كذبني و قهرني

[مشكلتي]

السلام عليكم وبعد

انا بعلاقه اخويه اعتبره اخ وصديق زين انا اسبوع عندي ظرف عائليه واتواصل معه بشكل متقطع مو مثل قبل طول الوقت وشرحتله ظروفي وماقبل يصدقني كذبني:schmoll: وقال موقفك يحكم بسبب ان نمت بدون ما احس من التعب وبعد صار سوء فهم وهو تحسس واخذ على روحه بدون قصد مني الان تواصلنا وعلاقتنا مو مثل قبل انا قررت اتركه لان جرحته وانا مش قاصده اساسا :eiwp: هل الموقف يستحق الغفران او الابتعاد مب قادره انسى وودي اصيح

[M.ahmad]

هذا شخص شكاك والشخص الشكاك لا يُعاشر
ويكفي بأنه يتدخل في حياتك ولا يثق في كلامك

ولكن المشكله ليست فيه بل المشكله فيك أنتي لأنك لازلتي تستمرين معه وتحاولين تقنعيه وتبرري له بحياتك دون مراعات بأن علاقات الأنترنت مؤقته سرعان ماتنتهي مهما وصل فيها مجال التعلق

نصيحتي لا تجعلي علاقتك تتوقف على أحد عبر الأنترنت

[فيولا]

زي مقال مديرنا

هذا شخص شكاك والشك اضطراب نفسي

لأنه مبالغ في ردة فعله
مع التشكيك في صدق كلامك
عنده نظرية المؤامرة
مهما حلفتي ماراح يصدقك

غير إن التواصل الكتابي يخلي الموضوع
يزيد وياخذ راحته في الشك والتكذيب

وبعدين غبتي أو حضرتي الموقع شي راجع لك
حتى لو ما عندك ظروف إنتِ حرة
أقل حقوقك انك تدخلي وقت ما تبغي

هو ماله دخل


شخصيته متعبة عدم ثقة وحساسية من أي تصرف
يعني باختصار راح تكوني دكتورة له تتحمل تصرفاته


لا علاقة
أخوية ولا شيطانية

اهربي

[صعفق طاش كندي]

سيناريو حبيب بس من ورى التريلات
ياحليله تراه معجب فيك
بس انتي سوي يعنني ماتدرين لين تخسرون بعض ان شاء الله

[رَوْحٌ]

الأخ ما يكذبك ولا يقهرك ولا يسيء الظن فيك
بالعكس يلتمس العذر ويحسن الظن

إلا إذا كان متعقد من ناس قبل كذبوا عليه ممكن يصير شكاك

بس أنتِ مو لازم تحسين بالذنب وتتضايقين
لأنك تقولين أنك مو متعمدة
لا تصيرين طيبة بزيادة وتعتذرين وأنتِ مو غلطانة

هذي مشكلته
هو قرر يسيء الظن ويكذبك

وبصراحة هذي النهاية متوقعة لمثل هالقصة

[يلدز]

يسعد مساك

اي علاقه عبر الأنترنت كاذبه
سوا اخويه أو حب
كلها تنتهي بخلاف وهوشه وشكوك
واذا هذا الي اعتبرتيه أخ وسوا كذا
فهذا ليس بأخ فلأخ حنون ويلتمس العذر لأخته مهما فعلت
ودام شرحتي له ووضحتي عذرك ولا صدق هذي مشكلته حبيبتي
اتركيه واتركي الخرابيط الي كذا
اخوانك الحقيقيين اولى بأهتمامك وقربك من هذا الغريب

تقبلي مروري :ورده:

[د.سوسنة]

وعليكم السلام ورحمة الله
حسب لي فهمت انهاعلاقة بالانتيرنت
اولا علاقة الانترنيت كلها كدب

انت متعلقة فيه مبين من كلامك

لا مافي علاقة اخوية مع شخص غريب

نصيحتي ابتعدي عنه افضل لك

قبل ما تغرقي

[الشآمخة2]

أختي إنتي أنسانه مثقفة وواعية وناضجة ليش تكلمين شباب ترى ماوراهم الا المصلحة وعوار الراس أبتعدي عن هذي العلاقات السامة أدعي الله فجوف الليل يرزقك نصيب زين

[السهم الأخير]

اللي يقهر في الموضوع إنك إنتِ محتاجه له أكثر من حاجته لك والدليل أنه لما افتقد وقت الفراغ اللي يقضيه معك حط نفسه أنه المغلوط عليه و أنه اللي يستحق التعويض .

بالعامية يا وخيتي ، والله سويتي له رأس قرون على قولتنا . قولي له شف لك بحر ملحه أجاج وغرغر منه لين تعرف موقع ردم يأجوج ومأجوج . خليه يولي مسويه له احترام وهو ما يستاهل أصلا تتواصلي معه .

أخوك على ايش؟ هذا متملك وأناني وما ينعطى وجه . سوي له مسح الكل وانتهينا من أوجاعه وإنتي بعد ليه تخفين تعلقك بالولد ترا مبين من الكتابه ولو كان أخ ما وصلتِ لذي الدرجة.

نصيحة : ربك بغالك الخير وتستدركي مافاتك من أمور وكثير بنات والله يصلن لمرحلة عقوق الأهل بسبب مثل هالشياطين وعشنا وشفنا كثير نماذج معد نقتنع أن الأخوة تسوي كذا .

كلامه الجميل كله ما يشفع له لأن المواقف تكشف معادن البشر وذا معدنه فرنك مصدي فحرام تحطي مقامك بهذا المستوى ولا أريد أن أقول اكثر .

[جرح كبير]

تركبي في الذنوب على ظهرك وخلاص

[نوتيلا]

حبيت الاخويه :icon10:
اهديه ساعة آبل وزامنيها مع جوالك قبل تهدينه
وتضبط امورك معاه الله يقدرني على فعل الخير
فاعلة خير:icon10: