ماجد بن خرصان ~ محمد بن الذيب

[ماجد بن خرصان]

محمد بن الذيب



ياعين هلي باقي الدمعع هليه
على عزيز القوم يومش فقدتيه
على محمد ولد راشد بن الذيب
مامات منهو خلفه وانتخى فيه
راشد نباه يعيش لو الجسد مات
مات وبقى بين المخاليق نابيه
ولو ما مع راشد من الذكر طاري
يكفيه ب ان محمد الذيب طاريه
رجلن رقا للنايفات الصعيبه
ب افعاله الي فالمجالس تبدييه
صامل وﻻ همه هروج المعادي
يقطع نحر منهو يفكر يعاديه
الي ايدور على الشر يلقاه
والي ايدور على الخير ياتيه
مطنوخ ﻻمنك نخيته وجيته
يعطيك مايسالكك ويقول لك ليه!
مايعرف المنه وﻻهوب يغتاب
وﻻ اغتابه المهبول مايلتفت فيه
يقفي عن المخذول ﻻمن تحاكا
ويقول مخذول وردي ليه احاكيه
مادام نفسه دانيه والحكي ماش
ببعد عن دروبه وﻻ بعترف فيه
ويكرم ليا صار المطانيخ زوار
حتى ولو ان مامعه شي يبديه
يسوم وجهه ويتدين على شان
يكرم لحى الي ماتدانت معاليه
هو مارد الشعر المسمى على ساس
ماهوب حي الله شويعر نحييه
شاعر كتب في صفحة المجد شطرن
(الشعر بعد محمد الذيب عزيه)
ﻻمن كتب في راعي الطيب بيتين
يطرب اذان الي معاه وحواليه
وﻻمن هجا شاعر بكلمه وثنتين
لو انه اطنخ شاعر يطيح عاليه
ربي عطاه الهيبه الي تبين
شجاعته وشجاعة الي مربيه
في وقفته يشبه وقوف المهلهل
فالمعركه والسيف منصوب ب ايديه
في مشيته ماكنه اﻻ اﻻصايل
يوم تعدي دار المعادي وتغزيه
وفي حضرته مايشبه اﻻ السحابه
تروي يباس العود والقاع تسقيه
وفي غيبته ماكنه اﻻ ملكنا
غاب وغدوا كل الخلايق تناديه
واليا مدحته بالقصايد فضحني
مخزوني الي ماقدر يوم يوفيه
واﻻ وصفته للعرب وسمعوني
قالوا خيالكك رايح لوين ياهيه
قلت الي اقوله مهو من خيالي
هذا ولد راشد عسى الله يحميه
هذا هو ابن الذيب يلي جهلتوا
رمز الكرم والطيب واسمى معانيه
الله يفك اسره ويرجعه سالم
صوب الديار الي تعزه وتغليه
غيبته ماهي شي عادي وننساه
غيبته طعنه داخل الصدر تاذيه
بس الغياب ان طال جعله قصير
ويعجل الله بالفرج والرجا فيه
وياجعلها ماتشرق الشمس وتغيب
اﻻ وابن الذيب في وسط اهاليه



ماجد بن خرصان

[بيلسان]

::.[.:http://dc03.arabsh.com/i/00315/ltqjwm9ws7zv.gif:.].::
تسّلم الأيآدي الذهبيـه ,
يعطيك العآفيَـه على الطرح المفُيد ,
مآننِحرم منْ جديدك آلممَيز ,
سوسنةٌ تزهى بك يَ ضيآء ,
دُمتِ مُشـعْه ..
..:ღ:..

[اللورد يحيا]

كلمات فيها من الثقافه والاحساس الجميل الشيء الكثير

وهذا ان دل فأنه يدل على رقي الكتابه الشعريه لدى الشاعر

صح لسانك وطاب منطوقك ويستاهل الكبير بإحساسة ونبضه محمد بن ذيب

واهنيك عزيزي ماجد على هذا الفكر والقلم الشعري الامع فيك وكذالك الاحساس الجميل والذي يسكنك

تستحق على هذا الابداع في كلماتك ختم الموضوع بختم التميز 5 ايام + تقييم + :رحيق:

لا تحرمنا من مثل هذي الاشعار في المرات القادمه