ضليت الطريق

[مشكلتي]

شلونكم عساكم بخير

من كنت بأيام ثاني ثانوي حبيت شخص عمره ٢٤ بعدها اكتشفت ان يراسل بنت خالتي بالفيس بعدها اكتشفت ان كذب علي باسمه ومكان شغله ووظيفته بطريقه مفاجئه ربي راد تنكشف لي كذباته بعدها جاتني صدمه وصرت من واحد لواحد وبعضهم اغدر بهم و اعترف ان عجبني طريق التعارف لان طريق جديد علي وماعندي خبره وكانو صديقاتي يعلموني بعلاقاتهم وزان لي هالدرب فأنا تهت بعد للان مانسيت الشخص الحبيته وغدر فيني هو اول حب اصادفه بدنيتي والشباب الي عرفتهم بعده ماحبيتهم ولو حبيتهم ماحبيتهم بقده هو وصحيح صوري نشرتها لهم وندمت اريد انساه وامحيه وامحيهم كلهم من ذاكرتي وانسى ان مشيت بهالطريق و انسى ناسه وكلشي يتعلق به واترك مجال التعارف بدون ما ادير بال شنو صورتهم عني وان غدرتهم اذا حذفتهم بدون ماعلمهم

[!..الظـاهـرة..!]

صباح النور

أين المشكلة ..؟!؟!

غدر بك أحدهم .. فأجهزتِ على نفسك .. بدلاً من أن تصلحيها ..!

هو من أخطأ وغدر بك (حسب قولك ) و أنتِ تنتقمين منه ( في نفسك ) ..!

رميتِ بنفسك في أحضان غيره ..

تبحثين عن أعذار واهية .. بأنه غدر بك .. ثم تؤكدين أنّ صاحباتك يفعلن فأعجبك الأمر ..!

أنتِ تريدين فعل ذلك .. و هذه مجرد أعذار ..

كتابة مشكلتك أو حتى قبل كتابتها ..
بقاء هذا الكلام بداخلك ..
تأنيب ضمير مؤقت
تقنعين به نفسك بأنك جيدة .. لكن هناك ما يدعوك الاستمرار ..

لايعجبك الأمر - كما تقولين - توقفي .. الأمر سهل .. فقط قرري و توقفي ..

و خايفة على شعورهم بأن يعرفوا بانك غدرتِ بهم ..
و حذفتيهم ..!!

أطمنئك :
إن لم يهددوك بصورك .. فلن يتذكروك .. لديهم غيرك ..
لاتقلقي عليهم ..

ومن قراءة لنفسيتك مما كتبتِ :
لو توقفوا .. ستعودين لهم أنتِ ..

لأنك لا تريدين التوقف ..!

تريدينه . استغفري عن ذنبه وتوقفي ..

الأمر لا يحتاج أكثر من نية صادقة للتوبة والتوقف ..
توضئي ثم صلّي ركعتين بنية عدم الرجوع ..

عودي لحياتك الطبيعية .. كأن شيئاً لم يحصل قبل ذلك ..

وتوقفي فقط توقفي .. لا أكثر من ذلك ..

أما حبيبك المزعوم .. فمحاولة الانتقام منه أو حتى الرجوع
إليه ستضرك أنتِ
وليس هو ..!

ماذا تريدين به وهو على ما ذكرتِ ..!!

- اجلسي مع نفسك وحددي ماذا تريدين .. بالضبط ..

= ستشعرين بوقت فراغ .. و بأنكِ كنتِ مهمة ( مجرد وهم ) و الآن شخص عادي
غير مرغوبة .. اصبري أيام بسيطة و تتجاوزين هذا الشعور ..

احفظي مابقي من عمرك وماء وجهك ..

وربنا يستر عليك ويحفظك

احترامي ..

[M.ahmad]

وستستمرين في طريق الظلال مالم تنتبهي لنفسك ودينك

[رَوْحٌ]

تذكرت قصة وحدة أهلها تركوها لما كانت صغيرة
وصار عندها " صدمة الرفض "
وصارت تفكر كل الناس راح يتركونها
وكانت تترك الناس قبل ما يتركونها لأنها خايفة أنهم يتركونها
وهم يستغربون ليش تتركهم

وأنت بعد الصدمة اللي صارت لك
كأنك تبين تنتقمين من هالشخص لما صرتي تغدرين بغيره
وأنتِ أصلاً ما تحبينهم ولا شي بس هذا من تأثير الصدمة

عموماً لما تكون العلاقة غلط توقعي الصدمات ولا تستغربين

بس لما تكون العلاقة صح وفي إيطار شرعي
انتبهي لا تخلين الصدمة اللي تعرضتي لها تأثر فيك
ولا تصيرين شكاكة وتفكرين أن زوجك بيكون مثل اللي حبيتيه وتكركك وخدعك
لأن لو فكرتي ب هالطريقة وخفتي راح يصير اللي تخافين منه

والله في علاقات زوجية تنتهي بسبب الشك والتجارب السابقة
ولا أصلاً تكون علاقة زينة في البداية لكن الشك يخربها ويدمر كل شي

حتى اللي مروا بتجربة الطلاق يفكرون كل مرة راح يصير نفس الشي
ويصيرون شكاكين ويخافون ويسببون مشاكل

المهم
عشان تنسين بسهولة
أعرفي أن اللي صار لك خير وكوني راضية بكل حال
وفكري أن هالشخص كان شر وراح
تذكري هالكلام
( الشخص المناسب لا يرحل فإن رحل فإنه ليس الشخص المناسب )

وادعي عشان تنسين
وترا النسيان مو صعب ولا مستحيل ..

