المساعد الشخصي الرقمي

مشاهدة النسخة كاملة : تــقــدم لــنـــآ الدنيآ درسٍ جديـد بـكـل يــوم


سـفـيـر الـغـلا
02-22-13, 01:58 AM
http://www.************/watch?v=CKKNwGE1KVo (http://www.************/watch?v=CKKNwGE1KVo)


تقـدم الدنيـا لنـا درس ٍ جـديـد بـكـل يــوم
والناس تسلم من غثـا الدنيـا بحفـظ دروسهـا !!

وعلى حسب حفـظ المواجيـب وتعاليـم السلـوم
نعـرف مقاسـات البشـر بالمرجلـه ونقوسـهـا

صيت الرجال الوافيّـه بأفعالهـا .. ولا ّ الرخـوم
ينبيـك عنهـا : قـل نفعتهـا وشـيـن نفوسـهـا

تطـرد ورى الدنيـا وتكشـخ بالمواتـر والهـدوم
مثل ( الحريم ) أغلـب دراهمهـا علـى ملبوسهـا

والإمعـه والشايـب الكـذّاب وضعيـف العـزوم
ناس ٍ مع العالـم بـلا هيبـه تدربـي روسهـا !!

والبخـل : خلاّنـه بهايـم !! لا تسـام ولا تسـوم
لا شفتهـا ترفـع يـدك حمـد وشكـر وتبوسهـا

على الصحن هم أول الجلاّس وآخـر مـن يقـوم
يعيّفـك حلـو الاكـل والشـرب طـول جلوسهـا

ماهيـب للـلازم سنـد ولا ذخـر عنـد اللـزوم
تمـوت ماسـرّك مهايطـهـا وكـثـر فلوسـهـا

وسوالف الخبلان .. رفعة ضغط وصداع وهمـوم
فـلاوة ٍ تخطّـف علـوم الـعـرب وتحوسـهـا

واجب عليك إليا حكت عن جملـة حكاهـا تشـوم
الهنـد مـا يـرأس حكومتهـا سـوى هندوسـهـا

وربـع المصالـح والمجامـل خـوة ٍ ماهيـب دوم
اقولهـا والتجربـه قـطـع وريــدي موسـهـا

وقت الرخا .. مثل الصقور اللي على المرقب تحوم
فيّ ٍ يـذّري ساقـك الرمضـا وحـر ّ شموسهـا

وإليا احتمت صكّات بقعا وامسـت علومـك علـوم
اتلـوّي خششهـا وتجحـد خـوّتـك وتدوسـهـا

من عقب ما انت الطيّب وقدرك معـزّز ومحشـوم
تصيـر اردى مـا خلـق ربـي ودم ضروسـهـا

أبعد عن الأشكال ذي .. بعد الثـرى عـن النجـوم
وش حاجتك في قرب رديـان العـرب ونجوسهـا

ماهوب عيب إليا عزموك تقول يالربع .. معـزوم !
العيـب : لارحـت لعزايمهـا وجيـت عروسهـا

وخلّـك فطيـن تعلّمـك دنيـاك درس بكـل يـوم
والرجل يسلم من غثـا الدنيـا بحفـظ دروسهـا !!

منى الروح
02-22-13, 06:56 PM
كلمات جميلة ورائعة
ابيات ذووووق
دام ابداعك

سـفـيـر الـغـلا
02-22-13, 07:59 PM
تشرفة بتواجدك الغالي ماقصرتي

صياد واحب اصطاد
02-28-13, 06:56 AM
سلمت ع تسطير تلك الكلمات والحروف
بارك الله فيك وفي وِمِضِآِآِتِـَك المميزة
دام التألق ... ودام عطاء نبضك
كل الشكر لهذا الإبداع
موضوع راائع أجدتي الأنتقآء
دمت وداام نبض قلمك
لك مني كل التقدير ...!!
وبآنتظار روائع جديدك بكل شوق...!
ارق التحآيآ لك
ودي وعبق ورديhttp://www.lamst-a.com/vb/images/smilies/48.gif

Јяơơн Đє₣Īиђ
03-07-13, 10:20 AM
موضوع في قمه روعه

تسلم الايادي

الله يعطيك الصحه والعافيه

باانتظار جديدك بكل الشوق وحترامي

سـفـيـر الـغـلا
03-08-13, 03:55 PM
تشرفة بتواجدكم الجميل

ѕηуσσяα нudα ㋡
03-18-13, 05:32 PM
صحح لساآن شاعرهااآ ولآحرمناآآأ منَ ذووق ناقلهاآآ
عاآآششتَ آيدكك ي غنااتيَ
يعطيك العافيةةَ
ودي :ورد:

سـفـيـر الـغـلا
03-21-13, 01:35 AM
مشكوره ع تواجدك الجميل


SEO by vBSEO 3.6.1