سؤال ؟

[ahmed 22]

بأمانة والله لسا بكون وجهة نظر
فحابب اسمع اراء اكتر

يا هل في حد يشاركني الشعور
انه كل ما تتعمق في قراءة التاريخ او تشوف فيديوهات
او برامج بتتكلم عن حقب معينة
بتحس انه كان مظلم جدا في تفاصيله
بالنسبة للواقع الحالي بتاعنا اللي كتير مش راضي عنه؟

ومش بكلم كعرب بس .. بكلم بشكل شامل ..

[ادم]

نصيحة لا تقرأ عن التاريخ
اذا الواقع عم يتزور وكل حدى بيفلسف الاشياء حسب وجهة نظرو

[ahmed 22]

نصيحة لا تقرأ عن التاريخ
اذا الواقع عم يتزور وكل حدى بيفلسف الاشياء حسب وجهة نظرو



والله بالعكس ..
انا شايف ان قراءة التاريخ بيهون من نظرتنا للحاضر ..

بحس من خلاله ان اسباب الناس للتذمر من الواقع الحالي
لا تعبر سوي عن مدي كوننا مدللين ...

[ألحان]

بالعكس التاريخ الاسلامي تاريخ ناصع البياض حافل بالانتصارات والمواقف التاريخية العظيمة من ظهور الاسلام وحتى انهيار الدولة العثمانية
بينما التاريخ الحديث هو التاريخ المظلم البائس

[ahmed 22]

بالعكس التاريخ الاسلامي تاريخ ناصع البياض حافل بالانتصارات والمواقف التاريخية العظيمة من ظهور الاسلام وحتى انهيار الدولة العثمانية
بينما التاريخ الحديث هو التاريخ المظلم البائس



انا يمكن في السؤال ذكرت في النهاية
مش بكلم بس كعرب ومسلمين
بل بشمولية ...

واقصد بالتاريخ .. اي حدث من القرن لماضي
الي ما قبل الاسلام في العالم اجمع ...

وبرضه ده ما يمنعش انه في جوانب مظلمة
في التاريخ الاسلامي كتيرة ..
مش معني انها مش محل للنقاش الأن
انها مش موجودة ...

[سلطان الجبل]

مقارنة هذا الواقع مع الازمان العابرة اكيد هناك اختلاف
كبير من حيث الكثير من نواحي الحياة وهناك اشياء كان
موجوداً فيها ومفيدة وليست موجودة الان…
يا ريت لو حددت مجال او نقطة اختلاف التي تريد التكلم
عنها.. لان المقارنات كثيرة جداً وليس هنا مكان لذكر تفاصيله
ولكن هذا العصر اي من بداية 1920 والى اللان افضل من
العصور والقرون التي سبقتها …

[ألحان]

انا يمكن في السؤال ذكرت في النهاية
مش بكلم بس كعرب ومسلمين
بل بشمولية ...

واقصد بالتاريخ .. اي حدث من القرن لماضي
الي ما قبل الاسلام في العالم اجمع ...

وبرضه ده ما يمنعش انه في جوانب مظلمة
في التاريخ الاسلامي كتيرة ..
مش معني انها مش محل للنقاش الأن
انها مش موجودة ...




ان كنت تقصد الحضارة المادية فنعم الحاضر افضل بكثير من الماضي
لان الحياة تتطور اما بالنسبة للحضارة المعنوية والانسانية فالماضي الاسلامي الانساني افضل مليون مرة من حاضرنا البائس
الحضارات الاسلامية كانت النور والضياء وسط ظلام حضارات القرون الماضية

[هيراا]

معلش اسفه الرد طلع طويل حبه المعذرة


............


