ماجد بن خرصان ~ الفجوج تضيق

[ماجد بن خرصان]

الفجوج تضيق




الفجوج تضيق // ..والهم يحداني
لين صار اقرب //لصدري من زراره
قلت ياهمي وياضيقي // ..تراني
ضايقً من قبل تاتيني // . .. وتاره
ابتسم واقول //حظي والله جاني
لين اشوف الحظ عاكس لي مساره
حظي اللي تاب مني // مايباني
شافني ساكت . وخذها بالشطاره
وهو يبا مني " اجيه بوجه ثاني"
والا انا مقدام . . في راسي نعاره
يازماني//يكفي اللي بـ المحاني
كيتك الاولى //.. مثل قدح الشراره
دنيتي ماعشت فيها غير"اعاني"
وبقفي // ومامعي لا قصر وعماره
شاعرً جزل وقصيدي شي ثاني
بانيً للقاف والمعنى // . . . اماره
من تحداني // وجاني ثم لقاني
تاه تاه // . . . وماقدر ينظم عباره
لاكتبت الشعر..صح آلله لساني
صفق الجمهور // من قلب بحراره
لاني جمهوري كذا ياخذ مكاني
يعيش حالة شاعره //بعد انكساره
والرفيق ان ضاق به وقته دعاني
واقبل // . .. وماوقف الا عند داره
احتزم للطيب الوافي //..وماني
اجحده // . .واجحد فعايله ووقاره
والردي راعي القفا جعله فداني
والله انه عار // واكبر من خساره
ليت يكتب في جبينه ي اخواني
ذا [ ردي ]واتجنبه شف ذا شعاره
يالله اني كاتم بصدري 'اماني'
وان تحقق لي بعضهاا ذي بشاره
" كانها لي خير "حققها تراني
انتظر فرحات عمري // وانتصاره
يالكريم // اللي ليا منه عطاني
مدته مثل المطر // .. وقت انهماره
اشكرك واحمدك ياربً كسانـي
صحةٍ في الجسم من قبل انهياره



ماجد بن خرصان

[المتبلد]

صح لسان شاعرها وصح لسانك ع النقل

[الامير]

يعطيكم العافية على الابيات الرآئعه..
سلمت لنا آناملكم على هذا الاختيار الراقي والمميز
في انتظار جديدكم بكل شوق وود

:ah11:http://www.al2la.com/vb/images/al2la%20Smiles/MonTaseR_205.gif:ah11:

[صمتي جوابي]

كم هي رائعه حروفك
ورسمها اروع من الورد
تهب علينا نسائم حروفك الشذية
فلا يستطيع القلب الا التحليق معها
في هذه اللوحة وشذا الاسلوب الراقي ...
عجزت الحروف عن مجاراة هذا البوح
وخار القلم أمام هذا الابداع
سلمت على هذا الطرح الراقي
والى مزيد من التألق..
أح ـترآمي لك..