وصِيَّه مِن قبل مُوتي أبكتِبها بدُون ألقابّ ! [الأرشيف] - منتديات مسك الغلا

المساعد الشخصي الرقمي

مشاهدة النسخة كاملة : وصِيَّه مِن قبل مُوتي أبكتِبها بدُون ألقابّ !


رمـانـه
04-03-11, 12:12 AM
وصِيَّه مِن قبل مُوتي أبكتِبها بدُون ألقابّ !
http://www.awaldamah.com/up/image.php?id=F6B3_4D3DEE7F&jpg

وصِيَّه مِن قبل مُوتي أبكتِبها بدُون ألقاب
................ عشان اللِّي يجي بَعدِي يتذكَّرني ويقراني

صَريحَه صَفحِتي هذي وبخلِّيها بدُون احجَاب
..................... بَسولِف للمَلا .. واللِّي على قلبي على لساني

بَعَلِّم غِيري وش فِيني مِن همُوم وشِقى وعتاب
..................... وعلى فِكرَه ترى قلبي(حقيبه) كلَّها أحزاني

أبذكِر .. كِل ما أذكِر مَدام إن الزمَن ينعاب
..................... أبغرق .. وأشعِل ظنُوني مَدام إن العُمر فاني

برسِّي مِن بُقى فيهُم وعَسَاها تِسلَم الأرقاب
..................... وأبلفِظ آخر أنفاسِي عشان القاصِي والداني

ترى ما كِل مِن قرَّب قِريبٍ .. والغِياب غياب
..................... ولا كِل شَخص يِضحَك لِي أعِدِّه مِثل إخواني

أهاب المُوت في لحظه ولحظه المُوت مِنِّي يهاب
..................... أواسي نفسي بنفسي وأكُون المَجني الجاني

أنا ما أكتِب شعوري عَشان ألقى صَدَى وإعجاب
..................... أنا أكتِب .. لَجِل أرضِي جُروحي وضِيق كِتماني

وإذا قلبي غدا شايب من همومه بَعدني شاب
..................... وعُمري توَّه صِغيِّر ... وقُويَه حِيـل أمتاني

أبد ما كِنت مِتصَوِّر تِجيني نشوة الأحباب
..................... لأني ما عرفت [ الحُب ] .. إلاَّ يُوم ناداني

وقبل لا أقول كِلماتي وأودِّيني على المحراب
..................... أبدفِن دَفتِري بإيدي .. مَدام الوَقت حدَّاني

إذا شمس اللِّقا غابت وتفارقنا بدُون أسباب
..................... بتذكرني مَع الأيام ؟ .. وإلاَّ عادي تنساني

سؤال يدُور في بالي حبيبي والظنون إقراب
..................... أنا إن رِحت عَن دربي يا غالي وين ألقاني ؟

وإذا كان الوصِلْ صَادِق ترى بُعدك عَلي كذاب
..................... أفكِّر فِيك وفي حَالي حقيقه الحُب أعْمَاني

خذاني مِنْك وسواسٍ فِتَح للأسئِله .. أبواب
..................... يخلِّيني أشِك إنِّك تِحِب لِك واحِد(ن) ثاني !!

يا خُوفِي الحَظ مَا يَصدِق مَعَاي ونِنتِهي أغراب
..................... لأني كِل ما أحْلِم أشوف .. الوَقت صحَّاني

حبيبي .. لا تِطمِّني وتِشقِق مِن غلاي ثِياب
..................... أبَسكِن دُوم في بالِك و أبيك تِكُون عنواني

مَدام إنِّي لَجِل عِينِك زَعَل مِنِّي كِثير أصحاب
..................... ترى لازم لَجل عِيني .. تِعَوِّض كِل حرماني

نويت أكتِب شِعِر عَنِّك مَدامِك للشِعِر طلاب
..................... عسى يعجِبك ما باقي مِن حُروفي وألواني

أغمِّض عِيني وأكتِبلِك وأفتحهَا ألاقي كتاب !
..................... شعوري إنصدم منِّي .. وأثاري هذا ديواني



تقيمكم:رحيق:

اللورد يحيا
04-06-11, 01:01 PM
صح لسانك عزيزتي ملايين المرات
ولايسدون على هالمعزوفة
الرائعة كروعتك يعطيك ربي الف العافية
مع خالص تقديري
لسمو شخصكِ ورفيع ذوقك
ودمتي بخير
:نبض:

اللورد يحيا
04-06-11, 01:02 PM
ينقل الطرح للقسم المناسب

رمـانـه
04-12-11, 12:10 AM
صح لسانك عزيزتي ملايين المرات
ولايسدون على هالمعزوفة
الرائعة كروعتك يعطيك ربي الف العافية
مع خالص تقديري
لسمو شخصكِ ورفيع ذوقك
ودمتي بخير
:نبض:




تسلم من ذوقك والله:نبض:

يسلمو ع الرد:ورده:


SEO by vBSEO 3.6.1