~ كرسي الاعتراف ~ [الأرشيف] - الصفحة 16 - منتديات مسك الغلا

طاغي النظرة

12-19-23, 07:36 PM

وسعو جيت :y2o01875:
والله إني مشغولة لكن بضحي بشغلي عشان اسأل ، مفيش مفر :montaser_196:
وردة شمها ورجعها بنعطيها احد ثاني :81::h:

والله يا اختي ماله لازم تخلي شغلك
امانه معك شوفي اشغالك حلفتك الله يا ام ورده شمها ورجعها

انت كَ طاغي النظرة
تفضل الورد في الهدايا او هدية تبقى معاكَ لفترة طويلة؟ مع الاسباب لو سمحت

لاوالله افضل الهديه الحشيمه اللي تبقى معي طول العمر
الورد اضحوكة ابتكرها الطفرانين واهل الحب المؤقت
لانها يومين وتيبس وتصير بالزباله

اذا احد بيهدي يهدي جوال
خاتم ذهب
بناجر
سياره
ناقه
هذه هدايا الشخص اللي يحبك من جد
:)

ترتيبك بالعائلة ؟

اصغر الشباب
اوسط العائله

طاغي طبيّخ؟ له نفس حلو بالطبخ ؟

جداً
الكبسه والماسالا والمشوي

هذه لعبتي
وخلطات العصيرات الغازيه والحمص

أذكر 3 اعضاء ودك تعاقبهم مع السبب

انتي وهدى والياسمين
استلامكم لي بالكرسي
غيله ومافيا وتخطيط مسبق
مو معقول جيش الاساله
لو عطوك صندوق فيه كل الاشياء اللي فقدتها
ايش اول شيء بتسترجعه او بتدور عليه ؟

البوم صور ضاع مني

ملجأ الهروب بالنسبة لطاغي ، وين؟

البر
صفاء ذهن
وهدوء
واطلاق سراح فكر وخيال

طاغي رياضي ؟ يرفع اثقال ؟ او يركض بإستمرار ؟
مهتم بالتغذية وتراقب اكلك؟

كلو غير موجود
الاكل الطيب ناكله
مابكثر وراي شغل ورغي بالشغل :3343:

طلبتك تشوفي اشغالك

لاحقه على الاسأله

منوره يم الكباري

الفيفي2017

12-19-23, 07:57 PM

اليوم ضيفنا جاءنا من صحراء نجْد
عزمته وتفضل مشكوراً بترك نياقه والبر
ولبى الدعوة رحبوا معي بضيفنا المحب للصحراء
طاغي النظرة
اتفضل خيو وتربع على كرسي الأعتراف
ما اوصيكم يالربع غثوه بأسئلتكم :x30:

شكرا لك اخت هدى الوزير على اختيارك الرائع
وهلا وغلا بضيفنا المميز طاغي النظرة وطاغي الحضور
والعذر على الحضور المتاخر وان كررت سؤال قد ساله
احد الاعضاء من قبلي لانني لم ارجع اتابع كل الاسئلة والاجابات

1- سبب اختبارك لهذا النك ؟
2-تخصصك ومدى رضاك عن ماوصلت له بعملك ؟
3- اول دولة زرتها ؟
4- هل قد قابلت احد وقال لك انك طاغي النظره بحق وحقيقة ؟
5-اي فريق تشجع محليا ودوليا؟
6-قرار اتخذته متسرعا ندمت عليه واخر فرحت انك اتخذته ؟
7- مالذي يميزك عن اصحابك واصدقائك ؟
8- مانوع جوالك وسيارتك ؟
9- هل لك اقارب معنا بالمسك ؟
10-اسعد خبر سمعته هذا الاسبوع ؟

وشكرا لك والعذر منك

طاغي النظرة

12-19-23, 08:33 PM

جيل الثمانينات او التسعينات او الألفية !
رأيك عن كل جيل
ومميزات كل واحد فيهم
وانت بأي جيل منهم ؟
!
جيل الثمانينيات جيل البناء والاسس الجيد والترابط
جيل التسعينيات جيل بدا يرى نور الحياه وجيل بدايه الانفتاح على العالم الخارجي
جيل الالفين . جيل متلقي متأثر مقلد لعالم غير عالمه
جيل يريد حياه كريمه بدون تعب يريد ترفيه طول الوقت يكره الشقا والصبر

انا من التسعينات وماحولها :)

واحتمال راجعة كمان ههه
حبيت اجابتك الأولى والنعم دائما
ماشاءالله تبارك الله واضح من أي مجتمع محافظ جيت
والأكيد الجميع شاف مدى احترامك ولطفك
يسعدك دايما اخي ^^

!

لا يا اختي لاترجعين الا للسلام

ربي عيالك الله لايسيئك :)

هذه نور المنتدى حقيقه الاخت نجمه
منوره دائماً

هدى الوزير

12-19-23, 08:36 PM

ههههه بصراحة بعض إجابتك تفطس ضحك
ماكنت ادري انك صاحب نكته وظريف
واترك عنك التحلطم وانا أختك
كثرة التحلطم تقل الرزق
( وش دخل الرزق بس سلكوا لي...اكيد فيها حكمة)
وماعجبتني أسماء نياقك اسمع عندي اقتراح أسامي لك تهبل...
ليليان
شذى
جوري
المها
الريم
سماهر

امانه مو احسن من ذيك الاسماء اللي مدري من وين جبتها
وهذي وردة لك شمها وخليها عندك لبكرة ورجعها :x117:
عشان ماتقول بخيلة ما ضيفتني :MonTaseR_68:

طاغي النظرة

12-19-23, 08:47 PM

مساء الخير ...

يامساء النوور ياهلابك وغلا

عندي كم سؤال لـ طاغيّ النظرة ان شاءالله اكون لحقت عليه ^_^

ياحياك الله

اي اللي يسعدك اكثر راحة البال او المال ؟

راحه البال ايوالله نحمد الله ونشكره

تتوقع من اللي ينتصر بطاغيّ غالباً قلبه أو عقله ؟

اكذب اذا قلت العقل
القلب اغلب القرارات يسيطر

لونك المفضل ؟

بيج فاتح

هل سبق وتخليّت عن شي كنت تريده وبقوه ؟

لا لم يسبق لي ..
واخر سؤال كم رح يصير عمرك بعد عشرين سنه ^_^

:)
لا يالشيخه سؤال من ورى التريلات

هههه لامافي اجابه

!

ياهلا بالسكون

حضور انيق
ولطيف وخفيف

يسعدك ربي

طاغي النظرة

12-19-23, 08:49 PM

لاتقلي خلصت المده
في اسسسئله هنههه
الله يحفظك للامانه
ضيف راااقي جداا

!

ياهلا وغلا بأسامه

لا ابشرك هدى تقول الليله اخر ليله لك بالكرسي
الحمد لله قدرنا نتفرغ للاجابات

والله حضورك الراقي ياراقي

يسعد لي هالحضور

هـمـس

12-19-23, 09:03 PM

..

مساء الخير عليكم كلكم

مخزون الاسئله عندي ما خلص لكن ما بنثقل عليك ان شاءالله :MonTaseR_209:

من هي المرأه المثاليه بنظرك ؟

موضوع فارق السن اللي صارت فيه حروب برمضان الثاني

لسى عند كلامك بأنك تؤيد الفارق العمري الكبير بين الزوجين ولا مجرد استهبال >> يارب استهبال

لو احد من قبيلتك قتل شخص آخر بطريقه شبه عمد واهل الدم رفضو التنازل

تدخل بالموضوع ولا تفضل تبقى بعيد؟

وبس هذا اللي عندي

والله يعينك مخزون الاسئله كثير عليك

ويعطيكم العافيه جميعا

..

هدى الوزير

12-19-23, 09:46 PM

!

ياهلا وغلا بأسامه

لا ابشرك هدى تقول الليله اخر ليله لك بالكرسي
الحمد لله قدرنا نتفرغ للاجابات

والله حضورك الراقي ياراقي

يسعد لي هالحضور
.
.
لا لا مو آخر ليلة لا تستهبل :MonTaseR_127:
توك بادي أمس
لا تخليني امدد إستضافتك لمدة أسبوع زيادة :v:

وَتَر

12-20-23, 12:06 AM

باقي يوم لطاغي
بدوّر اسئلة واجيكم

هدى الوزير

12-20-23, 12:36 AM

باقي يوم لطاغي
بدوّر اسئلة واجيكم

.
.
باقي لطاغي لبعد بكرة الساعة 12 ظهرآ إن شاءالله
تكفون شدوا حيلكم في طرح الأسئلة قبل انتهاء المدة
يلا وتر جيبي أسئلة وتعالي ولا تجيبي ورود
طاغي ماغير يتحلطم ويعترض :MonTaseR_141:
وانا بجيب أسئلة واجي :MonTaseR_209:

هدى الوزير

12-20-23, 12:50 AM

هل سبق لك أن خرجت للشارع دون ارتداء الحذاء؟
ما أكثر المواقف المحرجة التي أصابتك بضحك هستيري؟
هل نسيت استكمال ارتداء ملابسك من قبل وخرجت لاستقبال الضيوف؟
ما هو اسم الدلع الذي أطلقه عليك أحد أفراد عائلتك ويشعرك بالإحراج؟
هل سبق لك أن تحدثت عن مديرك أو قمت بتقليده ثم وجدته أمامك؟
ما اسم الممثل الكوميدي المفضل لك؟ هل يمكنك تقليده؟
ما هي أكثر العادات المضحكة التي تقوم بفعلها بشكل يومي؟

.
.
يلا طاغي بدون تحلطم واعتراض جاوب وانت تضحك :MonTaseR_68:
ها جبت لك أسئلة بسيطة شوية عشان لا تقول هدى ماترحم :MonTaseR_157:

دانة"

12-20-23, 01:16 AM

انا اقول خليني اعطيني طاغي سؤال بسيط
ماكثر اسئله انا فديتني

انت مع التعدد بس
لو زوجتك اخذت قلبك كله حته حته
بتتزوج عليها وبس هع هع ؟

طاغي النظرة

12-20-23, 08:59 AM

شكرا لك اخت هدى الوزير على اختيارك الرائع
وهلا وغلا بضيفنا المميز طاغي النظرة وطاغي الحضور
والعذر على الحضور المتاخر وان كررت سؤال قد ساله
احد الاعضاء من قبلي لانني لم ارجع اتابع كل الاسئلة والاجابات

ياهلابك يالفيفي
ابداً انت تجي في اي وقت يسعد قلبك

1- سبب اختبارك لهذا النك ؟

هذا اسم مدير اول منتدى سجلت فيه وكنت مدلل ذاك المنتدى
وتقدر تقول الحنين والذكريات كتبته

2-تخصصك ومدى رضاك عن ماوصلت له بعملك ؟

كليه الاقتصاد والعلوم الاداريه ولم اكمل
راضي بعملي بقوه

3- اول دولة زرتها ؟

لا بلد

4- هل قد قابلت احد وقال لك انك طاغي النظره بحق وحقيقة ؟

ربما :)

5-اي فريق تشجع محليا ودوليا؟

النصر
برشلونا
الارجنتين

6-قرار اتخذته متسرعا ندمت عليه واخر فرحت انك اتخذته ؟

ما اتذكر صدقني ،،

7- مالذي يميزك عن اصحابك واصدقائك ؟

تقدر تقول ثقافه التاريخ السعودي القديم
يعني ايام معارك القبائل وحفظ اشعارهم

والحفاظ على المجالس اما تجدني في محالسهم او تجدهم عندي

8- مانوع جوالك وسيارتك ؟
11 برو
تايوتا
9- هل لك اقارب معنا بالمسك ؟

لا

10-اسعد خبر سمعته هذا الاسبوع ؟

للاسف ماسمعت وبحاجه خبر مفرح
وشكرا لك والعذر منك

الشكر لك ياغالي

وماحصل منك اي تقصير

طاغي النظرة

12-20-23, 09:01 AM

طاغي النظرة

12-20-23, 09:09 AM

..

مساء الخير عليكم كلكم

يامساء النور والسرور

مخزون الاسئله عندي ما خلص لكن ما بنثقل عليك ان شاءالله :montaser_209:

فيك الخير انك حسيتي بالمعاناه :)

من هي المرأه المثاليه بنظرك ؟

طائعه ربها مرضيه زوجها
اذا دخلت البيت نورته
واذا دخلت العائله قريتها ولم تفرقها

حافظه اسرار بيتها

موضوع فارق السن اللي صارت فيه حروب برمضان الثاني

لسى عند كلامك بأنك تؤيد الفارق العمري الكبير بين الزوجين ولا مجرد استهبال >> يارب استهبال

فارق السن المقبول ماهو عائق
البنت معطيها الله التقبل مع جميع الاعمار
لكن مو ابو سبعين ياخذ ام عشرين !!

ولايكون الزواج بسبب المال
هنا نقول انها سلعه وطماعين ..
لكن زواج بنيان اسره هذا لاخلاف عليه

لو احد من قبيلتك قتل شخص آخر بطريقه شبه عمد واهل الدم رفضو التنازل

تدخل بالموضوع ولا تفضل تبقى بعيد؟

وين ابعد
هذا الموقف الذي لا فرار منه

الله لايبلانا ولا يجرب احدن غلانا

وبس هذا اللي عندي

والله يعينك مخزون الاسئله كثير عليك

ويعطيكم العافيه جميعا

..

!

ياهلابك الهمس

نورتي مره اخرى
وشكرا على الاختصار

طاغي النظرة

12-20-23, 09:11 AM

.
.
لا لا مو آخر ليلة لا تستهبل :montaser_127:
توك بادي أمس
لا تخليني امدد إستضافتك لمدة أسبوع زيادة :v:

!

اما

لا طلبناك بلا تمديد

طاغي النظرة

12-20-23, 09:15 AM

.
.
باقي لطاغي لبعد بكرة الساعة 12 ظهرآ إن شاءالله
تكفون شدوا حيلكم في طرح الأسئلة قبل انتهاء المدة
يلا وتر جيبي أسئلة وتعالي ولا تجيبي ورود
طاغي ماغير يتحلطم ويعترض :montaser_141:
وانا بجيب أسئلة واجي :montaser_209:

!