[خياآل]

للطريق عودة والا مسار واحد بس ؟!

[جنكيز]

نصيحتي لك
بان تقلعين عن تصورك القديم
ولعلمك كل حب اولي صعب ينسى
لانه اول شي انطبع في قلبك
لكن دامه خانك او ما كان صادق معاك
هذا يكفي ان تحاولي نسيانه
لانك كنتي صادقه وعفويه
وهو كان كذاب ومخادع
واذا عندك عزة نفس وكرامه
راح تنسينه وغصب عن مشاعرك
لانه اول حب في حياتك
واول خديعه واول خيانه

لذلك مو مبرر انك تنزلين لمنزلته السافله
وتعيشي نفس شعور سلوكه المشين

اكرمي نفسك وارتفعي عن مستنقع السفاله
وكوني افضل منه وارقى وارفع
وناقضي تصرفه وتأثرك العاطفي
وخليك فوق كل انحطاط وكل خداع
لانك لو استمريتي في هالطريق
راح تندمين اشد الندم وتبكين دم مو دمع
لانك راح تقابلين ناس ما تغفر لك خداعهم
وراح تجازيك باشد جزاء
ومن هالجزاءات ممكن يكونوا اذكى منك
ويستغلونك ويستدرجونك
إلى أن تعطينهم أشياء خاصه فيك
ومن بعدها يبتزونك فيها ويهددونك بإفشائها
وترجعين تبكين وتندمين
بس ما راح ينفع الندم وقتها
ويمكن ترضخين لهم
لانك تخافين الفضيحه

لذلك انتبهي وصححي مسارك
وكوني ارقى وارفع من هالطريق الغير سوي
واحمدي ربك بانك إلى الان
ما وقعتي ضحيه لاحدهم وما ابتزك

ارجع واقول صحصحي وانتبهي
ومو كل مره تسلم الجره

اهربي من هالطريق وهالاساليب
وعدلي مسارك وافكارك
واتركي عنك التفكير العاطفي
وفكري بعقل ومنطق
وانظري للنتائج والعواقب
عشان ما تندمين فيما بعد

[رَوْحٌ]

أنتِ قلتي تغدرين في بعضهم مو كلهم
يمكن هذول يستاهلون اللي جاهم
يعني يمكن هم بعد كانوا يسوون نفس الشي ببنات الناس
وجيتي أنتِ ورديتها لهم بدون ما تدرين

يعني ما أتوقع أنهم ملائكة
أهم شي ابعدي عن هالناس
ولا تقولين لأحد أنك تحبينه وأنتِ ما تحبينه
ما تدرين يمكن يطلع لك شخص خطير ويأذيك

نفس قصة شخص كان طيب و صار شرير
قتل وحدة لأن يحبها بس هي طلعت ما تحبه
وتحب شخص ثاني
ومن الصدمة صار كل مرة يقتل البنات اللي مثلها
لما يشوف أي واحد يحب من طرف واحد يروح يقتل حبيبته
وعلى باله يبي ينقذه منها

طبعاً هالشي مو مبرر للقتل
هذا مرض
لأن لو كل حد يروح يقتل ل مثل هالسبب
بتصير الدنيا فوضى وكأننا في غابة

اللي يحب من طرف واحد ما يأذي اللي يحبه
حتى لو ما حصل مقابل وحتى لو خانوه وغدروا فيه
لأن الحب شي أسمى من كذا
وما يخلي الإنسان يصير وحش ويأذي

وما يسوي كذا إلا اللي عنده تعلق وحب تملك

المهم
انتبهي وتوقعي الأسوء

[غير مهتم]

شلونكم عساكم بخير

من كنت بأيام ثاني ثانوي حبيت شخص عمره 24 بعدها اكتشفت ان يراسل بنت خالتي بالفيس بعدها اكتشفت ان كذب علي باسمه ومكان شغله ووظيفته بطريقه مفاجئه ربي راد تنكشف لي كذباته بعدها جاتني صدمه وصرت من واحد لواحد وبعضهم اغدر بهم و اعترف ان عجبني طريق التعارف لان طريق جديد علي وماعندي خبره وكانو صديقاتي يعلموني بعلاقاتهم وزان لي هالدرب فأنا تهت بعد للان مانسيت الشخص الحبيته وغدر فيني هو اول حب اصادفه بدنيتي والشباب الي عرفتهم بعده ماحبيتهم ولو حبيتهم ماحبيتهم بقده هو وصحيح صوري نشرتها لهم وندمت اريد انساه وامحيه وامحيهم كلهم من ذاكرتي وانسى ان مشيت بهالطريق و انسى ناسه وكلشي يتعلق به واترك مجال التعارف بدون ما ادير بال شنو صورتهم عني وان غدرتهم اذا حذفتهم بدون ماعلمهم


انتي تقولين كنتي ايام ثانوي حب مراهقه يعني لو تركتني الامور ذي كان نسيته صار عادي بس مفروض تاخذين درس

اما الشباب اللي عرفتهم يمكن واحد حبك مثل ما حبتي اللي سحب عليك. ترا حتي شباب عندهم مشاعر واحساس

يعني معني كلام. مو بس بنات اللي يحبون عندهم مشاعر ترا حتي شباب

كذا تصرفك غلط

اما بنسبه صور وين مخك لما ترسلين صور لهم يعني شفني انا حلوه لا تدورين حب لا تسوين نفسك انك مجروحه من الحب. ترا حب مراهقه. مع الوقت ينسي


دامك عرفت الشي تسوينه غلط اتركيه حرم تشوين سمعتك عشان.حب او اشياء تافه


صوني نفسك صوني اهلك


انتبهي ع نفسك