جاني واحد و قال : بسأل كم سؤال

[عبدالرحمن الجنوبي]

مساء الورد / مساء السعادهـ لكم




جاني واحد و قال : بسأل كم سؤال
وقبل يسأل قلت : أنا ماني خبير !


قال: جاوب بس , يا ولد الحلال
وكل كلمه حِطَّهَا .. فبيتٍ صغير


قال نبدي : شنهو تعريف المُحال..؟

قلت :
خَل هالكلمهـ
فـ البيت الأخيـر ..!


القهــر : إن شفت دمعـات الرجال..
والوطن : ( إنسان ) .. مِتغيِّر كثير,,


والطفل : لعبه على شاطـي الرمال..
والأمل : إحساس في عين الضرير,,


الوفا : [ قلبين ] .. يجمَعهُم حلال..
والرَجُل : اللـي علـى أهلـه يغير,,


والرجا : لا قلت : للواطـي تعال..
والفشل : مدري .. ولكنـه مرير,,


والشعر : في وقتنا .. بدر وطلال..
زين وأوَّل : حيـل يعجبنـي جرير ..!


والغلا : إحساس إلى حَـد الخيال,,
والعِشِق : لا شفت مَعشُوقِك تطير..


والجفا : إعكس مفاهيم / الوصال,,
والوَصِل : يعنـي تأكَّـد فيك خير..


والعقل : تِسْفَـه أقاويـل الجهال,,
والجهل : إن قلت عن نفسك كبير..


والخطر : لا صار ما عندك مجال,,
والبلا : إن صرت معدوم الضمير..


والعجب : لا صرت تسأل منهو قال,,
والتعب : إن كنت تِبْحَثْ عن مصير..


الغنى : بالنفس ما هو راس مال,,
والفقر : من كان .. بأعماله فقير..


يكفي يكفي .. أسئله إنهي الجدال,,
ويالله علمني عَن .. السِّر الخطير..


ما أبي تضرب لي في غيرك مثال,,
قول : عنِّك وإعتبر سِرِّك في بير..


جات طعنـه مِن جنوبك والشمال,,
يعني وضعِك بين مِن حُولك خطير..


صاحبـي وإن ضاقت بعينك ليال,,
لك فرشت القلب مفروش الحرير..


في [ بلاد الحلم ].. ممنوع العقال,,
والمصيبه الشعب ما أختار الأمير..


وما ألومك .. كان شدِّيت الرحال..
دام بيتك جرح / وفراشك حصير,,


و هذا تعريفي إلى كلمة : مُحَال..
شي ودِّك فيه ولا يمكن يصير ..!



حقيقهـ
~~

غيبتك طالت و ملتني ظنوني
و أضناني الشوق و بعدك عن عيوني,
حتى ضلوعي تسأل عن نبضها
وينك يا خفوقي......
كانك تغلى ...تراك اغلى الغوالي
و كانك تخليت .....محدا بعدك يهنا لي
اتعب بدونك....و اسعد بقربك
وما طلبت غير شوفك.وشوفك محــــــــــآل.

[نداء الروح]

عجبتني مرره , أبيآت رووعه :نبض:
يعطيك العآفيه عبدالرحمن
وكمآ عودتنآ لآ تحرمنآ من الآشعآر

تستآهل التقييم
دمت بخير
:رحيق:

[ليان]

قلمك يتميز دائم بالأبداع ونسج الحروف التي

تبهر العيون وتسود القلوب وتجمعها على الوقوف

والأحترام لما ينشده يداك من عذب الكلمات وروعة الحروف


ودي وتقديري واحترامي

[منى الروح]

طرح في غآية الروعة وآلجمآل
سلمت آنآملك على الآنتقاء الآكثر من رائع
ولآحرمنآ جديدك القادم بشوق..،،
ونحن له بإلآنتظآر..."..

[دانه]

الله على عذوبة هذه الأبيات الرائعه
الفن بإختيار الكلمات ذات العبق الجميل والإحساس
المرهف إحترت أين الجمال فوجدته بكل أبياتك
وإن شاء الله تعالى ما ننحرم من جديدك
دمت كما تحب

[عبدالرحمن الجنوبي]

الروعه حضوركم
وطيب حروفكم.. لاحرمنآ توآجدكم ودي لكم

[اسومة]

وووووووووووووواااااااااااااااااااااااااااااااااااا ووووووووووووووو روعة لقد استمتعت حقا و انا اقرء فيها مبدع ياخي لك الشكر

من لك باقة ورد
:ورده::ورده::ورده::ورده::ورده::ورده::ورده::ورده::و رده::ورده:
تحياتي العطرة
في امان الله

[توفآنـيَ]

طًرح رائَع يوشّم بالتمِيز
لشّخصِية عّذبة أكثْر تميِز
طاَب يومٌك بكُل خيرِ
بإنتًظار رٌوائعك القًادمه بِشووٌوق :نبض:

[عبدالرحمن الجنوبي]

الروعه حضوركم
وطيب حروفكم.. لاحرمنآ توآجدكم ودي لكم :ورده: