محتاره وابي مساعدتكم

[مشكلتي]

السلام عليكم

انا طالبه في اولى ثانوي بكره راح يخلونا نحدد نبغى علمي او ادبي
طبعا استخرت وودي ادخل علمي بس خايفه من القدرات والتحصيلي والقياس تلعب في معدلي
ولما افكر ادخل ادبي اشوف انه سهل بس انا مايعجبني لانه اقسامه بالجامعه قليله ومحدوده عكس العلمي
طبعا استشرت كمان ابوي وامي واخواني
ابوي وامي يقولون علمي
واخواني فيه منهم من ينصحني ادبي وفيه علمي
وبنات عمي كلهم يقولون لي ادبي
وجدا جدا محتاره وخايفه

تكفون ابي رايكم ومشورتكم

[ألانـــَْيــُٰقے ‏،]

الظاهر هاذي نفس المشكله اللي رديت عليها قبل شوي
المهم نرجع ونقول
انتي تشوفين نفسك وين
كلام اهلك وبنات عمك راح يكون على اللي يشوفونه مناسب لهم هم
وعارفين انفسهم انهم ما راح يموشون الا با هالتخصص . مو كل الناس سوا
لكن انتي ادرى بنفسك اكثر منهم
بس الاكيد ان العلمي افضل بكثير من الادبي
ومن ناحيه القدارت والقياس وماني عارف ايه . هذي لا تشيلين همها سهالات ان شاء الله
والله يوفقك يارب

[اللورد يحيا]

إذا تبين مستقبلك يكون أفضل فعليك بالعلمي ولكن لازم تشدين حيلك زين لأنه يحتاج شخص تعود على الإجتهاد في السنوات الماضيه

أما إذا كنتي ترين بأن لديك ميول للإهمال أو لديك أعمال قد تلهيك عن الإجتهاد فعليك بالشرعي

ولكن قبل كل شيء لابد أن تستخيري ولا تستشيرين أحد من بني البشر لأن الأمر يخصك أنتي لوحدك وهو مستقبلك

أتمنى لكِ التوفيق والنجاح

[آلمتفائله]

مثل ماقال صائد هذا مستقبلك انتي

العلمي مجالاته كثيرره ولكنها صعبه جدا واذا انتي قد العلمي ادخليه

وحطي ببالك انه العلمي كرف في كرف مو زي الادبي

انتي حره بالمجال اللي تتخصصينه شوفي ميولك ويين

وماعليك من بنات عمك او خالك هم ميولهم ادبي حق لعب وفله

وانا بقولك بما اني كنت ادبي هو فله وحق لعب فيه مجالاات ولكن مثل ماذكرتي قليله

لكن العلمي غيير صعب كثير وصديقاتي كلهم علمي ولكن ماعندهم راحه ابد

بس مجالاته في الحياه بتلذك لان تعبك بدراسته ماتروح ع الفاضي

وانتي حره قرري انا الحين عطيتك الفرق بين العلمي والادبي
ربي يوفقك ويسهل امورك