دايما ابكي

[مشكلتي]

مساء الخير
دايما انفجر من البكي خاطري احب وانحب عندي فراغ عاطفي ومازال ماتزوجت خاطري احد يحس فيني تعرفت على اولاد استغلالين

[M.ahmad]

بسألك سؤال وأبيك تجاوبين عليه بينك وبين نفسك :

-- الأفضل تتعرفين على شخص يستغلك او الافضل انك تظلين تبكين ..؟

عموماً نصيحتي لا ترخصين نفسك في غياب علم والديك حتى لا تفقدي التوفيق والبركه من حياتك .

[صعفق طاش كندي]

الأفضل لك تبكين ووقت البكى تدعين
افضل لك واسلم

[طاغي النظرة]

!

العلاقات دنس ونجس

فارفعي نفسك علو

فالنفس الزكيه مهرها غالي

[غَـزل ،]

'







يابنت الحلال بتحبين واحد يخليك تبكين :MonTaseR_91:
بكل الحالتين بتبكين


تعوذي من ابليس احنا يالبنات ام دميعات ماله علاقه الفراغ العاطفي
انتِ عندك فراغ وقت هو الي يخليك تستغلين العيال وانتِ مخليتهم يستغلونك
اذا كذا تظلين تبحثين عن زوج بالجوال ماراح تحصلين الا الاستغلاليين :210:
ابعدي شوي عن المسلسلات التركية او العاطفية اذا تتفرجي
وابحثي عن شي اخر يشغل وقتك صدقيني ساعتها بيجيك رجال يدور ع وحدا طموحه
اذا تبحثين عن رجال بتشدين لك رجال نفس اهتماماتك يبحثون عن بنات
اغني نفسك بنفسك عاطفياً و نفسياً ومادياً
لاحقه ع الحب ع خير
وقد ماتعفين نفسك عن حب من خلف شاشات
بيعوضك ربي بحب الحلال ع الواقع
الي يوصل يعطيك صرافته ويقولك كل مافيها حلالك وكل يوم يبثرك بكلام حلو
وقتها تستكشفي انك ضيعتي حياتك بالماضي واستنزفتي مشاعرك

سين سؤال هل المهندس او الاستشاري او الوزير بيدخل يدور بنات ؟! ماراح تحصلين الا العاطلين الي بيضيع وقته حاله حالك

روقي ام دميعه الدنيا سهالات :رحيق:

[زهرة الثلج]

تم التحرير من قبل المراقب العام

[قنصل دبلوماسي]

الحياة ماهي صدفة
ووجودك ماهو صدفة
وقلبك ما انوجد صدفة
ولا عقلك صدفة

كلها وراها ايمان فيه من البلاغة
بلاغة وجودك بحياة

إذا كل شئ مو بصدفة
فمن المؤكد ان نصيبك ما راح يكون صدفة

راح يجيك بوقت المناسب

انتي مو فراغ عاطفي
انتي فيك كل العاطفة
ولكن بدك الي يستحق هذي العاطفة الي عندك

لازم تعرفي
انتي الي تعطي
وصاحب النصيب هو الي يحتوي

افهموا أنفسكم جيدا
حتى لا يستغلك احد

[قنصل دبلوماسي]

حُررت المشاركه من المدير لخروجها عن نمط البحث عن مساعده لحل المشكله

//

[رَوْحٌ]

ابعدي عن هالنوع من الأشخاص أول شي

بعدين الشي اللي تبينه ادعي فيه لنفسك ولغيرك
يعني شوفي اللي عندهم نفس مشكلتك وادعي لهم بنفس الشي

" ما مِن عَبْدٍ مُسْلِمٍ يَدْعُو لأَخِيهِ بظَهْرِ الغَيْبِ، إلَّا قالَ المَلَكُ: وَلَكَ بمِثْلٍ."

ادعي واستمري بالدعاء
و حتى لو تأخر اللي تبينه اصبري
وكوني راضية
لأن السخط يجيب السخط

و لا يصير عندك شك وتفكرين أن الله ما راح يستجيب لدعائك

لأن في أشياء قبل ما تتحقق
تصير ظروف تمهد لها
وممكن هالظروف بالظاهر تزعلك وما تعجبك
بس يكون فيها خير
وتعلمك الأشياء اللي تحتاجينها وبعدها يتحقق اللي تبين

يعني مرات التأخير يكون فيه خير


أذكر مرة كان في وحدة تحكي قصتها
وهي تزوجت بعمر 33
الشخص اللي خطبها كان طول الوقت قريب
وكان صديق للعائلة بس مع هذا ما خطبها وما صار نصيب إلا بعمر 33

كانت تقول الحين فهمت سبب التأخير والحمدلله أنه تأخر
لو تزوجت قبل هالعمر ما كنت بكون سعيدة
وممكن كانت بتصير لي مشاكل

لأن تقول كان بعده ما عندها خبرة كبيرة بالحياة
وما كانت بنفس مستوى النضوج والوعي عشان تتحمل المسؤولية

يعني لا تتحسسين حتى لو شفتي اللي أصغر منك تزوجوا قبلك

كل وحدة غير وكل وحدة لها وقت
وبعدين بتعرفين الحكمة من كل شي وبتقولين الحمدلله

[غير مهتم]

مساء الخير
دايما انفجر من البكي خاطري احب وانحب عندي فراغ عاطفي ومازال ماتزوجت خاطري احد يحس فيني تعرفت على اولاد استغلالين

مدري اضحك ولا ابكي :bnat30:

الزمن ذا لا تعرفين على شباب. انه عندهم شي واحد يعطيك غير كذا ماعنده
تبين فراش. حب بحرام ؟! هذولا اللي عندهم محد راح يفهم انتي وش تبين

وش الفراغ عاطفي اللي عندك يابنت الناس لا تصدقين اللي تشوفينه في الافلام
احمد ربك انك مو متزوجه بلا كلام حلو. بلا حب حاولي تسيطري على عواطفك لا تخلينها تغلب عليك. يمكن ربي ما كاتب لك تزوجين بتروحي. لحرام مثلا ؟!

نصحتي لك. الدعاء. فتحتي قلبك ربك لا تشتكي همك الناس

[قنصل دبلوماسي]

تم التحرير من قبل المراقب العام

[قنصل دبلوماسي]

تم التحرير من قبل المراقب العام

[جلجامش]

مساء الخير
دايما انفجر من البكي خاطري احب وانحب عندي فراغ عاطفي ومازال ماتزوجت خاطري احد يحس فيني تعرفت على اولاد استغلالين

مساء النور

انفجري كل الناس تحب تنحب وتحب هذه فطرة

لكن اوصيك بالعفاف العفاف اما الزواج ماهي مشكلتك وحدك

والاولاد المستغلين هذول انت من الاول تعرفين انهم مستغلين بس بتضحكين على نفسك

اشغلي نفسك بشي يفيدك او حتى ما يفيدك اهم شي ما يضرك

[مِيهاف]

صباحّ الخيرّ

مُشكلتكِ بالفراغّ لو تشغلينّ نفسكّ بشيء راح ترتاحينّ
حاولي تتوظفينّ وتسوين لك مشروع يشغلكّ

ادرسيّ طيب ! حتى لو مخلصه خُذي دبلوم اي شي بالحياهّ
تعرفي ع بنات روحي تطوع وتكونين علاقات صحيّه طيّبه
ولا سجّلي هنا وهابدّي معنا لين الله يفرجها

حاسه بالفراغ اللّي عندك ومقهوره ان تفكيرك كذا تعارفً وقلتدبّ
ابعدّي عن هالتفكييير وعزًي نفسسكّ وحبّيها

[عذار]

عندك وقت فراغ كبير جدا
اشغلي نفسك بشي مفيد ( وظيفه - هواية )
تعود لك بالفائده وتملي عليك الوقت
الزواج لا بيقدم ولا يأخر
ياما بنات تزوجن ماشافن الكلام الحلو
ترا الزواج مسؤولية كبيرة ماهي كلها غراميات
طلعات وسفريات لا تختلف اختلاف كلي عن المسلسلات
فيه بنات ما تزوجن اللي توظفت واللي اشتغلت بشي تحبه ( مشروع صغير )
ليش ترمي نفسك الرميه هذا اولاد استغلالين ( اللي تعرفتي عليهم ترا يشوفوك ولاشي فقط لتسليه )
ترضين على نفسك تكوني لعبه مسليه للغير
والله البكي افضل بكثير من لعبه مسليه بأيدي استغلالين

انتبهي لنفسك .. استودعتك الله