المساعد الشخصي الرقمي

مشاهدة النسخة كاملة : بعض الرجال كبار لكن مهابيل


الجوهرة
12-01-11, 06:16 PM
لولا المواقف ماعرفت الرجاجيل
والرجل يعرف بالشدايد والافعال

أنا اشهد به ناس وقت البهاذيل
لاجد وقت الجد تطرى على البال

من يعجبونك في جميع المداخيل
ناس ٍ تعز الطيب من كل مدخال

وما كل من قلّط وساق الفناجيل
يتبع دروب الطيب في كل الاحوال

وترى العمر ماهوب فرق المشاكيل
والهرج مايرفع من الناس دجال

بعض الرجال كبار لكن مهابيل
المرجلة ماهيب بالكبر والمال

وبعض الرجال اجسام لكن تماثيل
جسم ٍ كبير وداخله قلب تمثال

يملى عيونك بالشكل كنه الفيل
ولاحان وقت الجد كذبت الاشكال

ماينفعك وقت الشقا والغرابيل
ياليت تسلم من كلامه والاقوال

ومنهو يظن إن المظاهر دواليل
به ناس نقص وتلبس شماغ وعقال

والدلة اللي دون نار ومعاميل
ماتسقي الخرمان لو ربع فنجال

وبعض الرجال يكيد لك بالمحابيل
يخفي بضحكه لك من الحقد زلزال

السن ابيض لكن القلب كالليل
ماكل من يضحك معك يسعد الحال

ولولا الحسد والبغض والقال والقيل
كان العرب صارت على قلب رجال

هذا كلام الحق من غير تبديل
حبيت اقول الصدق والصدق ينقال

اقبل كلامي فيه بعض التفاصيل
شي مجرب ماخرصته من البال

ولولا المواقف ماعرفت الرجاجيل
وكان استوى بالهرج خايب ورجال



وششششششششششششششششششش راااااااايكم ..:)


"

وجداان
12-01-11, 06:24 PM
رائعه سلمت يدااكدمتى بحفظ لله

حنين الشوق
12-01-11, 06:58 PM
قصصيده رائعه

يديك العافيه يالغلا
لاهنتي

قمر
12-01-11, 07:45 PM
بعض الرجال كبار لكن مهابيل
المرجلة ماهيب بالكبر والمال..

وبعض الرجال اجسام لكن تماثيل
جسم ٍ كبير وداخله قلب تمثال..


__________________________

لووووووووووووووووووووووووول..
صح لسان كاتبها لا والله انه صدق ..
يعطيك العافيه جوهرة ^_^

اللورد يحيا
12-01-11, 08:11 PM
ومنهو يظن إن المظاهر دواليل
به ناس نقص وتلبس شماغ وعقال


صدقت يا الجوهره فيه ناس تلبس الشماغ وهي ما تستاهله

قصيده روعه انا اشهد

يعطيك العافيه وربي يسعدك عزيزتي

بسمة خجل
12-01-11, 10:11 PM
كلمات قمه في الروعه
يعطيك العاافيه

الجوهرة
12-08-11, 11:33 PM
هههههههههههههههههههههههههههههههههههههههههااااي

آششششششششششششكركم ع المرور الـ خقق

ربي مايحرمنيش منكم

ليان
02-12-12, 10:39 AM
مشكوووووووووووورة واللة يعطيك الف عافية
سلمت يمنااك على الطرح الراقي والرائع ننتظر جديدك
بكل شوووووووووووووق دمت بود وخييييييييييير


SEO by vBSEO 3.6.1