المساعد الشخصي الرقمي

مشاهدة النسخة كاملة : ياليت ابوي صرصور عشان آقتله ...


الجوهرة
07-05-11, 08:39 PM
قصة آلمتني كثيرا ......



اتركــ لكم الموضوع على لسان صاحبته ... بلهجتها الاماراتية الجميلة ..






الموضوع اظني باين من عنوانه


القصة انه كنا انا و امي و ابوي رايحين زيارة لصديق ابوي

هالريال معروف انه عصبي واايد

بس بعد معروف انه كأنه شيخ الفريج لأنه اي حد يبغي مساعدة يروح له

..........اي احد..

هذا غير انه كل الصلوات بالمسيد...




رحنا بيوم لزيارتهم وهذي موب اول مرة نزورهم

الموهم لما وصلنا دقينا الباب

شوي و لا الخدامة تكلمت من ورا الباب مين انتو؟

قلنا نحن .........؟

قالت :سوري بابا الباب مقفول؟

بصراحة استغربنا

قلنا يمكن الخدامة داخل لوحدها او يالسة تخرف....

لانه موب ممكن تكون لوحدها و نحن قايلينلهم انه بني اليوم ؟!





الموهم اتصل ابوي بصديقة قاله ثواني وبوصل .......تمينا نتريا عالباب

.....شوي و يا الريال و فتح الباب ودخلنا..........

بصراحة ما دققنا وايد على كلام الخدامة

الموهم لما دخلنا لاقتنا الحرمة.............

و بصراحة كان استقبالها خوش استقبال

اعتذرتلنا عن انتظارنا برع ...يعني كانت تدري ؟؟

............

.بس بعد طنشنا
الموهم

دخلت داخل عند البنات وكانو 3 بنات (أطفال)7 و5و2 يعني العبهم و جي

الاثنين الصغار اول ما دخلت كانو ساكتين و خايفين بصراحة استغربت من شنو خايفين

شوي بعد ما لعبتهم لعبو و نسو الموضوع

الكبيرة ام السبع سنوات (ديمة ) كانت واقفة عند الدريشة و تطالع برع

نظراتها كانت غريبةنظرات وحدة كبيرة ..........

رحت عندها و سالتها

شو بلاج

ترددت بس شجعتها و قالت: صديقاتي يلعبون تحت بالحوش

(و شاورتلي عليهم )بس انا ما اقدر

قلت: ليش حبيبتي ؟

قالت : بابا (وسكتت) يا ريت بابا صرصور عشان اقتله

صعقت انا انصدمت

شوي ولا تراويني يدها و كانت موب بس زرقا صارت بنفسجية بعد؟





قالت: من خلصت المدرسة حتى تلفزيون ما شي ........ ممنوع

(وصارت تبكي) أبغي اروح العب معاهم




ما قدرت اقول اي شي

ما قدرت اواسيها

صغيرة على الي يصير فيها

شلون قدر يسوي جي بيدها




كنت بقوللها لا تقولين جي عن ابوج

بس لساني اتربط

ما انكر اني انا بعد تمنيته بعد الي شفته انه يكون صرصور عشان اقتله




بعد ما طلعنا عرفنا انه كل ما يطلع من البيت يسكر على اهله بالمفتاح؟



ما دريت منو ألوم

ألوم الأب

الي يحسن و يساعد الناس و اهل بيته ..........
و لا الأم الي خلت الاب يسوي جي بأولاده

حتى لو كانت ضعيفة تقدر تحميهم تقدر تاخذ موقف

هذولي صغار شلون يعاملهم جي ؟





بعد تفكير بالموضوع عرفت ليش بناتنا يدورون عالحب برع البيت .......




منقوووول !!



تعليق مني ...

وآخرا ... احب اذكركم بحديث الرسول صلى الله عليه وسلم

"خيركم خيركم لآهله وأنا خيركم لأهلي"

انتهى

ح‘ـسَبتْـككُ لـِيً
07-05-11, 09:53 PM
قصصصه مممرآ رؤعه يعطيك آلف ععآفيه خيتؤ شموخ تقبلي مرؤري
:0741:

صمت الرحيل
07-05-11, 11:15 PM
شـكــ وبارك الله فيك ـــرا لك ... لك مني أجمل تحية .

ٱﻠﺻۉټ ٱﻠﺦـۇﻘـآﻘـﮯ..
07-06-11, 07:05 AM
قصه مؤثره جدا


يسلمووو
تقبلي مروري

الجوهرة
07-08-11, 04:38 PM
حسبتك لي

اسطورة

الصوت الخوقاقي

انرتم متصفحي بمروركم ...

اللورد يحيا
07-12-11, 11:21 AM
مؤلمة جداً القصة

طيب لو ينحرق البيت لا سمح الله وابوهم مقفل عليهم بالمفتاح ومو موجود

والله حرام عليه يسجن اولاده بهذي الطريقة

بعض شدة على الابناء من قبل الاباء مالها داعي

لان اذا كبرو راح يحصد الاب النتيجه وربما تكون نتيجة مألمه له

وراح يندم انه كان شديد على اطفاله لهذا الحد

والله كسرت خاطري البنت لما تشوف صديقتها تلعب في الحوش وابوها مانعها

حرام عليه هذا الاب والله حرام البنت باقي صغيرة وتبي تحس بطفولتها وتلعب مع من في عمرها

تبي تستانس وتضحك وتلعب ما تبي تعيش في سجن

اعذريني آنسه شموخ انثى الصراحه نرفزني هذا الاب الحشرة

ورد الجوري
07-12-11, 09:28 PM
صراحة القصة مرة محزنة يعني مرة حزنت عالبنت الكبيرة
:طشخ::طشخ::طشخ::طشخ::طشخ::طشخ::طشخ::طشخ::61::61::6 1::61::61::61::61::61::61:

رمـانـه
07-12-11, 09:35 PM
يعطيك الف عافيه
القصه مره روعه:بكى:
اصلن الي مافيه خير في اهله مافي خير الناس
استغفر الله يَ رب

مشكوره

الجوهرة
07-12-11, 11:58 PM
صائد .. معك حق والاب حتى انا حااارقن قلبي

ورد الجوري .. اللي تكسر الخاطر البنت الصغيرة مو الكبيرة اعتقد انك نسيتي حبي

رمانة ... والأروع وجودكـــ نورتي يالغلا... لاعدمنا هالطلة وصح كلامك

اختكم الجوهرة

الجوهرة
07-17-11, 04:23 PM
العفو ندووش ..... يصلمو هالطلة لاعدمناها :eh_s(21):

αl.мυzzα ♩♡♡'
08-03-11, 01:36 AM
يالله مرآآ مؤثررهـ هالقصصصه
الله يعافيينـآ

يعطيييك العـآفييه..

ودي وردي لسموكـ..

][..آتعبني غلاهـ..][

الجوهرة
08-03-11, 05:14 AM
اتعبني غلاه

طمرة مميزة منك ... ماننحرمش


SEO by vBSEO 3.6.1