((يالمعجبة قولي تعال)) [الأرشيف] - منتديات مسك الغلا

مشاهدة النسخة كاملة : ((يالمعجبة قولي تعال))

القارظ العنزي

07-31-23, 02:00 PM

يالمعجبة قولي ... تعال
اطلق عناني ...... للسفر
خوذ من دمي لك حلال
دامه بيدينك ..... ينتثر
الله اكبر يابن .. الحلال
حبيبك ما صدق .. خبر
ظنيت انا شوفك محال
لولا جوابك ..... بالشكر
حدد متى يجي . مجال
طال انتظاري .. والسهر
همي غدا مثل .. الجبال
يا ثقلها ..... فوق الظهر
يالمترفة شبه ... الغزال
يا نقوتي بين .... السمر
يحفظك ربي . والجلال
لا تعيدني يم ..... الكفر
اسلمت لك كل . الحبال
خذني قيدني .. لو شهر
عذبني عندك . بالوصال
ولا عذابي ....... بالهجر
قربك سعادة ... يا دلال
بوجودكم طاب . السمر
القارظ العنزي

النسيم المسافر

07-31-23, 09:58 PM

جميل ما نثره قلمك

الراقي المميز

يسلم احساسك

وذوقك الرفيع

الْياسَمِينْ

08-01-23, 02:05 AM

قصيدة غارقة في العذوبة والصور البلاغية البديعة ،

صح لسانك شاعرنا :81:

القارظ العنزي

08-01-23, 06:16 AM

يسلم مرورك العطر
ايها النسيم المسافر

القارظ العنزي

08-01-23, 06:17 AM

صحة انفاسك الياسمين
دمت ودام ظلك

احلام عابره

08-01-23, 07:13 AM

كلنا معجبون بالقارظ وقصائد القارظ
يالله نشاكس فتى عنزه
بعينك الله على احلام عساعة هالصبح

المعجبه قالت ...... تعال
وانا لك مبطي.... منتظر

انت الحرف وانت المقال
وانت القصائد ...والشعر

صديقي ياسيد.. الرجال
غـلاك على قلبي ....أمر

يامكسبي ورأس.. المال
وصفوة الروح من .البشر

غلاك وسط الصدر . جال
وعيوني ملّها .......السهر

روحي تناديلك ..... تعال
يكفي بعد يكفي ...هجر

صح لسانك ملايين يافتى عنزه
تقبل مروري كما هو

القارظ العنزي

08-01-23, 10:10 AM

هلا وغلا في هالسجال
يا نور عيني .. . والنظر
عدوان ينادي لي . تعال
وانا نويته ....... بالسفر
يفداك القارظ .. يالغزال
يفدى عيونك .... يالقمر
حدد مكانك ..... بالمقال
مسكانك وينه ... بالبشر
بالبادية والا ...... الجبال
بالحاضرة أم .... بالهجر
لولا الحياء جبت السؤال
اللي يشرح لك .. الخطر
لكن ظروفي ... والمجال
يمنع سؤالي ...... والقدر

صح السانك احلام عابرة
طبت وطابت المشاكسة

خياآل

08-01-23, 01:31 PM

صحت الالسن ياحلوين

وانا ليا جالي مجال
بكون اول من حضر
وابهر الشقر الدلال
واخرف من النخل التمر
واليا جلست اجل كـ آل
ماحك راسي من سطر

خاطرة لحظية

وارف

08-01-23, 04:14 PM

حياك الله ياالقارظ وحيا علومك
وصح لسانك وفكرك ماتعاقب الليل والنهار
ابيات جميله كجمال روحك وجمال مشاعرك النديه
طبت وطاب حضورك وتعاظم شعورك

لروحك أنفاس المطر

القارظ العنزي

08-01-23, 09:10 PM

صح السانك خياال
نعم الخاطرة اللحظية
طبت وطابت خواطرك

القارظ العنزي

08-01-23, 09:11 PM

الله يحييك وارف
دمت ودامت ايامك
بخير عودا حميدا
لنا جميعا راق لي
مرورك العطر وحضورك العذب