امي تكرهني :(

[مشكلتي]

السلام عليكم ورحمة الله وبركاته
انا بنت عمري 15
امي عليها حركات توضح انها تكرهني
دايما تسبني وتحطمني وتكرهني في نفسي
واسلوبها مع اخواتي غير !!! تحبهم وتعطيهم اي شي يبونه
وكل ما اسوي لها معروف م تقول شي بس لما ما اسوي لها تقول م منك فايده
كل م تشوفني فرحانه تخرب فرحتي
وكمان لما اجلس معها تقعد تصرخ وانا م سويت شي
وما صرت اجلس معها دايما اجلس لحالي
دايما تفشلني قدام الناس وتضربني قدامهم
دايما افكر في الهرب او الانتحار !
انا تعبت من حياتي ودايما اتمنى الموت
وقبل اسبوع كانت مسافره لمدة م تدرون قد ايش ارتحت مافي احد يصرخ علي ولا يهينني
ولما رجعت قاعدة تطالع فيني بحقد وانا م سويت شي
ولما تهينني انا ساكته ما اقول شي تحسب انو م عندي مشاعر
واختي الثانيه مررره احبها وتحبني وهي متزوجه دايما اتمنى اني اسكن عندها وارتاح من الهم
ابوي يحبني اكثر وحده وخايفه اقوله عن امي ويتعب لانه كبير في السن
ودايما ادعي في صلاتي انو الله يهديها وادري ان الله يمهل ولا يهمل
اتمنى تساعدوني ولا تجرحون مشاعري :MonTaseR_203:

[ألانـــَْيــُٰقے ‏،]

عااادي عااادي
يوم كنت بعمرك انا
كنت اتوقع اني مو ولدهم من كثر الضرب هههههه
بس يوم كبرنا عرفت ان اللي كنت افكر فيه غلط
بعض الامهات كذا . تضرب وتخاصم وتسب
وتميز حتى بين ولدها الصغير والكبير . واكيد الحب كله للصغير
بس عاادي كل الامهات كذا طبعهم
ولكن تاكدي انها تحبك ومستحيل تكرهك او تحقد عليك
وبعدين مهما تسوي فيك هذي امك ولازم تبرين فيها
انتي اصبري وتحملي ولك الاجر عند الله

[اللورد يحيا]

الأم ماعمرها كرهت ضناها مهما قست عليه

أكيد أمك رأت منك إهمال داخل المنزل فحق من حقوقها كأم أن تقسى عليك

نصيحتي لك : إبتعدي عن الجلوس الطويل خلف الكمبيوتر أو الجوال أو التلفون أو النوم الدائم لأنك ستصبحين منبوذه أمام أهلك ..

يجب أن تقومين بواجباتك العمليه من مساعده لوالدتك داخل المنزل حتى تكونين محبوبه أكثر في نظر والدتك وجميع أهلك

أتمنى لكِ التوفيق

[آلمتفائله]

هههههه هالمرحله كلنا مرينا فيها وهي مرحلة المراهقه

المراهق يفكر بهالطريقه داايم لان عقله ينتقل من الطفولي الى النضج

ويبدأ يفكر ويحلل اشياء مالها صحه ويكون حساس بشكل مو طبيعي

وفعلا مثل ماقال خاطري لدرجه نفكر انو احنا مو عيال اهلنا

يكون عقلنا مشتت وتفكيرنا وقراراتنا مو متزنه

وحلو انو اختك الكبيره قريبه منك وتحبك هذا شي جيد

بتكون عارفه شخصيتك وتراعيك لانك في مرحله صعبه

الله يخلف علينا والله محد حولنا هههههههههه ومع كذا مشينا حياتنا
وعشنا تخيلاتنا بس لمن كبرنا اكثرر وقرينا اكثر عرفنا انه في سن المراهقه الكل يفكر بنفس تفكيرك

صدقيني لمن تكبرين اكثر رح تستوعبين كلامي هذا وساعتها بتضحكين على نفسك

مثل ماضحكنا على انفسنا .. وامك تحبك وتمووت فيك وانتي قدريها يعني بحكم انه عندها شغل كثير

وطبخ غداء وتهتم فييكم حاولي تتقربين منها وتساعدينها او عطيها كلمه حلووه

ورح تتغير ان شاء الله واكيد اختك الكبيره مرح تقصر بتكلم امها

حتى تخف عليك من الهواش وتتقرب منك .. وامك كبيره بالعمر يعني هونيها وتهون

وربي يسعدك ياارب ويحفظ اهلك لك ويحفظك لهم

[نداء الروح]

