حياة صعبة تعقيب على (تهديد بالطلاق)

[مشكلتي]

تعقيب على موضوع تهديد بالطلاق
قرات المشاركات كلها
شكرا لكل من رد وجزاكم الله خير
ولكن الذين نصحوا بان ابادر معه لاينفع معه اي مبادرات
لانه هو مقفل مخه و مايعطي فرصة لاي محاولة بإصلاح الاوضاع محاولات التقرب والتجمل مافيها فايدة يمكن صار عنده برود؟؟؟؟!!!! دايما صد وهجران وجحود ونكران وعدم تقدير ولااحترام و يكتب لي كلام قذف واهانات بالواتساب يبي يضايقني
وانا لاارد عليه بنفس اسلوبه احاول اهدي الجو بس مافي فايدة مستمر يضايقني
اللي قالوا ابحث له عن عمل مايتقبل مني!!!
حاولت مافي استجابة
هو عايش كنه عزوبي ياكل من مطاعم و يغسل ملابسه
هو طبعه جلف وجاف مايهتم بالكلام الحلو
مايرضيه اي شئ دايم ممتعض ومزاجه متعكر
بحثت عن شخصيته وجدت ان شخصيته نرجسي يتغذى على النكد والزعل ومايحب يشوفني مرتاحة او مبسوطة دايمن ينكد علي و يعاملني باني مقصرة مهما سويت
توه شاري للعيال اجهزة جوال وانا استغربت منه من وين يقدر يشتري اجهزة واحنا محتاجين الفلوس في مقاضي البيت؟؟؟!!!! تصرفاته غير منطقية و فيها استفزاز يعاملني كأني عدوته ويحاربني بالكلام والتصرفات وانا احاول اغلبه بذكر الله والتجاهل لتصرفاته وعدم الرد بنفس اسلوبه
اللي عنده معلومات عن الشخصية النرجسية ذول بلوى
اللي يعيش معهم يتعب ولايرضيهم شى
انا احاول اطنش وانشغل بنفسي وعيالي وبيتي
بس هو مستقعد لنا من الفضاوة هو ماعنده اصدقاء
وحتى في الويكند مايجلس مع اخوانه منطوي على نفسه ودايم زعول و يزعلني و لايراضيني
امه مريضة و متعلقه فيه مررررة اكثر من باقي اخوانه واحنا عايشين معهم بنفس البيت هم تحت واحنا فوق
اخوانه واخواته عايشين مرتاحين اكثر مننا
احنا ظروفنا مختلفة وغير عنهم
زوجات اخوه وبنات اخوه لمن اكون معهم احس انهم بوادي واحنا بوادي ثاني هذا غير الأهل والاقارب
ماشفت احد يعيش بنفس احوالي
احوالي صعبة والله يعلم بالحال
احاول اصبر نفسي ولكن تعبت والله من الوحدة والهم والتفكير.. عندي اخ مايشتغل وشخصيته للاسف نرجسي لكن عصبي.. ابو العيال نرجسي هادي.. يعصب على أشياء تافهة
تعبت منهم.. لمن اكون مع اهلي ينكد علينا اخوي
ولمن اكون في بيتي ينكد علينا بو العيال
لاحول ولاقوة الابالله العلي العظيم
احاول اسعد نفسي واطلع من هالجو الكئيب
انا كنت اعاني من اكتئاب ولمن بديت اتحسن شوي بفضل الله طلعت لي هالظروف مع بو العيال هو كان يشتغل بعدين جلس في البيت مدري ليه ماشتغل لين الحين؟؟؟؟!!!!!
وانا قدمت وظايف ماحصل لي شى لين الحين؟؟؟؟!!!!
ادعي الله الحمدلله في اوقات الاستجابة مالي غير الله سبحانه وتعالى ونعم بالله
ولكن كثرة الضغوطات والتفكير تخنق وتنغص.......
أفيدوني وجزاكم الله خير

[M.ahmad]

مادامه نرجسي أحذري تنصحيه عندما يخطئ أو تراديه في كلامه أو تعارضيه في قراراته أو حتى تعانديه
لأنه من المعروف النرجسي هو هذاك المزيف الذي يرى نفسه فوق الناس وأنه حكيم زمانه الأعلم بكل شيء وأن الجميع من دونه خسرانين مما يجعله لا يتقبل أحد يحسسه أنه بمستواه أو أقل منه

ولكن الأمر الجميل في الشخص النرجسي بأن قلبه نظيف لا يحقد وشخص طيب جداً وينسى الأحداث سريعاً
وأكثر مايعجبني فيه بأن كل همه هو البحث عما يضحكه ويسليه

لذلك إذا طبقتي تحذيري ستستطيعين حينها إمتلاكه وتقبل العيش معه برحابة صدر .

