((لا تعاتبي يالجاني)) [الأرشيف] - منتديات مسك الغلا

مشاهدة النسخة كاملة : ((لا تعاتبي يالجاني))

القارظ العنزي

08-29-23, 12:46 PM

لا تعاتبني .. يالجاني
انت المقفي مو اني
ياللي طبعك نسياني
يا لباس .. المقرونة

والا انا طبعي وافي
يشهد لي كل سنافي
الخافق معكم صافي
يشهد رب . المزيونة

يشهد قلب . يهواكم
ما عمره قط ينساكم
ربي يارب ... يبلاكم
بالعشق اللي تجنونه

يمكن تفهم ... بلوتنا
من سبايب عشقتنا
باعتنا ... ما اشترتنا
والله يعلم . مكنونه

انك كانك يمي آيب
من غلاكم مو تايب
عجل يم .. الحبايب
وره زولك ... بعيونه

القارظ العنزي

النسيم المسافر

08-29-23, 01:42 PM

الله الله عليك ايه الجميل

الراقي ينسكب حرفك

كالسلسبيل

ممتع متفرد

بمعنى

الكلمه

تسلم

يا انيق

احلام عابره

08-29-23, 06:53 PM

لا والله منا ....ناسي
ياتاجي فوق الراسي
بس انت قلبك قاسي
ومعذبني ..... بفنونه

جاي لقلبي .. وتعاتب
وانت الي عني غايب
سنين وحنا ..حبايب
كنا ليلى ...ومجنونه

يالصاحب ...السنافي
يالي لولفك .... وافي
يا بلسم قلبي .الشافي
يا آسرني ...... بعيونه

من دون الخلق شاريك
ولو يرخصونك. مغليك
سنين العمر..... تفديك
وانا الغالي ما.... خونه

يافرحتي....... بزماني
غلاك يسري ..بشرياني
آني الي شاريك.... آني
وصرت بقلبك مسجونه

الشاعر العذب
صح لسانك ملايين
تقبل مشاكستي كما هي
ودي واحترامي

الطفشان

08-29-23, 07:12 PM

لا تعاتبني وأنا بصـدري عتاب ،
وقبل لا أسمع منْك لازم تستمع ! ٰ
لا تقول شلون .. فرقنا : الغياب ،
بــس قول ؟ شلون بعده نجتمع !

صح لسانك اخي الغالي

تقبل مروري الخفيف ومشاركتي البسيطه

تحياتي الطفشان :MonTaseR_148:

أعد النجوم

08-30-23, 02:27 AM

صح لسانك شاعرنا الجميل والعذب القارظ

ابدعت وامتعت لله درك

بوركت

يختم ل3 ايام مع التقييم

أورلينا

08-31-23, 03:25 AM

قصيدة جميلة
صح لسانك واحساسك
ننتظر جديدك

القارظ العنزي

08-31-23, 06:55 AM

طبت وطاب مرورك
النسيم المسافر لاهنت

القارظ العنزي

08-31-23, 06:56 AM

صح السانك احلام عابرة
راقت لي مشاكساتك

القارظ العنزي

08-31-23, 06:56 AM

صح بدنك لاهنت
الطفشان ولا هان منطوقك

القارظ العنزي

08-31-23, 06:57 AM

صح بدنك لاهنت ولا هان
منطوقك اعد انجوم

القارظ العنزي

08-31-23, 06:58 AM

صح السانك
وصح بدنك
أورلينا راق
لي مرورك
الأروع