((يا مي رسيني على البر يا مي)) [الأرشيف] - منتديات مسك الغلا

مشاهدة النسخة كاملة : ((يا مي رسيني على البر يا مي))

القارظ العنزي

07-29-23, 06:03 PM

حبيتها واحترت في .... حبها لي
نوب تريد الحب نوبات . ما فيه
يا مي رسيني على البر . يا مي
أمواج حبك تتلف القلب . يا هيه
روحي تبيك وروحكم طبعها ني
ترى حلات الحب تلمع ... مواريه
الله بلاني بالهوى والهوى ... شي
شي يسم الحال والقلب .. يكويه
يا سيدي يا سيد البيض . يا سي
يا ونستي يا سنتي في. . معانيه
ياركن الحب اللي نعيشه ونرجي
الطف بحالي صاحبك . لا تخليه
كم اعذلوني بالعرب خي مع خي
لكن رفضت وهرجهم ما لنا . فيه
صابر على تسويفكم يا بعد حي
نصبر ومثلك بالمزايين ... نشريه
لكن لا تترك فرصة يشمتوا .. بي
مثلك ما يرضى ينشمت بغواليه

القارظ العنزي

احلام عابره

07-29-23, 08:00 PM

يتوافر عذبنا العتب خف... شوي
مابالعمر وقت أعتاب... ومشاريه

في دياركم لنا حمى ودفا .. وفي
والي على شرواك معزه... ونغليه

بغيابك كن القمره مابـــها ... ضي
ياعز من يصاحب مثلك ويخاويه

يالي سكنت الروح .... يابعد حي
غلاكم ما دامت الروح ما تخليه

ظميان قلبي وله في قـربكم رِي
ورِيّه غلاك الي على البال طاريه

سلطان القوافي
القارظ العنزي
ابدعت
صح لسانك ملايين
تقبل مروري ومشاكستي بصدر رحب
لاخلاء ولاعدم

القارظ العنزي

07-29-23, 08:56 PM

وين الغلا وينه بعد زدت .... بالكي
وين الغلا يا سيد الغنادير .. نرجيه
مشاكسك ينعش هوى الروح ياخي
الله يحفظك يا غلا كل ....... واليه
طمنتني دامك عزيز ولي ...... حي
يكفي وجودك بالحياة ... وطواريه
ما كنك الا بالعطش شربة .... المي
مي قراح للشرايين .......... حاويه
يسقى عطاشا عروقنا والهوى غي
يالصاحب اللي شوفته نور . غاليه

سلمت ودمت احلام على جمال المشاكسة

نبض القوافي

07-29-23, 09:40 PM

الله الله
صحت السنتكم

يـاليت واقـدر واشـعل الـنار والـضي
حـتـى ولــو هــي يـلـحقنّي مـشـاريه

ودي أروس الـحرف لـو كـان في لي
حـيـثه عـلـي يـثـمر غــلا مـن قـوافيه

جلسة عليلة ما انطرق دونها اعصي
يـهـيض مـنـها الـلـي كـريـمة مـباديه

النسيم المسافر

07-29-23, 09:53 PM

صح السنكم قمة الروعه

والجمال المذهل

المتفردلأرواحكم

السعاده

الدائمه

غَـزل ،

07-29-23, 10:08 PM

'

القارض و احلام عابره
محظوظ مسك بتواجد نخبة القافية بيننا
صح لسانكم
ابداع يفوق وصف الكلمِ.

القارظ العنزي

07-29-23, 10:28 PM

يا مرحبا بك مرحبا واطيب أوخي
الشاعر اللي تستحثن ...... قوافيه
نبض القوافي سيد القاف . واعني
يشوقني حرفه وجزلة ..... معانيه

طبت وطاب مرورك نبض القوافي

القارظ العنزي

07-29-23, 10:29 PM

صح بدنك النسيم
المسافر لاهنت

القارظ العنزي

07-29-23, 10:29 PM

صحة ايامك غزل
طبت وطاب مرورك

أعد النجوم

07-30-23, 06:28 AM

صح لسانكم جميعا

بارك الله فيكم يامبدعين

يختم ل3 ايام

القارظ العنزي

07-30-23, 07:59 AM

صح بدنك اعد
النجوم لاهنت

خياآل

07-30-23, 09:55 AM

الاقارض واحلام اجمل محاورين
صحت الالسن

القارظ العنزي

07-30-23, 11:02 AM

صح بدنك خيال
لاهنت ولا هان منطوقك

مشتط

08-01-23, 04:16 PM

صح لسااانك ملاااايين

القارظ العنزي

08-01-23, 07:21 PM

صح بدنك ملايين
ولا يسدون مشتط
حياك الله وبياك
عودا حميدا ان شاء الله