عندي قناعة تامة ان التاريخ مستحيل حتعرف صدقة من كذبة إلا بعدها ب فترة طويلة جدااااا من الزمن
لما يطلع ناس ضميرها صحي ويشهدوا شهادة للتاريخ
لو قرأت عن حقبة معينة ولقيت نفسك الدنيا عتمت جواك خليك عارف ان العتمة دي وهمية
لأن ممكن تكون الحقيقة مختلفة تماما



طب انا حديك مثل أقرب ليك وجهة نظري ودي قناعتي انا الشخصية

ثورة ٢٣ يوليو سنة ١٩٥٢

بداية كده دي مش ثورة .. لييييه ؟
لأن الشعب نام علي ملكية صحي بقدرة قادر علي جمهورية
ازاي وأمتة وفين وليه محدش عارف
والثورة معروفة ان الشعب لازم يشارك فيها
بمعني ان طوائف معينة ممثلة من الشعب تبقي مشاركة في اتخاذ القرار حتي لو كان سري
إنما كام ظابط سمو نفسهم الظباط الأحرار اخدوا قرار بسمية قرار فردي حتي لو كان جماعي فيما بينهم وخرجوا إرادة الشعب بره حسبتهم يبقي ده اسمه عبث

وانا ك هيراا مقتنعة انها مش ثورة لكنها أول انقلاب حقيقي يحصل في تاريخ مصر

تعال بقي لأهداف الثورة .. طبعا هي أهدافها كتير لكن خلينا في المهم


☆ إزاحة ملك لأنه
ظالم / سكير/ مقامر / نسونجي / حرامي / مرتشي .... الخ
^ والله .. انتم بتتكلموا جد
طب واللي جه بعده كانوا أيه ؟؟

☆ ده أول حاجة عملوها قانون الأقطاع يعني سرقة عيني عينك
وكانت حجتهم اننا بنوزع أراضي الاغنياء علي الفقراء
تخيل تبقي وارث ارض الف فدان تاخدها منك الدولة وتوزعها علي الفلاحين كل واحد ٥ فدادين... متخيل كمية القهر والغل اللي بيكون فيها صاحب الأرض

لو قولنا خلاص وقعت الواقعة والملك مشي وفعلا عايز تنصف الفلاحين يا سيدي اعمل قانون يلزم أصحاب الأراضي انهم يعاملوا الفلاحين بما يرضي الله ... يدوهم اجر محترم ويكون في رعاية صحية وخد كافة الضمانات منهم لصالح الفلاح ووووو ... انما اسرق باليمين علشان ادي بالشمال
تبقي انت نظام فاشل لأنك معدلتش في حكمك وانت أساسا جاي علشان تشيل الظلم اللي كنت بتتهم الملك بيه مش انت تظلم وتبقي مفرقتش عنه

☆ كمان قانون المصادرة
اخدوا كل حاجة تخص أسرة محمد علي وغير أسرة محمد علي لدرجة ان في ناس ماتت فيها ...
اخدوا منهم الأراضي والمجوهرات والفلوس والعذب .. كل ما تتخيل لدرجة ان في ناس هاجرت لأنها مقدرتش تعيش فقيرة في نفس المكان اللي كانت فيه غنية وصاحبة أملاك


الانقلاب ده كان انقلاب انتقامي وكان لأغراض شخصية
بدليل ان مصر من ساعة ما تحولت ل جمهورية وهي في النازل
احنا الشعب الوحيد اللي ماضينا افضل كتير من حاضرنا

ازيدك من الشعر بيت
الملك فاروق كان مصلي ومش بتاع ستات ومكنش بيشرب خمر
في الحقيقة معرفش كان مقامر والا لأ

حتقولي يعني هو مكنش له عيوب خالص ؟؟
حقولك اكيد طبعا كان له عيوب لكن مكنتش تستدعي انقلاب ضده


حقايق كتير الواحد عرفها بعد ما سميت ثورة ٢٣ يوليو ب زمن
الملك فعلا اتظلم ظلم كبير والتاريخ شوه صورتة وكانوا دايما بيصدروا لنا في المناهج معلومات مزيفه فضلنا ندرسها سنين علشان يقنعونا ان دي الحقيقة ونتربي علي كرهنا للملك وبالتالي نصفق للظباط الأحرار اللي هما كانوا طوق نجاة للشعب وطبعا ده مش صحيح


اه نسيت اقول معلومة كمان
هل تعلم أخي ان صفقة الأسلحة الفاسدة اللي استخدمت في حرب ٤٨ وشاركنا فيها مع فلسطين طلعت كذبة ومكنش في اسلحة فاسدة من أساسه لكن كانت سبب وهمي علشان يطيحوا بيه بالملك

^ أديك عرفت



مودتي لك




.

[هيراا]

معلش تكملة لل فوق

كنت بتناقش مع بابا الأولاد من حوالي شهرين علي نفس الموضوع
وكانت وجهة نظرة مخالفة ل كلامي وطبعا هو حر ده رأية ويحترم
كانت وجهة نظرة ان اللي حصل ده الصح وان الفلاحين كان لازم يتنصفوا


بس انا قولتلة حاجة واحدة انهت النقاش

قولتلة انت بسم الله ما شاء الله اللهم بارك مليونير

افرض لا قدر الله نمت صحيت لقيت الدولة حطت ايديها علي حساباتك في البنوك
وقالولك مالكش عندنا الا ٥٠ الف جنية أول عن اخر واحنا بنمر بأزمة اقتصادية واخدنا الفلوس علشان نساعد الناس المحتاجة


بالأمانة كده .. انت ساعتها حتعمل ايه ؟
قالي قولا واحدا حموت فيها

قولتلة إذا قضي الأمر الذي فيه تستفتيان



.

[فزدوء]

.



مع احترامي،
.. نظرة غضة وركيكة، .. وبعيدة عن الموضوعية والعقل

طيب فينك من رسل الله سبحانه تعالى ..
ورسالاته واثرها في واقع البشرية وتاريخها !!

.. يعني هزا ابسط واقل شي يضحض فكرة سؤالك :x38:

[ahmed 22]

مقارنة هذا الواقع مع الازمان العابرة اكيد هناك اختلاف
كبير من حيث الكثير من نواحي الحياة وهناك اشياء كان
موجوداً فيها ومفيدة وليست موجودة الان…
يا ريت لو حددت مجال او نقطة اختلاف التي تريد التكلم
عنها.. لان المقارنات كثيرة جداً وليس هنا مكان لذكر تفاصيله
ولكن هذا العصر اي من بداية 1920 والى اللان افضل من
العصور والقرون التي سبقتها …




شوف يا استاذنا .. هي اراء طبعا ..
بس انا بقول ان الفترة ما بين سنة 1915 الي 1975 مثلا
هي اكثر فترة مظلمة في تاريخ البشرية

مش هقولك ان الفترة دي حصل فيها حرب عالمية اولي وتانية
وانفجار نووي ... لا لا .. ده كان وش التورتة ..

تعالي هاخدك جولة في جزء تاني من العالم
خلينا نبدأ بالصين ...

عند ضريح الزعيم الشيوعي الصيني ماو
الرجل ده ليه ضريح ومعابد تخصه في الصين
والناس بتزورها ...
الناس في الصين عندها تروما
ومش قادرة تواجه الماضي بتاعها
لأنه هيدينها ... والحزب الحاكم في الصين مش قادر
يتكلم عن خطايا ما لأنه هيهدم الاساسات اللي قايم
عليه الحزب الشيوعي اللي بيحكم الصين ...

وبالتالي ممنوع ان الناس تتحدث عن الفترة بتاع ماو في الصين
او مناقشتها او تأليف كتب او جمع شهادات من الاشخاص
اللي عاشوا الفترة دي ...

انا عارف ان في ناس عندها حساسية من المصطلح اللي هقوله ده
بس الرجل ده كان تجسيد لفكرة عبادة الشخصية ..
رجل قدر يقنع شعبه انه يشارك في خطاياه ..

انا هاديك عناوين بس كناقل .. عشان الكلام يطول ..


لو رجعت بالزمن ورا شوية
في 3 احداث مهمة في تاريخ الصين الحديث
اسست لاسطورة ماو ...

... القفزة الاقتصادية.. المائة زهرة ... ثم الثورة الثقافية ..

القفزة الاقتصادية :
1- اول الكلام كدا اعدام مليون شخص من كبار ملاك الاراضي الزراعية
عشان يعمل اصلاح زراعي بطريقته ...
2 - المتخلف عشان يزود الانتاجية الزراعية قالك احنا عندنا اعداء اربعة
اللي هما الفيران والعصافير باين وحاجتين كمان ...
احنا كشعب بالكامل لازم نتعاون عشان نقضي عليهم .. وقام مسخر الشعب كله
انه يقضي علي الاربعة دول ... وكان كل واحد كل ما يقتل فيران اكتر مثلا
ليه مكافأة اكبر ... لحد ما خلص عليهم ... عمل كارثة بيولوجية ..
واختلال في توازن البيئة ... قام الجراد كتر .. قام مخلص علي كل المحاصيل
الزراعية... نتيجة لسوء ادارته دي .. الصين مات فيها من المجاعات
اكتر من 55 مليون بني ادم ...
وفي الوقت ده كان اصلا عشان يعمل القفزة الاقتصادية
كان موجه ان الشعب كله يركز في حاجتين اتنين بس زراعة القمح
و انتاج الصلب ... وكان عامل تارجت لكل واحد .. وكانت اهداف تعجيزية
فكان بسبب تعجيزية الاهداف ... حاجة زي الصلب ده
انتاجه كله بيكون نوعياته رخيصة بسبب ان الناس بتحط
اي معادن ... فمع الوقت كل الانتاجية دي صفر ..
وكان العامل في الزراعة بيشتغل 16 ساعة عشان اخر النهار
ياخد فقط 250 جرام اكل ....يكفي ليه ولعائلته ..
وده برضه ساهم في ال55 مليون بتاع المجاعة ...

المائة زهرة

.. ده قالك فيها دع الازهار تتفتح ... اللي هو ايه كان بيقول للناس
احنا ديموقراطيين ... اللي عاوز يقول حاجة ضد الحزب وينقد
ويقول رأيه بحرية ... يتفضل ... واحنا هنتقبل ...طبعا الجرايد كتبت
وناس من الحزب نفسه بدأت تنقد ... وكتير من المثقفين والنخب
بدأت اصواتهم تطلع ....
طبعا الحوار ده كان كمين عشان يلم كل المعارضين .
قام لامم اكتر من مليون شخص من المعارضين في حملة تطهير
وقام موديهم المعتقلات ... عشان يحولهم لاشخاص صالحين بنظره
بحيث يصلح افكارهم لكي تناسب الحزب ..

عندك بقا الثورة الثقافية ....

دي بقا اللي تأثيرها في الصين لحد النهاردة
وكتير متخوف انها تتكرر..بالذات ان نفس الحزب الشيوعي مازال يحكم
واضرارها النفسية مازالت موجودة لانها ضيعت جيل كامل ..

لما الرئيس الصين وقتها بدأ يدين ماو عشان نتايج المجاعات
في القفزة الاقتصادية ... لان ايامها ماكنش فيها صحافة بالقوة الموجودة حاليا
وغالبا العالم ماكنش يعرف باللي بيحصل في الصين اساسا ..

ماو بدأ يفكر بشكل جديد ...
طلع وقالك ان سبب فشل القفزة الاقتصادية
هما البرجوازيين من المثقفين والنخب
اللي اختلطوا بأفكاره الشيوعية
وافسدوها عشان يسقطوا الحزب ...

وكان موجه كلامه ده للاطفال من سن 13 الي 20 سنة
اللي هما اتربوا علي اسطورة ماو الوهمية
اللي من خلالها انه انهي الغزو الياباني وصاحب المسيرة الطويلة
وحوار كدا ... للي حابب يقرأ عنه ..

الشباب دول انشأوا ما يسمي بالحرس الأحمر
الحرس الأحمر دول الكتاب المقدس بتاعهم كان اسمه الكتاب الاحمر
اللي هو عبارة عن مقولات مشهورة للزعيم ماو ..
فحرقوا كل الكتب التانية ...

الشباب دول كان كلمة متطرفين او متعصبين لافكار ماو
مش كفاية لوصفهم ...

دول حرفيا البعض قتل عائلته او راحوا الجامعات وقتلوا مدرسين ونكلوا بيهم
وعذبوهم في الشوارع ...
وفيه مدرسين انتحروا من هول المنظر ...
عشان متخيلين ان جزء منهم
معارض لافكار ماو اللي افسد القفزة الاقتصادية بتاعته ..

