عندي اخوي علة على قلبي وقلب امي

[مشكلتي]

وش اسوي مع اخوي تعبنا انا وامي على الفلوس لا وبعد يبغى يتزوج وحدة من تونس في اوقات غير مناسبة جدا والمشكلة راح تخلص الماديات حقتنا وهذي الأنسانة مانبغاها في حياتنا ولانطيقها أعوذ بالله منها



أتمنى تكون فهمتوها

[M.ahmad]

قولوا له بنت الناس تحتاج لها رجل يعتمد على نفسه مو يعتمد على مامته

وإذا الولد مصمم قولوا له :
تصاريح الزواج من اجنبيه يحتاج لها 6 أشهر
يتمرمط بين وزارة الداخليه والمحكمه وسفارة بلدها في بلدكم وكذلك وزارة الداخليه والمحكمه وسفارة بلدكم في بلدها
لا وكمان يحتاج له تصاريح من إدارة الجوازات والوزاره الخارجيه
وفوق ذلك تصاريح تسفيرها من بلدها وإقامتها في بلدكم مع تذاكر الطيران والتنقل يحتاج لها وقت وفلوس

يعني الله يعين أمك يبي لها تدبر له مع قيمة مهر البنت قيمة مهرين آخرين حتى يستقر مع التونسيه في بلدكم

ولكن نصيحتي لكم أخفوا عنه جواله وستنحل مشكلته معكم تلقائياً .

[قنصل دبلوماسي]

قولوا له بنت الناس تحتاج لها رجل يعتمد على نفسه مو يعتمد على مامته

وإذا الولد مصمم قولوا له :
تصاريح الزواج من اجنبيه يحتاج لها 6 أشهر
يتمرمط بين وزارة الداخليه والمحكمه وسفارة بلدها في بلدكم وكذلك وزارة الداخليه والمحكمه وسفارة بلدكم في بلدها
لا وكمان يحتاج له تصاريح من إدارة الجوازات والوزاره الخارجيه
وفوق ذلك تصاريح تسفيرها من بلدها وإقامتها في بلدكم مع تذاكر الطيران والتنقل يحتاج لها وقت وفلوس

يعني الله يعين أمك يبي لها تدبر له مع قيمة مهر البنت قيمة مهرين آخرين حتى يستقر مع التونسيه في بلدكم

ولكن نصيحتي لكم أخفوا عنه جواله وستنحل مشكلته معكم تلقائياً .


حتى من الملحقية الثقافية
يحتاج اوراق
أنا كنت شاهد على زواج
من هذا النوع

عندي اخي متخرج من الثانوية العامة
كان نفس اسلوب أخو صاحبة المشكلة

آخر حل تم الاتفاق عليه
نحنا الشباب
راح واحد من اخواني
حطه في حقل نفط على أطراف الدولة
مع الموظفين الي لهم سكن هناك
المهم
كل يوم له قصة مع الشغل الميداني
يوم ينفلت عليه انبوب النفط
ويوم يوقع بحفرة
ويوم يتعلق بسيارات الشحن والتعبئه
يوم مجروح
يوم ينسى تليفونه بحفرة

وانشغل ونسى طريق البنات

صاحبة المشكلة
خذوه ما وراء البحار
يتعلم المسؤولية مع الاحداث اليوميه
ينسى

[رَوْحٌ]

قال رسول الله صلى الله عليه وسلم :
( لو أنكم تتوكلون على الله حقَّ توكُّله ؛ لرزقكم كما يرزق الطيرَ : تغدوا خماصًا وتروح بطانًا )

اقرئي تفسير هذا الحديث عشان تعرفين كيف يكون التوكل


وعن أبي هريرةَ : أَن النبيَّ صلى اللع عليه وسلم·؛ قَالَ:
مَا مِنْ يَوْمٍ يُصْبِحُ الْعِبَادُ فِيهِ إِلَّا ملَكَانِ يَنْزلانِ، فَيقولُ أَحدُهُما:
اللَّهُمَّ أَعْطِ مُنْفِقًا خَلَفًا، ويَقولُ الآخَرُ: اللَّهُمَّ أَعْطِ مُمْسِكًا تَلَفًا ).

