|¦ أوصف مزاجك بأبيات من الشعر ~.. ¦| ❥ [الأرشيف] - منتديات مسك الغلا

أوتار الأمل

10-27-23, 02:50 AM

https://upload.3dlat.com/uploads/3dlat.net_04_15_bec2_13409204401.gif

*
\
/
\
/
\
/
.
مزاجي اليوم .. فعلاً حيّل متعكر
من لامني فيه .، بكره فيه ينلامي

أصبحت ما بين لا أنسى ولا أذكر.!
من صدمة العمر طاح الحلم قدامي

ماباقي إلا يذوب الشمع والسكر
وأتنفسه لين .. ما تحقق أحلامي

و مدام باب الأمل .، بالوجه متسكر !
باموت في واقعي.. وأعيش بـ أوهامي
.
.
:81:

جنكيز

10-27-23, 02:52 AM

مزاجي انتي وانتي كل مزاجي
مزاجي روحك يا جرحي وعلاجي

أوتار الأمل

10-27-23, 02:53 AM

يالله ياللي عليك الأمـر والشكوى
يا خالـق الناس يا عالم سرايرها
:
سألتك العافيه والخيـر والتقـوى
والجنه ،، اللي عبـاد الله تـدورها
~
:81:

أوتار الأمل

10-27-23, 02:57 AM

*
.
أكرمت نفسي لو كسرني زماني
وســـرقت من مر الأماني حلاها
.
وخذيت في صدر المكارم مكاني
وأبعدت عن كذب النفوس وغثاها
.
.
:81:

أوتار الأمل

10-27-23, 04:32 AM

:67: اليوم برد و منكسر خاطر الورد
نوبة شتاء و ثلج و بقايا حديقه !
..
ما بان لون الورد في حزة البرد
ضاعت ملامح بھجته في دقيقه :m42:

محمدعبدالعزيز

10-27-23, 01:18 PM

الفكر صحصح وأعتدل خاطري تو
والبال في نظم القوافي تهيا..
أدق هاجوس الغلا وأشعل الضو
وأمدح رفيقي يوم يطري عليا..

أوتار الأمل

10-27-23, 08:58 PM

أستغفـر الله كـل مـا دق قلبــــي :نبض:
واستغفر الله كل ما ترمش العين
.
يـالله تغفرلي ذنـــوبي يــا ربي
وتغفر ذنوب اللي معي قالوا آمين :نبض:
.
.
:81:

أوتار الأمل

10-27-23, 09:00 PM

:m42: ياوقت طمـني عـلى نــاس غالـيـن
وإحمل مع نبض المشاعر سلامي
:
اللي لهم موقـع بقلـبي وفي العين
يسعدهم الله دون ذكـر الاسـامي :m42:

محمدعبدالعزيز

10-28-23, 04:12 PM

نكتب قصايد علها تطرب البال
وإثر القصايد للمواجيع نبره

أوتار الأمل

10-31-23, 03:52 AM

:m42: جتني على طاريك عذبات الأيام
ذكراك ساقت لي جميع القوافي :m42:

أوتار الأمل

10-31-23, 03:53 AM

هات لي صوتك وغيّر لي مزاجي
جعل ماغيرك يسولف وأسمعه :m42:

محمدعبدالعزيز

10-31-23, 02:39 PM

‏عجزت لا اناظر الدنيا بـ عين إنكسار
‏ادعس على غارب الأيام و اهينها

‏ما يعتذر بالظروف إلا عديم القرار
‏وما يبكي من الحياة إلا مساكينها

أوتار الأمل

10-31-23, 02:41 PM

نــاسٍ يخلـــون القضــيـه.قـضايــا
‏وناسن. يخلون. القـضايـا تـيـاسـيـر

‏إحذر من خباث العمل والنوايــا
‏ وإصنع لزلات. الاصاحيب تبرير

‏ورد معادينك حــيـاض المنايــا
‏وورد مصافينك على جمة. البير

‏ولاتــمـدح الا طــيـبـيـن المزايـا
‏مدح الردي.عيب وظليمه وتزوير

خياآل

10-31-23, 02:49 PM

يزين المزاج آليا لمحتك مع الجلاس
واهوبل ولو مالي ابل وأحيان اوده
خاطرة لحظية

محمدعبدالعزيز

10-31-23, 07:24 PM

بين المشاعر والمشاعر مسافات
تقرب وتبعد باختلاف النوايا
فيها المواصل للمحبة محطات
تحيي دروب الشوق بين البرايا