لا الليله بعد العشا طلبناك ماتقولي شي

وياوتر اخذتي فرصتك خلاص :)

طاغي النظرة

12-20-23, 09:27 AM

هل سبق لك أن خرجت للشارع دون ارتداء الحذاء؟
ما أكثر المواقف المحرجة التي أصابتك بضحك هستيري؟

كنت انا واخوي مسيرين على عيال عمي بالبر
وحل وقت المغرب
وكان معهم شايبهم
الزبده اقامو الصلاه فقال الشايب لاخوي تقدم فاجأه بالامامه
الزبده تقدم ويقرا جهر وواضح الارتباك الكلمات فيها رعده
فما قدرت امسك نفسي

جايين ضيوف واحشرونا بألامامه

هل نسيت استكمال ارتداء ملابسك من قبل وخرجت لاستقبال الضيوف؟

يمكن ثوب مقلوب كثير ..

ما هو اسم الدلع الذي أطلقه عليك أحد أفراد عائلتك ويشعرك بالإحراج؟

البدو مايطلقون تدليع يعطونك عياره تمشي معك طول العمر

تبين مثل هالجيل توتي وسيوفي وندوري وبدوري
لا فيه الاسيود الاقيرع المريجيج هذه من الطفهن بعد

هل سبق لك أن تحدثت عن مديرك أو قمت بتقليده ثم وجدته أمامك؟

لا
ما اسم الممثل الكوميدي المفضل لك؟ هل يمكنك تقليده؟

مستر بن

عبله كامل

ما هي أكثر العادات المضحكة التي تقوم بفعلها بشكل يومي؟

عند الابل نشب النار والدخان مانشوف وجيه بعضنا منه
ونكح وتهل دموع
لكن صابرين عشان يجينا ضيف يشوف نار وشغل بدو
مع ان فيه مدفأه بالغرفه وشغل مريح لكن شغلات بدو :)

.
.
يلا طاغي بدون تحلطم واعتراض جاوب وانت تضحك :MonTaseR_68:
ها جبت لك أسئلة بسيطة شوية عشان لا تقول هدى ماترحم :MonTaseR_157:

!

شكر لك هدى

وترى انتهت فرصتك بالاسأله

اعطي غيرك مجال :outhg!:

طاغي النظرة

12-20-23, 09:29 AM

انا اقول خليني اعطيني طاغي سؤال بسيط
ماكثر اسئله انا فديتني

انت مع التعدد بس
لو زوجتك اخذت قلبك كله حته حته
بتتزوج عليها وبس هع هع ؟

!

انا اعطي رأي لله ونصايح :)

اما التطبيق فاخاف اكون مثل هذاك اللي يأذن ولايصلي

بعدين شفيها اذا وزعنا الحب على كم شخص

تحسدونا على فعل الخير :)

يازينك وانتي عاقله وما تماعطي الشوش

منوره

هدى الوزير

12-20-23, 09:32 AM

!

لا الليله بعد العشا طلبناك ماتقولي شي

وياوتر اخذتي فرصتك خلاص :)

.
.
حلا هو طلبناك تستهبل!
هو دخول كرسي الأعتراف مثل خروجه...
اقول اقعد عاقل وجاوب ترى انت اكثر ضيف تعبني :schmoll:

دانة"

12-20-23, 09:34 AM

هههههههههههههههههه حيلك فيه هدوشه
واساله سؤال ويجاوب باستهبال:icon10:

هدى الوزير

12-20-23, 09:34 AM

!

شكر لك هدى

وترى انتهت فرصتك بالاسأله

اعطي غيرك مجال :outhg!:

.
.
انا صاحبة البيت اااقصد الموضوع
اسأل على كيف كيفي
عندك اعتراض :v:

هدى الوزير

12-20-23, 09:40 AM

لا فيه الاسيود الاقيرع المريجيج هذه من الطفهن بعد
.
.
يوووومااااه وش ذي الأسامي
ما الومكم يوم ان فيكم جفاف عاطفي
من قساوة ذي الأسامي
هذا سب وقذف صريح

:MonTaseR_112:

طاغي النظرة

12-20-23, 10:08 AM

!

وين همس
اللي تقول كلنا رقه ورومانسيه

وانتم الجافين المتسلطين

تعالي يختي شوفي العوابه باصولها

خاصه الثلاثي المرح

هدى
وتر
دانه

حتى اسماهم تحس ببراءه
لكن مثل براءه اخوان يوسف

:)

هـمـس

12-20-23, 10:11 AM

ً..

موجوده انا خلف الكواليس

عشان تعرف اني رحمه مقارنه بغيري :Kq600697:

يعينك الله لين تخلص هالكرسي

بعدها يبغالك كيلوين يانسون وعصفر

..

دانة"

12-20-23, 10:18 AM

حرام عليك ي طاغي انا بس سالت ثلاث اسئلة بس

دانة"

12-20-23, 10:20 AM

السؤال يقول
كم اقصى يعني اكثر ففارق عمري معقول في الزواج
وبس مع السلامه مانبي نكثر عليك

طاغي النظرة

12-20-23, 11:19 AM

.
.
حلا هو طلبناك تستهبل!
هو دخول كرسي الأعتراف مثل خروجه...
اقول اقعد عاقل وجاوب ترى انت اكثر ضيف تعبني :schmoll:

!

ان شاء الله

الا ماتعرفين الشاعر اللي يقول :

عزي لمن خلنه البيض منهاج / اخذن حصانه واركبنه هجيهيج

طاغي النظرة

12-20-23, 11:20 AM

هههههههههههههههههه حيلك فيه هدوشه
واساله سؤال ويجاوب باستهبال:icon10:

!

وقامت القرعا مع ام قرون ..

هذا مثل عند ربع هيررا

طاغي النظرة

12-20-23, 11:22 AM

.
.
انا صاحبة البيت اااقصد الموضوع
اسأل على كيف كيفي
عندك اعتراض :v:

!

لا ابداً

اسالي يا اختي

طاغي النظرة

12-20-23, 11:24 AM

لا فيه الاسيود الاقيرع المريجيج هذه من الطفهن بعد
.
.
يوووومااااه وش ذي الأسامي
ما الومكم يوم ان فيكم جفاف عاطفي
من قساوة ذي الأسامي
هذا سب وقذف صريح

:montaser_112:

!

هذا على عشان لاكبر مايصير حساس ونفسيه

يكون متربي على العبط من صغره

ويتحمل الحياه وقساوتها لاكبر

بجيل اهلنا ماكان فيه شي اسم حبوب ودكتور نفسيه

اما الان لو تقوله يابو خشم يمكن يزعل شهر

طاغي النظرة

12-20-23, 11:26 AM

ً..

موجوده انا خلف الكواليس

عشان تعرف اني رحمه مقارنه بغيري :kq600697:

يعينك الله لين تخلص هالكرسي

بعدها يبغالك كيلوين يانسون وعصفر

..

!

ايو الله
اي انت عندهم مثل وادي ويل عند جهنم :)

اي اجمعي لي هالوديات والعلاجات ونشووف

طاغي النظرة

12-20-23, 11:29 AM

السؤال يقول
كم اقصى يعني اكثر ففارق عمري معقول في الزواج
وبس مع السلامه مانبي نكثر عليك

!

شوفي بقو لك الصدق من تجارب اشوفها امامي

العشرينيه مع ابو خمس واربعين متفاهمين

الثلاثينيه مع ابو ستين متفاهمين

الاربعينيه مع ابو سبعين متفاهمين

الخمسينيه متفاهم من السبعين لابو ارذل العمر

والشاب العشريني يصلح للثلاثينيه

والثلاثيني للاربيعنيه
والاربعيني للخمسينيه

وهكذاا

لا ارجعي / انتي اسالك لطيفه

هدى الوزير

12-20-23, 12:35 PM

!