[رَوْحٌ]

حسيت أنه نرجسي من موضوعك اللي قبل

تبين الصراحة والله أنه ذكي
عشان كذا هو اللي مسيطر وقدر يتحكم فيك وينكد عليك

صيري أذكى منه
التجاهل زين
لكن تجاهلي بدون ما تتأثرين
يعني فكري أنه مب طبيعي ولا تزعلين من كلامه
اللي يقوله مو يعني أنه صح
بس لو زعلتي بتظهرين كأنك مو واثقة
أو راح تثبتين أنه صح

بس أعتقد في شي موصله ل هالحالة
لأن مو معقول بيوصل ل هالدرجة من البرود بدون سبب

ترا هو يعامل بالمثل يعني انتبهي لأسلوبك وكلامك

وغالباً النرجسي يكون تعرض لنفس المعاملة اللي يعاملك فيها
ممكن أهله كانوا يعاملونه كذا أو المدرسين في المدرسة أو أصدقائه
خاصة بمرحلة الطفولة

أذكر قصة كان في شخص يكره النساء
ودايماً يروح يقتلهم ويقطع رؤوسهم وقبلها يهينهم ويذلهم
وبعدين لما حاولوا يعرفون الدوافع وراء إرتكابه للجرائم
اكتشفوا أن أمه كانت تحتقره وتعامله معاملة سيئة وتهينه وتذله
وتهين رجولته
يعني مسحت كرامته بالأرض
ف لا إرادياً صار عنده غضب على كل النساء ويحاول يذلهم
وآخر شي قتل أمه بعد

يعني الله يعينك لو معقد
يمكن ما يكون في حل إلا أنك تبعدين عنه
عشان ما تموتين

[رَوْحٌ]

على فكرة أي شي ترفضينه أو تقاومينه بحياتك راح يزيد للأسف
أنت قلتي أن أخوك نرجسي
يمكن كنت تقاومين أخوك وترفضين شخصيته
أو أي شخص نرجسي بحياتك
ل هالسبب حتى زوجك طلع نرجسي وينكد عليك

أول شي لازم تسوينه تقبليه
تقبلي أن هو نرجسي وكذا طبعه ولا تقاومينه

بعدين تخيليه بالصورة اللي تبينه يكون عليها
تخيلي أنه صار إنسان ثاني وغير ومثل ما تحبين
واكتبي الصفات اللي تبينها تكون فيه
وبنفس الوقت ادعي أنه يتغير ويصير بنفس الصورة الحلوة

ومن الأشياء المهمة
راقبي مشاعرك تجاهه
هل هي مشاعر حب وقبول ولا رفض وكره ؟

لو كانت مشاعرك تجاهه مشاعر رفض وكره بتشوفين منه نفس الشي طبعاً
لأن المشاعر توصل للناس حتى لو ما تكلمتي

ويمكن هو حس أنكم تكرهونه ومو متقبلينه

وتجنبي أنك تتكلمين عنه بالسوء من وراه
خاصة عند أهلك
لأن بتشوفينه على طول تغير وصار أسوء
ويمكن يسوي فيك نفس الشي

وإن شاء الله تنفع هالطريقة إذا حابة تكسبينه

أنا جربتها مع ناس وضبطت
يحسون بمشاعر القبول حتى لو ما تكلمت
وحتى لو بينت العكس ظاهرياً
أهم شي اللي في القلب

يمكن حد يقولك كلام حلو ومجاملة بس مو من قلبه
بتحسين أنك ما تتقبلينه .. صح ولا ؟

[بيريه بوليفيا]

90%من الرجال
مصابون بنرجسيه

وانه مفكر انه اعلى
تكريما من المرأة
وأنه مفكر انه ان لما رب العالمين
كلفه بمهمة إعمار الأرض

اصبح الشيطان يوسوس له
على مر التاريخ
والحداثه

حتى
انتجت فوارق الطبقات الاجتماعية والدينية
حتى اصبح
هناك ملوك وعبيد
وزوج آمر وزوجة مطيعة
واختلاف الناس من المفترض
يكون بتنوعهم العقلي وتعاونهم
والزواج مشاركة وليش عمليه مبايعة

الله بعينك
وحتى لا تخسري
المدح في المنافق حسنة
فهي أحد طرق الحداثة لكي يدخل الاسلام

[نجمة]

كتبت كثير بس مسحته
هذا النوع ينفع معه الباردة كثير
قوي قلبك وارمي اغلب مسئولية عيالك عليه
جردي نفسك من بعض احمالها
بالبداية بتتعبوا وبيحاول يظهر لك انه مهمل وانه مو قد المسئولية وانه عصبي وانه بينكد عليك وع العيال
ولما يشوفك صخر وجبل ما اهتزيتي بيرضخ لك
ما معك غير هذا الحل
المعركة لك
هذا النوع ما يرتهب الأ مع المرأة القوية
وسيبك من كلامنا الي بالموضوع الأول
لانه واضح انه طبعه كذا ونحن اشفقنا عليه نحسب لانه بلا وظيفة

[بنت أبها]

؛


انا جداً متعاطفة معك لانو عندك اطفال

وماعندك وظيفة وربي لو معك بالمنطقة انو اوظفك عشان تفتكين منو


بس عشان نكون عادلين احنا حطينا الوم عليه وتعاطفنا معك

وهذا ليس عدل


شوفي نجاح الحياة الزوجية

بيكون مترتب على الزوجة


الزوجة هي من تجعل البيت جنة


ولو كان الرجل هو ابو لهب بنفسوو

عشان كذا بنجلس نقول عدلي نفسك معوو

مااقولك انو بيتعدل بنسبة % 100

لكن لعله يتحسن

وطبعاً احنا خلف معرفات نسولف


اكيد مش حنشعر بالشي اللي انتِ تعانين منوو


مجرد محاولة مُساعده فقط



بس بقولك سّر



( ذنوب الخلوات هي من يفسد الحياة الزوجية )


ذنوب الخلوات تُفسد على المتزوجين حياتهم وتحرمهم لذة الحلال !..



ابقي طمنينا عليك ..



بالتوفيق


اسال الله العظيم ان يسخره لكِ
ويسخرك له

؛