يعني ماو وكلهم بالنظام في البلد وهما بعصبيتهم دي
قدروا ينهوا كل المعارضين لماو ..
او انهم يدلسوا علي خطيئته هو ..

ضحايا فترة الثورة الثقافية اللي انتهت بموت ماو في منتصف السبعينات
كان حوالي مليون برضه ..

المشكلة مش في عدد الضحايا
بقدر ان الجيل اللي كان تعداد بالملايين من الشباب
كان فيه وصمة عار وتروما لاحقتهم بسبب الأفعال
المخزية اللي قاموا بيها ..
وبالتالي ماو اشرك شعبه في خطاياه
وبالتالي لحد النهاردة رغم كل اخطائه وجنونه
مازال مخلد في ذكري الصينين انه زعيم قائد لنهضتهم ..
وليهم معابد وضريح اتعمل بعد ما مات ..

لان مجرد الاعتراف بالخطايا
هيفتح جرح لجيل كامل وقتها ..
هو جيل الاباء دلوقتي ...ماحدش هيقدر يوقف النزف بتاعه
هيهدم بلد كامل ..

[ahmed 22]

ان كنت تقصد الحضارة المادية فنعم الحاضر افضل بكثير من الماضي
لان الحياة تتطور اما بالنسبة للحضارة المعنوية والانسانية فالماضي الاسلامي الانساني افضل مليون مرة من حاضرنا البائس
الحضارات الاسلامية كانت النور والضياء وسط ظلام حضارات القرون الماضية



عارفة حضرتك ..
الناس عندها اعتقاد دايما انها مهددة في عقيدتها او تاريخها
وبالتالي اي سؤال بينطرح ابعاده بنحصرها
في الزاوية اللي تخدم واقع اننا اسوياء وغيرنا في ظلام ..

السؤال انا كاتبه بصيغة اني ماحصرش الاجابة في اوجه الحضارة
الاسلامية ... لأني فاهم و متخيل في عقول البعض
ان الطعن في حقبة تاريخية عربية محددة هيكون بمثابة
طعن في الاسلام .. وهنحور الموضوع لده ..

عشان كدا كنت حابب السؤال بصيغة
العالم ونحن جزء منه ..
وليس نحن ضد العالم ..

فرق كبير في الصيغة ..

[ahmed 22]

معلش اسفه الرد طلع طويل حبه المعذرة


............


عندي قناعة تامة ان التاريخ مستحيل حتعرف صدقة من كذبة إلا بعدها ب فترة طويلة جدااااا من الزمن
لما يطلع ناس ضميرها صحي ويشهدوا شهادة للتاريخ
لو قرأت عن حقبة معينة ولقيت نفسك الدنيا عتمت جواك خليك عارف ان العتمة دي وهمية
لأن ممكن تكون الحقيقة مختلفة تماما



طب انا حديك مثل أقرب ليك وجهة نظري ودي قناعتي انا الشخصية

ثورة ٢٣ يوليو سنة ١٩٥٢

بداية كده دي مش ثورة .. لييييه ؟
لأن الشعب نام علي ملكية صحي بقدرة قادر علي جمهورية
ازاي وأمتة وفين وليه محدش عارف
والثورة معروفة ان الشعب لازم يشارك فيها
بمعني ان طوائف معينة ممثلة من الشعب تبقي مشاركة في اتخاذ القرار حتي لو كان سري
إنما كام ظابط سمو نفسهم الظباط الأحرار اخدوا قرار بسمية قرار فردي حتي لو كان جماعي فيما بينهم وخرجوا إرادة الشعب بره حسبتهم يبقي ده اسمه عبث

وانا ك هيراا مقتنعة انها مش ثورة لكنها أول انقلاب حقيقي يحصل في تاريخ مصر

تعال بقي لأهداف الثورة .. طبعا هي أهدافها كتير لكن خلينا في المهم


☆ إزاحة ملك لأنه
ظالم / سكير/ مقامر / نسونجي / حرامي / مرتشي .... الخ
^ والله .. انتم بتتكلموا جد
طب واللي جه بعده كانوا أيه ؟؟

