ضميني ثمانين ضمه ..!

[مسك الغلا]

يمه عساني ما أزعجتـك يـا يمـه


أحس في صدري عـذاب وحريقـة


يضمي حزني وأنا حيـل بضمـه


كنه ضناي وشوفته شـوف ضيقـة


يمه وأنـا بنتـك وإذا قلـت يمـه


شوفي لحزنـي والمواجـع طريقـة


ضميني لصـدرك ثمانيـن ضمـه


ضمة عشيـق ٍ مايفـارق عشيقـه


وكانك سألتي خاطري ويش همـه


بعلمـك وأبـي جـواب الحقيـقـة


ليه الزمن اليـوم مافيـه ذمـة ؟!!


وليه الطعون اللي بظهري عميقة ؟!!


وليه الولد يبوق في بنت عمه ؟!! .


وليه الرفيق يخون عشرة رفيقه ؟!!


وليه أنخدع في ناس كانت مهمة ؟!!


ويوم أكتشفها وهم ماله حقيقـة ؟!!


وليه الذي وقت الرخـا كـان قمـة


و وقت الشدايد مالقينا طريقـة ؟!!


وليه الحسد يمي من عيون عمه ؟!!


وليه الخطا لو قلت كلمة رقيقـة ؟!!


أزيـد يمـه ولا كافـي مغمـة ؟!!


أشوف عينك مـن همهـا غريقـة


يمـه دخيلـك آسـفـة آآه يـمـه


كنـي جرحتـك وأنـتـي أغــلا رفيقة

{

[عاشق ولكن...!؟]

كلمات في منتهى الروعه اهنيك عليهاااا
دمت بحفض الرحمن

[هوااجيس]

الله يعطيكي العافيه وصح لسانك ونتمنا لكي دوام التوفيق

[اللورد يحيا]

كلمات روعة وتنسيق اروع

شكرا مسك الغلا

على الطرح المميز في نظري

[تفاصيل ..!]

الله يعطيك العافيه وصح السانك

[M.ahmad]

كل همسه في موضوع ــك

لها معنا راقي بمعنا الكلمه

فاشكرك على طرحك الخوقاق

ودمتي بهذا الابداع