يحلف بيتقدم لي للزواج

[مشكلتي]

تعرفنا على بعض و نتكلم على حسب وقت فراغنا طلب مني ارسل صورتي والسبب يريد يتقدم لي وسالني سبب كلامي معه وهو هدفه من الكلام معي ان يتقدم لي وحلف لي وطلع مو مجرد احاديث عابرة ماتصورت يريدني فكري بس سوالف و طقطقه نكرت ان اصدقه مدح اخلاقي واحترامي ارسله صورتي؟ هذه فرصة يمكن هو يكون زوجي

[M.ahmad]

حتى لو حلف لك بقسم الغموس لن يتقدم لك
لأنه بطريقته هذه دلاله على عدم خوفه من الله نهائياً

يريد يقيس فيه مستوى قبوله لك ثم يقرر حينها هل يستمر معك في العلاقه أم يبتعد عنك
أما زواجه منك فشيلي هذي الفكره من راسك لأن الرجال لا يتزوجون بهذي الطريقه إلا إذا كانوا منبوذين أو مكروهين من مجتمعهم وناسهم وعشيرتهم

عموماً إنتبهي ترسلين له صورك لأنه ربما قد يبتزك ويساومك على شرف أو مال ويدخلك في مشاكل مع آهلك يصعب عليك الخروج منها ، ولو تستطيعين تبتعدي عنه بشكل مفاجئ وللأبد يكون أفضل لك .

[جرااح]

حلف لج صراااحه مسوي انجاز كبير
طيب دام يبي الزوااج ليه مايدخل
من الباب ويتقدم لك بشكل شرعي
حسب الاصول والاعراف المتقق عليها
الله يهديه ديري بالك تعطيه اي شي
بتاتا ربي يحمييك

[غَـزل ،]

'




بِالمنطق .. هل ممكن فكرة الزواج ترتبط بطلب صورة ؟!
هذا من الاخر عنده فضول يشوفك .. اذا اعجبتيه بيكمل لما يمل
هو حالياً يحاول يكسب ثقتك من ناحية الزواج وانه شخص جاد
لكن الي حرفياً جاد يطق بابك قبل شباكك
وبعيد عن كل هذا … نصيحة : (اختاري اب لاطفالك قبل يكون زوج لك)
وبعضهم فضوله عنده طولت بال عادي يستمر
حتى يشبع فضوله بشكلك ..
وبعدها يطور الموضوع عنده ويحاول يتشكل بشخصية الي تكسبك
ماودي ادخل بنيته .. لكن احكيلك بشكل عام و المتعارف عليه
ومن خلف شاشة يتشكل الشخص بطريقة الي يبغاها لكن بنهاية مايطول التمثيل
لكن المجتمع العربي يتعبه احلام اليقظة والروايات

لا ترسلينها نصيحة اخت .. و الزواج اختاري شخص كفو و يستاهل.

[رَوْحٌ]

لا ترسلين صورتك

ترا الرجال لو يبي شي راح يعرف كيف يوصله
ما عندهم شي صعب

لو أنه جاد راح يجي يخطبك على طول

ما راح يقولك أرسلي صورك

[الخواف]

أصلًا أنتي كيف تجرأتي تكلمينه تحت مسمى الحب ( غزل وكلام حلو ومدري إيش ) ...

والمصيبة جالسة تشاور هل ترسل صورتها ولا لا ...!!!!!!!!!؟!!!!


هل في وحدة صاحية ترسل صورتها لواحد ما تعرفه ولا يعرفها ...!!


ما نكب عفشنا إلا هالعيينات من البنات اللي كلمة توديها وكلمة تجيبها .... ثم يقولن حنا قلوبنا بيضا وعلى نياتنا ...!!

هذا غباء وجهل مركب ومفصل .. ونقص عقل ومخ وتفكير ....وماله علاقة لا بالقلوب البيضا ولا الخضرا ولا النية اللي مدري وش تسمونها ...



نسأل الله العافية ....






خلاصة كلامي :

أرسلي له صورة مترين في مترين مع مقطع فيديو عشان يشوفك ثابتة ومتحركة ...لا تنسين براطمك تلطخينها بالحمرة البمبة ..اللامعة ...




جالس أفكر في الشخص اللي راح يخطبك ...وهو مايدري انك كنتي تكلمي واحد باسم الحب ...

ولو يعرف أي واحد انك كنتي تكلمي واحد بكلام حب وغزل ... ما راح ولا واحد يخطبك ....حتى لو كنتي نَجَفَة ......وهذا يدل على ان فعلك جريمة .....ومن ناحية الشرع كلنا عارفين الحكم ...



المهم اقطعي علاقتك معه ....أحفظ لك وأسلم لك ولعايلتك من الفضيحة ...



نسأل الله العافية ...


....

[سلطان الجبل]

الي يتقدم لك يدخل من الباب وليس من شاشة جوالك !!
اعطيه تلفون اخوك او ابيك اذا فعلاً هو ناوي يتقدم
فليتفضل ويتصل باحد اولياء امورك

[غير مهتم]

تعرفنا على بعض و نتكلم على حسب وقت فراغنا طلب مني ارسل صورتي والسبب يريد يتقدم لي وسالني سبب كلامي معه وهو هدفه من الكلام معي ان يتقدم لي وحلف لي وطلع مو مجرد احاديث عابرة ماتصورت يريدني فكري بس سوالف و طقطقه نكرت ان اصدقه مدح اخلاقي واحترامي ارسله صورتي؟ هذه فرصة يمكن هو يكون زوجي


انا اللي اعرفه اللي يبي احد يتقدم لك يقول وين بيتكم عشان ادق الباب.

ما يقول هاتي صورتك. كان قلتي اذا ارسلت صور اهلك الرسل صورتي ؟!

لا تحطي سبب. انك ارسلتي صورتك عشان يدق باب انتي غلطانه. عيب !

هذي بدايه. صوره بعدها يطلب اشياء كثير. انتبهي تحبي شخص عبر تواصل إجتماعي


ع فكره ترا حنا شباب نعرف كيف نخلي بنت تعلق فينا كذا اقولك عطيه في وجه تبني تعال دق باب غير كلام ماعندي. شوفي يكمل معك ولا

بعض شباب خبيثون عندهم محاوله لين يحبون راس بنات بعدها يسحب عليها



نصحتي لك انتبهي ع نفسك ع مشاعر. صوني نفسك