يا ضايق الصدر ....

[كل المعاني]

يا ضايق الصدر بالله وسع الخاطر

دنياك يازين ما تستاهل الضيقه
****
الله على ما يفرج كربتك قادر

والله له الحكم في دبرة مخاليقه
****
حلو العيون استهانت دمعها الحادر

كف العباير حزين الدمع ما طيقه
****
حسايف الحزن يغشى وجهك الطاهر

والورد في وجنتك حرام تغريقه
****
يفداك قلب على ما تشتهي حاضر

يفداك باللي بقى لي من معاليقه
****
ما فات خله ولا تهتم من باكر

وأغنم من اليوم ما ساقت توافيقه
*****

يقول عنها شاعرها الامير خالد الفيصل أنه كان يتمشى في حديقة منزله في الرياض هو وصاحب السمو الامير خالد بن فهد بن خالد بن عبدالعزيز ، وكانا يسيران دون أن يتكلم منهما إلى الاخر أي كل شخص منهم يسير دون كلام إلى أن تنهد الامير خالد بن فهد ( ون ) فقال له الامير الفيصل : سلامات يا خالد وش سويت ؟ رد عليه الامير خالد بن فهد : لا والله ؟ وش سويت ؟ فرد الامير الفيصل : وش سويت ؟ أحرقت نصف شجرنا بونتك وتنهيدتك http://www.mujaur.com/vb/images/smilies/smile.gif ، فأكملا سيرهما فألتفت الامير الفيصل إلى الامير خالد بن فهد وقال له :
يا ضايق الصدر بالله وسع الخاطر
دنياك يا خوي ما تستاهل الضيقه

فقال له الامير خالد بن فهد : أنا طالبك لا تقول يا خوي ، دور لك شي ناعم دور لك شي حلو أزين من كلمة يا خوي لأني أبي أستانس بها معاك

فغير البيت الامير الفيصل وأصبح

يا ضايق الصدر بالله وسع الخاطر
دنياك يا زين ما تستاهل الضيقه

وأكمل القصيده
اهديها للجميع

[اللورد يحيا]

يا ضايق (http://www.al2la.com/vb/t31708.html) (http://www.al2la.com/vb/t31708.html) الصدر (http://www.al2la.com/vb/t31708.html) بالله وسع الخاطر

دنياك يازين ما تستاهل الضيقه


اي والله وسع الخاطر لان دنياك يازين ماتستاهل الضيقه ..

كلمات بالامانه ابدع فيها الشاعر بدرجه عاليه جداً

وهذي الاغنيه مغناه بصوت الفنان : محمد عبده وهذا مما زاد من جمال الكلمات جمال

اهنيك عزيزتي على جمال ذائقتك في الانتقاء

اسمحي لي بنقل الموضوع للقسم المناسب

ومشكورة وماقصرتي:رحيق:

[شموخ انسان]

الله الله
رووووع ـــه الكـــلمــــآآت
يع ــطييييك الع ـــآآفييييه
ع ـــلى الطرح الممييز

بانتظــآآر مــوآآضيع ــكـ الج ــميييييللله
لاهنتي

:سكر::سكر::سكر::سكر:
:سكر::سكر::سكر:
:سكر::سكر:
:سكر:

[العاشق الجريح]

طرح مميز اختيار روعه تحياتي

[كل المعاني]

مروركم نور موضوعي وزاد من جماليته:ورد: