ترى الجمل والعبد والداب والسيل

[احساس الذكريات]

والله مايكبر في عيون الرجاجيل
الا مواقيف الرجال العظيمه ..

و الا الردي دايم ردي مثل ماقيل
راس ادمي واللي تشيله بهيمه ..

عنز على الله ثم على صفوة الجيل
الطيب الطيب ياماآآل الغنيمه ..

لا تلتفت على اهل القال والقيل
اللي يشيلون الرجوله ظليمه ..

ترى الجمل والعبد والداب والسيل
لازم ثقتك تكون فيهم عديمه ..

الحق في مانزل الله لجبريل
على الرسول اللي رضع من حليمه ..

واللي مع الساحر حمامه ومنديل
اول خيوط الفاحشه والجريمه ..

افلح ترى تالي النهار اول الليل
تماكن الفرصه وذب الخريمه ..

ورجل يشح بجاهه ووجه بخيل
ويمنى تبادر في المكارم كريمه ..

غنيمة ترقى بها الجدي وسهيل
وغنيمة منها السلامه غنيمه ..

وخسارة يطلع وراها محاصيل
الذ من فوز بطعم الهزيمه ..

النفس تقبل مثل ماتقبل الخيل
وتصد لو ان النعم مستديمه ..

شي تخافه من عقوبه وتنكيل
وشي تعافه من كرامه وشيمه ..

لو كان تضحك من كلام المهابيل
لابد تبكي من دموع اليتيمه ..

والوقت نفس الوقت مافيه تبديل
يمضي وينسخ لك جديده قديمه ..

تكثر بركته بالدعاء والتهاليل
وتقل من قل النوايا السليمه ..

ودك ترجى لك سراب وتماثيل
طرقي ووقتك قيظ وارضك وخيمه ..

ولا تدور حاجتك عند دعبيل
خبل يرز نفيسته في خشيمه ..

لو ان ما الله فضل الناس تفضيل
لافضل الاشجار معنى وقيمه ..

الناس منها الفود مهوب بالحيل
والاشجار منها الفود حتى الهشيمه ..
.
.





القصيده للشاعر / مدغم ابو شيبه
.................
تحياتي لكم جميعا http://vb.ll6.com/images/smilies/123%20(8).png


احساس الذكريات

[اعشقك بسكات]

قصيده قويه

يعطيك الف عافيه

[بدور]

http://st-takla.org/Pix/Christmas/03-Bow-n-Ribbons/www-St-Takla-org__mauvebow.gifhttp://st-takla.org/Pix/Christmas/03-Bow-n-Ribbons/www-St-Takla-org__mauvebow.gif
سلمت يدآك..على جميل طرحك وحسن ذآئقتك*
يعطيك ربي ألف عافيه..بإنتظار جديدك بكل شوق.
*لك مني جزيل الشكر والتقدير...
http://dc01.arabsh.com/i/00361/wmsoxrflv6tg.gif

[عتيم]

الــشــاعــر .. مــدغــم أبــو شـبـيــه ,,



شـــاعــر جــمــيــل



احســـاس الــذكــريــات ,, تـسـلـم عـلـى الـنـقـل الــرائــع