أوتار الأمل

11-01-23, 04:35 AM

أحب الصمت في بعض المواقف وأعشق الإنصات
... وأبرّق في نفوس الناس وأبحث في مباديها ..!
.
.
:81:

أوتار الأمل

11-01-23, 04:36 AM

من لا يشوفك شي شوفه ولا شي
واضحك على فرقاه واترك مكانه
:
كل حي بين الناس يستبدل بحي
لا حدٍ يظـــــــــن إنّه تملّك زمانه ..
.
؛
.
:81:

محمدعبدالعزيز

11-01-23, 01:14 PM

اسهر واراقب طلعة الشمس .. بشروق
واحارب الهاجوس .. وارجع واطيعه

أوتار الأمل

11-02-23, 12:04 PM

أحس إن بكره مجرد إعاده ،،
لليوم واللي قبله / وهذي دنياي ..
:
الألوان واجد... بس كل شيء ساده
العيب في الألوان وإلا فـ رؤياي ؟!!
:
:81:

خياآل

11-02-23, 12:08 PM

الجو جو
كان بعض العرب جو
وان كأنهم ماجوا
مازن جوي

الْياسَمِينْ

11-02-23, 12:18 PM

أحيان مالي مزاج أكتب ولا حاجة
وأحيان قبل أكتب الأبيات تكتبني
وأحيان ما أطيق كل الخلق وإزعاجه
وأحيان حتى ضجيج الناس يعجبني

خياآل

11-02-23, 12:32 PM

قال الوفا
قلت الوفا صار عنوان
للي وفاهم في الحقيقة سجية
بقلمي

محمدعبدالعزيز

11-02-23, 02:06 PM

ناخذ من الصدمات ونرمي ورانا ..

و نمشي الطريق الصعب ونقول ( هانتْ )

أوتار الأمل

11-04-23, 09:15 AM

أمر الناس فيْ نهر النوايا و ضحكَة الأطفال :Dl3:
................... و أصب كل النوايا البيض في من يستفز غلّي !

عجزت أستَقبل الكره الملوّن من ورىَ الأشكال
................... عجزت أزعَل ولو مرّه ’ ولو بَس مرّه من أجليْ !

أعيش بَ عقل و أهديت المحبَه ل البشَر بـ هباال
................... و أشوف ولا بقىَ " حيّ " يعيش الحين فيْ عقلي !

محمدعبدالعزيز

11-04-23, 07:19 PM

ي صــآآحبي والعنــآآ في خــآطري وفه
ان درهمــت سقتهـــآ وان طحت مــآبـآآلي

ريما عبدالله 20

11-05-23, 02:25 AM

ليت الاماني كل ماجت على البال
يضحك لها الحظ الجميل وتحقق.

محمدعبدالعزيز

11-05-23, 03:54 AM

فيني خليط اشواق مع لوعة افراق
اعيشها مابين ضايق ورايق

ريما عبدالله 20

11-06-23, 02:38 AM

أودّك رغم البعد واهمالك
اودك كثر ما تجهل وش اخباري

محمدعبدالعزيز

11-06-23, 03:16 AM

اروح وارجع ..واجي واروح ورجعلك
وانوي فراقك واجي واغير اقوالي

أوتار الأمل

11-06-23, 03:47 AM

شي مزعج .. لو يسافر من تحب ..!
رتب ثياب السفر وإنتَ تشوف :Dl3:
.
الحكي في هذي اللحظه صعب
المشاعر وين ؟ وينك يا حروف
.
مثل جاهل كان لاهي في اللعب
[ مبتسم ] ما يشغله هم وخوف
.
! ثم خذوا من إيدهـ اللعبه غصب
وإن سألهم ليش ؟ .. قالوا له : ظروف :MonTaseR_205:

محمدعبدالعزيز

11-06-23, 03:51 AM

اسامر الأهات ياما تألمت
بين القصيد الي حزينة لحونه

ابووعبدالله

11-06-23, 10:26 AM

الجرح نايـم طالبـك لا تصحّيه ,,
خلّه مثل راعيـه يهدأ ويرتـاح ..
لا تنبش الماضي ولا تنشغل فيه ,,
الدمع مايرقى من العين لا طاح ..!