☆ ده أول حاجة عملوها قانون الأقطاع يعني سرقة عيني عينك
وكانت حجتهم اننا بنوزع أراضي الاغنياء علي الفقراء
تخيل تبقي وارث ارض الف فدان تاخدها منك الدولة وتوزعها علي الفلاحين كل واحد ٥ فدادين... متخيل كمية القهر والغل اللي بيكون فيها صاحب الأرض

لو قولنا خلاص وقعت الواقعة والملك مشي وفعلا عايز تنصف الفلاحين يا سيدي اعمل قانون يلزم أصحاب الأراضي انهم يعاملوا الفلاحين بما يرضي الله ... يدوهم اجر محترم ويكون في رعاية صحية وخد كافة الضمانات منهم لصالح الفلاح ووووو ... انما اسرق باليمين علشان ادي بالشمال
تبقي انت نظام فاشل لأنك معدلتش في حكمك وانت أساسا جاي علشان تشيل الظلم اللي كنت بتتهم الملك بيه مش انت تظلم وتبقي مفرقتش عنه

☆ كمان قانون المصادرة
اخدوا كل حاجة تخص أسرة محمد علي وغير أسرة محمد علي لدرجة ان في ناس ماتت فيها ...
اخدوا منهم الأراضي والمجوهرات والفلوس والعذب .. كل ما تتخيل لدرجة ان في ناس هاجرت لأنها مقدرتش تعيش فقيرة في نفس المكان اللي كانت فيه غنية وصاحبة أملاك


الانقلاب ده كان انقلاب انتقامي وكان لأغراض شخصية
بدليل ان مصر من ساعة ما تحولت ل جمهورية وهي في النازل
احنا الشعب الوحيد اللي ماضينا افضل كتير من حاضرنا

ازيدك من الشعر بيت
الملك فاروق كان مصلي ومش بتاع ستات ومكنش بيشرب خمر
في الحقيقة معرفش كان مقامر والا لأ

حتقولي يعني هو مكنش له عيوب خالص ؟؟
حقولك اكيد طبعا كان له عيوب لكن مكنتش تستدعي انقلاب ضده


حقايق كتير الواحد عرفها بعد ما سميت ثورة ٢٣ يوليو ب زمن
الملك فعلا اتظلم ظلم كبير والتاريخ شوه صورتة وكانوا دايما بيصدروا لنا في المناهج معلومات مزيفه فضلنا ندرسها سنين علشان يقنعونا ان دي الحقيقة ونتربي علي كرهنا للملك وبالتالي نصفق للظباط الأحرار اللي هما كانوا طوق نجاة للشعب وطبعا ده مش صحيح


اه نسيت اقول معلومة كمان
هل تعلم أخي ان صفقة الأسلحة الفاسدة اللي استخدمت في حرب ٤٨ وشاركنا فيها مع فلسطين طلعت كذبة ومكنش في اسلحة فاسدة من أساسه لكن كانت سبب وهمي علشان يطيحوا بيه بالملك

^ أديك عرفت



مودتي لك




.



تحيا مصر والله
من سنين ماكلمتش عن حاجة تخص تاريخ بلدنا
لدرجة اني كنت بقرأ كلامك
وحاسس انه غريب عليا ههههه
لعلنا نستعيد الذاكرة من خلال تعليقك المحترم ..

خلينا نبدأ بمقولة
ان كل حكاية تتأثر بوجهة نظر راويها
ولأن بلدنا ماشهدتش فترات رخاء او استقرار بشكل واضح
اخر كام قرن .... فالروايات كتير ..
والحقايق ليها مريدين ومنتفعين
اكتر من منطقية نقل الحقيقة كما كانت ..
وبالتالي كل واحد بقا حابب يحتكر صندوق الحقيقة الخاص بيه

وبالتالي مفهوم الثقة في نقل الحقائق ده متغير
من شخص للتاني طبقا للشعور الشخصي او اختلاف الايدلوجية

وبالتالي انا مؤمن بالحق ..مش الحقيقة

والحق ده مبني علي حقايق خارج اطار
رأي في الحاكم ...

بيقول ان مصر قبل عام 1948

نسبة الامية فيها كانت ما بين 75 - 80 %
كان في فوارق طبقية كبيرة جدا ..
ما بين الريف والحضر

الحضر والشوارع النظيفة والصورة المتحضرة اللي كانت بتظهر
في الافلام القديمة مجرد انتقاء لجزء من الحقيقة

انما كان في جزء تاني مش ظاهر ..
كان نسبة البلهارسيا فيه تتعدي 45 % ما بين الناس ..
تخيل ما يقرب نصف الشعب عنده بلهارسيا ..

وكان 80 % من الشعب بيخدموا 20 % من البشوات
واصحاب الاملاك .. اللي هما كانوا بيحتكروا النصيب الاكبر
من الثورة في مصر ...
يا تري دي مثلا مجموعة معطيات للفترة دي
المفروض تقولك ايه ..؟

لأن طبيعي يكون في انجازات
بس ده جانب واحد ..
الجانب التاني اسود ..
بس كله بينتقي نقل الحقيقة
اللي نقصاه حاليا ...

حقيقة كانت داخل برواز لطيف جدا ..
كان برواز بيقول ان الملك بيحن علي الشعب
وبيعطف عليه بعطائاته من وقت للتاني
والشعب كان غلبان وكان راضي ..
بس مش معني انه جزء كبير كان راضي
انه كان صح ...

لأن ده ماخدمش الشعب لما جزء منه كان حابب يغير
بالعكس ده سمح للي كان هيغير انه يتغير علي الشعب
ان يسمح ان يتم استغلاله مرة تانية وتالتة ورابعة .
لحد النهاردة ...

انا كمواطن مصري ... لا شايف ان الملك كان بينظر لمصلحة شعبه
ولا شايف ان عبد الناصر والظباط لما مسكوا البلد
قدروا الامانة صح .. بالعكس البلد صارت بمسار
اذ ربما لم يكن بالبشاعة الكبيرة ...
بس في الاول والاخر هي بشاعة ..

بس كحلقة من حلقات التغيير في التاريخ المعاصر بتاعنا
فهي كانت مطلوبة ...

صحيح ان الكلام يطول وتتفاوت الحقيقة فيه ..
بس فعليا المنطق الوحيد اللي لازم يسود
ان مافيش شخصية حكمت بلدنا اخر قرنين بمنطق سوي ..

لو هنقارن الميزات بالعيوب ...
فالميزة بحد ذاتها عيب ...
لأن نظرة الحاكم طبقية لشعب
في نظرة وصاية مش نظرة عدل
والوصي دايما هيحتكر نظرته ليك
في انه عارف مصلحتك وانت دايما جاهل بيها
وبالتالي انت مش مهم ورأيك مالوش قيمة ...
ودايما هتخليك صغير في نظره ..
ودايما مش هتقدر تغير ولا هتجرب ..
لأن لو اداك فرصة فشلك في البداية .. مش هيكون ليه مبرر
ماحدش هيسامحك عليه ..

بس هو رصيده في الكاريزما هيخليه
دايما الزعيم القائد المحنك .. الملك .. ولي النعمة

لازم نكون شعب صاحب قرار وبصيرة
عشان نعرف اصلا مين كان بيخدم البلد دي صح
ومين اللي استنفع وعاش واستكفي
وماسعاش انه يكون خادم لشعبه
مش دكتاتور عليه..
لما لقي شعبه بيساعده علي كدا ..

[ahmed 22]

.



مع احترامي،
.. نظرة غضة وركيكة، .. وبعيدة عن الموضوعية والعقل

طيب فينك من رسل الله سبحانه تعالى ..
ورسالاته واثرها في واقع البشرية وتاريخها !!

.. يعني هزا ابسط واقل شي يضحض فكرة سؤالك :x38:



ممكن تقرأ السؤال تاني وتفكر فيه بمنظور مختلف
لعل وعسي تتغير نظرتك للطرح