انكشف لي

[مشكلتي]

السلام عليكم

انا بنت املك وظيفه وبالعمل عندي رجل انا كبر بناته تربطنا علاقه صداقه قوية جدا من ناحيتي احس بالود اتجاهه لكن هو مبين من كلامه وطريقته ان يستغل عواطفي عنده نقص بحياته لكن اعديها له واتغاضى سبحان الله لحد مره تهورت وقلت له بالكذب شرايك لما اتزوج نلتقي مع بعض لكوني الان مازلت بنت وهو عجبته الفكره وقال لي اذا انتي جادة موافق واذا مكنتيني من نفسك وبرضاك معناتها تحبيني هل يقصد ان يريد جسدي؟ وعلمته ان كنت اختبره وادري بنواياه واستغلاله لي بكافه الطرق لكن سبحان الله الحين بانت لي علومه اكثر واكثر وبعد في شغله اخواني واخواتي هو قال لي يريد مني سلف لحد ماينزل الراتب لان كان عيد ومصاريف قلت له مايغلى عليك والمبلغ بسيط لكن رفضت اسلفه وقلت له انت مو رجال ولا ماتطلب من بنت فلوس لهالدرجه انت استغلالي وجرحته بالكلام وقالي بالاول فرحتيني بعدها حلف لي ان كان يمزح ومايريد الا سعادتي فهنا انا خفت اكون ظلمته ويقول عني بخيله لان هو قلبه طيب ويدعيلي دايما هل انا ظلمته؟ وبعدها قال لي انا عرضت عليك ان اعطيك هدايا بس انتي دايما ترفضي وماتقبلي تاخذي مني قلت له انا ما اخذ هدايا من رجال فما ادري هل وش نيته ووش يريد بالفلوس؟ يارب ماكون ظالمته بشي الان كيف اتعامل معه هو معي بالداوم وخايفه يضرني ويضر سمعتي بشي وبعد الي صارلي صحيح او استغلالي وشنو نيته وتفكيره

[M.ahmad]

نصيحه لوجه الله إبتعدي عنه بقدر الامكان
وإذا كنتي لا تستطيعين الإبتعاد عنه بحكم الحاجه إبحثي عن عمل آخر
لأنك تلعبين معه بالنار وإستمراركم مع بعض بدون مبرر شرعي خطر على حياتك

أما إذا كنتي لا ترغبين الإبتعاد عنه لأنه عاجبك الوضع فتحملي النتيجه الحتميه .

[الْياسَمِينْ]

له مصلحة عندك ،اقفلي الباب بوجهه وامتحنيه
بتشوفين كيف يتركك
هني تكونين انتصرتي لنفسك على ألاعيبه

[عذار]

مافي صداقه بين الرجل والمرآة
افهمووووو الله يرضى عليكم

شخص ماتعرفينه وخصوصًا بوظيفتك لا تاخذين وتعطين معه
الوظيفه وش هي مكان تتوظفي فيه يعني مكان صغير وبالتالي
اخذك وعطاك مع اشخاص وبالاخص ذكور بتأثر عليك حتى سمعتك

حطي حدودك عشان محد يتعداها
ماقدرتي اتركي الوظيفه او انقلي لمكان آخر

[بردية]

بتقولي له ( اشرايك لم اتزوج نتقابل )
وجايه علينا تقول وش نيته ؟!؟!؟!؟
وحدة من الاثنين انتي ياهبلة يامش كويسه
ماعنديش حل تاني

[رَوْحٌ]

وعليكم السلام ورحمة الله وبركاته

أول شي تقولين صداقة قوية
بعدين تقولين يبي تمكنينه من نفسك
الحين هذا زميل عمل ولا صديق ولا شنو بالضبط ؟

وبعدين تقولين ما تعطينه سلف
وما تقبلين هدايا من الرجال
وليش قبلتي صداقته من الأساس !

يعني أنتِ ما تدرين شنو تبين أصلاً
وهو عاجبه الوضع ومستغل أنك مصدقة

المهم
ترا لما احساسك يقول أنه مو طبيعي
أو يكذب عليك أو يستغلك صدقي هالشي
لا تقولين يمكن طيب وظلمته

خلاص قلتي أنه أنكشف لك
لا تتغاضين عن أي شي

الشخص اللي يحيرك
ما تدرين هو طيب ولا استغلالي
احذري منه
لأن لو طيب بتعرفين على طول وما بيكون عندك شك

أصلاً ما راح يقولك مثل هالكلام

خلي علاقات العمل للعمل فقط
لا تحولينها لصداقة
لأنها غالباً تتحول لمصلحة واستغلال

وشوفي مكان ثاني تعملين فيه

[فيولا]

هل يقصد ان يريد جسدي؟

لو سألنا طفل من الروضة
يعرف اساسيات التحرش ويتجنبها من أي شخص
فما بالك بفتاة كبيرة عاقلة تعمل ما تعرف إيش
يعني علاقة محرمة ..


لان هو قلبه طيب ويدعيلي دايما هل انا ظلمته؟


والله ياختي انا اللي ما أبغى اظلمك
وراح اعتبر قلبك انتي الطيب وما تعرفي عن الذئاب البشرية
وراح انصحك

هذا استغلالي مادي وكشف لك اوراقه وإيش نظرته فيك
مجرد سلعة
وممكن يتطور الأمر لسمعتك ومتأكدة قال للي في
المكتب عنك


شخص بهذا السن ويفكر هذا التفكير المريض صدقيني راح
يطلع منه بلاوي برأي انفذي بجلدك واتركي العمل
وإذا ما قدرتي اقطعي العلاقة مع ان الافضل تشوفي عمل ثاني
بيئة العمل مكشوفة السمعة أهم شي فيها

[السهم الأخير]

أختي الكريمة إذا العالم كله رمى الكلمه اللي بغى يقولها ثم سحبها بداعي الاختبار فماعاد بنلوم حد أبدا .

أول المغازلة كلمة إذا تم تلقيها بقبول تبدأ سلسلة التعارف والعلاقات الرذيلة في النهاية إلا من رحم ربك .

فليس هناك مبرر لبنت تعرض نفسها على رجل ثم تقول أنت قذر أو قليل تربية لأنك أبديت قبول .

بعض الناس بكلمة يجذب الآخرين وقد يتسبب في ضياعهم وضياعه قبلهم .

لما الرجل يقول لبنت مكنيني من نفسك فهو يريد منها شهوة جنسية
لما البنت تقول لرجل شرأيك بلبسي أو شرأيك نتعرف على بعض بصداقة بدون زواج فالهدف واضح . تعبئة فراغات عاطفية قد تجر تدريجيا للعار والجنس والرذيلة.

مافي حد يحط أخلاقه على المحك ويكون مجرد شخص يختبر الآخرين .

يعني بالمختصر إنتي لا تلعب دور الضحية خلي الشايب يشوف شغله لا تقطي رزق الرجل ورزقك بسبب الهفوات والمطبات اللي عندك .

قوي شخصيتك ورزانتك شوي لإنك خفيفة بصراحة وألا لو كنتي راكدة ما كنتي تحسبي حساب لرجل وأنتي مجرد موظفه .

الغزل والتعارف ليست من أهداف جهة العمل .

الله يستر بس

[شَمسْ]

يلعب عليك
ولا تصيرين غافلة وتمشي عليك هالحركات
إنسان تافه لا تصيري زيه
لمصلحتك اقطعيه

[غير مهتم]

مافي شي اسمه صداقه في دوام. في شي اسمه شغل بس فيه حدود واحترام في شغل


انتي غلطانه انتي اللي خليته يتمادا في الكلام لا تسوي نفسك انك طالعه منها


لو عطيته حدد ما كل صار تمادي


انتي جايه الدوام مو جايه تسوين صحبه صداقه. تقولين كلام بعدين تقولين مزح عندرجال مافي مزح. حاسبي على تصرفاتك معه



انتبهي علي نفسك وصوني نفسك

[بنت أبها]

الله المستعان

معاد يجيب العيد الا الشيبان :icon10:

الله يهديهم ويستخدمهم في طاعته


الغلط منكِ حبيبتي

واي بنت تدخل رجال بحياتها تستاهل

وراح تدفع الثمن غالي

وتبكي ندم


؛