السلام عليكم ..
اعذروني أول شيء ببدأ باللي ردوا عليها ..
الأنيق والمتفائله ..
على كلامكم أنو عآدي كلنا كذا .؟
يعني معقول لما كنتو بعمرها تجي أمكم تضربكم بدون سبب وقدام خلق الله !!!
وتصآرخكم لا جلستوا معها !!!
كونوا وآقعيين .. شووي
وترا هي مو صغيره عشآن عآدي تنضرب كل شوي ..
البنت ذي من كلامها بريئه وتقول ماسوت لها شي ..!
يا حبيبتي و يا أختي ..
أمك ما تكرهكك لانك بنتها و دام تحب آخوانك وخوآتك ...
بس انتي فكري في نفسك وفكري أيش اللي سويتيه وزعلتي أمك ..؟؟
أو أي شيء ما ترضى أمك فيه ..
ويمكن أمك سمعت من أحد عنك وماقالت لك ..
يمكن انتي عارفه السبب وماتدرين ان ذا شي يزعلها .؟
يمكن انتي ماتلبي طلباتها .!! أو ...... الخ
واذا أمك كبيره بالسن تحمليها .. لان كبار السن عليهم حركات غريبه ...
وممكن تعبانه بأي شي .. < بعيد الشر عنها
سآعديها في أي شي .. قولي لها تبين شي اسويه لك.. ؟
أو سوي أي شي بدون ما تطلب منك ..
حبي راسها ويدها كل ما تصحين ..
وقولي لها ولو بجمله وحده ( الله لا يحرمني منك )
راح تلقينها تضمك ..
ويمكن بعد هالشي راح تقولك ايش اللي ضايقتيها .!!
وبتتفاهم معاكي .. وبتقول لك الاسباب اللي خلت أمك تتعامل معاكي كذا ..
واذا ماقالت لك شي .. حاولي تسأليها بأدب .. وان شاء الله ترد عليك بطيب نفس ..
-
وعلى فكره
لا تفكري من كلامي ان مافي زي أمك تضرب عيالها بالعكس الكل ينضرب لكن بأسباب ..
وزي ماقالت المتفائله كلمي أختك ع الوضع اللي يصير
عشان تتفاهم مع أمكم .. : )
-
والله يعينك ويخليكم لبعض ..
:رحيق:

[الماكر الحنون]

السلام عليك
يااختي امك لايمكن تكرهك لانك قطعة منها مستحيل الام تكرهـ ممكن يكون عندك تصرفات تغضبها او شافت منك اهمال في امور البيت مثل ماذكر اخوي صائد انا انصحك بالدعاء لها ومجالستها والعطف والشفقه عليها ومهما عملت فيك فهي تضل أم رحيمة حنونه عطوفه وسأل الله الكريم أن يصلح حالك ويهديك الي سواء السبيل .

[ألانـــَْيــُٰقے ‏،]

[quote=نداء الروح;429420]السلام عليكم ..
اعذروني أول شيء ببدأ باللي ردوا عليها ..
الأنيق والمتفائله ..
على كلامكم أنو عآدي كلنا كذا .؟
يعني معقول لما كنتو بعمرها تجي أمكم تضربكم بدون سبب وقدام خلق الله !!!
وتصآرخكم لا جلستوا معها !!!
كونوا وآقعيين .. شووي
وترا هي مو صغيره عشآن عآدي تنضرب كل شوي ..
البنت ذي من كلامها بريئه وتقول ماسوت لها شي ..!
وعليكم السلام
القصد من كلامي يا نداء
انو يوم كنت بعمرها . كنت من اي ضربه من اهلي . او تصرف ضدي
ب سبب او بدون سبب
اقوم الدنيا كلها . واقول في نفسي . اهلي يكرهوني واهلي مايحبوني راح اهرب من البيت كله
نفس حالت هالبنت الحين صاحبه هالمشكله
عشان كذا اقول عادي لو فكرت هالبنت كذا . لانه كلنا مرينا فيها وحنا بعمرها
والقصد انو البنت تشيل هالافكار من راسها وانو امها ماتحبها وتحقد عليها ووالخ
لانه غلط بغلط و مو صحيح
لكن ممكن البنت عليها تصرفات تزعل امها منها
وهي مو ملاحظه ع نفسها

[نداء الروح]

الانيق ..

معليش اذا كان قصدك كذا
انا يوم قفلت المنتدى بعد ردي لكم
فكرت وتوقعت انو ممكن كذا تقصد ..
وصح الاغلبيه يقولو اهلي يكرهوني ومن هالكلام ..
من نفسيتهم بعد الضرب من الأهل يقولون كذا ..

وآسفهه ي أخوي
وشكرا :رحيق:

[ألانـــَْيــُٰقے ‏،]

لا عادي ماعندك مشكله ولو
ما صار شي .. خذي راحتك
ويامرحبا بك

[دانه]

ياغلاتي لاتكبري الموضوع واكيد مافي ام بادنيا تكره بنتها او ولدها
وكثير منا مر بها المرحله على قول الانيق نحس اننا موعيالهم
اهم شي تسمعين كلامها وماتضجري منها تقربي منها حاولي تكوني معها
في كل محل ساعديها حتى لو ماطلبت منك
والام تحب البنت الي تكون يدها بيد امها في كل شي
ومع الوقت راح تحسي باالفرق اهم شي ماتعانديها
الله يهدي سرك

[المنفلوطي]

دعينا نتفق أنه الام مستحيل تكره بنتها أو ابنها كما قالوا اخواني واخواتي

وثانيا افعلي الامور التي والدتك تحبها

وابعدي عن مايزعجها أو يعكر صفوها

وإن شاء الله سوف تتغير نظرتك كثير

بالتوفيق