غيمة مرت في حياتي [الأرشيف] - منتديات مسك الغلا

المساعد الشخصي الرقمي

مشاهدة النسخة كاملة : غيمة مرت في حياتي


عاشق ولكن...!؟
04-20-11, 01:23 PM
غيمه مرَّت (http://www.flh7.com/vb/t80354.html)في حياتي (http://www.flh7.com/vb/t80354.html).. والرَعَد (http://www.flh7.com/vb/t80354.html)خوَّف (http://www.flh7.com/vb/t80354.html)غزال (http://www.flh7.com/vb/t80354.html)..
وضاقت الدنيا بـ عيني يا بعد كل " الغوالي " ..!
رحت أدَوْرِك في جنوبي لين وصَّلت الشمال ..
والمصيبه .. إنَّ { قلبي } ما هَرَب منّك وجالي !
هذا آنا .. اللي دوَّرتك وعاااندت "المُحال " ..
ما لقيتك ! وينك إنت ؟! ما لقيتك يا منالي !
إيييه [ ضايق ] من غيابك ومات فيني الإحتمال ..
بس تأكَّد هذا حظي .. وهذا في دنياي فالي ..!
ما شكيت إلا لـ حالي يوم عذَّبني الوصال ..
لمَّا دمَّرني غيابك .. جرحي الأسود طرالي ..!
أدري إنِّك ما تبالي .. و " غيبتك "أكبر مثال ..!
وشي طبيعي لو جرحني قلبك اللي .. ما وُفالي !
وتدري إنِّي مآتحرَّك شامخٍ مثل الـ " جبال " ..!
وماخضعت إلا لـ ربٍ وقت هالضيقه صفالي ..
ياللي تسأل عن جديدي و وين ودَّاني الخيال ..
تحسِب إنِّي بالقصايد أكتب إحساسي .. وأبالي ..
ما دريت ..! إنْهَا حرُوفي كلَّهَا ظيييم الليال ..
وكل قصيده في غيابك قلتَهَا , وآنا لـ حالي ..!
ما سمعها غير " قلبي " .. والله يا بنت الحلال ..
وإلا أنا ما جيت أكتب وآنا في دنياي سااالي !
جيت إلى شاطئ خيالي . . . زايرٍ قصر الرمال ..
وإنصدمت إنَّه تهدَّم ! لاحَرَس يحميه ..و والي !
ودِّي أكتب لك قصيده و ودِّي أرسم لك هلال ..!
صفحتين بـ إيد شاعر مُرهف إحساسه خيالي ..!
القصايد يا حبيبي هي ترى مثل : [العيال] ..
ومن رحلت بعيييد عنِّي .. قمت أتفقَّد عيالي ..!
وين ودَّتك الليالي ؟! هذا هو أصعب سؤال !
وما لقى قلبي إجابه . . . وين ودَّتك الليالي !
ترجف أيامي حبيبي وصارت الفرحه " محُال " ..!
بردك اللي ما رَحَمني.. شوووف منّه وش جرالي !
ما بقى أي شي [ غالي ] .. وضعت في كلمة ( تعال ) ..!
وما ذبحني غير إنِّك . . . . . يا بعد دنياي " غااالي " ..!
لا بغى يتركني قلبك .. تكفى وصَّهـ بالعدال !
إبعد شويَّه .. وإرجع .. وإبعد .. وإقطع وصالي ..!
ليه يعني في البدايه جيت . . يسْبقْك الدلال ؟!
وليه [ تتقهوى ] غرامي وتنثر بـ إيدك " دلالي " ..!
قلت لك : إنَّ المحبه , ما تْحشِم قَدر الرجال ..
لـ إستوى بعين { المحبَّه } الثقل ويَّا هبالي ..!
وقلت لك : نظرة عيونك من علامات الجمال ..!
إستغفر الله .. لا نظرت المُر صار المُر " حالي " ..!
وقلت لك : ما أبي أحبك .. وإنثنى راس العقال !!
قلبي عاندني وحبِّك ..وطااح من راسي [ عقالي ] ..!
تَحْسِب إنَّه زال حبك ؟! لا يا عمري " ما يزال " ..!


صعبه يتغيَّر مكانك . . . وإنت لي أوَّل وتالي ..!
الغنى .. ماهُو حصيلٍ من . . . دنانير ومال ..!
الغنى .. معناه شوفك يا حبيبي وراس مالي ..!
كيف أعزِّل عن ديارك وما قوى قلبي الرحال ؟!
ما صمل قلبي فراقك .. وكانت ديارك " رحالي " ..!
كيف أجاوب من سألني وآنا في حالة .. ضلال ..
وينه عنّك من تحبه ؟! والسؤال بصوت عاالي ..!
قلت ما أسمَع .. وعاد الكلمه مرَّاتـٍـ وقال :
لا إتّهَرَّبْ من سؤالي .. لا إتّهَرَّبْ من سؤالي ..!
وين ودَّته الليالي ؟! حيييل يحرجني [ السؤال ] ..
والمُصيبه إنِّي مدري ..! وين ودّتك الليالي !!

**اطيافـ الارضـ**
04-21-11, 02:33 AM
الله الله كلمات جميله يعطيك الف عافيه

مشكور اخ عاشق ولكن

لكـ’’وديـ & احترامي

عاشق ولكن...!؟
04-21-11, 01:23 PM
الله يعافيك على المرور
دمتي بود

♡ αℓ7ℓαα ♪
05-28-11, 04:29 PM
وأإأإأإإأإأإأإأإأإأإأإأإأإأإأإو

كلماات في قمة الروعه

يعطيك العاااااافيه


على الطرح الرااااااقي

بجد كلماااات ناااااااالت اعجاااااااااابي << ولافهمت حرف ولاحتى نص حرف

ودمتم بحفظ الرحمن


SEO by vBSEO 3.6.1