ترجيتـك وانـا دموعـي تنـادي لا تفارقنـي

[الســاهر]

ترجيتـك وانـا دموعـي تنـادي لا تفارقنـي
تعال وعالج إحساس ٍ جرحتـه حيـل وأهملتـه

قتلت الشوق في لحظة عنادك وأ نت ظالمنـي
وحب ٍ مات في مهده حبيبي كيف أعدمته ....؟

تناسيت الغلا وبعدك ياليـت المـوت ياخذنـي
وترحل روح محرومه عزاها حـب ترجمتـه

جفاك وصدك اسهرني ودموع الحب تحرقنـي
تشتت فكري وقلبي عطيتـه لـك ولا صنتـه

تغير قـدري بقلبـك وفيـك ظنـون تاخذنـي
قسيـت وقلبـك القاسـي وانـا للـود علمتـه

خذوني من دفا قلبـك ويامـا كنـت توعدنـي
نسيت الحب و أخبـاره وكنّـك مـا تحضنتـه

تردد لي صدى صوتك ( أحبك ) فيها أطربنـي
وانا لازلـت ارددهـا وحبّـك لـي تجاهلتـه

امانـه لا تخلينـي انـا مـا اقـوى تودعنـي
تعال ارجوك في قلب ٍ تركته يمـوت حطّمتـه

أحبك والجروح اللـي مـن عنـادي تعذبنـي
تراني حيـل ندمان وعنـادي أنـت روّضتـه

كفانـا جـروح ياعمـري طلبتـك لاتزعلنـي
أنا ما اقدر على الفرقى تعـال بقلـب جننتـه

وضمه حيل لا تقسـي لعالـم ثانـي أسرقنـي
ولحظة حب تاخذنا وهـذا الحـب هـو انتـــه


طبعا القصيدة على لسان امرأة
لكن كلماتها جميلة جدا واعجبتني والله

[دارين]

رااائعه ...

قسم بالله جالسه اقرأها وقلبي يعورني

:بكى::بكى::بكى:

سلمت يمينك على الطرح الرائع

[سـفـيـر الـغـلا]

صح لسانك ولسان شاعرهاا
سّلِمتِ يًدِآكْ عّلِى جميًلِ طرٍحكْ
لآهنــت على حسّن ذآئقتِكْ
تحيتي ومودتي

[الســاهر]

الغاليه داااااارين
من القلب لك الشكر على مرورك الرائع
وسلمت يمينك على الرد والتعقيب
وشكرا لك على التقييم
لك مودتي وتقديري الدائمين

[الســاهر]

الاخ العزيز سفير الغلا
من القلب لك الشكر على مرورك الرائع
وسلمت يمينك على الرد والتعقيب
لك مودتي وتقديري