نـركض مع الآيآم فى كـل ديـره

[سـفـيـر الـغـلا]

نركض مع الايام في كل ديره
وناكل لحوم الغير من دون تقصير

محدن درى بالاخره وش مصيره
كلن يحاول بس جمع الدنانير

احدن هواه الصيد ويحب طيره
واحد طموحه كيف جمع المغاتير

واحدن همومه بس يرضي مديره
واحد يحاول كسب حب الغنادير

محدن عمل لجل الحياة الاخيره
يوم الحساب ويوم عرض التقارير

في يوم ماينفعك شمل العشيره
ولاينفعك شهرة قصيد وجماهير

تجي على متنك ذنوبٍ كثيره
من عمرك اللي راح كله مخاسير

يالله دخيلك جعل بالامر خيره
ويالله عسانا من هل الدين والخير‏​

[سميتك الغالي]

قصيده رائـعـه بكل م فيها
سلمت يداك ع الإنتقاء الجميل
ننتظر جديدك
’’,تحياتي

[سـفـيـر الـغـلا]

تشرفت بتواجدك اخوي
تحياتي لك