مشاهدة النسخة كاملة : اكبر وحده فيهم
قد سجلت في كورس مجاني تبع اللغة الإنجليزية وعملو لنا مقابله بسيطه واكتشفت ان انا اكبر وحده فيهم والباقي كلهم صغار ببدايه العشرين صراحه ماتحمست اكمل وماحضرت الدرس التالي لان تفشلت من حالي لان الي بقدي لازم تكون موظفه ومتزوجه ومعيله وانا لسه انا خريجه بكالريوس لكن شوي احتاج تدريب بالانجلش ومتفشله الاستاذات الي بيدرسوني وافكر الغي الكورس وما احضر للابد شرايكم
العنقاء
08-09-23, 03:41 PM
!!
ودا سبب عشان تبطلي!!
مين يسألك عن عمرك هناك ومين يهتم!!
إذا بطلتي شي مهم لأجل هالسبب ما حتقدري تنجزي أو تحققي أي شي
الوردة البيضاء
08-09-23, 03:49 PM
كملي ليش تتفشلين الدراسة مو عيب باي عمر
غَـزل ،
08-09-23, 03:53 PM
'
لحظة لحظة ..!!
صراحة اشتهيت اجلدددك !
علميني مين الي مورث لك تفكير عام 2003 !!
ومن قال ان اساس نجاح الحياااة انك تتزوجي وتعيلي وان التعليم له عمر معين !!!
ومن قال ان الي بعمرك عيب تتعلم !
حبيبي لازم تفرمتي افكارك ..
لو يصك عمرك 60 انتِ صغيرة اتجاه كل شيء بتفكيرك انك كبرتي عنه
(انجازات بالحياة - ملامحك - دراستك - حبك لنفسسك)
نصصيحة لا تحصرينهم بعمر او مستوى تعليمي
ومتاكدة ان الي معاك يفكرونك بعد وحدا صغيرا :x38:
في حريم تحصلينهم متزوجات ومعيلات او مو متزوجات بس مختمات البكالريوس والدكتوراه من زمان
بس تشوفينهم صغيرات .. لان العمر مجرد رقم وقناعتهم بالحياة تختلف
ومو مستكثرات اتفه شس اتجاه نفسهم
القاعدة الثابته:
(الناس تشوفك بنفس نظرتك لنفسك)
اذكري الله وكملي الكورس وتشببي وخليك ع انك صغننتهم
التعليم ماله عمر معين
لا تاخذين الحياة بجديه اكبر
ولاحظت من تفكيرك انك رابطه الحياة بزواج
عيشي حياتك وحققي افضل من ككذا
بتجيك قسمتك باذن الله
انا لما خلصت الثانوي دخلت معهد انقلش ..
حرفياً الي معاي بالكورس ومصاحبتهم حريم عيالهم كبري
ولا قالوا عيب ولا فشلة لانهم يحبون نفسهم
واغلبهم مو باين ماشاء الله لانهم مصغرها نفسها
بعدك صغيرة وبعدوه الطريق قدامك كملي الكورس
و شطبي ع تفكيرك هذا لانه بيعطيهم انطباع انك كبيرا
ولو ختمتي الماجستير .. مافي شي اسمه كبرت
حبي نفسك ولا تستكثري عليها شيء
لان هالصفة بتفيدك حتى لما تتزوجي
ملامحك ع قد روووحك :x38:
بيني وبينك فعلًا فيه حرج على الشخص انه يدرس مع ناس أصغر منه بفارق كبير في السن والشكل ...
وبرضو فيه حرج على الشخص انه يدرس مع ناس أكبر منه بفارق كبير في السن والشكل ...
لكن في مثل هذي المواقف تعتمد على طبيعة الشخص ....يعني بعضهم الأمر عادي عنده حتى لو يدرس مع سنة أولى ابتدائي فصل ( ب ) ..
وبعضهم مايقدر وراح يعاني كثير ..بس في النهاية راح يضغط على نفسه إذا كانت دراسته فيها مصلحة له ... يعني شي يستاهل ومحرز ..
عمومًا مدري وش أقولك ...لكن طبيعتك هي اللي راح تمشيك على كيفها ...وإذا قدرتي تخالفينها في موضوع الدراسة فهذا شي كويس ...
وعادي من المفترض تنتحرين عشانك كبيره بالعمر الامر عار عظيم :x147:
M.ahmad
08-09-23, 08:09 PM
يابنت الناس أنتي جالسه توقفين حياتك على أمور تافهه
نصيحتي لا تهتمين لمسألة العمر
إدرسي معهن وخذي شهادتك ولا عليك منهن
والله أذكر في فترة ن فترات عمري درست ليلي
في لحظة تسجيلي فرزو الأقدميه في التعليم (( يعني اللي شهادته أقدم ))
وكنت الوحيد بين أكثر من ٨٠٠ طالب الذي حصل على الأقدم في التعليم
رغم كل الطلاب الذين سجلو معي أعمارهم تتجاوز الـ ٥٠ و ٦٠ عام
وأنا عمري لم يتجاوز ٢٦ عام فقط
والحمد لله لم ألقي أي أهتمام للموضوع بل دخلت الصف وكملت عامي الدراسي وأخذت الشهاده بأمتياز .
اذا شاعره براحة
وشاعره انه مجرد شي وبروح
في قلق شوية معلش
بس اذا شاعره بتردد كبير
وشاعره بضغط على نفسك
يمكن هناك سبب اخر
حاولي تكتبي عن كل شي مشاعرك
وافكارك
على ورقة وجربي انه لو صديقة
قالت لك هيك هيك شاعرة وبفكر
مشاعرها وافكارها مثلك
:MonTaseR_103:عن تعلم اللغة شو بتنصحيها
جرح كبير
08-09-23, 10:09 PM
ضحكتيني ...
تبي تتعلمي لغه تعلمي ولا تحسبي أي أحد امامك.....
تبي شهادة لغه خذيها ولا تلتفتي لأحد ابدا....
الناس كلها اشطبي عليها وحطي الهدف امامك ......
الحياة مش مستاهله ابدا والناس مايستاهلوا انفكروا فيهم .....تعلمي اذا محتاجه التعلم وربي معك
ههههههههههههههههههههههههه معليش بس بصراحه مريت بنفس الموضوع وندمت إني تركت أول مره بس بعدها مريت بنفس الموضوع لكن عادي كملت عشان أستفيد
ترى إنتي داخله تتعلمي حتى لو كنتي عجوزه محد له دعوه
ههههههههههه وانا مريت بنفس الموضوع وحبيت
اترك كمان ملاحظة
اذا شاعرة بضغط كثير وتوتر كبير وتردد
برايي في الف دورة وفي ميت محاضرة
في لغة انجليزية دوري على دورات ثانية
وقتها يا بتشعري براحة لانه هي الدورة
الي نقتيها اول مرة هي فعلا الافضل لك
او بتلاقي شي افضل منها
ما توقفي تعليمك علشان حد انتي حطتي
بعقلك لنفسك ما راح يضبط لكن
مشاعرك الافضل تكون ايجابية وسلبية قليلة او مؤقتة:0741::31::m42:
والدي رحمة الله عليه كمل الجامعة وهو متزوج ومخلف ٣ اطفال حينها ولا شاف انها عيب
العلم ماله عمر لو كان لكي هدف فعلا توصلي له
العـ(احمد)ـالمي
08-10-23, 05:51 PM
العلم ماهو محدد بعمر معين
يقول عليه الصلاة والسلام في ما معناه : ( اطلبوا العلم من المهد الى اللّحد)
كمّلي وتوكلي على الله وخلي عنك كلام الناس
حتى أنا مثلك أبي أتدرب على اللغة الإنجليزية
ولاحظت أسهل طريقة هي التكرار
يعني إذا ما تبين تتعلمين مع اللي أصغر منك وتحسين فشلة
جربي طريقة التكرار
كل يوم اسمعي مقاطع باللغة الإنجليزية
حتى لو لمدة نص ساعة فقط
وبتلاحظين الفرق من أول أسبوع
تدرين ليش ؟
لأن العقل اللاواعي يحفظ بالتكرار
بس لا تعطين المقاطع تركيز كبير
تابعيها عادي واسمعيها عادي كأنك تتابعين مسلسل
لأن العقل اللاواعي يلقط الأشياء اللي ما نعطيها تركيز كبير
ويحفظها ويخزنها ونتبرمج عليها
عكس العقل الواعي
ل هالسبب اللي يتابعون مقاطع بلغة ثانية بإستمرار
بعد فترة يشوفون نفسهم تعلموا اللغة بدون ما يحسون
مع أن بعضهم ما يكون هدفهم أنهم يتعلمون اللغة
جربي وشوفي يمكن تناسبك هالطريقة أكثر =)
vBulletin® , Copyright ©2000-2024,