المساعد الشخصي الرقمي

مشاهدة النسخة كاملة : خالتي الخبيثه.


مشكلتي
03-23-14, 04:55 AM
السلام عليكم~
عندي خالتي اخت امي من ابوها اكرها كره ما يعلم به الا الله ثقيلت دم وفيها خبث وكمان عيانه لا تقولون حرام عليك تقولين عن خالتك كذا :wed39:لو كنتو مكاني وشفتو تصرفاتها تكرهونها .
بعد وفات والدي الله يرحمه جت جلست معنا في البيت شهر وكم يوم والله والله من بعد عزاء ابوي وهي موجوده يا النمل انه كثر في بيتنا وحتى في المطبخ حتى اذا نضفته بديتول ودواء الغسيل موجود النمل بسبب عينها جعلها الفقع هي عانتنا على بيتنا لانه ملك وكمان قديم بس فيه 3 شقق مأجرينها وموقعه حلو حاسدتنا على البيت وعلى كل شي ورثناه من ابوي الله يرحمه بس ماديتنا متوسطه مو غني عشان تحسدنا .اكيد بتقولون كيف عرفتي انها حاسدتكم وعائنتكم على البيت من الاحلام الي نشوفها فيها حسبي الله عليها حتى اختي المسكينه حاسدتها على لقمه لان اختي سوت ساندويشه لها ولخالتي واكلو مع بعض لان اختي كانت تاكل بسرعه وهي تناضر فيه خلصت اختي وراحت غرفتها الا تصيح وتبكي وتقول احس اني مخنوقه ودقات قلبها سريعه وخوف وبكاء وترجع بكثره وتحلمت فيها اختي وودينا اختي لشيخ وقراء عليها وقالت له عن الحلم الي حلمت به في خالتي قال خالتك حاسدتك على لقمه وقال خذو من اثرها واخذت اختي من اثرها والحمد لله تشافت .
خالتي هذي ابوها الي هو جدي عنده بيت مللك بس دور مو زي بيتنا وجدي مو موضف يستلم راتب من الضمان وعندهم غنم وبقر اما ابوي الله يرحمه مدرس ومبسوط حتى جدي يحسد ابوي وكان دايم يقولي وين يودي ابوك فلوسه ليش ما يعطيني منها والله يا ابوي الله يرحمه انه في كل زياره يعطيهم فلوس ويقضي لهم لاكنهم حسودين واكره جدي لانه سحر ابوي الله يرحمه حتى يكره امي الله لا يسامحه ويرد سحره عليه .
ودايم تسأل خالتي هاه نزلو لكم راتب ابوكم ولا باقي حتى في ثاني يوم من العزاء جت عندي وقالت كم في رصيد ابوك وكم ارضيه عنده طنشتها وطلعت من الغرفه .خالتي هذي لعينه طبعاً حتى تقول لي انا واختي بعد عزاء ابوي الله يرحمه وشب امك ما بكت على ابوك والله ما شفت دمعتها على خدها في عزاء ابوك وش يقولون عنها الناس اكيد بيقولون انها تكره ابوك حقيره ملعونه خالتي ولا يشرفني انها تكون خالتي . امي حزينه على فراق ابوي بس ما يبين عليها انا اعرفها بس خالتي كلبه .
دايم ناشبه لي وتقولي بتشوفين عمتك اخت ابوك بتقول عني في الصيفيه انك عانس وبتتكلم فيكم .تبغى تكرهني في عمتي اخت ابوي ودايم تقولي انا ابي اخطب لااخوانك لان اخواني اصغر مني فتبي تقهرني خبيثه كرهتها عمري 27 سنه والله ما ينقصني شي بس النصيب مره هزت ثقتي في نفسي احس ان فيني عيب هي متزوجه خالتي وعندها بنت بس تزوجت وعمرها في الثلاثينيات ودايم تقولي ابي اخطب لااخوانك لازم يتزوجون ترى اخواني اصغر مني بس هي شكلها تبي تقهرني قلت ليش تبين تخطبين لااخواني قالت عشان اقهر عمتك ~
على فكره خالتي هذي استغفر الله انا لبسي احلى منها وشكلي احلى منها وجسمي وكل شي حقيقه والله ما اكذب بس ليش دايم تفتح سيرت الزواج اذا صرت مو جوده . ودايم انا بخطب لااخوانك وتكررها علي كلمتها جرحتني يوم قالت الناس بيقولون عنكم عوانس .
على فكره عندها اخت عمرها 30 ولسى ما تزوجت .
لما عرفنا انها هي الي حسدتنا في البيت انا واخواني وامي قررنا ما تدخل بيتنا نهائياً .وعرفت من امي انها تبي تظغط عليها تتنازل عن حقها اذا توفى جدي شفتو الملعونه اقولكم خبيثه اكرها وتوبه با قي تدخل بيتنا ~
وعلى فكره عندي اختي الي اصغر مني بتتزوج وانا فرحانه لها والله بس اخاف من كلامها عني او تقهرني ان اختي تزوجت قبلي والي اعجبني في اختي انها ماراح تعزم خالتي على زواجها لانها تكرها ~
تكفون يا بنوتات يا حلوات ادعولي بزوج الصالح الا عزب الي يسكت خالتي الخبيثه وكل وحده تجرحني ~
والله اني احبكم عشان كذا فضفضت لكم .
ايه نسيت ابي اوقف خالتي عند حدها ولا تدخل بحياتي ولا با اخواني ~
يا اداره تكفوووووووووون نزلو مو ضوعي وابي ردود كثيره حتى استفيد حتى لو دعوه ~:19632-:
. الكل يدخل ويساعدني~

مهند ال سعيد
03-23-14, 05:01 AM
المساعده
نقول الله يعينك
اما نجرد انفوسنا من اخلاقنا وندخل في حياتكم الشخصيه بين بنت وخالتها
صحيح انا مواضيعك اجتماعيه وملفته لاكن البعض يعتقدانها صحيحه
واقعيه وهي مجرد خيال وتجميع قضايا من الخيال
مثل قصص كان ياما كان
اتمنى لكي حياة سعيده وتجدين المساعده ممن يعرفك
اخوك
مهند

مشكلتي
03-23-14, 05:07 AM
المساعده
نقول الله يعينك
اما نجرد انفوسنا من اخلاقنا وندخل في حياتكم الشخصيه بين بنت وخالتها
صحيح انا مواضيعك اجتماعيه وملفته لاكن البعض يعتقدانها صحيحه
واقعيه وهي مجرد خيال وتجميع قضايا من الخيال
مثل قصص كان ياما كان
اتمنى لكي حياة سعيده وتجدين المساعده ممن يعرفك
اخوك
مهند
الله يسامحك والذي لااله الا هو ان الي كتبتها عنها انه صدق وانها تضايقني في حياتي وتنكد علي ونظراتها لي نظرات غريبه ليش لاني ما تزوجت كن الزواج بيدي .
ليش فتحتو هناء قسم لمشكلتي عشان الناس يكتبون ويفضفضون للي يضايقهم~وتساعدونهم ما تقولون قصص من خيالكم .

مهند ال سعيد
03-23-14, 01:41 PM
الله يسامحك والذي لااله الا هو ان الي كتبتها عنها انه صدق وانها تضايقني في حياتي وتنكد علي ونظراتها لي نظرات غريبه ليش لاني ما تزوجت كن الزواج بيدي .
ليش فتحتو هناء قسم لمشكلتي عشان الناس يكتبون ويفضفضون للي يضايقهم~وتساعدونهم ما تقولون قصص من خيالكم .


اختي الكريمه
كان كلامي فيه نوع من التهجم على شخصك الكريم
وخطيت في حقك اسف ولاكن على ما اسمع في المواقع
النقاش وطلب النجده والنقدوطلب حل المشاكل
يكون الحديث على بساط احمدي
اختي العزيزه كلامك قوي وكلامي يبعدالمحرم عنك ويجعلك
في واد وديننا وعوايدنا في واد
اختي ارجوماتزعلي من اخوك مهند
انا معاك وليس ضدك الحسد والبخل والنفاق
محد يبيه لاكن يحاول يقوم بنصح قبل أن ينشر عن اخوه المسلم
كلام يسي له والقبيلته وهل بيته والقريب والجار
اختي
اكرراسفي
اخوك
مهند ال سعيد

آلمتفائله
03-23-14, 03:25 PM
اولا : ارجو مراعاة مشاكل الاخرين واعطاء الحلول المناسبه لهم لأنه قسم مشاكل

اما انتي يا اختي انا اشوف دام خالتك هي حاسدتكم خذو من اثرها

ورشو على بيتكم من اثرها وتغسلو منه او اشربو

اما عن الزواج ومدري ايش فلا تخليها تأثر عليك سلبيا

لوقالت انتي عانس ولا ماجاك نصيبك قولي والله ماجى اللي يستاهلني

افضل اكون عانس ولايجيني واحد خبيث او تجي امه ولا خالته خبيثه ولا العايله كلها شينه < دقيها بالكلام :x38:

اما اخوانك اتفقي انتي وياهم يزبدون لها لو قالت بزوجهم يقولون لها امي الي بتزوجنا مو انتي

واعرف قريبه لي وربي ماتزوجت الى الان وعمرها 37 سنه

وعايشه حياتها عادي ولا مأثر عليها هالموضوع فلا تخلين خالتك تأثر عليك سلبيا

وكل مابتجي عندكم صرفوها بس امك كيف تصرفت معها يعني ماوقفتها عند حدها للآن ؟؟؟

البَرِنسَ
03-23-14, 06:11 PM
وعليكم السسسلام ورحمه الله
اول شيى ربي يرحم والدكِ ويسكنه فسيح جناته
شايف ف كلامك الكثير من الحرقةة من خالتك ربي يهديها
وكنت اتمنى انك شوي تحترميها خصوصن ف بعض السطور
وبخصوص انها عيانة وكدا حاولوا انكم دايم تحصنوا نفسكم
وان صح كلامكِ ف احس شيى تقطعوا علاقتكم فيها نهائي
حتى لو الهرجة فيها قطع صلة رحم .. بس استغفر الله الواحد وش يحده
على القلق ووجع الرآأس << جزاك الله خير ع النصحيةة :icon10:
وان شوفتي هذا الشيى صعب عليكِ .. حاولي انك لا تحتكي فيها ابدآأ
كل م تجي عندكم البيت .. انفري منها < متعوب عليها الكلمة :MonTaseR_97:
وربي يرزقك بالزوج الصالح اللي يستاهلكِ وتستاهليه

اللورد يحيا
03-23-14, 07:45 PM
جت جلست معنا في البيت شهر وكم يوم

من الواضح أن خالتك الان ليست معكم في نفس المنزل

ومادام إنكم تكرهونها من الافضل تبتعدون وتتجنبون عن الاحتكاك بها والسوالف معها

ومن الأفضل تعقدون أنتي وأهلك مع والدتك إتفاق بأنكم تقولون لخالتكم أنها جلبت لكم المتاعب وأن تقل زياراتها لكم

والسؤال اللي يطرح نفسه : وين زوجها ووين أولادها ووين بيتها أيعقل تركت كل هذا وتفرغت لسكن معكم بعد وفاة والدك ؟

يجب عليكم تحصنون انفسكم كل صباح وكل مساء وتقرأون سورة البقره داخل البيت وتطمني يا أختي من كان مع الله يكون الله معه

أتمنى إني أفدتك

مجرد وهم
04-18-14, 10:08 PM
الله يرحم والدك
وخالتك الله يهديها ولا ياخذها

^نورهه^
10-11-14, 12:44 PM
حقريها ولاتعطينها وجه واذا جات عندك قولي لها انا بنام صرفيها واذا قالت لك بزوج اخوانك قولي لها اخواني ماطلبو منك تزوجينهم واذا قالت عمتك تقول عنك عانس قولي الي اكبر مني ماتزوجو ولاتتريقي على احد لان عندك بنت يمكن يجي احد ويتريق عليها واذا سالت كم فيه رصيد ابوك قولي مالك دخل اوقولي لها ماادري واحسن لك انك تطنشيها وربي انها تروح من حالها واذا جات عندك حطي نفسك تتكلمين بالجوال لين ماتروح هع^بالتوفيق لك ^


SEO by vBSEO 3.6.1