد بيتعب ولما يرجع يبي يرتاح
صعب يساعدك بكل شي
وأصلاً قدرات الرجل غير عن المرأة
هو مسؤول عن العمل والانفاق وتوفير الاحتياجات الضرورية
وأنتِ سوي الباقي وتعاونوا مع بعض
واحتسبي الأجر على كل شي تسوينه وما راح تتعبين
واستمتعي وأنتِ تهتمين ف بيتك لا تتحلطمين كثير
ولا تقارنين حياتك بغيرك

ونصيحة حاولي تقوين نفسك وتتأقلمين مع كل الظروف الصعبة
خذي الموضوع تحدي ولازم تنجحين فيه
ما تدرين بكرة كيف بتكون الظروف وكيف بتكون حياتك
لو صارت مشاكل لزوجك في عمله
وصرتوا فقراء ولا مرض لا سمح الله كيف بتتصرفين ؟

لازم تعودين نفسك على الصبر وتتوقعين أي شي وكل شي
ترا مو كل يوم بيكون مثالي وأكيد بتكون في صعوبات وتحديات
وهذي هي الحياة الزوجية مو مثل أفلام الكرتون عرس فخم وفستان حلو وبس

إذا استسلمتي بسرعة ورحتي بيت أهلك
أو انفصلتي عنه
شو عرفك يمكن تصير حياتك أصعب وبعدين تندمين

قدري النعم اللي عندك واحمدي ربك
وإن شاء الله يزيدك من فضله
ويصير لك كل شي يريحك ويسعدك

وحاولي بأسلوبك وتعاملك تخلينه يرجع يهتم
بس لا تصيرين زنانة
ترا بينفر منك وبيقل اهتمامه ويمكن يكرهك

البستان الزاهر

07-05-23, 02:24 PM

السلام عليكم
اولا مبروك على الزواج
ثانيا طالما كان الزواج فخم فهذا يعني بانك زوجك مضغوط على الاخر فلازم تحسين فيه حتى يحس فيكي
ثالثا اذا كان فيكي عين اقرأ سورة البقرة بالبيت
وسورة البقرة اقوى علاج للعين
وانا استبعد العين لان العين له علامات جسديه ومناميه

السهم الأخير

07-05-23, 03:31 PM

اولا الف مبروك الزواج :montaser_222:

عزيزتي لا محسودة ولا شي

الزواج شراكة عمر وشي طبيعي تطبخين وتنظفين وتغسلين
صارت لك حياة مستقلة انتي وزوجك .
وليه الشكاوي لامك ولخواتك . اسرار البيت ماتطلع برا
اذا فيه شي تكلمي معه بس اختاري الوقت المناسب

صدقت العرب حين قالت:

قطعت جهيزة قول كل خطيب . أختي مسك الغلا كفت ووفت وما كان في داع اضيف شي ولكن من باب الواحد يفضفض .

وين الحسد يا بنت ؟ ترا العروس تختلف عن مملكة فارس وفانوس علاء الدين . تبادل احترام ومشاركة ماهي آمرك مولاتي .

وبعدين ترا الزواج كذا . الواحد يبدأ يعامل زوجته بحذر ولطافه ثم يفهمها ثم تمون عليه ويمون عليها ثم يحلون مشاكلهم مع بعض . إنتي ما شاء الله عاد ما برد الأكل قدك تشتكي عند أمك . لا تستعجلي يا بنت ترا بهذا الوضع تعطينا إشارة إنك منتي مستعدة لإكمال الزواج وماخذه فكره غلط عن الزواج .

استهدي بالله ترا لو تركبي راسك بيعاندك ويكرهك بعيشتك الرجال ما قصر وإنتِ تبغين كل شيء بدون مجهود .

انتِ فاجئي الرجال بشي طيب وراح يجي معك سمن وعسل

الله يهديش بس وش هالعجله؟

الشآمخة2

07-06-23, 12:23 AM

منوووقال أن الزواج تلبية للطلبات والرغبات أنتي مو فزمن الصحابة أنتي فزمن خداع ومكر الرجال يبغى حرمة تتسنعله وتنظفله وتكويله وتطبخ له وتترك الجوال نهائي الا من رحم ربي وتربي عيالك تربية سليمة أنا أنصح لكل فتاة اذا ما عندها روح التعاون لاتتزوج وأن تبقى عند ابوها عزيزة كريمة أفضل لها وأفضل من الشكوى والتذمر اللي ما منه فايدة

هوس*

07-06-23, 01:45 AM

مافي حسد ولا شي
متزوجه من شهرين طبيعي تطبخين
عادي جدا
وحلو تروحي لاهلك بالاسبوع مره

وين الحسد؟؟

مشكلتنا كل شي صرنا نقول حسد

جرح كبير

07-09-23, 10:59 PM

بسم الله ...شهرين ياظالمه وتشكي ....
يقولوا اذا صاحبك عسل لاتاكله كله

شكله زوجك خبزك وعجنك ولقاك مدلعه زيادة عن اللزوم وانتي مش مقدره احترامه ومسايراته معك واذا استمر هو في تدليعك خسر بيته وراحت مصاريف العرس الفخم في الهواء .....

شهرين وهذا كلامك شنو تبيه يدير لك مرجيحه يدرجح بيك....

هني على نفسك واهتمي ببيتك وخلي أمورك في بيتك تقعد في بيتك حتى امك واخواتك لاتقولي لهم شيء عن حياتك .....

إذا بتقعدي على هذا الحال بالكثير تزيدي شهرين ثانيه وانتي مطلقه..لهذا ثبتي نفسك وهني على نفسك وعيشي حياتك في رضى الله