وين همس
اللي تقول كلنا رقه ورومانسيه

وانتم الجافين المتسلطين

تعالي يختي شوفي العوابه باصولها

خاصه الثلاثي المرح

هدى
وتر
دانه

حتى اسماهم تحس ببراءه
لكن مثل براءه اخوان يوسف

:)

.
.
حرام عليك يالاقيرع انا في منتهى الرقة والكياته
نسمه خفيفة محد يحس بوجودي
حتى عطستي كيوت اسمعها ها
تسو
عمرك سمعت عطسة نعومة كذا :MonTaseR_212:

هدى الوزير

12-20-23, 12:39 PM

!

شوفي بقو لك الصدق من تجارب اشوفها امامي

العشرينيه مع ابو خمس واربعين متفاهمين

الثلاثينيه مع ابو ستين متفاهمين

الاربعينيه مع ابو سبعين متفاهمين

الخمسينيه متفاهم من السبعين لابو ارذل العمر

والشاب العشريني يصلح للثلاثينيه

والثلاثيني للاربيعنيه
والاربعيني للخمسينيه

وهكذاا

لا ارجعي / انتي اسالك لطيفه

.
.
أسئلتها اجل لطيفة ها طيييب
وعلى نفسها جنت براقش :v:
وعلى قولة السوريين
اتلئاا لا تتلئا
وانا ماعمرك قلت أسئلتك ياهدوشه لطيفة طيب

:MonTaseR_145:

عبدالله همام

12-20-23, 01:19 PM

السلام عليكم
اخي طاغي حياك الله على كرسي الاعتراف وكرسي الاعتراف مرتبط بالكهرباء
يعني الي ما بعترف بعرف شو بصير فيه :MonTaseR_61: المهم
١) الرسول صلى الله عليه وسلم دعى الى الزواج فما المانع الذي يؤخر طاغي عن الزواج
خاصة والبدو طبيعتهم يتزوجوا مبكرا بعكس المدن ؟
٢) بنظرك ما هو العمر المناسب للزواج ؟
من فترة شاهدتك تبحث عن الإبل وبعد جهد حتى حصلتهم وبصراحة صعبت علي :( وبحثت
لك عن حل والحل طائرة بدون طيار شو رأيك ؟
ممكن تستغرب من اقتراحي لكن في بعض الدول أصبحت تلك الطائرة لأمور ابسط من هيك تستعمل

ولا اريد الإطالة لكن أحببت أن أشارك لجان التحقيق في هذه الجلسة

دمت بخير

الْياسَمِينْ

12-20-23, 01:51 PM

هداوي
خلي اللقاء مفتوح :MonTaseR_196:

ما نستغنى عن مشاركاته في كرسي الاعتراف:MonTaseR_57:

طاغي طيب والأعضاء يستاهلوا :MonTaseR_163:

هدى الوزير

12-20-23, 02:12 PM

هداوي
خلي اللقاء مفتوح :MonTaseR_196:

ما نستغنى عن مشاركاته في كرسي الاعتراف:MonTaseR_57:

طاغي طيب والأعضاء يستاهلوا :MonTaseR_163:

.
.
هلا ياقلبي والله ودي إذا طاغي موافق
بس اخاف لو قلت له يجي جري عبر صحراء الربع الخالي ويخنقني
أصلا بالقوة جالس على الكرسي كل شوي يبي ينحاش وارجعه بالعصا :v:

هجير

12-20-23, 02:34 PM

طاغي ي طاغي
مراااحب فيك اخوي
الدموع عند طاغي هل تبكي كثير بمعني دمعتك سهله في الهطول ؟
دمعه فقد اذا حصلت ع منو ؟
دمعه قهر اذا حصلت ع شنو ؟
دمعه قلة الحيله ع ويش سببها ؟
دمعه تلخبط المشاعر عاد مدري ذي تحصل عندكم ي الشباب او لا :xss: ؟
طيب موقف طاغي اذا شاف انثى تبكي ...؟
وبعد طيب اي الدموع تأثر في طاغي من شايب من طفل او او او ..؟
:xss::xss::xss: وهذا الضرب من شان قلت لى ي قدمك فاكرها ههههه

هدى الوزير

12-20-23, 03:20 PM

انا جيت شلونك ضيفنا المميز :MonTaseR_24:
.
.
إذا كانت أمامك الفرصة لتعيش حياة شخص آخر لمدة يوم كامل، فمن سوف تختار من الأعضاء؟

هل قد مرة حلمت وانت نايم واتحقق في الواقع؟

هل تسعبل على المخدة وانت نايم؟

إذا كنت مضطر للذهاب لجزيرة معزولة في الصحراء، ما هي الأشياء الخمسة التي ستأخذها معك؟

إذا كنت حيوان فماذا ستختار أن تكون؟ ولماذا؟

هل انت مدخن؟

هل قد مرة صدمت سيارة بالغلط وانحشت؟

هل خانك أحد أصدقاءك الذين تثق فيهم؟

هل تفضل الصراحة ام انك تسلك للناس؟

لو خيروك تتزوج بين عجوزة شمطاء مليونيرة مالها وريث؟
او بنت جميلة فقيرة؟ من ستختار؟

ماهو السؤال الذي تتمنى أن نسألك وما سألناك؟

.
.
لي عودة لضيفنا الغالي
:81:

وَتَر

12-20-23, 04:36 PM

بخصوص اسامي الابل اتفق مع هدى
هذا ولدي اسمه وافي وارجل من مليون قطو وشنبه احد من السيف يوقف عليه الصقر :MonTaseR_21:
سميهم اسامي حلوه لايتعقدون :MonTaseR_31:

طاغي النظرة

12-20-23, 06:35 PM

!

ممكن تطلعون من كرسيي
وتخلوني اروق بهدوء على مابُليت به

:)

وَتَر

12-20-23, 06:48 PM

وسع وسع :iqf03163:
وش الزحمه ذي ليش مكدس الاسئله ؟
كاني فاتحه دولاب اخوي ومكدس الملابس :MonTaseR_68:

هل انت شخص صريح مع نفسك؟

تتوقع إنك الشخص الشرير في حياة احدهم؟

مين الشخص اللي مهما تأسف ما تسامحه ؟

اكثر شخص تمنيت انك ماتعرفت عليه؟

عمرك استغليت نقطة ضُعف احد ؟

هل ممكن توقف مع شخصَ غلطان عشان بس يقربلك؟

تاريخ ماتنساه ، وليش ؟

هل طاغِي شخص متفتح فكريًا ، تتقبل اختلاف الشخصيات أو الافكار، تاخذ وتعطي ؟

بنتك شاطرة دراسيًا ، بل عبقرية
طلبت منك انها تدرس الطب في مكان بعيد ولكنه افضل لها من جميع النواحي هل توافق؟

ايش الصفة اللي اذا شفتها في شخص تقول لا مستحيل نكمل مع بعض ؟

طاغي مُنظم ؟

نكتفي بهذا القدر واعذرنا على القصور ، زي ماتعرف احنا ناس مشاغيل وعندنا شُغل
محنا فاضين نسألك :icon10:

دانة"

12-20-23, 06:48 PM

تقول اسئلتي لطيفه

جاتني الطاقه احط سؤال اقوى شوي واكسر الروتين :iqf03163:
جاوب بصراحه

لو عندك فلوس تكفي
كم وحده بتتزوج؟؟

وَتَر

12-20-23, 06:50 PM

عفوًا على الرغم من اني مشغولة زي ماتعرفو :shocking:
فيه سؤال سقَط سهوًا

هل طاغي يُفضل انه يمر من طريق عشان الناس مرو فيه ولهم تجارب حلوة ؟
او يُفضل انه يشق طريقه بنفسه ويتعلم من اخطاءه وتجاربه وما الى ذلك ..

