سـفـيـر الـغـلا
04-01-13, 01:12 AM
مابين حق النفس والدنيا وحق الوالدين
ومابين تجريح العباد و هرّجها و سكاتها
ومابين رغبات اليسار ورغبة اصحاب اليمين
انا ضحية عالمٍ تمشي ورى مشهاتها
طيبّ واحب الطيّب و أمشي في سلوم الطيّبين
لكن قلوب الناس دايم تصدمك نيّاتها
الطيب فاقد له عرب والحق فاقد له عوين
والحسد اكبر ظاهره تشرّ علي رايآتها
و الحب نقمة مابه غير التوجد و الحنين
كم سربة عاشت وماتت ولا لقت غايآتها
العفن يلقى حاجته والخبل صار هو الذهين
و الناس فزّت بالعفون و دورت مرضاتها
البارحة فكري يقلبني ورى ذاك البطين
و تطري عليّ سلمى ويطري لي حلا جلساتها
الله مزينها و جاعلها متاع الناظرين
بنت الرجال اللي تهيب من سمع منخاتها
حنا تربينا على الهيبة مع العقل الرزين
مانحدي الهامه مثيل اللي حنت هاماتها
رجالنا لو هو ضعيف مايجنبك السمين
يومنها بعض العرب تبلشك في لجاتها
احدٍ ذبح لك مصلحة ويضحك لك الحاجبين
و ماتدري انه عقرب ماتنوم من غشاتها
و احدٍ يذكيها ولا يدري ترى كنزه منين
يمناه في درب المراجل تعجبك مداتها
ترى الحياء ساس المراجل ينفعك دنيا ودين
و المرجلة لابد ما انك تعرف اوقاتها
و الفخفخه و الطخطخه و الكبر للقلب اللعين
و العقل هو سوق الرجال اللي علت قيماتها
وانا ليا قربت ثم طالعتني عين بعين
عرفت وشلون الاسود تهابها بسكاتها
ومابين تجريح العباد و هرّجها و سكاتها
ومابين رغبات اليسار ورغبة اصحاب اليمين
انا ضحية عالمٍ تمشي ورى مشهاتها
طيبّ واحب الطيّب و أمشي في سلوم الطيّبين
لكن قلوب الناس دايم تصدمك نيّاتها
الطيب فاقد له عرب والحق فاقد له عوين
والحسد اكبر ظاهره تشرّ علي رايآتها
و الحب نقمة مابه غير التوجد و الحنين
كم سربة عاشت وماتت ولا لقت غايآتها
العفن يلقى حاجته والخبل صار هو الذهين
و الناس فزّت بالعفون و دورت مرضاتها
البارحة فكري يقلبني ورى ذاك البطين
و تطري عليّ سلمى ويطري لي حلا جلساتها
الله مزينها و جاعلها متاع الناظرين
بنت الرجال اللي تهيب من سمع منخاتها
حنا تربينا على الهيبة مع العقل الرزين
مانحدي الهامه مثيل اللي حنت هاماتها
رجالنا لو هو ضعيف مايجنبك السمين
يومنها بعض العرب تبلشك في لجاتها
احدٍ ذبح لك مصلحة ويضحك لك الحاجبين
و ماتدري انه عقرب ماتنوم من غشاتها
و احدٍ يذكيها ولا يدري ترى كنزه منين
يمناه في درب المراجل تعجبك مداتها
ترى الحياء ساس المراجل ينفعك دنيا ودين
و المرجلة لابد ما انك تعرف اوقاتها
و الفخفخه و الطخطخه و الكبر للقلب اللعين
و العقل هو سوق الرجال اللي علت قيماتها
وانا ليا قربت ثم طالعتني عين بعين
عرفت وشلون الاسود تهابها بسكاتها