محمدعبدالعزيز

11-06-23, 03:43 PM

كنت أحلم ومن حقي مثل غيري ولي غايات
....................ولكن حالتي تقسي على أبسط خيالاتي
ولو تنكرني العالم شعوري ما عرف حسرات
....................أنا متعود النكران كثير أنكرت أنا ذاتي

ريما عبدالله 20

11-07-23, 02:39 AM

رشة عطر مرت على قلب ساهي
صحت قديم الشوق في صدر شاعر

ريح العطر مشموم شـد إنتباهي
جدد مع الذكرى .. جروح المشاعر

محمدعبدالعزيز

11-07-23, 01:09 PM

انكسار ( الذات ) يعني / بهذله !
و افتقاد الحلم يعني [ لا طموح ]

أوتار الأمل

11-07-23, 02:53 PM

أنا كذا ، طبعي لا صرت ضايق
أخشع بصمتي مثل لوحه على جدار
:
أنا ( بشر ) مو كل : الأحيان رايق
تحكمني ظروفي .. وأخضع للاقدار

أوتار الأمل

11-07-23, 06:05 PM

'
تـعبنا من العـــــــــالــم والاعذار والتبرير
وتعبنـا .. نراعي عـــــــــالــم مـا تراعينا
:
نـزعل خواطرنا ونمشي عشــان الغيـــر
وزعلنا .. ولا شفنا عيون تراضينــا ..❥❥

جرااح

11-07-23, 06:06 PM

مفتاح قلبي معك ياكامل ، الزين
مسموح لك تدخل ولا عاد ، تطلع

وإذا طلعت أطلع من القلب للعين
وان ماعجبك الوضع للقلب أرجع

محمدعبدالعزيز

11-07-23, 06:17 PM

مظمي من هجعة الليل وعيوني حيام
والسهر يرعى عظامي ودمي وعصبي

كن صدري بطن بلجيك وهمومي حزام--
والرجا شيب له رسوم في وجه الصبي

أوتار الأمل

11-07-23, 08:19 PM

'.
اللي مضى لك أمس ما يرجع اليوم
و أرزاق بكره ما تجي " قبل " بكره
..

محمدعبدالعزيز

11-07-23, 08:28 PM

[ هونتهآ ] لكنها عيت تهون
لاقلت راح الهمْ ألاقيه قدام
فيني ألِم مآ مر بقلب مطعون
فيني حزن مامر > بعيون أيتام

أوتار الأمل

11-07-23, 11:28 PM

أنا كذا ، طبعي لا صرت ضايق
أخشع بصمتي مثل لوحه على جدار
.
أنا ( بشر ) مو كل : الأحيان رايق
تحكمني ظروفي .. وأخضع للاقدار
..
:81:

محمدعبدالعزيز

11-07-23, 11:38 PM

أحيـان يخذلني الحرف والزم الصمـت
ومـن وراء صمتـي علـوم وحـكــاوي

ريما عبدالله 20

11-08-23, 04:01 AM

حاولت أحافظ عليك كثير
لين صارت محاولاتي تتعب قلبي

محمدعبدالعزيز

11-08-23, 04:13 AM

ضآعتّ معَآني قصتّي | وأحتَرتّ | وشلُونّ أسترِيّح ..؟
كُليّ إجَآبآتّ وعَذآبّ وبَعّض صَمتيّ أسّئلَه

جنكيز

11-08-23, 04:13 AM

!

مالي غيري صحيب
مالي غيري حبيب

!