:MonTaseR_158:

طاغي النظرة

12-20-23, 07:47 PM

السلام عليكم
اخي طاغي حياك الله على كرسي الاعتراف وكرسي الاعتراف مرتبط بالكهرباء
يعني الي ما بعترف بعرف شو بصير فيه :montaser_61: المهم

ههه يازينك بو عبدالله

1) الرسول صلى الله عليه وسلم دعى الى الزواج فما المانع الذي يؤخر طاغي عن الزواج
خاصة والبدو طبيعتهم يتزوجوا مبكرا بعكس المدن ؟
صلى الله عليه وسلم

لكن بقولك حاجه كثير من اهل الابل وخاصه اللي يرحلون وينزلون معها يتزوجون
اعرف كم شخص ماتزوجو ولا هو في بالهم
لان الابل متعه ولهو ينشغل الواحد معها وطربان في هواها

والغي دائما صاحبه مايحب المسوؤليه وكتم الحريه

2) بنظرك ما هو العمر المناسب للزواج ؟

ااحلى وقت للزواج 17 للشباب
حتى اذا كمل الاربعين ي بيكون اولاده بسن العمل
فيتفرغ هو للزوجه الثانيه
وبالستين ياخذ الثالثه
ويزعل من يزعل
اجل مسويات جيش علينا :)

الدنيا متعتها الطيب والنساء والابناء

من فترة شاهدتك تبحث عن الإبل وبعد جهد حتى حصلتهم وبصراحة صعبت علي :( وبحثت
لك عن حل والحل طائرة بدون طيار شو رأيك ؟

حلك مناسب
لكن الناقه اذا بتولد وجاها المخاض
تمشي ولاتتوقف حتى تضع ولدها
ويصل ممشاها الى 40 كيلو
فصعب التتبع بالطائره

ممكن تستغرب من اقتراحي لكن في بعض الدول أصبحت تلك الطائرة لأمور ابسط من هيك تستعمل

ولا اريد الإطالة لكن أحببت أن أشارك لجان التحقيق في هذه الجلسة

دمت بخير

ياحي الله بو عبدالله وابرك الساعات شوفتك

طاغي النظرة

12-20-23, 07:48 PM

هداوي
خلي اللقاء مفتوح :montaser_196:

ما نستغنى عن مشاركاته في كرسي الاعتراف:montaser_57:

طاغي طيب والأعضاء يستاهلوا :montaser_163:

!

يادكتورتنا

خليكِ محضر خير

وكرسي الاعتراف دوار
فلا نعطل الكرسي وناخذ مكان غيرنا
يسعدك ربي:)

طاغي النظرة

12-20-23, 07:52 PM

.
.
هلا ياقلبي والله ودي إذا طاغي موافق
بس اخاف لو قلت له يجي جري عبر صحراء الربع الخالي ويخنقني
أصلا بالقوة جالس على الكرسي كل شوي يبي ينحاش وارجعه بالعصا :v:

!

اعدام

مو خنق وبس

احرمني من المشاركات هالكرسي
انا يالله احصل وقت ادخل فيه للمنتدى

هدى الوزير

12-20-23, 08:07 PM

!

ممكن تطلعون من كرسيي
وتخلوني اروق بهدوء على مابُليت به

:)
.
.
افا ياذا العلم تطردنا من كرسيك هذا وانت بدوي
والبدو كرماء بدل ماتحط قدامنا مفطح
وتقول مسكينات قاعدات يسألوني ويتعبون بالتفكير بالأسئلة ماهقيتها منك :(
.
.
بس من جد انت بطيئ او كسول ماتجاوب بسرعة
جاوب سريع عشان نجيب لك زيادة وكذا
خذ ذي الوردة تصور معها سيلفي ورجعها :MonTaseR_11:

طاغي النظرة

12-20-23, 08:13 PM

طاغي ي طاغي
مراااحب فيك اخوي

ياهلا وغلا يالله حي هجير وماجابت ..

الدموع عند طاغي هل تبكي كثير بمعني دمعتك سهله في الهطول ؟

لاوالله يختي ماني صاحب دمعه للاسف ..
لكن هالايام صايراً عاطفي وكله من مشاهدات التك توك

دمعه فقد اذا حصلت ع منو ؟
ابوي وصديقي ولد عمي
للان تغرورق دموعي لاتذكرتهم

دمعه قهر اذا حصلت ع شنو ؟
لا ان شاء الله ماحصلت

دمعه قلة الحيله ع ويش سببها ؟

وكذلك لم تحصل حمد لله

دمعه تلخبط المشاعر عاد مدري ذي تحصل عندكم ي الشباب او لا :xss: ؟
اي هنا المووت ..
مواقف جبر الخواطر اثرت فيني وانا كنت شجاع
اخر شي اليوم
سيده يمنيه راحت تسرح في غنم اهل القريه حتى تأمن علاج لاستصاال ورم سرطاني في رحمها
واولادها يسرحو معها
اتاها شخص مسابقات واعطاها ميتين الف او ثلاثمائه باليمني
ما اخفيك نزلت دمعتي يمكن فرحاً ان الله ساق لها هذا النشمي

طيب موقف طاغي اذا شاف انثى تبكي ...؟

الانثى واليتيم هذه نقطه ضعفي

الا انثى الحب اللي تبكي هروب حبيبها خذا مالها في تعاطفي :)

وبعد طيب اي الدموع تأثر في طاغي من شايب من طفل او او او ..؟

في مقطع منتشر لشايب قحطاني من السعوديه تبنى يتيمه من سرير الولاده حتى زوجها
وادخلها رضاعه مع زوجته حتى تصير اخت اولاده
تخيلي حاضر تخرجها من الجامعه هو وجميع اسرته ويرقص احتفالاً بها
هذا الموقف موقف الشجاع بهالزمن
حتى انه زوجها ويقال انه امن لها دخل تجاري

:xss::xss::xss: وهذا الضرب من شان قلت لى ي قدمك فاكرها ههههه

هههه اي فاكرها

لانك اختفيتي وانتي عنصر له بصمته وتواجده ونبحث عنه

فحياك الله اليوم ودوم

صعفق طاش كندي

12-20-23, 08:17 PM

كنت بسيل وادي ماسال سيله من الأسئلة بس خلاص هونت
بعد اللي شفته :nosweat:

اتوقع انهم انتقموا منك

مددوله :x126:

طاغي النظرة

12-20-23, 08:23 PM

انا جيت شلونك ضيفنا المميز :MonTaseR_24:
.
. اهلين ياهدى
راح طلبتي لك مافكيتيني من هالاسأله الله يسامحك ..

إذا كانت أمامك الفرصة لتعيش حياة شخص آخر لمدة يوم كامل، فمن سوف تختار من الأعضاء؟

متأمل :)

هل قد مرة حلمت وانت نايم واتحقق في الواقع؟

لاوالله ناسي

هل تسعبل على المخدة وانت نايم؟

!
لاصغير ولا الآن كبيرا

إذا كنت مضطر للذهاب لجزيرة معزولة في الصحراء، ما هي الأشياء الخمسة التي ستأخذها معك؟

ماء - كبريت - سكين - حبل - بندقيه

إذا كنت حيوان فماذا ستختار أن تكون؟ ولماذا؟

جمل / لانه غيور اولا ولايحق لجمل اخر ان يجتمع معه في ابله
فهو يحارب جميع الجمال التي تدخل في الابل

هل انت مدخن؟

يمكن :)

هل قد مرة صدمت سيارة بالغلط وانحشت؟

لا

هل خانك أحد أصدقاءك الذين تثق فيهم؟

لا
هل تفضل الصراحة ام انك تسلك للناس؟

الثنين /
لو خيروك تتزوج بين عجوزة شمطاء مليونيرة مالها وريث؟
او بنت جميلة فقيرة؟ من ستختار؟

ساأتزوج الفقيره علناً والعجوز سراً :) الصراحه راحه

ماهو السؤال الذي تتمنى أن نسألك وما سألناك؟

.تمنيت بالتاريخ الاموي والعباسي :)
وهجائيات جرير والفرزدق والحطيئه وغزليات بشار بن برد

وانتي خليتي شي ماسألتيه
باقي تقولي وش كنت تسوي قبل تجي للدنيا
.
لي عودة لضيفنا الغالي

استريحي وشوفي اشغالك
ضيفك مستريح والبيت بيته
:81:

منوره / ياعوبا

طاغي النظرة

12-20-23, 08:26 PM

بخصوص اسامي الابل اتفق مع هدى
هذا ولدي اسمه وافي وارجل من مليون قطو وشنبه احد من السيف يوقف عليه الصقر :montaser_21:
سميهم اسامي حلوه لايتعقدون :montaser_31:

!

يتربى بعزك هالوافي /

لا خليهم كذا هم اشتكو لك :)

مبسوطات بهالاسماء / حتى غصابه وباشه يضحكن من ابنك المحروس

هدى الوزير

12-20-23, 08:32 PM

اسرع جاوب مازال في جعبتي الكثير من الأسئلة
أجل إعدام ها استلم عاد :v:

طاغي النظرة

12-20-23, 09:06 PM

اسرع جاوب مازال في جعبتي الكثير من الأسئلة
أجل إعدام ها استلم عاد :v:

!

ترى بنسحب :)

سؤال زياده حودعكم

هدى الوزير

12-20-23, 09:32 PM

!

ترى بنسحب :)

سؤال زياده حودعكم
.
.
لا ياشيخ حتودعنا على كيفك هو
دامك وافقت على الجلوس على كرسي الأعتراف
تتقبل اي كمية أسئلة مهما كثرت وكانت :x142:
بليز اعقل واتحمل وبكرة الظهر نخلص :MonTaseR_141:
اول مرة اصادف ضيف يقعد يهدد ويتوعد
حلوة ذي

طاغي النظرة

12-20-23, 09:45 PM

وسع وسع :iqf03163:
وش الزحمه ذي ليش مكدس الاسئله ؟

وانتم خليتوني ارتاح /

كاني فاتحه دولاب اخوي ومكدس الملابس :montaser_68:

الله يعينه دامك اخته

هل انت شخص صريح مع نفسك؟

كثير
تتوقع إنك الشخص الشرير في حياة احدهم؟

ربما ( حتى نبينا صلى الله عليه وسلم كانت طواغيت قريش واليهود يرونه شر عليهم

لست معصوماً ولا ملاكا

مين الشخص اللي مهما تأسف ما تسامحه ؟

ماعندي كميه هالحقد حتى عدوي احبه

اكثر شخص تمنيت انك ماتعرفت عليه؟

احد ما

عمرك استغليت نقطة ضُعف احد ؟

لا
هل ممكن توقف مع شخصَ غلطان عشان بس يقربلك؟

وقفت مره بمضاربه قبل اعرف موضوعهم ونمت بالحجز ليله

تاريخ ماتنساه ، وليش ؟

9/11
انهيار برج التجاره الامريكي
لانه حدث عالمي / اتت بعده نكبات للعرب والمسلمين

هل طاغِي شخص متفتح فكريًا ، تتقبل اختلاف الشخصيات أو الافكار، تاخذ وتعطي ؟

نعم لست متعنت ولا نرجسي
الا بالعقيده / لا اقبل رأي اخر

بنتك شاطرة دراسيًا ، بل عبقرية
طلبت منك انها تدرس الطب في مكان بعيد ولكنه افضل لها من جميع النواحي هل توافق؟

لكل حادث حديث ..
الزمن يتطور ولا اسبق الاحداث

ايش الصفة اللي اذا شفتها في شخص تقول لا مستحيل نكمل مع بعض ؟

الكذب والمراوغه

طاغي مُنظم ؟

لا

نكتفي بهذا القدر واعذرنا على القصور ، زي ماتعرف احنا ناس مشاغيل وعندنا شُغل
محنا فاضين نسألك :icon10:

!

لا ابدا انتي تقصري مستحيل بعيد عنك التقصير

اذا تسمحين كذا كافي اسأله عشان صحتك

طاغي النظرة

12-20-23, 09:46 PM

تقول اسئلتي لطيفه

جاتني الطاقه احط سؤال اقوى شوي واكسر الروتين :iqf03163:
جاوب بصراحه

لو عندك فلوس تكفي
كم وحده بتتزوج؟؟

!

اربع

:)

من كم جنسيه

طاغي النظرة

12-20-23, 09:48 PM

طاغي النظرة

12-20-23, 09:50 PM

.
.
افا ياذا العلم تطردنا من كرسيك هذا وانت بدوي
والبدو كرماء بدل ماتحط قدامنا مفطح
وتقول مسكينات قاعدات يسألوني ويتعبون بالتفكير بالأسئلة ماهقيتها منك :(
.
.
بس من جد انت بطيئ او كسول ماتجاوب بسرعة
جاوب سريع عشان نجيب لك زيادة وكذا
خذ ذي الوردة تصور معها سيلفي ورجعها :montaser_11:

!

ماعاد فيها بداوه وكرم

السالفه احتكار واستغلال

وتجييش :)

بعد حتى وردتك ماهي عطا

نجمة

12-20-23, 09:51 PM

.
.
باقي لطاغي لبعد بكرة الساعة 12 ظهرآ إن شاءالله
تكفون شدوا حيلكم في طرح الأسئلة قبل انتهاء المدة
يلا وتر جيبي أسئلة وتعالي ولا تجيبي ورود
طاغي ماغير يتحلطم ويعترض :MonTaseR_141:
وانا بجيب أسئلة واجي :MonTaseR_209:

دانته متنيل بستين نيله :MonTaseR_163:

طاغي النظرة

12-20-23, 09:52 PM

كنت بسيل وادي ماسال سيله من الأسئلة بس خلاص هونت
بعد اللي شفته :nosweat:

اتوقع انهم انتقموا منك

مددوله :x126:

!
لاوالله ارحمني طلبتك

وجودك شرف والصمت حكمه يالذيب

هاللي تشوفه هي كميه الترسبات والضغط اللي انتي سحبتنا له
وكنت انا الضحيه :)

دام وجودك شرف يالامير

طاغي النظرة

12-20-23, 09:54 PM

اسرع جاوب مازال في جعبتي الكثير من الأسئلة
أجل إعدام ها استلم عاد :v:

!

ها الله الله

واناايش اسوي يومين وانا واقف على اسالتك

طاغي النظرة

12-20-23, 09:56 PM

.
.
لا ياشيخ حتودعنا على كيفك هو
دامك وافقت على الجلوس على كرسي الأعتراف
تتقبل اي كمية أسئلة مهما كثرت وكانت :x142:
بليز اعقل واتحمل وبكرة الظهر نخلص :montaser_141:
اول مرة اصادف ضيف يقعد يهدد ويتوعد
حلوة ذي

!

والله اقوله جد

اذا صادفت هدر بالاساله راح انسحب

وش هالاستغلال وهالكرسي ولا حتى كراسي غونتنامو

وَتَر

12-20-23, 09:57 PM

طاغي سؤال سريع قبل تفتح الاشارة
لو امك جاتك وقالتلك فلانه بنت فلانه تبغاك عريس
توافق؟

طاغي النظرة

12-20-23, 09:57 PM

دانته متنيل بستين نيله :montaser_163:

!

حتى النيله تشكي منهن

:)

نجمة

12-20-23, 09:58 PM

طاغي سؤال سريع قبل تفتح الاشارة
لو امك جاتك وقالتلك فلانه بنت فلانه تبغاك عريس
توافق؟

هذا السؤال ينسأل ي وتر

يشاورنا طبعا عن المهر الي يبيه والجهاز ويتوكل هههههههههههههههه

طاغي النظرة

12-20-23, 09:58 PM

طاغي سؤال سريع قبل تفتح الاشارة
لو امك جاتك وقالتلك فلانه بنت فلانه تبغاك عريس
توافق؟

!

كم تدفع لي مهر

اما اوافق او لا
:)

هدى الوزير

12-20-23, 10:11 PM

!

والله اقوله جد

اذا صادفت هدر بالاساله راح انسحب

وش هالاستغلال وهالكرسي ولا حتى كراسي غونتنامو
.
.
على فكرة جرحتني وطنقرت
انا أسئلتي هدر عمري سألتك سؤال فاضي
كله فيه معنى وحكمة وهدف
ليش تجرح وانا تاركة كل أشغالي ومنثبرة هنا اسألك
ودي اسوي لك شو وتحس انك مهم
لكن قالوها جزاء المعروف سبع كفوف
مشكور خيو كثر الله خيرك

هـمـس

12-20-23, 10:16 PM

..

باقي ما فكيتو أسره :)

طيب سؤال ع الماشي

ليه انتو يا معشر الشباب واغلبكم لسى ما تزوج تتكلمون عن التعدد ؟؟

ما اخذت الاولى عشان تاخذ ثانيه وثالثه :MonTaseR_172:

ما هي صفاتك السلبيه ؟

تكتب الشعر ولا مجرد متذوق ؟

وبس

:MonTaseR_70:

..

طاغي النظرة

12-20-23, 10:18 PM

.
.
على فكرة جرحتني وطنقرت
انا أسئلتي هدر عمري سألتك سؤال فاضي
كله فيه معنى وحكمة وهدف
ليش تجرح وانا تاركة كل أشغالي ومنثبرة هنا اسألك
ودي اسوي لك شو وتحس انك مهم
لكن قالوها جزاء المعروف سبع كفوف
مشكور خيو كثر الله خيرك

!

انتي تدورين الزله

وتسمعين بالسب :)

انا قلت هدر ماقلت هذر

هدر يعني كميه اساله في صفحه واحده

وَتَر

12-20-23, 10:19 PM

!

كم تدفع لي مهر

اما اوافق او لا
:)

لا المهر انت تدفعه :)
يكفي انها تجرأت وخطبتك !
ليش أغلبية الشباب يخافون البنت الجريئة :) ؟

هدى الوزير

12-20-23, 10:22 PM

!

انتي تدورين الزله

وتسمعين بالسب :)

انا قلت هدر ماقلت هذر

هدر يعني كميه اساله في صفحه واحده

.
.
بعد ادور الزلة تتوقعها مني وانت ضيفي!
انا مادور زلات ضيوفي
احطهم على رأسي واكرمهم واسألهم
لكن قالوها يا فصيح لا تصيح

صعفق طاش كندي

12-20-23, 11:12 PM

!
لاوالله ارحمني طلبتك

وجودك شرف والصمت حكمه يالذيب

هاللي تشوفه هي كميه الترسبات والضغط اللي انتي سحبتنا له
وكنت انا الضحيه :)

دام وجودك شرف يالامير

هههههههههههه
يوه
من يوم شفت الرد حق همس
قلتلك الوضع مايطمن :MonTaseR_197:

عندي نظرة ماتخيب
تبينا ننقلب على الإدارة يافيدال كاستروا
هذا هم قلبوك قلب :586622210:
لكن ماعليه انت تستطيع :MonTaseR_38:

يسعدك ربي ياقمر
ومعك قلبا لكن قالبا مايمديني هالمره :MonTaseR_196:

عمار

12-20-23, 11:13 PM

**رومنسية**

12-20-23, 11:13 PM

يسعدلي مساكم
كنت جايه اسال بس حزنتني والله
كفاية ههههه

طاغي النظرة

12-20-23, 11:16 PM

..

باقي ما فكيتو أسره :)

للحين !

طيب سؤال ع الماشي

ليه انتو يا معشر الشباب واغلبكم لسى ما تزوج تتكلمون عن التعدد ؟؟

شيء فيه اسعاد ارواح
وبناء بيوت

ليه ماتقولون نحب كثر الاجتماعات
تدرين ليه :!

يقولون
اضرب العوص بالعصا
واضرب النساء بالنساء

الناقه اذا عصت عليك ولم تطلوعك اضربه بعصا

اما الانثى اذا ضايقتك زوجتك طبعاً وحسيت انها لاتبالي فتزوج عليه هنا فيه كسره راس لها :)

لذلك واضح ان المتزوجين يعانون من تسلط الزوجه ويرتاحون للكلام للتعدد وبس

ما اخذت لاولى عشان تاخذ ثانيه وثالثه :montaser_172:

ما هي صفاتك السلبيه ؟
مزاجي احيان وعصبيتي كثرانه

[/align]
تكتب الشعر ولا مجرد متذوق ؟

متذوق
حاولت كم مره لكن احس نفسي راسب

وبس

:montaser_70:

وحياك الله نورتي

..

!

نورتي مره اخرى

وشوفي رفيقتك هدى شكلها طنقرت

صايره حساسه
وتحسب مزحنا جد

هـمـس

12-20-23, 11:16 PM

هههههههههههه
يوه
من يوم شفت الرد حق همس
قلتلك الوضع مايطمن :MonTaseR_197:

عندي نظرة ماتخيب
تبينا ننقلب على الإدارة يافيدال كاستروا
هذا هم قلبوك قلب :586622210:
لكن ماعليه انت تستطيع :MonTaseR_38:

يسعدك ربي ياقمر
ومعك قلبا لكن قالبا مايمديني هالمره :MonTaseR_196:

..

:MonTaseR_135:

وهمس وش علاقتها بالموضوع !

هم استئلتهم واجد ماشاء الله

أنا مالي :MonTaseR_172:

..

طاغي النظرة

12-20-23, 11:17 PM

معكِ حق في هذه النقطة
جزاء المعروف اغلبها هكذا
يعطيك العافية على مجهودك ��

!

صعفق

تعال شف هذا

كنه قلب علينا

عمار

12-20-23, 11:20 PM

..