ترا اللي رزق أخوك وهو عازب بيرزقه وهو متزوج


أهم شي يستخير
وإذا البنت فيها خير له بياخذها وراح تتيسر الأمور
وإذا مافيها خير له ما راح يتم الموضوع

يعني ماله داعي للخوف

وبعد انتبهي لا تقولين أخوي علة
عشان ما يصير علة
قولي أخوي نعمة عشان يصير نعمة
واحمدي ربك حتى لو ما كان يعطيكم إلا القليل

{ لَئِنْ شَكَرْتُمْ لَأَزِيدَنَّكُمْ }

[رَوْحٌ]

ترا أنا فهمت كلامك على أنه هو اللي متعبكم
يعني ما يعطيكم فلوس أو مقصر معاكم

لأن البديهي
أن الرجال قوامون على النساء

بس الظاهر أنه العكس وشكلكم أنتو اللي تصرفون عليه

لو أنا مكانكم اسحب عليه وأخليه يعتمد على نفسه
يعني ما بعطيه فلوس بقوله دبر نفسك
وأثبت لنا أنك قد المسؤولية أول بعدين نشوف لك بنت

لأن لما تعطونه فلوس ما راح يغشل مخه
ولا راح يسعى ولا يفكر كيف يحصل فلوس
راح يصير اتكالي ومعتمد عليكم طول عمره

[العنقاء]

اتركوه يسوي الي يبي
بس علموه انه يعتمد على نفسه
وانه مستحيل يلقى منكم شي وبس
لانه حياخذ الموضوع مسألة عناد فقط
وبالأخير بيسوي الي يبي ويتنكد


والشيء الثاني


هي تعيش معكم ولا معه؟! :icon10:

يتزوج بالي اختارها افضل ويتحمل مسؤولية اختياره

ولو ما عجبتكم عادي :MonTaseR_173:

[الخواف]

وش اسوي مع اخوي تعبنا انا وامي على الفلوس لا وبعد يبغى يتزوج وحدة من تونس




الواضح من خلال كلامك عن أخوك .. انه ما يحسن التصرف ويتجاهل عواقب الأمور في أي قرار يتخذه ......



عمومًا ما أعرف هل هذا بسبب تدلعيكم له وهو صغير ولا لا ...يعني تَعَود ان كل طلباته مجابة .....


وعلى فكرة هل أنتم عارفين وين يصرف الفلوس اللي يطلبها منكم بكثرة لدرجة انه تعبكم وبهذلكم بسببها..؟


بمعنى آخر : هل بدأ يطلب الفلوس بكثرة بعد ما تعرف على الحرمة اللي ذكرتيها في كلامك ولا هذا طبعه من قبل ما يتعرف عليها ...؟





من وجهة نظري :

لا أؤيد أي رجل في العالم من الزواج من غير دولته وبيئته ومجتمعه اللي عايش فيه ...

لا أحد يقول الحب لا يعرف الحدود ولا الجنسية ولا مدري إيش ... هذا كله كلام فاضي ...


نعم شي أكيد ان رجال وبنات المسلمين من كل الدول فيهم الخير والبركة ...ولكن هناك أمور لابد الوقوف عندها وما نتهور بفعلها ....مثل الزواج من غير البلد و من غير المجتمع اللي أنت عايش فيه ..


مثلًا أنا ما ينفع ان مصري ولا سوري ولا مغربي يزوجني بنته لأنها ماراح ترتاح معي لأن طريقة حياتي تختلف عن طريقة حياتهم ..وهذا فيه ظلم لهم أو ظلم لي ....


وبرضو ما ينفع أتزوج وحدة من نفس جنسيتي وهي مختلفة عني في الطباع وفي طريقة حياتها .... حتى لو كانت من نفس الحارة اللي أنا ساكن فيها ...



.... عمومًا كل واحد حر في حياته ويتحمل نتيجة قرارته ........


....

[رَوْحٌ]

شوفي بقولك كلام من تجربة

احنا لما رحنا نخطب لأخوي
من أول مرة لما دخلنا بيت البنت وسلمنا عليهم
على طول حسيت بشعور الألفة
وكنا نتكلم معاهم عادي كأننا نعرفهم من قبل
مع أنه في اختلاف شوي بس سبحان الله صار قبول
وحسينا كأن البنت وأخوي مناسبين لبعض
ويتشابهون
ومن بعدها تم الموضوع بسهولة بدون تعقيدات

وحتى أخوي الثاني نفس الشي
لما شفت البنت على طول تقبلتها وقلت تناسبه
وأخوي بعد على طول وافق بدون تردد لأنه حس في قبول


وأختي نفس الشي تقبلنا أهل زوجها بسرعة
والحمدلله كلهم طيبين


ف ما أدري هل أنتوا رحتوا للبنت وشفتوها وكلمتوا أهلها
ولا بس كذا مو متقبلينها !

[السهم الأخير]

مافي البيت ولا في القبيلة رجل يوقفه عند حده ذا ؟
يبغاله جلد لين تنكسر ضلوعه وينوم في المستشفى حتى يعرف أن زمن الدلع والتدلل انتهى

ياحيف بس يا حيف .