محمدعبدالعزيز

11-08-23, 09:07 PM

ليت الكلام ... يدآوي الجرح والروح
كان القصيد اللي نقوله نفعنا
إو ليتنا لا فضفض لسآننآآ بوح
يطيب جرح (ن) غافيٍ يمتحنا

ريما عبدالله 20

11-09-23, 03:27 AM

كان ودّي احس اني من
اشيائك اللي تخاف تخسرها

محمدعبدالعزيز

11-09-23, 03:41 AM

محبوبك اللي عاند : الريح والموج
ماهو على خبر ( العيون وغرقها ) !

آللي بقالك في سما - ضلوعه العوج
[ ذرة غلا ] هب النسيم وسرقها

ريما عبدالله 20

11-09-23, 03:49 AM

لك وحشه ميعادها تالي الليل
لا نامت عيون البشر زاورتني

محمدعبدالعزيز

11-09-23, 04:10 AM

في يميني من البن فنجال
واليسر معنز راسي عليها

بث مباشر

ريما عبدالله 20

11-11-23, 03:44 AM

رشة عطر مرت على قلب ساهي
صحت قديم الشوق في صدر شاعر

ريح العطر مشموم شـد إنتباهي
جدد مع الذكرى .. جروح المشاعر

محمدعبدالعزيز

11-11-23, 04:37 PM

‏ما بين صدق الشعور وخيبة أحلامي ؛
‏يا وحشة " غيابه " .. وَ يا قلة الحيله !

ريما عبدالله 20

11-12-23, 03:09 AM

لو كان حبي لك تخاريف وأوهام
ما اشتقت لك بالثانيه والدقيقه

محمدعبدالعزيز

11-12-23, 03:28 AM

ضايق وفرحان ومهموم ومبسوط
كل الاحاسيس الليله تحتويني

أوتار الأمل

11-12-23, 05:36 PM

من فضل ربي عالم السّر والغيب
‏عشنا على حشمه وشيمه وقيمه
:
‏تزيدنا الايام .. طيب ٍ على طيب
‏وتزيدنا العثرات ،،، صبر وعزيمه
.
سعيد العلياني⁩

أوتار الأمل

11-12-23, 05:37 PM

‏يالله دخيلك من طعون المناقيد
‏ومن غلطة العاقل وقل المروّه
‏:
‏ومن كلمةٍ تفهم على غير ماريد
‏يمسك طرفها منْك خبلٍ مفوّه
‏.
.
:81:

أوتار الأمل

11-12-23, 05:46 PM

درسٍ عطانيه الزمن من دفتره
‏خلى مزاجي في التعامل مايلي
:
‏مالي ومال الناس من حبّ وكره
‏محدٍ بداخل جنة الله باعملي ..
...:81:...
‏مدغم أبو شبيه

محمدعبدالعزيز

11-13-23, 12:13 AM

ضَآيْـق ~ وَ لوِ ـأنيْ مع النٌـاس « مَزآح »
مَآودْي أبٍديْ . . ضيْقة الصٌدر , وَ أبٌوح

ملك الليل

11-13-23, 02:54 AM

اسهر واراقب طلعة الشمس .. بشروق
واحارب الهاجوس .. وارجع واطيعه

جنكيز

11-13-23, 04:07 AM

!

ارفع راسك انت جنكيزي
طيبك جاوز كل تميزي
مالك مثيل بالدنيا
غيرك عدوي وانت رفيزي

^

عدلت على اغنية ابو نوره وكذا :harhar1:

العنقاء

11-13-23, 06:57 AM

يا موتُ شيئاً من هدوءِ الزائرِ...فلقد ذبحتَ خواطري بخواطِرِ

لا تَقسُ أكثرَ، لم يعُدْ في القلبِ مُتَّـ.. سعٌ لتابوتٍ وجُرحٍ آخَرِ

ما أوجعَ الفقْدَ الذي نعتادُهُ ... حتّى ألِفناهُ كدمعةِ شاعِرِ

أنس الدغيم

محمدعبدالعزيز

11-13-23, 01:13 PM

ياصاحبي من كثــر جرحـي تعلمت
ان الثقـه في الناس ماهــي مليحه

يا كم وثقــت بناس لاكــن تندمت
والروح صــارت بــ الخيانه جريحه

أوتار الأمل

11-13-23, 05:55 PM

بصبر على فرقاه والقلب حساس
حياتنا ماجت على ما نريده ...
..
:81:

محمدعبدالعزيز

11-13-23, 06:16 PM

عنيد ولكن طيبتي ... مالهآ حد
من روس نآسن مآتهاب.» آلهوآيل

ريما عبدالله 20

11-15-23, 02:33 AM

فيني عتب أكبر من الكون كله
فيني على صدة رفيقي مشاريه

بس الكرامه فيني تقول خله
من لا يداري خاطرك لا تداريه

غَيْم

11-16-23, 10:39 AM

مستانس ورايق وقانع وراضي
وما اشوف احد يستاهل ٳني احبه

محمدعبدالعزيز

11-16-23, 11:18 PM

فعلا انا محتار محتار محتار
والطيف هذا زود القلب حيرة
مر يجي للقب طايف وزوار
ومر يغيب ايام عني كثيرة

ريما عبدالله 20

11-17-23, 02:13 AM

معك أحس ان الرضا محتويني
ليت من بدايات عمري عرفتك

أوتار الأمل

11-17-23, 11:33 PM

أحيان : صدري من نظر عيني يضيق
و أحيان : لا و الله .. من اللي آسمعه..
:
مدري أنا اللي غير و أحساسي رقيق..
وألا / صدور الناس .. مآ فيها سعه..!
..
:81:

محمدعبدالعزيز

11-18-23, 04:01 AM

اسجل حضوري بـ حاضر و موجود
مع الوجيه الطيبه كل ليلة

يا ريحة الكادي و يا ريحة العُود
لا فاح فوحه لا تدور بديلة

أوتار الأمل

11-27-23, 04:07 AM

اللي سرى الليل لا نايم ولا واعي
ماله ورى ضيقته وجهه ولا مسرى
.
يراجع اشياء مرت مالها داعي
وينسج خيوط الامل لا شاقه الذكرى
...:81:..

غاليه

11-27-23, 04:16 AM

بداخلي شيء رفض انه يعدِّي ..
كان أكبر من انه يكون، فترة

محمدعبدالعزيز

11-27-23, 11:29 PM

سنين العمر تطويني وأنا في عزتي هارون
‏وكم أيوب في صدري شكا صبره وإصراره

ريما عبدالله 20

11-28-23, 12:57 AM

يا مرحبا باللي مر حُبه و أحياني
ياواحدٍ ماكنه الا ضلعٍ من ضلوعي .

محمدعبدالعزيز

11-28-23, 02:57 AM

تباريحك علـى جمـر الغضـى ياقلبـي المهمـوم

ونبضاتـك دمـوع ٍ مرسلـه وتهلهـا عيـنـي

أوتار الأمل

11-29-23, 11:12 AM

‏لقيت نفسي مابين الهادي من الكلام
‏في اللحظة المشمسة وفالليلة الماطره
‏.
‏ياقلبي الـ ماهدا .. وياعيني الـ ماتنام ..
‏من فيكم اللي حزين وشايل بخاطره ؟
.
:81:

حروف العز

11-29-23, 11:42 AM

كل مالمحت الورد .. ذكرني ب شبيهه

ياشبيه الورد .. لك مني سلام

أوتار الأمل

11-29-23, 12:11 PM

‏آسف على الوقت والتأخير
‏متعوّد اعتاد .. هالعاده !
:
‏مع خالص الحب والتقدير
‏أنا ابي .. قهوتي ساده
.
.
:81:

جرااح

11-29-23, 12:27 PM

اوكي الحمد لله

جرااح

11-29-23, 12:28 PM

أبيك تدري إني فيك أكتفيت
وابيك سما مايُوصلك إلا أنـا

محمدعبدالعزيز

11-29-23, 06:05 PM

في داخلي شي ٍ عن الناس مستور
حرك سكون القلب والقلـب لبـاهـ

ريما عبدالله 20

11-30-23, 02:18 AM

الصباح اللي تجيني فيه شكله ثاني
مرحبا بوجهك اللي يشرح النفسيّه .

محمدعبدالعزيز

11-30-23, 03:26 AM

ابشرك من بعدك.. النوم سلطان!

ماعاد لي في تالي الليل حـــاجة

أوتار الأمل

12-01-23, 06:17 PM

يالله تقديني لـ درب الصالحين
‏اللي ما فيهـم لا نفاق و لا رِيّـا
:
‏أنا فِ وجهك من وجيه الكارهين
‏و من الرخوم ومن قليلين الحيّـا

:81:

أوتار الأمل

12-01-23, 06:18 PM

صارواخبول الناس هم صفوة الجيل
‏والسّــادة العقال ماهم بـ عقّال
:
‏العقل وسلوم الرجال المشاكيل
‏لوتنجلب بالسوق ماجابت ريــال !

...:81:..

محمدعبدالعزيز

12-02-23, 03:01 AM

ما غير اهوجس و عيني صوب جوالي ,
اقـــفله و افــتحه و ادق واســـكر

أوتار الأمل

12-02-23, 05:47 AM

‏والحين من فضل ربي في نعيم وسلام
‏مرتاح لامعاتب أحباب ولاهم يحزنون !

محمدعبدالعزيز

12-02-23, 11:50 PM

صحيح انشغلنا بالدنيا لكن ماتغيــــرنا
ندوس الوقت لو فكر على كيفه يمشينا

ريما عبدالله 20

12-03-23, 01:43 AM

والله إن قربك وشوفك ، واتصالك
من ملذات الحياه ، ومن ، رغدها..

محمدعبدالعزيز

12-03-23, 03:13 AM

العين عافت نومها والسهر طال
لاأحدن يلوم اللي همومه مقيمه

ريما عبدالله 20

12-04-23, 02:30 AM

لك وحشه ميعادها تالي الليل
لا نامت عيون البشر زاورتني

محمدعبدالعزيز

12-04-23, 02:57 AM

نكتب شعر مدري على شان نشتاق
و لا نخفف من مواجع . . ( قديمه )

ريما عبدالله 20

12-06-23, 02:27 AM

مابقى لي قلب يشفع لك خطيه
ذوّبته جروح صدك والخطايا:دموع الورد:

محمدعبدالعزيز

12-06-23, 03:00 AM

‏فاقدٍ لي تحفةٍ نسيانها ذنب و ظليمة
‏الوطن هذا وطنها و البلد هذا بلدها

الظبي

12-17-23, 07:46 AM

حصلت بـ العُزله و قطع العلاقات
‏سجّات خاطر و راحةٍ داخليه !

سلمان الخالدي

12-17-23, 07:52 AM

ان اعتزلت الناس للزين غنيت
وارسلت له من خاطري ماطرا لي

اقفى وتركني من سنين عانيت
ربي عطاه وكمله بالدلااالي

سلمان

الظبي

12-17-23, 11:55 PM

-
يا قلب صبراً فقـد أتعبتنـي ولهـاً
وسرقت من شفتي آثـارَ بسماتـي

ما كنتُ يا قلبُ أخشى أن تعذبني
فقد ألِفتُ مـع الأيـامِ مأساتـي

لكنني كنت أخشـى أن يغالبنـي
رغم التجلُّـدِ همِّـي وانفعالاتـي

فيُبصِرُ الناس حزناً كنـتُ أُنكِـرهُ
وقد تجسَّد دمعـاً فـوق وجناتـي

يا قلبُ أهلكتني ألماً فهـا أنـا ذا
أصبحتُ أشفِقُ من ذاتي على ذاتـي
-

جرااح

12-18-23, 12:12 AM

بعض الكلام يمر ما يلفت البال
وبعض الكلام يجيك في هيئة أنسان

الكلمه الحلوه مفاتيح الأقفال
والكلمه العوجا للأرواح بركان..

ريما عبدالله 20

12-18-23, 01:23 AM

لو نظرت بعين قلبك شفتني
ما معي مخلوق يستاهل غلاك