((تعال عبر لي عن العشق وشلون))

[القارظ العنزي]

تعال عبر لي عن العشق ...... وشلون
عطني نصيحة من تجاربك . والشوق
يا سيدي ودي اجرب على ..... الهون
قبل اتورط في هوى راقي .... الذوق
واصبح كذلك مثلكم نوع .... مجنون
نوب يلين وبعض الاوقات .. مطفوق
عجل انصحني قبل لا صير .. مفتون
ويصبح غلاها بالصدر طاق مطبوق
كيف التعامل كيف انا ابيح . مكنون
وشلون انا ابدا والقضية .... بغرنوق
عيونها سحر كما سحر ........ فرعون
عين الوحش صقر الوفاء يكره البوق
شفت الذهب في جيدها كنز . قارون
او درة من حازها يربح ...... . السوق
عجل تراني يالغلا انتظر .......... لون
عجل قبل لا يتركن تقل ...... مشنوق

القارظ العنزي

[شاعر العرب]

ومن الحب ما قتل سيدي القارظ
فلن تجد منجى من الحب الا هو
والجنون الحقيقي اذا فكرت بالابتعاد عن من تحب
تحياتي لقلمك وابداعاتك
صح لسانك وعلا شانك


شاعر العرب

[ريان]

شاعر الكلمة والمعنى
تحياتي لك يالقارض

[القارظ العنزي]

صح بدنك لاهنت
شاعر العرب فعلا
نقدك في محله
ليس لك مهرب
من الحب إلا
الى الحبيب قال الشاعر:

الياخفت منك وزاد خوفي ثم البنك
ما عمرها صارت بماضي الزمان ي

[القارظ العنزي]

الف تحية ومرحب
بك الاخ الريان
طبت وطاب مرورك الأروع

[احلام عابره]

الله الله
صح صح لسانك
ياسلطان القوافي
القارظ العنزي


يالي تنشد عن العشق ..ب طاروق
تبي تعلّم قبل لا تصير ....مجنون

تعال اخبرك عن عاشق . ومعشوق
واحد منهم هايم والثاني ..مفتون

عاشقين ويلعب بقلوبهم .. الشوق
بين الحنايا رهبة ورجفه وشجون

هو قلب من بين الظلوع مسروق
هو وجد روح وسهر اذبل جفون


العشق ماهو لعبه وتنباع بالسوق
هو شي ما تقدر تخبيه ...العيون



تقبل مروري ومشاكستي
بصدر رحب
لاخلا ولاعدم

[النسيم المسافر]

الله الله عليك شاعرنا

الممتع الجميل

ذو الحرف المترف

الراقي والعبارت


العذبه المذهله


تقديري

واحترامي

لك وتحيه

بحجم

السماء

[القارظ العنزي]

الحمد لله ما بعد صرت .... مجنون
الا مع الطاروق يالترف .... مسيوق
يشوقني قافك صامت ... وملحون
ويشوقني ذوقك يالراقي .. الذوق
جتك القوافي يا هوى البال عربون
عربون ود من عرب ودهم ... فوق

صح السانك احلام دمت بالوجود

[القارظ العنزي]

كل الشكر والتقدير لمرورك
العطر شاعرنا الفذ النسيم المسافر