مشاااكل و هموووم [الأرشيف] - منتديات مسك الغلا

مشكلتي

11-05-23, 11:52 PM

حكايتي مع نفسي وافكاري ومحيطي عقدوني ان هذا مايصير وكلام الناس وسمعه وهذا غلط اريد جو الانفتاح والحريه دايما يسمعوني لا تكلمين اولاد وتستري ولا تدخلين شاتات احذري منها اختلاط وكلام مو حلو كم مره يكسرون شريحتي بسبب ارقام جوالات الشباب بالواتس واوعدهم معاد اكلم واشتري من وراهم شريحه جديده باسمي مو باسم حد ثاني عشان اخذ حريتي ومحد يراقبني وارجع اكلم وعاجبتني السالفه غيرت ٤ شرايح للان ودي اكلم الي ابي واطلع معاهم وودي احب واحد وودي اسكن بروحي احس بالكتمه ليش كلشي ممنوع وغلط والبنت غير وسمعه ودي اخلع العبايه والنقاب و اعيش مثل الامريكان والدول برا ودي اكلم ولد اروح واخرج معه واكلم الي ابي دايما اسمع اذا ضليتي ملتزمه ماراح يجيك العريس لمكانك انتي جيبي العريس اريد اعيش بحريه راح من عمري الكثير بالهموم ماسويت شي لنفسي خوف بخوف والخوف حتى من قول الراي واذا تكلمت يقولون انتي لسانك طويل وقليله ادب حتى لو تكلمت بسلوب حلو وبحق من حقوقي اريد اتحرر اريد اعيش برا بدون قيود وبروحي صراحه ابتعدت عن كل صديقاتي ماوراهم الا الطفش والحش و عوار الدمااااغ وصاحبت شباب جوهم حلو وياريتني اقدر اطلع معهم كشتات ورحلات وفله ودي اسافر مليت ابي اجدد وجوه ليش البنت عيب تصاحب اولاد حتى لو ماكان بينهم كلام وسخ بالنسبه لي تعودت وصعب اتخلى عن المصاحبه ليش بالمسلسلات و الافلام و الاغاني والكليبات كلشي عندهم فررري و الواقع حاجه مختلفه حاسه بوجع بقلبي وعيوني غارت داخل جمجمتي اريد اهرب برا البيت خلاص يا اطلع من البيت او اخلص على نفسي انا بالهاويه

M.ahmad

11-06-23, 04:30 AM

أحمدي ربك أن المحيطين بك لازالوا يعتبروك أنثى تتمتع بكامل حقوقها الشرعيه
يغارون ويصرفون عليك ويعاملوك المعامله التي يريدها الله ورسوله
حتى لو ضربوك حتى لو حرموك حتى لو منعوك

فوالله وبالله وتالله كل الفتيات اللواتي يعيشن حياتهن على حل شعرهن بدون رقيب أو حسيب لسن إلا فتيات سائبات مثلهن مثل الكلاب الضاله في الشارع ، تارتا ينثرن سطل زباله وتارتاً أخرى ينهشن في جيفه
لا دين يردعهن ولا آهل يمنعهن ولا حتى عيب يقيدهن
كل همهن :
١- أشباع البطن
٢- إشباع الشهوه
مثل الحيوانات ذات المخالب تمام
والمصيبه مهما أُشبعت فلا تشبع لأنها إعتادت على ذلك حتى زين الله لها عملها بأنه الصح ولا ترضى بغيره .

نصيحتي بطلي تشاهدي مسلسلات وأفلام لأنه واضح تأثيرها الكبير على مخك
وإذا تبين الصح أحذفي قنوات الـ mbc لأنها قنوات يهوديه الغرض منها تفكيك الأسر على نار هادئة .

ملاحظه :
أعلم جيداً ستآتيني الآن إحدى الفتيات السائبات من ذوات الفكر النسوي وتقول لي : لماذا أتهمتنا بشرفنا .؟
ولكني سأقول لها من الآن : أنتي عندك شرف حتى أتهمك فيه ؟ لأنه لو كان عندك شرف لفهمتي ماذا أقصد بأشباع الشهوه .

ماسكه ورده

11-06-23, 04:43 AM

لا حول ولا قوّة إلّا بالله.

أعيشك

11-06-23, 04:44 AM

الكلاب الضالة* هكذا تُكتب.

يا انتِ صغيرة بالعمر ومندفعه
مو مدركة للي تسويه الله يهديك،
او انك تمزحي وتستهبلي!
كلامك جدا مبالغ فيه،
عشان كذا بطلي هبل يا ماما،
مافي شي اسمه حريه وانفتاح على شي غلط!
ماراح اقول امنعي نفسك من حريتك
ومن الواضح فاهمه معنى الحريه غلط.
نصيحتي لو تبغيها قبل ما تاخذين حريتك اللي تطالبين فيها
ترا ربك حرّم اللي جالسه تسويه،
خافي من ربك شوي واصحي على نفسك وعلى شرفك.

انتِ المفروض اهلك يكسرون الجوال على راسك بعد،
مش بس الشريحه.

تراجِيدِيا

11-06-23, 04:53 AM

.

.

.
صباح الخير
انا بنت زيك ويمكن اصغر منك بالعشرين عمري
ودايم تجيني افكار كذا واتعوذ من الشيطان
وابتعد عن اي مُنزلق
اهلك طيبين يكسرون شريحتك

لو انا اهلك كسرت راسك مع الشريحة حتى تصحين
احس شخصيتك بينفع معها الجلد والضرب يمكن تعتدل

بقولك شي مهم

انتِ تبغين تعيشين حياة الغرب

تعرفين ليش

لانك مقصرة في اذكارك لو قرأتي اذكار الصباح والمساء بكل وعي وادراك وحضور قلب إستحالة تكتبين هالكلام

اذا حافظتي على أذكارك بتحافظين على صلاتك بتصلين بحضور قلب وهذي هي صلاتنا اللي تنهانا عن الفحشاء والمنكر مهما كانت رغبتنا لها

لذلك ماراح تجنين من مصاحبة الشباب الا تأجيج مشاعرك وغرائزك

راح تبقين بتعاسة لين تموتين

حافظي على أذكارك وصلاتك حتى تنجين من الدوامة اللي اقحمك الشيطان فيها

متربع بعقلك وقلبك وروحك وماخذ ايباد وتكايه وبراد شاهي وحب ...

مستعده احلف انك ماتصلين كويس ولا تقرأين أذكارك بحضور قلب وصلني تقصيرك من خلف شاشة ...

انتِ دخلتي تبغين حل بعطيك حل وادخلي بكره قولي نفع معك او لا ،
وضوء توضي الأن واستغفر الله ١٠٠مره ،
وسبحي ١٠٠مره
واشهد ان لا اله الا الله وحده لاشريك له ١٠٠ مره
بتختفي كل هالافكار حقت التحرر وبتشكرين الله على نعمة الاسلام ونعمة الدين لانها اعظم نعمة أستشعريها بقلبك وروحك ..

لو عشتي هالشعور مستحيل تصاحبين شباب وبتعيشين رضى بقضاء الله وقدره رضى تام يورث قلبك الطمائنينة والراحة صدقيني ...

حماك الله وبنات المسلمين من هذا الضياع .

.

.

غَـزل ،

11-06-23, 05:06 AM

'

طيب ماشفتي حال الي نفذوا افكارهم الشاذّة
وحققوا حرّيتهم
وسافروا للخارج ايش صار مصيرهم !!
مصيرهم اطفال غير شرعيين .. تشردوا بشوارع
اضطروا يعملون امور تسببت لهم امراض نفسية بس عشان مصدر دخل!
هالافكار الي نابعه من داخلك هذى حصيلة تصديقك
ان في حياة حلوه خلف باب بيت اهلك :)
وفي شباب يبغون لك الخير مالهم غايات ثانية :)
انتِ حالياً مغتره بدنيا وملذاتها
ورابطه سعادتك ب اهداف و غايات شاذّة
وتشوفي حياتك مكبوته لانها ماوصلت للحدود الي تبتغينها

صراحة اتمنى انك تبالغي بكلامك وماتكوني صادقه
وانك تكتبي هالمشكلة من باب الفراغ :MonTaseR_196:
واتمنى انك بعمر المراهقة لان هنا نعرف الخلل وين
والله الهادي سبحانه

رَوْحٌ

11-06-23, 08:04 AM

متأثرة بالمسلسلات والافلام وتحسبين حياتهم صح
وترا بعده تفكيرك نفس المراهقين وغير ناضج

وبعد أحس عندك مشكلة في الأنوثة
عشان كذا تبين تصاحبين الشباب وتحسينه شي عادي
وتقولين ليش عيب

لأن الوضع الطبيعي أنك تحبين اهتمامات البنات
وتحبين الأطفال وكذا

اتركي كل شي تأثيره سلبي وبس