المساعد الشخصي الرقمي

مشاهدة النسخة كاملة : مَقْدَرْ أَفَكِّرْ بْغِيرِكْ وْ إِنْتَ عَارِفْنِي


طبعي خجول
09-10-11, 04:49 AM
تِدْرِي متى بِتِعْرِفْ قدري وْ تفقدني؟
لاَ رِخَصْتْ نَفْسِكْ لِشَخْصِ مَا يِرَاعِيهَا


بُكْرَهْـ لاَ هَمْلُوكْ النَّاسْ تَذْكِرْنِي
وْ تِقُولْ عِزَاهْـ عِينِي مِنْ يِدَارِيهَا ؟


مَدَامْ غِيرِي عَلَى قَلْبِكْ { مِشَارِكْنِي }
وِشْ هُو لَهْ أَعَلِّقْ الآمَالْ وْ أَبْنِيهَا ؟


يَكْفِينِي إِنِّكْ رِحَلْتْ وْ مَنْتَ { عَايِفْنِي }
هَذَا عِزَا النَّفْسْ مِنْ كِثْرَة بَلاَوِيهَا


أَهْدِيتِكْ دُمُوعْ مِنْ طَعْنِتِكْ تَحْرِقْنِي
وْ إِنْتَ إِللِّي تِسْتَاهِلْ الدِّنْيَا وْ مَا فِيهَا

وْ أَهْدِيتِنِي جَرْحْ مُوجِعْنِي وْ عَاجِبْنِي
لأَنَّ الهَدَايَا عَلَى مِقْدَارْ مِهْدِيهَا


صَحِيحْ { حِنَّا انْتِهِينَا } بَسْ صَدِّقْنِي
وَاللّه إِنِّكْ تِبْقَى { هُوَى رُوحِي } وْ غَالِيهَا


مَفْضُوحْ رَاعِي الهِيَامْ وْ نَظْرِتَه تِغَنِّي
مَلاَمْحَه وَاضْحَة فِي وَجْه رَاعِيهَا


لِكُلِّ دَاء ٍدَوَاءْ لُو هُو مِتْعِبِنِّي
إِلاَّ مَحَبِّتِكْ عَيَّتْ مِنْ يِدَاوِيهَا ‎

إِنْ قِلْتْ عَلِّمْنِي أَنْسَى ؟ لاَ تِعَلِّمْنِي
دِنْيَايْ لاَ مِنْ نِسِيتِكْ وِشْ تَالِيهَا ؟ ‎


فَارَقْـتِنِي وْ ضَحْكِتِكْ عَيَّتْ تِفَارِقْنِي
وَاللّه يِلْعَنْ أُبُو الفَرْقَا وْ طَارِيهَا


مَقْدَرْ أَفَكِّرْ بْغِيرِكْ وْ إِنْتَ عَارِفْنِي
عَشَانْ حَاجَة بْقَلْبِي مَقْدَرْ أَخْفِيهَا ‎


أَخَافْ لاَ حَبِّنِي غِيرِكْ وْ عَاشَرْنِي
يِشُوفْ صُورِتِكْ فِي عِينِي وْ يُوحِيهَا ‎


نِشَدْتْ عَنِّكْ وْ سِمَعْتْ إِللِّي {يِفَرِّحْنِي}
وْ يِرْتَاحْ صَدْرِي مِنْ هُمُومِِ يِحَاتِيهَا


تَبِي تَعْرِفْ وِشْ عَلَى الفَرْقَا مْصَبِّرْنِي
إِنِّكْ بْخِيرْ وْ حَيَاتِكْ مِتْهَنِّي فِيهَا

مم راق لي

:قلب ازرق:

صمت الرحيل
09-10-11, 06:21 AM
سلمت يمناك ،،،
الله يعطيك العافيه ..
ع روعة طرحك الرائع والمميز لاعدمناك يالغلا،،
عسى ماننحرم جديدك،،،
يحفظك المولى ويسدد خطاك،،،،
ودي .ووردي لك

ندوش
09-10-11, 07:30 PM
يعطيج الف عافيه اختي :eiwp:

ذكريات الليالي
09-11-11, 05:49 PM
والابداع
توهج من شوق مفعم بالعطاء ...
حروف ... تناغمت وتناثرت عطراً ملئ بجمالها
وحسها ذوق المسآء
لا اقدر ان اوصف لذه اختيارك للكلمات الرائعه

فاشكرك على انتقائك الرائعـ.

عزوز الخالدي
09-11-11, 11:38 PM
آحرف ثآبت في مسآمعي
كلمات هيجت مششآعري
من عضو دآئم يعجبني موآضيعه
الف ششكر لك طبعي خجول
مآآننحرم من ابدآعكـ :x117:

عشقي لغيرك فكره مستحيله
09-12-11, 09:39 PM
مششششكوره حنوو ع الموضووع الخووقاقي

ي لبى قلبك بسس

طبعي خجول
09-13-11, 12:48 AM
شششآكره لــكم مروركـم

عــطرتوو آلصــفحه

:قلب ازرق:


SEO by vBSEO 3.6.1