باقي ما فكيتو أسره :)

طيب سؤال ع الماشي

ليه انتو يا معشر الشباب واغلبكم لسى ما تزوج تتكلمون عن التعدد ؟؟

ما اخذت الاولى عشان تاخذ ثانيه وثالثه :montaser_172:

ما هي صفاتك السلبيه ؟

تكتب الشعر ولا مجرد متذوق ؟

وبس

:montaser_70:

..

………………..

عمار

12-20-23, 11:21 PM

!

صعفق

تعال شف هذا

كنه قلب علينا

……..،،،،،،،،،،………

طاغي النظرة

12-20-23, 11:23 PM

هههههههههههه
يوه
من يوم شفت الرد حق همس
قلتلك الوضع مايطمن :montaser_197:

عندي نظرة ماتخيب
تبينا ننقلب على الإدارة يافيدال كاستروا
هذا هم قلبوك قلب :586622210:
لكن ماعليه انت تستطيع :montaser_38:

يسعدك ربي ياقمر
ومعك قلبا لكن قالبا مايمديني هالمره :montaser_196:

!

همس هذه

تعرف اللي يجمع حصا للمتهاوشين

هذه هي

ابشر بالاداره بما اني كاسترو
وانت عليك قياده الثوره يا جيفارا

انتي خلك بالقرب مني

الوضع الان اخذ منعطف اخر

يسعد لي روحك انت لاشفت وجودك يطمأن قلبي

طاغي النظرة

12-20-23, 11:24 PM

انا لا معكم ولا معاهن
انا مع الحق وقول حق فقط

!

طيب يوم قرأت كلامنا
بأيش اخطأت انا

طاغي النظرة

12-20-23, 11:25 PM

لا المهر انت تدفعه :)
يكفي انها تجرأت وخطبتك !
ليش أغلبية الشباب يخافون البنت الجريئة :) ؟

!
والله انا مطفر
وهي اللي خاطبتني

الجريئه حتى الحكومه تخاف منها مو احنا بس

طاغي النظرة

12-20-23, 11:27 PM

.
.
بعد ادور الزلة تتوقعها مني وانت ضيفي!
انا مادور زلات ضيوفي
احطهم على رأسي واكرمهم واسألهم
لكن قالوها يا فصيح لا تصيح

!

اختلاف لهجات
وماتفسد للود قضيه

ووجودك فعال للمنتدى مافي شك

طاغي النظرة

12-20-23, 11:29 PM

يسعدلي مساكم
كنت جايه اسال بس حزنتني والله
كفاية ههههه

!

ويسعد مساك

ياحلو حضور الداعمين

والله انك طيبه القلب

منورره

عمار

12-20-23, 11:29 PM

!

طيب يوم قرأت كلامنا
بأيش اخطأت انا

تراجعت عن كلامي يا اخ طاغي وحذفت مشاركة
لم احسب انني في موضوع كورسي اعتراف
كنت اظن الموضوع في قسم نقاش !!
صار لخبطة .. انا اسف كملوا ما انتم عليه 🌹

هدى الوزير

12-20-23, 11:34 PM

صعفق طاش كندي

12-20-23, 11:40 PM

!

همس هذه

تعرف اللي يجمع حصا للمتهاوشين

هذه هي

ابشر بالاداره بما اني كاسترو
وانت عليك قياده الثوره يا جيفارا

انتي خلك بالقرب مني

الوضع الان اخذ منعطف اخر

يسعد لي روحك انت لاشفت وجودك يطمأن قلبي

التشبيه خطير
ههههههههه

معك معك

بس حصى همس مسؤليتك
وقت المشاكل ماحب الحصى
اشغلها عنهم

صعفق طاش كندي

12-20-23, 11:43 PM

..

:montaser_135:

وهمس وش علاقتها بالموضوع !

هم استئلتهم واجد ماشاء الله

أنا مالي :montaser_172:

..

عاد انتي المديرة
احد يقدر

هدى الوزير

12-20-23, 11:46 PM

عاد انتي المديرة
احد يقدر

.
.
اووووما هموسه المديرة اول مرة اعرف :MonTaseR_11:

طاغي النظرة

12-21-23, 01:12 AM

تراجعت عن كلامي يا اخ طاغي وحذفت مشاركة
لم احسب انني في موضوع كورسي اعتراف
كنت اظن الموضوع في قسم نقاش !!
صار لخبطة .. انا اسف كملوا ما انتم عليه 🌹

!

حصل خير

طاغي النظرة

12-21-23, 01:14 AM

اولآ احب اعتذر على المقلب اللي سويته في طاغي
طنقرت وانا ميته ضحك :Bromista:
حبيت اغير جو طفشانة :MonTaseR_145:
يسلم لي كل من وقف جنبي سواء في الخاص او التقييم او هنا
فديتكم ولبى قلوبكم كم أحبكم كووووولكم :MonTaseR_5:

!

ياحوول

وانا اقول وش جاها علينا

قلت عين وصابتها …!

اظن خلاص ان شاء الله بعد هالطنقره
تقفلي هالكرسي

ونرجع نشوف منتدانا :reading:

هدى الوزير

12-21-23, 01:37 AM

!

ياحوول

وانا اقول وش جاها علينا

قلت عين وصابتها …!

اظن خلاص ان شاء الله بعد هالطنقره
تقفلي هالكرسي

ونرجع نشوف منتدانا :reading:

.
.
اكيد انت اسمك الحقيقي مُتعب اكيد
ياخي تعبتني معك
هانت إن شاءالله يجي الظهر بأسرع وقت
ونفتك من تهديدك ذليتنا يأخي :MonTaseR_145:

دانة"

12-21-23, 01:38 AM

.
.
اكيد انت اسمك الحقيقي مُتعب اكيد
ياخي تعبتني معك
هانت إن شاءالله يجي الظهر بأسرع وقت
ونفتك من تهديدك ذليتنا يأخي :montaser_145:

يلا خلينا نشوف اسمه فكره مش بطاله

ايش اسمك الحقيقي ؟؟

طاغي النظرة

12-21-23, 08:31 AM

.
.
اكيد انت اسمك الحقيقي مُتعب اكيد
ياخي تعبتني معك
هانت إن شاءالله يجي الظهر بأسرع وقت
ونفتك من تهديدك ذليتنا يأخي :montaser_145:

!

والله اسمي طيب
وسمح محيا

وتارك كل الاشغال لعيون هالكرسي ..!

بس استنزفتونا :)
وحللتونا

طاغي النظرة

12-21-23, 08:32 AM

يلا خلينا نشوف اسمه فكره مش بطاله

ايش اسمك الحقيقي ؟؟

!

:)

ليه وش تبون في اسمي

بتخطبوني :)

هدى الوزير

12-21-23, 09:58 AM

!

والله اسمي طيب
وسمح محيا

وتارك كل الاشغال لعيون هالكرسي ..!

بس استنزفتونا :)
وحللتونا

.
.
ياخي انت ليش نقاق محد نق غيرك
كل الضيوف طول الوقت وهم مبسوطين بالأسئلة
ويشكرونا ويضحكون وفي قمة السعادة
إلا انت ذليت أم أم اللي خلفونا
اشوى انك مو مشهور ولا كان محد تابعك
من كثر التحلطم والإعتراض
لو سمحت غير اسمك من طاغي وخليه المتحلطم
لأني ماعد بناديك إلا فيه
وجاءك العلم :MonTaseR_112: