معاناة البنت [الأرشيف] - منتديات مسك الغلا

جرااح

12-14-23, 08:30 PM

السلام عليكم
هذا الموضوع منقول على لسان بنت يبين مراحل تحطيم البنات
مراحل تحطيم البنات ...
إذا دخلت الثانويه صدعوها بـ( كم نسبتك)
و يبدى مشوار اللقافه عند الأمهات !

و عقبها .. تدخل الجامعه ويبتدى موال متى بتخرجين وليش ماتخرجتي
و طبعا عقبها يشتغلون عليها !!
ماعرستي ؟
محد خطبك؟
لين تحس أنها طولت و تكره حياتها...

و إذا اعرست ..
أول سؤال : منو سعيد الحظ؟
( طبعآ يبون يعرفون ولد مين )

و أول ما تعرس .. يجونك ثاني يوم
(ها حلو الزواج )يا وقاحة السؤال

و يعطونك مهله شهرين مو أكثر
و يبتدي بموال ( مافي شيء بالطريق ؟ )
لين تحسين انك عقيم و فيك مليون عله

و إذا حملتي يعطونك فرصه 4 شهور
و يسألونك ( بنت ولا ولد ولا ماتبين تقولين )

و إذا يستحون يسألونك أول مايشوفون بطنك
بيقولون ( شكله مبين ان فيك بنت )
علشان تقولين لا ,و يصيدونك انه ولد

و آخر الحمل يسألونك
( وين بتولدين أي مستشفى خاص والا حكومي )
وكل واحد بيطلعون فيه عله

وعقب ماتولدين بيزورونك
وياويلك لو مب مجهزه الغرفه ومعدلتها
بتكونين حديث الساعه
وبعد مايسلمون عليك طبعا لازم تشرحين لكل وحده إيش صار بالتفصيل
مسجل ينعاد
وبعد ماتشرحين عن تفاصيل معاناتك يطلبون البيبي
ويفرونه يمين ويسار مع أقوى زوم
( ويطلعون لك الأخطاء السبعه)وفي النهايه بيقولون لك
لا لامايشبهك يشبه أبوه
وإلا طالع جميل على أبوه

وبعدها ب شهر هاا ترضعينه طبيعي
ولا علب؟ إذا طبيعي سلمتي من لسانهم
وإذا علب لازم تسمعين كلمة :
حرام عليك

وبعد سنه ينعاااد موال ماتبين تجيبين لفلان أخوووو !
وإذا جبتي الأخو بيقولون لك
مب كأنكم استعجلتو ؟
لآلا الشقه ضاقت عليكم لازم تبنون لكم بيت