تشتت فكر
03-10-14, 10:24 PM
ساروي لكم :قصه المرحوم نايف: كتبتها بس عشان الشباب ياخذونها عظه وعبره انا اخته .نايف الله يرحم ذاك الوجه كان موضف امن عام .دوريات.وكان موضف في الدمام وكان ابوي يطالب بنقله لإنه جدآ بعيد واحنا في الجنوب تخرج المرحوم من الثانويه وتوضف وكان نايف اكبر اخواني وخواتي عندي غيره 2 اخوان واحد بالثانوي والثاني بالابتدائي ولاكن كان ابوي يعتمد ع نايف في اصعب الامور وفي اتفهها وبعد م تعين نايف بالشرقيه تعب ابوي وخصوصآ لإنه رجال تعبان وعنده ضغط وعنده ورم وكان نايف مريحه وبعد ما توضف نايف توقع ابوي ان فارس اللي بالثانوي بيكون زي نايف ولاكن العكس كان فارس عصبي حييييل وشرير ولا يهتم في ابوي ذاك الاهتمام إذا عجبه الامر نفذه وإذا ماعجبه تركه وترك ابوي يسويه وصار فارس يضغط ابوي كثير ويعصب ابوي منه واغلب الاحيان يروح المستوصف وياخذ ابره مهدئه للضغط بسبب فارس الله يهديه وكان اكثر عناد فارس بسبب ان ابوي يقول نايف ونايف يعني يمدح نايف ويدعي له وبهالحركه يعاندنا فارس اكثر المهم كان نايف محبوب بشكل خيالي كان عند عماتي واعمامي وخالاتي وجدتي يسوى هالدنياء ومافيها وكان نايف يحبهم لاكن كان يعشق امي ويموت فيها اكثر ودايمآ يقولي اتمنى اتمنى ان امي تطلبني شي صعب وغالي واجيييييبه لها بلمح البصر وكانت امي تحبه اكثر منا ي الباقين وابوي نفس الوضع كان نايف مو ملتزم بس يصلي ولا يغضب امي وابوي وخلوق جدآ ولايكذب لو يموت ابدآ بس انه يسمع اغاني ويلعن ويتهرا يعني فيه اطباع زينه واطباع شينه كان في سن الزواج وكانوا اهلي يحاولونه يتزوج بس كانت علاقتي انا ونايف قويه كان يعشقني اكثر اخواني وخواتي وكنت ابادله نفس الشعور كان يقولي كل اسراره وكنت اقوله كل اسراري وعشان كذا كنت اتمنننى يتزوج صديقتي الروح بالروح وقلت له وقال خلاص عشان خاطرك والله م اتزوج غيرها ورفض راي اللي يحاولونه ببنات غير صديقتي بس م كانوا عماتي وخواتي يبونها بس عاندهم وقال مستحيل اتزوج الا اللي تبيها ساره وقالي قبل وفاته خلاص ي ساره كلمي صديقتك وكلمتها ووافقت وزعلوا مني العايله بس اهو فهمهم المهم دق علي مره وقالي ي سوير نزلت إجازتي شهر كامل كانت فرحه خياليه وجلست اصييح وهو يكلمني ماكنت مصدقه بس كانت في شهر ثمانيه بس يوم كلمني في شهر خمسه المهم كنت انتظر توصل إجازته وكنت ناويه اسوي له حفله تجتمع فيها كل نفس تحب نايف وماخليت احد ماعلمته من زود الفرحه والشوق لشوفته وصار المحظور وكان عنده اوف وطلع من الدمام يبي يسمر مع شباب في الرياض وصار له حادث وتوفى الله يرحمممممه ويغفر له توفى وكانت الصدمه قويه كذبت الناس وطلعت الحريم في العزاء من بيتنا اقول كذب كذب مامات نايف نايف عنده إجازه بعد شهر وبيجي وبشوفه وانتوا جاييني تقولون مات نايف اطلعوا من بيتنا ي كذابيييين اسال الله يغفر لي كانت وفاه نايف مصيبه دخل ابوي المستشفى ودخلت امي بعد المستشفى ولحقتهم انا هذي كلها يوم الخبر المر دخلت انا غيبوبه ودخلتني وفاه نايف حياه صعب تستمر وتعيسه وتركت دراستي ماعاد ابي شي سوا اني اموت والحقه وابوي انجلط وامي صار فيها حاله نفسيه وفارس صارله انفصام شخصي واختي الكبيره كانت حامل ويوم علموها سقطت كانت وفاه نايف مصيبه عظيمه مااحد تحملها راح نايف وتركنا للمعاناه راح وتوقعنا انه في نعيم لإنه كان انسان طيب وفي ليله من الليالي تمنيت اني توفيت قبل اشوف ذاك الليله المره تحلمت بنايف لعل وعسى الله يرحمه شفته بقبر ضيق وعنده ملوك يعذبونه ويوم شافني صاح بصوته كله وكان واحد يدخل في اذن نايف صيخ احمر من شده الحراره ويطلعونه مع اذنه الثانيه و على هذا الموال وكان فيه ملوك يجلدونه ويولعون في اصابعه كنت ابكي واصيح واحاول واقول ليش تسوون فيه كذا قال وهو يصيييح ي ساره الله لايسامح محسن دواس وشعراء الجنوب فبكيت انا وهو يردد هذه الكلمه وكنت اساله وملحه بالسؤال منهو محسن دواس ووش دخل شعراء الجنوب وبلاخير وقفوا التعذيب وخلوه يتكلم قال ي ساره الاغاني الاغاني بهذلوني بسببها ي ساره شوفي لي حل تكفين ي ساره احرقوني يدخلون الحديد في راسي ويحرقون اصابعي وبعدها بكى وماكنت اشوف الدموع من شده سواد وجهه قلت ي نايف وش اسوي قال ي ساره ليت الذنب كان اختصار ع نفسي لاكن يحرقوني بالحديد لإني كنت ارسلها ع القروبات فالواتساب وارسلها للشباب إذا اعجبتني كنت اتمنى ان بيدي حيله وانفع نايف حتى لو احط نفسي مكانه قلت ي نايف علمني وش اسوي واسويه قال تواصلي مع اخوياي وخليهم يمسحون كل شي قد ارسلته لهم وقلت خلاص وبالنهايه وهو منحني ع بطنه و يبكي جاو واخذوه اللي يعذبونه التفت فيني وقال هنيييييييكم ي اهل الدنياء يمديكم تتوبون وتعدلون مصيركم انا ماعاد يمديني وماعاد اقدر اسوي شي فكنت اترجاهم اقول تكفون خلاص لاعاد تعذبونه وكنت احاول ابعدهم عنه قال واحد من اللي يعذبونه هو يدري انها حرام ومع ذلك يتسمعها وعارف ان لها عذاب شديد واختار طريق الجحيم وترك النعيم وشوفي وش اخذ من الدنياء ومشوا وتركوني طايحه ابكي قهر مافي يدي حل واساعد اغلا انسااان عرفته واساعده وصحيت من الحلم وتعذبت وبكيت من هالحلم اكثر من مابكيت في وفاته صحيت وكنت افكر كيف اتواصل مع اخوياه تذكرت ان له جوال عندنا بالديره رحت وفتحته وحصلت القروبات وكل شلته واخوياه وطلعت رقم جديد وراسلتهم منه لإني ماابيهم يعرفون اني اخته وقلت ي شباب انا صديق نايف بالعمل وتحلمت به يقول خل اخوياي يمسحون كل شي قد ارسلته لهم لإنه يتعذب وتكفون امسحوها على وعسى ينتهي عذابه او تنفعونه كلهم انصدموا من كلامي وكذبوني واتصلوا علي ولا ارد عليهم وقالوا احلف انك صادق وحلفت لهم كلهم يحبونه وانصدموا وهاوشوني وتلفضوا علي قلت لهم انا احبه اكثر منكم قال واحد اللي اسمه محمد هو صديق المرحوم الروح بالروح انا م اقدر امسح اي شي لنايف والجوال اللي كان يراسلني عليه نايف خبيته ولا استخدمه بس لما اطفش اروح اقرا رسايل نايف واتسمع مقاطعه قلت حرام عليك تكفى ارحمه لإنك تتسمعها وهو يتعذب زياده قال انا احب نايف ومستحيل افرط في اي رساله ارسلها لي نايف وحاولت اقنعهم وكلهم صدقوني وقالوا خلاص بنمسحها وبالليل الثاني تحلمت بنايف ماعاد يجلدونه ويحرقون اصابعه بس انهم باقي يدخلون الاصياخ في راسه وسالت مشايخ قالوا لي يوم يجلدونه ويحرقون اصابعه عشان انها اصابعه اللي ترسلها ويوم مسحوها الشباب انتهى الذنب هذا بس باقي عذاب نفسه لإنه يسمعها والله يرحمك يانايف ياشباب،،،،،،اضن ان من سمع او قرا هذا الكلام مستحيل إذا فيه عقل باقي بيتسمع الاغاني لإنها عذاب ماله حل ولانقدر ننفع من وقع فيه الا في الحياه واما إذا مات فلا احد يقدر الا شديد العذاب اسال الله ب اسمائه الحسنى وصفاته العلى ان ينهي عذاب نايف ويدخله تحت رحمته وتكفون توبوا من مزامير ابليس وادعوا لنايف