مُواسي
09-07-23, 02:58 PM
ملاحظة
كل كتاباتي هنا حصرية وجديده :
البوح
مرحبا والحرف مرموز المعاني / بين شمس القايله وحدود فيّه
ياوسيع العرف للغايه وسيله / يوم شبيت الضيا فوق المناره
هات علمك قبل تسرقك الثواني / وانتهز معناك والدنيا مديّه
لو تقول البرق يسبق للمخيله / قلت صوت الرعد يعطيك النذاره
الصمت
ياهلابك لا تجي فالدرب عاني / تحتمل في سكتك ذنب وخطيّه
لويجيك الشِعب سايل من مسيله / فالسكينه تغرقك منه البشاره
ما زعجت الصوت لجل انك تراني / يوم صوتك تنكشف فيه الخفيّه
يوم بعض الهرج ما ينصف عميله / شفت فرق الربح من فرق الخساره
البوح
مالقيت لمركبك شط ومواني / يوم انا سارح على ظهر المطيّه
ماوصلني من عطاياك البخيله / لا سوار ولا سفير ولاسفاره
لو دهاني من زماني ما دهاني / ادفنه تحت الحروف الابجديّه
يوم اعبّر عن هوى قلبي وميله / ما وردت الا مواريد الصداره
الصمت
أنت من جهلك تحسب القطف داني / يوم تومي تكتسب منه العطيّه
حنظلك لو هو نبت في شط نيله / قيل زادت لك مراراته مراره
من ضياع الصبر ما تدرك مكاني / ما يشيلون الروا غير الرويّه
لو قصرت الحبل ياراع الثميله / كان تفْرق ليل بيرك عن نهاره
البوح
الجمال اللي نطق صوته عزاني / ليش تلبس ثوب كبر وعنجهيّه
كل ناطق نغمة ألحانه جميله / يوم ستر الصمت يوحشني ستاره
يوم انا لولا كلامي ما تراني / ما تباصرني وعينك لي عميه
رحلتي وياك فالغربه طويله / رح عسى ما توقد ابنارك شراره
الصمت
من يقول اللي نطق صوته شجاني / وش يقول بخشخشة دابٍ وحيّه
الجبل سمته على صمته قبيله / مكتفي به في شموخه وانتصاره
شف شعاع الشمس يوم انه يباني / هو نطق ولا يزيد الصمت ضيّه
يوم عقلك عابرن ضيع سبيله / مايفيد الضايع ألحان وعباره
مواسي.
حنظلك لو هو نبت في شط نيله / قيل زادت لك مراراته مراره
البيت هذا للشاعر عبدالله اللويحان رحمة الله عليه مع التصرف
يقول:
الحنظلة لوهي على شاطي النيل / زادت مرارتها القديمة مراره
كل كتاباتي هنا حصرية وجديده :
البوح
مرحبا والحرف مرموز المعاني / بين شمس القايله وحدود فيّه
ياوسيع العرف للغايه وسيله / يوم شبيت الضيا فوق المناره
هات علمك قبل تسرقك الثواني / وانتهز معناك والدنيا مديّه
لو تقول البرق يسبق للمخيله / قلت صوت الرعد يعطيك النذاره
الصمت
ياهلابك لا تجي فالدرب عاني / تحتمل في سكتك ذنب وخطيّه
لويجيك الشِعب سايل من مسيله / فالسكينه تغرقك منه البشاره
ما زعجت الصوت لجل انك تراني / يوم صوتك تنكشف فيه الخفيّه
يوم بعض الهرج ما ينصف عميله / شفت فرق الربح من فرق الخساره
البوح
مالقيت لمركبك شط ومواني / يوم انا سارح على ظهر المطيّه
ماوصلني من عطاياك البخيله / لا سوار ولا سفير ولاسفاره
لو دهاني من زماني ما دهاني / ادفنه تحت الحروف الابجديّه
يوم اعبّر عن هوى قلبي وميله / ما وردت الا مواريد الصداره
الصمت
أنت من جهلك تحسب القطف داني / يوم تومي تكتسب منه العطيّه
حنظلك لو هو نبت في شط نيله / قيل زادت لك مراراته مراره
من ضياع الصبر ما تدرك مكاني / ما يشيلون الروا غير الرويّه
لو قصرت الحبل ياراع الثميله / كان تفْرق ليل بيرك عن نهاره
البوح
الجمال اللي نطق صوته عزاني / ليش تلبس ثوب كبر وعنجهيّه
كل ناطق نغمة ألحانه جميله / يوم ستر الصمت يوحشني ستاره
يوم انا لولا كلامي ما تراني / ما تباصرني وعينك لي عميه
رحلتي وياك فالغربه طويله / رح عسى ما توقد ابنارك شراره
الصمت
من يقول اللي نطق صوته شجاني / وش يقول بخشخشة دابٍ وحيّه
الجبل سمته على صمته قبيله / مكتفي به في شموخه وانتصاره
شف شعاع الشمس يوم انه يباني / هو نطق ولا يزيد الصمت ضيّه
يوم عقلك عابرن ضيع سبيله / مايفيد الضايع ألحان وعباره
مواسي.
حنظلك لو هو نبت في شط نيله / قيل زادت لك مراراته مراره
البيت هذا للشاعر عبدالله اللويحان رحمة الله عليه مع التصرف
يقول:
الحنظلة لوهي على شاطي النيل / زادت مرارتها القديمة مراره