حايرة بين ثلاثة نيران!!!

[مشكلتي]

مرحبا 👋
من الفضاوه و الملل والروتين دشيت روم كتابي ومايكات حبيت الوضع سهر للصبح ونوم بالنهار حبيت ثلاث رجال واحد متزوج وثنين زوجاتهم متوفيات بدون مبالغة انا معجبه بالمتزوج وواحد من بين الي متوفيات زوجاتهم والثاني هو يتقرب مني وانا مو متقبتله والمتزوج بدأ يتعلق وبدأ يلمح لي بالحب والتقارب و الزواج وهما دولتهم مختلفه وانا ادش الروم واطلع للمايك لخاطرهم وحايره لأمري فيني خوفه اتعمق اريد صداقه تصير

[حفيد الأكابر]

حبيتي ثلاثة
واحد معجبة به
والثاني مو متقبلته
والثالث يلمح لك
وانت حايرة بأمرك
" بين ثلاثة ثيران قصدي نيران "
مرة تحبينهم كلهم
ومرة تبينهم صداقه
ما ودك برابع تكملين البشكة !
الله يصلح قلبك انا خابر الواحد
ممكن يسبل الماء لعابري السبيل
اما مثلك مسبلة قلبك وعاطفتك لكل عابر
الصراحة هذي جديدة علي
بعدين موضوعك هذا دائما يعاد ويكرر
في القسم بصيغ متعددة والمشكلة المظمون واحد
إلا اخبار الجازي الشربتلي عساه مهب حايرة معكم
ايه الله يدبر الصالح بس ،،

[الجده :)]

عدي حقره بقره قلي عمي عدي لعشره
12345678910
واللي تجي عليه العشره
خوذيه بس افحصيه قبل
لاتطلع كفراته مبنشره
لان اغلب اللي بذي الاماكن
مامن رجوله راضعين خنازير
هههههههههههههههههههههه

[M.ahmad]

ما شاء الله قلبك فندق أي رجال يصادفوك تطبين بينهم وتختارين بدون حياء

والله مادامك كذا سبهلله مع الخيل ياشقرا ماتبين تختاريني معهم ؟

[حفيد الأكابر]

^
تتوقع تتقبلك ؟ صدق إذا حبتك انت الخسران :icon10:

[M.ahmad]

^
تتوقع تتقبلك ؟ صدق إذا حبتك انت الخسران :icon10:

الفتيات السائبات اللواتي لا يقيدهن تربية أهل أو تعاليم دين لسنا للحب ولا يصلحن لزواج
ومكانهن الصحيح إذا لم يكون ( دار لدعاره ) فهو ( دار لرعايه )

الرجال يبنون علاقتهم معها حتى يطقطقون عليها ويلعبون فيها
ومتى شبع منها شخص تركها لآخر لأنها غبيه إنقادت لعواطفها بحثاً عن من ينتشلها

بختصار هي تستخدم ( شات ) والشاتات لا يجتمع فيها إلا الحثاله
وهذي الفتاه ليست من الحثاله فحسب بل فريسه دسمه لسفله والمنحطين لإيصالها لرذيله
(( والموضوع واضح من عنوانه ))

وصلت الفكره ؟

[حديث الروح]

ما شاء الله قلبك فندق أي رجال يصادفوك تطبين بينهم وتختارين بدون حياء

والله مادامك كذا سبهلله مع الخيل ياشقرا ماتبين تختاريني معهم ؟


ولعت مع المدير
وصل الحد الزوبا

لا يلام مع هذه الأشكال

[غَـزل ،]

'




الي اثنين زوجاتهم متوفيات ..وانتِ مصدقتهم انهم متوفيات !
اعتقد انها كذبة تم تداولها من عام الفين وحطبة الي يقول حبيبتي ماتت وزوجتي ماتت :MonTaseR_215:
اما الباقي.. مدري ليه احسك حابه تستفزي القارئ ..!
عموماً .. بتجيك فترا تندمي ان نهارك نوم ومافي اي هدف تسعين له
حياتك الاجتماعية بتكون منحدرة
شخصيتك بتتغير للأسوء لان احتكاك فقط ماخلف الشاشة
لانك برضوا قاعده تتعايشي مع ناس ماراح يغيروك للافضل :)
وتندمي انك ماخذتي الوقت الكافي مع اهلك
لا تحاولين تبحثين عن كمالك بالنت وخاصةً بالمواقع هذى
لان الي ع شاكلتهم يحبون اي بنت مو انجاز منك ان 3 وراك



وحطي ببالك
هالمواقع مايدخلها شخص هدفة الزواج :)
فقط تسلية وتقضية وقت
وحتى الي يدخلونها فاشلين واقعياً ومهملين لانفسهم ولاهلهم


واسأل الله لكِ الهداية

[رَوْحٌ]

يقولون اللي محتار يستخير
وأنتِ أدرى ونحن ما نعرفك ولا نعرفهم

بس تذكرت قصة لما شفت الكلام

كان واحد يقول مستحيل آخذ اللي كلمتها
أصلاً بس أتسلى ومن هالكلام
آخر شي ما تزوج إلا اللي كلمها


عاد أنتِ وحظك وعلى حسب نيتك ونصيبك وكذا
والطيور على أشكالها تقع

[هوس*]

من كل كلامك شدني امر
وهو ادخل الروم ما اعرف وش لخاطرهم
وعشانهم

وخاطر اهلك وتربيتك وقبلها ربك ودينك وسترك
وكرامتك واخلاقك هذي وين محلها من قائمة اولوياتك؟


صراحه الرد عليك بحد ذاته غلط منا
لان اصلا ماعندك مشكله حتى نحاورك فيها
او نشاركك حلها


انتي جايبه لنا معصيه
وتقولي مشكله

حب ثلاثه
وكلامك معهم
خيانه لنفسك قبل كل شي


استغرب ان باقي ناس زي كذا ..!

[حديث الروح]

وصل الحد الزوبا





تنويه

انا كتبت كلمة الزبى بضم الزين بالمشاركة السابقة
ليس خطأ املائي
لقد وضعت الواو بدل الضمة لعدم وجود تشكيل بلوحة المفاتيح والألف الممدودة بدل المقصورة لأن هناك في بعض الدول العربية من يقرأ الألف المقصورة ياء

لذا أقتضى التنويه
وكل العذر على وضع هذه المداخلة

[حافية القدمين]

عزيزتي
أستطيع وضع أكثر من تشخيص لوضعك من ناحية الطب النفسي ، لكن لا أستطيع أن أؤكد لك أي واحد منهم أنتِ تعاني منه فعلاً


لذلك حاولي طلب استشارة نفسية
على الواقع أو من خلال التطبيقات
و ستجدي الحل إن شاء الله حتى لو طال الأمر

أتمنى لكِ حياةً أفضل مما مضى

[acroot]

ماشاء الله الأعضاء كفوو ووفوو ، يعني ما أعرف أضحك ولا أرد بأسلوب فلسفي ولا ايش

على العموم الأفضل تختاري شباب المنتدى كلهم في عمر الزهوور وخبرة سنوات ههههههههههههههههه

أمزح أمزح أنا آسف ، بس كلامك ماهو منطقي الصداقات بين الجنسين لها حدود ولها طابع معين ما تتعدى ، وإذا اتعدت عن ذلك لازم الواحد يفصل ما يسترسل ، أما كونهم متزوجين أو غير متزوجين فدا موضوع ثاني يطول شرحه ، فالأفضل لكي الانسحاب من كل العلاقات مادامها خرجت عن الاطار الطبيعي

[جرح كبير]

مافيه ذرة ندم أو خوف او شعور بالغلط من كلامك ؟
ليش بايعه نفسك ودنيتك وآخرتك ؟
وين تكمن مشكلتك بالضبط ؟
ليش احساسك ميت وحياتك ميته ؟
كيف وصلتي لهذا الانحدار ؟
كيف علاقتك بي ربك وصلاتك ودينك ؟
انتي وين ماشيه ؟

[هاكونا ماتاتا]

مرحبا
وانا من الفضاوة والملل والروتين دشيت موضوعك
اللي كلنا ندري انو خريط مريط


وأنا من رأيي الذي يهمك
على عكس موضوعك اللي م يهمني اصلاً
بس دخلت زيك من باب الفضاوة
تحتاجين كورس تطورين من مستوى الكذب اللي عندك
لان مستواك جداً فاشل، ولا يحدثك مثل خبير
لاتخيبين ظني المرة الجاية


أنتظرك بشوق